Exode 5.20
Vulgate

Opposition du pharaon

¹ post haec ingressi sunt Moses et Aaron et dixerunt Pharaoni haec dicit Dominus Deus Israhel dimitte populum meum ut sacrificet mihi in deserto
Exode 10.9 Matthieu 10.18 1 Corinthiens 5.8 Ezéchiel 2.6 Jonas 3.3-3.4
² at ille respondit quis est Dominus ut audiam vocem eius et dimittam Israhel nescio Dominum et Israhel non dimittam
Exode 3.19 2 Rois 18.35 Job 21.15 Jérémie 44.16-44.17 2 Chroniques 32.19
³ dixerunt Deus Hebraeorum vocavit nos ut eamus viam trium dierum in solitudinem et sacrificemus Domino Deo nostro ne forte accidat nobis pestis aut gladius
Exode 3.18 2 Chroniques 30.8 Zacharie 14.16-14.19 Ezéchiel 6.11 Esdras 7.23
⁴ ait ad eos rex Aegypti quare Moses et Aaron sollicitatis populum ab operibus suis ite ad onera vestra
Exode 1.11 Luc 23.2 Amos 7.10 Actes 16.20-16.21 Jérémie 38.4
⁵ dixitque Pharao multus est populus terrae videtis quod turba succreverit quanto magis si dederitis eis requiem ab operibus
Proverbes 14.28 Exode 1.7-1.11
⁶ praecepit ergo in die illo praefectis operum et exactoribus populi dicens
Exode 5.19 Exode 5.10 Exode 5.13-5.15 Exode 1.11 Proverbes 12.10
⁷ nequaquam ultra dabitis paleas populo ad conficiendos lateres sicut prius sed ipsi vadant et colligant stipulam
Juges 19.19 Genèse 24.25
⁸ et mensuram laterum quos prius faciebant inponetis super eos nec minuetis quicquam vacant enim et idcirco vociferantur dicentes eamus et sacrificemus Deo nostro
Psaumes 106.41
⁹ opprimantur operibus et expleant ea ut non adquiescant verbis mendacibus
Jérémie 43.2 2 Rois 18.20 Zacharie 1.6 Malachie 3.14 Ephésiens 5.6
¹⁰ igitur egressi praefecti operum et exactores ad populum dixerunt sic dicit Pharao non do vobis paleas
Exode 1.11 Proverbes 29.12 Exode 3.7
¹¹ ite et colligite sicubi invenire potueritis nec minuetur quicquam de opere vestro
Exode 5.13-5.14
¹² dispersusque est populus per omnem terram Aegypti ad colligendas paleas
Abdias 1.18 Exode 15.7 Joël 2.5 Nahum 1.10 Esaïe 5.24
¹³ praefecti quoque operum instabant dicentes conplete opus vestrum cotidie ut prius facere solebatis quando dabantur vobis paleae
¹⁴ flagellatique sunt qui praeerant operibus filiorum Israhel ab exactoribus Pharaonis dicentibus quare non impletis mensuram laterum sicut prius nec heri nec hodie
Esaïe 10.24
¹⁵ veneruntque praepositi filiorum Israhel et vociferati sunt ad Pharaonem dicentes cur ita agis contra servos tuos
¹⁶ paleae non dantur nobis et lateres similiter imperantur en famuli tui flagellis caedimur et iniuste agitur contra populum tuum
¹⁷ qui ait vacatis otio et idcirco dicitis eamus et sacrificemus Domino
Matthieu 26.8 Jean 6.27 Exode 5.8 2 Thessaloniciens 3.10-3.11
¹⁸ ite ergo et operamini paleae non dabuntur vobis et reddetis consuetum numerum laterum
Ezéchiel 18.18 Daniel 2.9-2.13
¹⁹ videbantque se praepositi filiorum Israhel in malo eo quod diceretur eis non minuetur quicquam de lateribus per singulos dies
Ecclésiaste 5.8 Ecclésiaste 4.1 Deutéronome 32.36
²⁰ occurreruntque Mosi et Aaron qui stabant ex adverso egredientes a Pharaone
²¹ et dixerunt ad eos videat Dominus et iudicet quoniam fetere fecistis odorem nostrum coram Pharao et servis eius et praebuistis ei gladium ut occideret nos
Genèse 34.30 2 Samuel 10.6 Genèse 16.5 Exode 6.9 1 Samuel 13.4
²² reversusque Moses ad Dominum ait Domine cur adflixisti populum istum quare misisti me
1 Rois 19.4 Exode 17.4 Nombres 11.14-11.15 Jérémie 12.1 Habakuk 2.3
²³ ex eo enim quo ingressus sum ad Pharaonem ut loquerer nomine tuo adflixit populum tuum et non liberasti eos
Hébreux 10.36-10.37 Esaïe 26.17-26.18 Psaumes 118.26 Jérémie 11.21 Esaïe 28.16