2 Rois 18.10
Vulgate

Jusqu’à la chute du royaume de Juda

Règne d’Ézéchias sur Juda

¹ anno tertio Osee filii Hela regis Israhel regnavit Ezechias filius Ahaz regis Iuda
2 Rois 16.2 Matthieu 1.9-1.10 2 Rois 15.30 1 Chroniques 3.13 2 Rois 18.9
² viginti quinque annorum erat cum regnare coepisset et viginti et novem annis regnavit in Hierusalem nomen matris eius Abi filia Zacchariae
2 Chroniques 29.1-29.2
³ fecitque quod erat bonum coram Domino iuxta omnia quae fecerat David pater suus
2 Rois 20.3 Exode 15.26 1 Rois 3.14 1 Rois 11.4 2 Rois 22.2
⁴ ipse dissipavit excelsa et contrivit statuas et succidit lucos confregitque serpentem aeneum quem fecerat Moses siquidem usque ad illud tempus filii Israhel adolebant ei incensum vocavitque eum Naasthan
2 Chroniques 31.1 Nombres 21.8-21.9 2 Rois 18.22 Jean 3.14-3.15 2 Rois 16.15
⁵ in Domino Deo Israhel speravit itaque post eum non fuit similis ei de cunctis regibus Iuda sed neque in his qui ante eum fuerunt
2 Rois 19.10 2 Rois 23.25 Psaumes 27.1-27.2 2 Chroniques 32.7-32.8 Ephésiens 1.12
⁶ et adhesit Domino et non recessit a vestigiis eius fecitque mandata eius quae praeceperat Dominus Mosi
Josué 23.8 Deutéronome 10.20 Jean 14.15 Jean 15.10 Jérémie 11.4
⁷ unde et erat Dominus cum eo et in cunctis ad quae procedebat sapienter se agebat rebellavit quoque contra regem Assyriorum et non servivit ei
1 Samuel 18.14 2 Rois 16.7 Genèse 39.2-39.3 Psaumes 60.12 2 Chroniques 15.2
⁸ ipse percussit Philistheos usque Gazam et omnes terminos eorum a turre custodum usque ad civitatem muratam
Esaïe 14.29 2 Rois 17.9 2 Chroniques 28.18 1 Chroniques 4.41 Esaïe 5.2
⁹ anno quarto regis Ezechiae qui erat annus septimus Osee filii Hela regis Israhel ascendit Salmanassar rex Assyriorum Samariam et obpugnavit eam
Osée 10.14 2 Rois 18.1 2 Rois 17.3-17.23
¹⁰ et cepit nam post annos tres anno sexto Ezechiae id est nono anno Osee regis Israhel capta est Samaria
Osée 13.16 Michée 6.16 Amos 6.7 Amos 3.11-4.3 Michée 7.13
¹¹ et transtulit rex Assyriorum Israhel in Assyrios conlocavitque eos in Ala et in Habor fluviis Gozan in civitatibus Medorum
1 Chroniques 5.26 Esaïe 37.12 2 Rois 17.6 Esaïe 10.5 Osée 8.8-8.9
¹² quia non audierunt vocem Domini Dei sui sed praetergressi sunt pactum eius omnia quae praeceperat Moses servus Domini non audierunt neque fecerunt
Daniel 9.6-9.11 Deutéronome 31.17 Jérémie 3.8 Deutéronome 8.20 Deutéronome 29.24-29.28

