Actes 22.2
Vulgate

¹ viri fratres et patres audite quam ad vos nunc reddo rationem
Actes 7.2 Philippiens 1.7 Actes 19.33 Actes 25.16 Actes 26.1-26.2
² cum audissent autem quia hebraea lingua loquitur ad illos magis praestiterunt silentium
Actes 21.40
³ et dixit ego sum vir iudaeus natus Tarso Ciliciae nutritus autem in ista civitate secus pedes Gamalihel eruditus iuxta veritatem paternae legis aemulator legis sicut et vos omnes estis hodie
Actes 9.11 Actes 5.34 Actes 21.39 Actes 26.5 Philippiens 3.5-3.6
⁴ qui hanc viam persecutus sum usque ad mortem alligans et tradens in custodias viros ac mulieres
Actes 22.19-22.20 Actes 8.1-8.4 Actes 26.9-26.11 Actes 18.26 Actes 19.9
⁵ sicut princeps sacerdotum testimonium mihi reddit et omnes maiores natu a quibus et epistulas accipiens ad fratres Damascum pergebam ut adducerem inde vinctos in Hierusalem uti punirentur
Luc 22.66 Actes 9.1-9.2 Actes 5.21 Actes 26.12 Actes 26.10
⁶ factum est autem eunte me et adpropinquante Damasco media die subito de caelo circumfulsit me lux copiosa
Genèse 14.15 Actes 9.3-9.8 Apocalypse 1.16 Genèse 15.2 Matthieu 17.2
⁷ et decidens in terram audivi vocem dicentem mihi Saule Saule quid me persequeris
Genèse 16.8 Jérémie 2.9 Genèse 3.9 Exode 3.4 Esaïe 43.22-43.26
⁸ ego autem respondi quis es Domine dixitque ad me ego sum Iesus Nazarenus quem tu persequeris
Actes 26.9 Exode 16.7-16.8 Matthieu 10.40-10.42 Matthieu 2.23 Actes 6.14
⁹ et qui mecum erant lumen quidem viderunt vocem autem non audierunt eius qui loquebatur mecum
Actes 9.7 Daniel 10.7 Actes 26.13 Jean 12.29-12.30
¹⁰ et dixi quid faciam Domine Dominus autem dixit ad me surgens vade Damascum et ibi tibi dicetur de omnibus quae te oporteat facere
Actes 16.30 Psaumes 143.8-143.10 Actes 26.16-26.18 Psaumes 25.8-25.9 Actes 2.37
¹¹ et cum non viderem prae claritate luminis illius ad manum deductus a comitibus veni Damascum
Actes 9.8-9.9 Esaïe 42.16 Actes 13.11
¹² Ananias autem quidam vir secundum legem testimonium habens ab omnibus habitantibus Iudaeis
Actes 10.22 Actes 6.3 Actes 9.10-9.18 1 Timothée 3.7 Luc 2.25
¹³ veniens ad me et adstans dixit mihi Saule frater respice et ego eadem hora respexi in eum
Philémon 1.16 Actes 9.17-9.18
¹⁴ at ille dixit Deus patrum nostrorum praeordinavit te ut cognosceres voluntatem eius et videres Iustum et audires vocem ex ore eius
Actes 26.16 1 Corinthiens 9.1 1 Corinthiens 15.8 Actes 9.17 Galates 1.12
¹⁵ quia eris testis illius ad omnes homines eorum quae vidisti et audisti
Actes 23.11 Actes 4.20 Actes 10.39-10.41 Actes 1.22 Actes 26.20
¹⁶ et nunc quid moraris exsurge baptizare et ablue peccata tua invocato nomine ipsius
Actes 2.38 1 Corinthiens 6.11 Hébreux 10.22 1 Corinthiens 12.13 1 Pierre 3.21
¹⁷ factum est autem revertenti mihi in Hierusalem et oranti in templo fieri me in stupore mentis
2 Corinthiens 12.1-12.4 Actes 10.9-10.10 Actes 9.26-9.28 Galates 1.18 Apocalypse 1.10
¹⁸ et videre illum dicentem mihi festina et exi velociter ex Hierusalem quoniam non recipient testimonium tuum de me
Matthieu 10.23 Matthieu 10.14 Actes 3.19 Actes 9.29 Ezéchiel 3.6-3.7
¹⁹ et ego dixi Domine ipsi sciunt quia ego eram concludens in carcerem et caedens per synagogas eos qui credebant in te
Actes 22.4 Matthieu 10.17 Actes 8.3 Actes 9.1 Actes 26.9-26.12
²⁰ et cum funderetur sanguis Stephani testis tui ego adstabam et consentiebam et custodiebam vestimenta interficientium illum
Actes 7.58 Actes 8.1 Apocalypse 2.13 Romains 1.32 Apocalypse 17.6
²¹ et dixit ad me vade quoniam ego in nationes longe mittam te
Actes 9.15 Romains 15.16 Romains 11.13 1 Timothée 2.7 Galates 1.15-1.16
²² audiebant autem eum usque ad hoc verbum et levaverunt vocem suam dicentes tolle de terra eiusmodi non enim fas est eum vivere
Actes 25.24 Actes 21.36 Jean 19.15 Actes 7.54-7.57 Luc 23.18
²³ vociferantibus autem eis et proicientibus vestimenta sua et pulverem iactantibus in aerem
2 Samuel 16.13 Ecclésiaste 10.3 Actes 7.58 Actes 26.11 Actes 7.53
²⁴ iussit tribunus induci eum in castra et flagellis caedi et torqueri eum ut sciret propter quam causam sic adclamarent ei
Actes 23.10 Actes 21.34 Jean 19.1 Actes 22.25-22.29 Actes 16.22-16.23
²⁵ et cum adstrinxissent eum loris dixit adstanti sibi centurioni Paulus si hominem romanum et indemnatum licet vobis flagellare
Actes 16.37 Matthieu 8.8 Actes 27.1 Actes 27.3 Matthieu 27.54
²⁶ quo audito centurio accessit ad tribunum et nuntiavit dicens quid acturus es hic enim homo civis romanus est
Actes 23.27 Actes 22.29
²⁷ accedens autem tribunus dixit illi dic mihi tu Romanus es at ille dixit etiam
²⁸ et respondit tribunus ego multa summa civitatem hanc consecutus sum et Paulus ait ego autem et natus sum
²⁹ protinus ergo discesserunt ab illo qui eum torturi erant tribunus quoque timuit postquam rescivit quia civis romanus esset et quia alligasset eum
Hébreux 11.35 Actes 22.24-22.26 Actes 21.33 Actes 16.38-16.39
³⁰ postera autem die volens scire diligentius qua ex causa accusaretur a Iudaeis solvit eum et iussit sacerdotes convenire et omne concilium et producens Paulum statuit inter illos
Actes 23.28 Actes 21.33 Actes 22.5 Actes 26.29 Actes 21.11