Esaïe 45
Vulgate

1 haec dicit Dominus christo meo Cyro cuius adprehendi dexteram ut subiciam ante faciem eius gentes et dorsa regum vertam et aperiam coram eo ianuas et portae non cludentur
Esaïe 44.28 Esaïe 42.6 Esaïe 41.13 Psaumes 73.23 Jérémie 51.11
2 ego ante te ibo et gloriosos terrae humiliabo portas aereas conteram et vectes ferreos confringam
Esaïe 40.4 Psaumes 107.16 Luc 3.5 Esaïe 42.16 Jérémie 51.30
3 et dabo tibi thesauros absconditos et arcana secretorum ut scias quia ego Dominus qui voco nomen tuum Deus Israhel
Jérémie 50.37 Esaïe 43.1 Esaïe 48.15 Exode 33.12 Exode 33.17
4 propter servum meum Iacob et Israhel electum meum et vocavi te in nomine tuo adsimilavi te et non cognovisti me
Esaïe 41.8-41.9 Actes 17.23 Esaïe 44.1 Galates 4.8-4.9 Romains 9.6
5 ego Dominus et non est amplius extra me non est deus accinxi te et non cognovisti me
Esaïe 44.8 Psaumes 18.39 Esaïe 46.9 Esaïe 22.21 Psaumes 18.32
6 ut sciant hii qui ab ortu solis et qui ab occidente quoniam absque me non est ego Dominus et non est alter
Malachie 1.11 Psaumes 102.15-102.16 Psaumes 83.18 Psaumes 46.10 Esaïe 45.5
7 formans lucem et creans tenebras faciens pacem et creans malum ego Dominus faciens omnia haec
Amos 3.6 Ecclésiaste 7.13-7.14 Amos 4.13 Nahum 1.8 Psaumes 75.7
8 rorate caeli desuper et nubes pluant iustum aperiatur terra et germinet salvatorem et iustitia oriatur simul ego Dominus creavi eum
Esaïe 61.11 Osée 10.12 Psaumes 72.6 Joël 3.18 Joël 2.28-2.29
9 vae qui contradicit fictori suo testa de samiis terrae numquid dicet lutum figulo suo quid facis et opus tuum absque manibus est
Romains 9.20-9.21 Esaïe 64.8 Esaïe 29.16 Esaïe 10.15 Jérémie 50.24
10 vae qui dicit patri quid generas et mulieri quid parturis
Hébreux 12.9 Deutéronome 27.16 Malachie 1.6
11 haec dicit Dominus Sanctus Israhel plastes eius ventura interrogate me super filios meos et super opus manuum mearum mandastis mihi
Esaïe 43.7 Marc 11.24 Esaïe 29.23 Jérémie 31.9 Esaïe 48.17
12 ego feci terram et hominem super eam creavi ego manus meae tetenderunt caelos et omni militiae eorum mandavi
Esaïe 42.5 Genèse 2.1 Néhémie 9.6 Esaïe 44.24 Jérémie 27.5
13 ego suscitavi eum ad iustitiam et omnes vias eius dirigam ipse aedificabit civitatem meam et captivitatem meam dimittet non in pretio neque in muneribus dicit Dominus Deus exercituum
Esaïe 41.2 Esaïe 41.25 Esaïe 49.25 2 Chroniques 36.22-36.23 Esaïe 52.5

Bénédictions universelles

14 haec dicit Dominus labor Aegypti et negotiatio Aethiopiae et Sabaim viri sublimes ad te transibunt et tui erunt post te ambulabunt vincti manicis pergent et te adorabunt teque deprecabuntur tantum in te est Deus et non est absque te deus
Esaïe 49.23 Jérémie 16.19 Zacharie 8.20-8.23 1 Corinthiens 14.25 Psaumes 149.8
15 vere tu es Deus absconditus Deus Israhel salvator
Esaïe 57.17 Psaumes 44.24 Esaïe 8.17 Esaïe 43.3 Actes 5.31
16 confusi sunt et erubuerunt omnes simul abierunt in confusione fabricatores errorum
Esaïe 42.17 Esaïe 44.11 Esaïe 44.9 Jérémie 2.26-2.27 Esaïe 41.19
17 Israhel salvatus est in Domino salute aeterna non confundemini et non erubescetis usque in saeculum saeculi
Romains 10.11 Psaumes 25.3 Esaïe 54.4 1 Pierre 2.6 Esaïe 49.23
18 quia haec dicit Dominus creans caelos ipse Deus formans terram et faciens eam ipse plastes eius non in vanum creavit eam ut habitetur formavit eam ego Dominus et non est alius
Esaïe 42.5 Psaumes 115.16 Genèse 1.2 Genèse 1.28 Esaïe 45.12
19 non in abscondito locutus sum in loco terrae tenebroso non dixi semini Iacob frustra quaerite me ego Dominus loquens iustitiam adnuntians recta
Esaïe 48.16 2 Chroniques 15.2 Amos 5.4 Esaïe 63.1 Deutéronome 29.29
20 congregamini et venite et accedite simul qui salvati estis ex gentibus nescierunt qui levant lignum sculpturae suae et rogant deum non salvantem
Esaïe 43.9 Jérémie 10.5 Esaïe 46.1 Esaïe 41.21 Ephésiens 2.16
21 adnuntiate et venite et consiliamini simul quis auditum fecit hoc ab initio ex tunc praedixit illud numquid non ego Dominus et non est ultra Deus absque me Deus iustus et salvans non est praeter me
Esaïe 43.11 Esaïe 43.9 Esaïe 45.5 Esaïe 48.14 Esaïe 41.22-41.23
22 convertimini ad me et salvi eritis omnes fines terrae quia ego Deus et non est alius
Jean 6.40 Hébreux 12.2 Zacharie 12.10 2 Chroniques 20.12 Michée 7.7
23 in memet ipso iuravi egredietur de ore meo iustitiae verbum et non revertetur quia mihi curvabunt omnia genu et iurabit omnis lingua
Philippiens 2.10 Esaïe 55.11 Romains 14.10-14.12 Psaumes 63.11 Deutéronome 6.13
24 ergo in Domino dicet meae sunt iustitiae et imperium ad eum venient et confundentur omnes qui repugnant ei
Esaïe 41.11 Luc 13.17 2 Corinthiens 12.9-12.10 Matthieu 11.27-11.28 Esaïe 44.8
25 in Domino iustificabitur et laudabitur omne semen Israhel
Esaïe 41.16 Galates 3.27-3.29 Philippiens 3.3 1 Corinthiens 1.31 Esaïe 45.17