Esaïe 43.9
Vulgate

Dieu, le seul Sauveur

¹ et nunc haec dicit Dominus creans te Iacob et formans te Israhel noli timere quia redemi te et vocavi nomine tuo meus es tu
Esaïe 43.7 Zacharie 13.9 Esaïe 45.3-45.4 Esaïe 44.2 Actes 27.25
² cum transieris per aquas tecum ero et flumina non operient te cum ambulaveris in igne non conbureris et flamma non ardebit in te
Psaumes 66.12 Daniel 3.25-3.27 Psaumes 91.15 Josué 1.9 Deutéronome 31.6-31.8
³ quia ego Dominus Deus tuus Sanctus Israhel salvator tuus dedi propitiationem tuam Aegyptum Aethiopiam et Saba pro te
Exode 20.2 Proverbes 21.18 Esaïe 45.21 Esaïe 49.26 Esaïe 45.15
⁴ ex quo honorabilis factus es in oculis meis et gloriosus ego dilexi te et dabo homines pro te et populos pro anima tua
Exode 19.5-19.6 Genèse 12.2 Deutéronome 32.9-32.14 Deutéronome 7.6-7.8 1 Pierre 1.7
⁵ noli timere quoniam tecum ego sum ab oriente adducam semen tuum et ab occidente congregabo te
Esaïe 43.2 Esaïe 49.12 Jérémie 30.10-30.11 Esaïe 44.2 Esaïe 41.8
⁶ dicam aquiloni da et austro noli prohibere adfer filios meos de longinquo et filias meas ab extremis terrae
2 Corinthiens 6.17-6.18 Jérémie 3.14 Romains 9.7-9.8 Jérémie 3.18-3.19 Esaïe 18.7
⁷ et omnem qui invocat nomen meum in gloriam meam creavi eum et formavi eum et feci eum
Ephésiens 2.10 Esaïe 43.1 Esaïe 43.21 Psaumes 100.3 Esaïe 63.19
⁸ educ foras populum caecum et oculos habentem surdum et aures ei sunt
Ezéchiel 12.2 Esaïe 6.9 Deutéronome 29.2-29.4 Esaïe 42.18-42.20 2 Corinthiens 4.4-4.6
⁹ omnes gentes congregatae sunt simul et collectae sunt tribus quis in vobis adnuntiet istud et quae prima sunt audire nos faciat dent testes eorum et iustificentur et audiant et dicant vere
Esaïe 41.1 Esaïe 43.26 Josué 24.15-24.24 Esaïe 44.7-44.9 1 Rois 18.21-18.24
¹⁰ vos testes mei dicit Dominus et servus meus quem elegi ut sciatis et credatis mihi et intellegatis quia ego ipse sum ante me non est formatus deus et post me non erit
Esaïe 41.4 Esaïe 43.12 Esaïe 45.6 Esaïe 42.1 Esaïe 46.8-46.9
¹¹ ego sum ego sum Dominus et non est absque me salvator
Osée 13.4 Tite 2.13 Esaïe 43.3 Luc 2.11 Esaïe 12.2
¹² ego adnuntiavi et salvavi auditum feci et non fuit in vobis alienus vos testes mei dicit Dominus et ego Deus
Deutéronome 32.12 Esaïe 44.8 Esaïe 43.10 Esaïe 48.4-48.7 Esaïe 37.20
¹³ et ab initio ego ipse et non est qui de manu mea eruat operabor et quis avertet illud
Psaumes 90.2 Job 9.12 Esaïe 14.27 Psaumes 50.22 Esaïe 41.4
¹⁴ haec dicit Dominus redemptor vester Sanctus Israhel propter vos emisi Babylonem et detraxi vectes universos et Chaldeos in navibus suis gloriantes
Esaïe 23.13 Esaïe 54.5-54.8 Esaïe 44.6 Jérémie 50.17-50.18 Jérémie 51.24
¹⁵ ego Dominus Sanctus vester creans Israhel Rex vester
Esaïe 43.1 Esaïe 40.25 Esaïe 41.14 Esaïe 43.7 Esaïe 33.22
¹⁶ haec dicit Dominus qui dedit in mari viam et in aquis torrentibus semitam
Esaïe 51.10 Psaumes 77.19 Exode 14.16 Esaïe 11.15-11.16 Apocalypse 16.12
¹⁷ qui eduxit quadrigam et equum agmen et robustum simul obdormierunt nec resurgent contriti sunt quasi linum et extincti sunt
Esaïe 1.31 Ezéchiel 38.8-38.18 Psaumes 118.12 Apocalypse 20.8-20.9 Psaumes 76.5-76.6
¹⁸ ne memineritis priorum et antiqua ne intueamini
Esaïe 65.17 Esaïe 46.9 1 Chroniques 16.12 2 Corinthiens 3.10 Jérémie 23.7-23.8
¹⁹ ecce ego facio nova et nunc orientur utique cognoscetis ea ponam in deserto viam et in invio flumina
Esaïe 48.6 Esaïe 42.9 2 Corinthiens 5.17 Esaïe 41.18 Apocalypse 21.5
²⁰ glorificabit me bestia agri dracones et strutiones quia dedi in deserto aquas flumina in invio ut darem potum populo meo electo meo
Esaïe 48.21 Esaïe 41.17 Jean 4.14 Esaïe 49.10 Esaïe 13.22
²¹ populum istum formavi mihi laudem meam narrabit
1 Pierre 2.9 Psaumes 102.18 1 Corinthiens 10.31 Luc 1.74-1.75 Ephésiens 1.5-1.12
²² non me invocasti Iacob nec laborasti in me Israhel
Malachie 3.14 Malachie 1.13 Michée 6.3 Esaïe 64.7 Jérémie 2.11-2.13
²³ non obtulisti mihi arietem holocausti tui et victimis tuis non glorificasti me non te servire feci in oblatione nec laborem tibi praebui in ture
Amos 5.25 Zacharie 7.5-7.6 Proverbes 21.27 Malachie 1.13-1.14 Esaïe 1.11-1.15
²⁴ non emisti mihi argento calamum et adipe victimarum tuarum non inebriasti me verumtamen servire me fecisti in peccatis tuis praebuisti mihi laborem in iniquitatibus tuis
Jérémie 6.20 Esaïe 1.14 Esaïe 7.13 Psaumes 95.10 Ezéchiel 6.9
²⁵ ego sum ego sum ipse qui deleo iniquitates tuas propter me et peccatorum tuorum non recordabor
Hébreux 8.12 Hébreux 10.17 Esaïe 1.18 Jérémie 31.34 Michée 7.18-7.19
²⁶ reduc me in memoriam et iudicemur simul narra si quid habes ut iustificeris
Esaïe 1.18 Romains 8.33 Esaïe 43.9 Job 40.4-40.5 Job 40.7-40.8
²⁷ pater tuus primus peccavit et interpretes tui praevaricati sunt in me
Jérémie 5.31 Esaïe 28.7 Ezéchiel 16.3 Actes 5.17-5.18 Psaumes 106.6-106.7
²⁸ et contaminavi principes sanctos dedi ad internicionem Iacob et Israhel in blasphemiam
Jérémie 24.9 Zacharie 8.13 Deutéronome 28.15-28.20 Psaumes 79.4 Lamentations 2.2