Tentative d’invasion assyrienne

¹³ anno quartodecimo regis Ezechiae ascendit Sennacherib rex Assyriorum ad universas civitates Iuda munitas et cepit eas
Esaïe 36.1-36.22 Esaïe 10.5 Esaïe 7.17-7.25 2 Chroniques 32.1-32.23 Osée 12.1-12.2
¹⁴ tunc misit Ezechias rex Iuda nuntios ad regem Assyriorum Lachis dicens peccavi recede a me et omne quod inposueris mihi feram indixit itaque rex Assyriorum Ezechiae regi Iudae trecenta talenta argenti et triginta talenta auri
2 Rois 18.7 1 Rois 20.4 Proverbes 29.25 Luc 14.32
¹⁵ deditque Ezechias omne argentum quod reppertum fuerat in domo Domini et in thesauris regis
2 Rois 16.8 1 Rois 15.18-15.19 2 Rois 12.18 2 Chroniques 16.2 1 Rois 15.15
¹⁶ in tempore illo confregit Ezechias valvas templi Domini et lamminas auri quas ipse adfixerat et dedit eas regi Assyriorum
2 Chroniques 29.3 1 Rois 6.31-6.35
¹⁷ misit autem rex Assyriorum Tharthan et Rabsaris et Rabsacen de Lachis ad regem Ezechiam cum manu valida Hierusalem qui cum ascendissent venerunt in Hierusalem et steterunt iuxta aquaeductum piscinae superioris quae est in via agri Fullonis
Esaïe 7.3 2 Rois 20.20 Esaïe 20.1 Esaïe 36.2 2 Chroniques 32.9
¹⁸ vocaveruntque regem egressus est autem ad eos Eliachim filius Helciae praepositus domus et Sobna scriba et Ioahe filius Asaph a commentariis
2 Rois 19.2 1 Rois 4.3 Esaïe 37.2 Esaïe 22.15-22.24 Esaïe 36.3
¹⁹ dixitque ad eos Rabsaces loquimini Ezechiae haec dicit rex magnus rex Assyriorum quae est ista fiducia qua niteris
Esaïe 36.4 Psaumes 4.2 Esaïe 37.10 2 Rois 19.10 2 Rois 18.29-18.30
²⁰ forsitan inisti consilium ut praepares te ad proelium in quo confidis ut audeas rebellare
Proverbes 21.30-21.31
²¹ an speras in baculo harundineo atque confracto Aegypto super quem si incubuerit homo comminutus ingreditur manum eius et perforabit eam sic est Pharao rex Aegypti omnibus qui confidunt in se
Esaïe 30.7 Ezéchiel 29.6-29.7 Esaïe 30.2-30.3 2 Rois 17.4 Jérémie 46.17
²² quod si dixeritis mihi in Domino Deo nostro habemus fiduciam nonne iste est cuius abstulit Ezechias excelsa et altaria et praecepit Iudae et Hierusalem ante altare hoc adorabitis in Hierusalem
2 Chroniques 31.1 2 Rois 18.4-18.5 Matthieu 27.43 1 Corinthiens 2.15 Daniel 3.15
²³ nunc igitur transite ad dominum meum regem Assyriorum et dabo vobis duo milia equorum et videte an habere valeatis ascensores eorum
1 Rois 20.18 Psaumes 123.3-123.4 1 Samuel 17.42 1 Samuel 17.44 Néhémie 4.2-4.5
²⁴ et quomodo potestis resistere ante unum satrapam de servis domini mei minimis an fiduciam habes in Aegypto propter currus et equites
Esaïe 10.8 Psaumes 20.7-20.8 Esaïe 36.9 Jérémie 37.7 Daniel 4.22
²⁵ numquid sine Domini voluntate ascendi ad locum istum ut demolirer eum Dominus dixit mihi ascende ad terram hanc et demolire eam
2 Rois 19.6 Amos 3.6 2 Rois 19.22-19.37 2 Chroniques 35.21 Jean 19.10-19.11
²⁶ dixerunt autem Eliachim filius Helciae et Sobna et Ioahe Rabsaci precamur ut loquaris nobis servis tuis syriace siquidem intellegimus hanc linguam et non loquaris nobis iudaice audiente populo qui est super murum
Esdras 4.7 Daniel 2.4 Esaïe 36.11-36.12 2 Rois 18.18
²⁷ responditque eis Rabsaces numquid ad dominum tuum et ad te misit me dominus meus ut loquerer sermones hos et non ad viros qui sedent super murum ut comedant stercora sua et bibant urinam suam vobiscum
Ezéchiel 4.13 Ezéchiel 4.15 Psaumes 73.8 Lamentations 4.5 Deutéronome 28.53-28.57
²⁸ stetit itaque Rabsaces et clamavit voce magna iudaice et ait audite verba regis magni regis Assyriorum
Esdras 7.12 Esaïe 36.13-36.18 Apocalypse 19.6 Ezéchiel 31.3-31.10 Ezéchiel 29.3
²⁹ haec dicit rex non vos seducat Ezechias non enim poterit eruere vos de manu mea
2 Chroniques 32.15 Psaumes 73.8-73.9 Daniel 6.16 Jean 19.10-19.11 Daniel 3.15-3.17
³⁰ neque fiduciam vobis tribuat super Domino dicens eruens liberabit nos Dominus et non tradetur civitas haec in manu regis Assyriorum
Psaumes 11.1 Matthieu 27.43 Psaumes 71.11 Psaumes 71.9 Psaumes 22.7-22.8
³¹ nolite audire Ezechiam haec enim dicit rex Assyriorum facite mecum quod vobis est utile et egredimini ad me et comedet unusquisque de vinea sua et de ficu sua et bibetis aquas de cisternis vestris
1 Rois 4.25 1 Rois 4.20 Proverbes 18.16 Genèse 33.11 Genèse 32.20
³² donec veniam et transferam vos in terram quae similis terrae vestrae est in terram fructiferam et fertilem vini terram panis et vinearum terram olivarum et olei ac mellis et vivetis et non moriemini nolite audire Ezechiam qui vos decipit dicens Dominus liberabit nos
Deutéronome 8.7-8.9 Exode 3.8 Deutéronome 11.12 2 Rois 24.14-24.16 2 Rois 17.23
³³ numquid liberaverunt dii gentium terram suam de manu regis Assyriorum
Esaïe 10.10-10.11 2 Chroniques 32.14-32.17 2 Rois 19.12-19.13 2 Chroniques 32.19 2 Rois 19.17-19.18
³⁴ ubi est deus Emath et Arfad ubi est deus Sepharvaim Ana et Ava numquid liberaverunt Samariam de manu mea
Esaïe 10.9 2 Rois 17.23-17.33 2 Samuel 8.9 Nombres 13.21 Esaïe 37.18-37.19
³⁵ quinam illi sunt in universis diis terrarum qui eruerunt regionem suam de manu mea ut possit eruere Dominus Hierusalem de manu mea
Daniel 3.15 2 Rois 19.17 Exode 5.2 Job 15.25-15.26 Esaïe 10.15
³⁶ tacuit itaque populus et non respondit ei quicquam siquidem praeceptum regis acceperant ut non responderent ei
Psaumes 38.13-38.14 Matthieu 7.6 Amos 5.13 Psaumes 39.1 Proverbes 9.7
³⁷ venitque Eliachim filius Helciae praepositus domus et Sobna scriba et Ioahe filius Asaph a commentariis ad Ezechiam scissis vestibus et nuntiaverunt ei verba Rabsacis
2 Rois 22.19 2 Rois 6.30 2 Rois 22.11 2 Rois 5.7 Esaïe 36.21-36.22