Job 41.18
Biblia Hebraica Stuttgartensia

¹ (41.9) הֵן־תֹּחַלְתֹּ֥ו נִכְזָ֑בָה הֲגַ֖ם אֶל־מַרְאָ֣יו יֻטָֽל׃Psaumes 74.14 Job 3.8 Psaumes 104.26 Esaïe 27.1
² (41.10) לֹֽא־אַ֭כְזָר כִּ֣י יְעוּרֶ֑נּוּ וּמִ֥י ה֝֗וּא לְפָנַ֥י יִתְיַצָּֽב׃Esaïe 37.29 Ezéchiel 29.4-29.5 Esaïe 27.1 2 Rois 19.28
³ (41.11) מִ֣י הִ֭קְדִּימַנִי וַאֲשַׁלֵּ֑ם תַּ֖חַת כָּל־הַשָּׁמַ֣יִם לִי־הֽוּא׃Proverbes 18.23 Esaïe 30.10 Proverbes 15.1 Proverbes 25.15 Psaumes 55.21
⁴ (41.12) לֹֽו־אַחֲרִ֥ישׁ בַּדָּ֑יו וּדְבַר־גְּ֝בוּרֹ֗ות וְחִ֣ין עֶרְכֹּֽו׃Exode 21.6 Deutéronome 15.17 Psaumes 8.5-8.6 Genèse 1.28 1 Rois 20.31-20.34
⁵ (41.13) מִֽי־גִ֭לָּה פְּנֵ֣י לְבוּשֹׁ֑ו בְּכֶ֥פֶל רִ֝סְנֹ֗ו מִ֣י יָבֹֽוא׃Job 28.11 Juges 16.25-16.30
⁶ (41.14) דַּלְתֵ֣י פָ֭נָיו מִ֣י פִתֵּ֑חַ סְבִיבֹ֖ות שִׁנָּ֣יו אֵימָֽה׃Juges 14.11
⁷ (41.15) גַּ֭אֲוָה אֲפִיקֵ֣י מָֽגִנִּ֑ים סָ֝ג֗וּר חֹותָ֥ם צָֽר׃ ⁸ (41.16) אֶחָ֣ד בְּאֶחָ֣ד יִגַּ֑שׁוּ וְ֝ר֗וּחַ לֹא־יָבֹ֥וא בֵֽינֵיהֶֽם׃1 Rois 20.11 Luc 14.31-14.32 2 Rois 10.4
⁹ (41.17) אִישׁ־בְּאָחִ֥יהוּ יְדֻבָּ֑קוּ יִ֝תְלַכְּד֗וּ וְלֹ֣א יִתְפָּרָֽדוּ׃Esaïe 28.19 1 Samuel 3.11 Luc 21.11 Deutéronome 28.34
¹⁰ (41.18) עֲֽ֭טִישֹׁתָיו תָּ֣הֶל אֹ֑ור וְ֝עֵינָ֗יו כְּעַפְעַפֵּי־שָֽׁחַר׃Job 9.4 Genèse 49.9 Job 3.8 Psaumes 2.11-2.12 Nombres 24.9
¹¹ (41.19) מִ֭פִּיו לַפִּידִ֣ים יַהֲלֹ֑כוּ כִּידֹ֥ודֵי אֵ֝֗שׁ יִתְמַלָּֽטוּ׃Psaumes 24.1 Romains 11.35 Deutéronome 10.14 Psaumes 50.12 Exode 19.5
¹² (41.20) מִ֭נְּחִירָיו יֵצֵ֣א עָשָׁ֑ן כְּד֖וּד נָפ֣וּחַ וְאַגְמֹֽן׃Genèse 1.25
¹³ (41.21) נַ֭פְשֹׁו גֶּחָלִ֣ים תְּלַהֵ֑ט וְ֝לַ֗הַב מִפִּ֥יו יֵצֵֽא׃Jacques 3.3 2 Rois 19.28 Psaumes 32.9
¹⁴ (41.22) בְּֽ֭צַוָּארֹו יָלִ֣ין עֹ֑ז וּ֝לְפָנָ֗יו תָּד֥וּץ דְּאָבָֽה׃Job 38.10 Daniel 7.7 Psaumes 58.6 Proverbes 30.14 Psaumes 57.4
¹⁵ (41.23) מַפְּלֵ֣י בְשָׂרֹ֣ו דָבֵ֑קוּ יָצ֥וּק עָ֝לָ֗יו בַּל־יִמֹּֽוט׃Apocalypse 5.2-5.3 Apocalypse 5.5 Jérémie 9.23
¹⁶ (41.24) לִ֭בֹּו יָצ֣וּק כְּמֹו־אָ֑בֶן וְ֝יָצ֗וּק כְּפֶ֣לַח תַּחְתִּֽית׃ ¹⁷ (41.25) מִ֭שֵּׂתֹו יָג֣וּרוּ אֵלִ֑ים מִ֝שְּׁבָרִ֗ים יִתְחַטָּֽאוּ׃ ¹⁸ (41.26) מַשִּׂיגֵ֣הוּ חֶ֭רֶב בְּלִ֣י תָק֑וּם חֲנִ֖ית מַסָּ֣ע וְשִׁרְיָֽה׃Job 3.9 Apocalypse 1.14
¹⁹ (41.27) יַחְשֹׁ֣ב לְתֶ֣בֶן בַּרְזֶ֑ל לְעֵ֖ץ רִקָּבֹ֣ון נְחוּשָֽׁה׃Psaumes 18.8
²⁰ (41.28) לֹֽא־יַבְרִיחֶ֥נּוּ בֶן־קָ֑שֶׁת לְ֝קַ֗שׁ נֶהְפְּכוּ־לֹ֥ו אַבְנֵי־קָֽלַע׃Jérémie 1.13-1.14
²¹ (41.29) כְּ֭קַשׁ נֶחְשְׁב֣וּ תֹותָ֑ח וְ֝יִשְׂחַ֗ק לְרַ֣עַשׁ כִּידֹֽון׃Psaumes 18.8 Habakuk 3.5 Psaumes 18.12 Esaïe 30.33
²² (41.30) תַּ֭חְתָּיו חַדּ֣וּדֵי חָ֑רֶשׂ יִרְפַּ֖ד חָר֣וּץ עֲלֵי־טִֽיט׃Job 39.19 Osée 13.14 Job 40.16 1 Corinthiens 15.55-15.57
²³ (41.31) יַרְתִּ֣יחַ כַּסִּ֣יר מְצוּלָ֑ה יָ֝֗ם יָשִׂ֥ים כַּמֶּרְקָחָֽה׃ ²⁴ (41.32) אַ֭חֲרָיו יָאִ֣יר נָתִ֑יב יַחְשֹׁ֖ב תְּהֹ֣ום לְשֵׂיבָֽה׃Esaïe 48.4 Jérémie 5.3 Zacharie 7.12
²⁵ (41.33) אֵֽין־עַל־עָפָ֥ר מָשְׁלֹ֑ו הֶ֝עָשׂ֗וּ לִבְלִי־חָֽת׃Psaumes 107.28 Jonas 1.4-1.6
²⁶ (41.34) אֵֽת־כָּל־גָּבֹ֥הַּ יִרְאֶ֑ה ה֝֗וּא מֶ֣לֶךְ עַל־כָּל־בְּנֵי־שָֽׁחַץ׃ סJob 39.21-39.24