Proverbes 1
Septante

À propos de la sagesse

Objectif de l’enseignement

1 παροιμίαι Σαλωμῶντος υἱοῦ Δαυιδ ὃς ἐβασίλευσεν ἐν Ισραηλ.
Proverbes 10.1 1 Rois 4.31-4.32 Proverbes 25.1 Ecclésiaste 12.9 1 Rois 2.12
2 γνῶναι σοφίαν καὶ παιδείαν νοῆσαί τε λόγους φρονήσεως.
Proverbes 7.4 Deutéronome 4.5-4.6 Proverbes 17.16 Proverbes 4.5-4.7 Proverbes 8.5
3 δέξασθαί τε στροφὰς λόγων νοῆσαί τε δικαιοσύνην ἀληθῆ καὶ κρίμα κατευθύνειν.
Proverbes 2.1-2.9 1 Rois 3.28 Job 22.22 Proverbes 8.10-8.11
4 ἵνα δῷ ἀκάκοις πανουργίαν παιδὶ δὲ νέῳ αἴσθησίν τε καὶ ἔννοιαν.
Proverbes 8.5 Proverbes 8.12 Proverbes 1.22-1.23 Esaïe 35.8 Psaumes 19.7
5 τῶνδε γὰρ ἀκούσας σοφὸς σοφώτερος ἔσται ὁ δὲ νοήμων κυβέρνησιν κτήσεται.
Proverbes 9.9 Psaumes 119.98-119.100 Job 34.16 1 Corinthiens 10.15 Proverbes 12.1
6 νοήσει τε παραβολὴν καὶ σκοτεινὸν λόγον ῥήσεις τε σοφῶν καὶ αἰνίγματα.
Psaumes 78.2 Marc 4.11 Psaumes 49.4 2 Pierre 3.16 Matthieu 13.51-13.52
7 ἀρχὴ σοφίας φόβος θεοῦ σύνεσις δὲ ἀγαθὴ πᾶσι τοῖς ποιοῦσιν αὐτήν εὐσέβεια δὲ εἰς θεὸν ἀρχὴ αἰσθήσεως σοφίαν δὲ καὶ παιδείαν ἀσεβεῖς ἐξουθενήσουσιν.
Job 28.28 Proverbes 9.10 Ecclésiaste 12.13 Proverbes 15.33 Proverbes 18.2
8 ἄκουε υἱέ παιδείαν πατρός σου καὶ μὴ ἀπώσῃ θεσμοὺς μητρός σου.
Proverbes 6.20 Proverbes 4.1-4.4 Proverbes 2.1 1 Samuel 2.25 Proverbes 5.1-5.2
9 στέφανον γὰρ χαρίτων δέξῃ σῇ κορυφῇ καὶ κλοιὸν χρύσεον περὶ σῷ τραχήλῳ.
Proverbes 4.9 Genèse 41.42 Daniel 5.29 Proverbes 3.22 1 Pierre 3.3-3.4

Les mauvaises compagnies

10 υἱέ μή σε πλανήσωσιν ἄνδρες ἀσεβεῖς μηδὲ βουληθῇς ἐὰν παρακαλέσωσί σε λέγοντες.
Ephésiens 5.11 Proverbes 16.29 Psaumes 50.18 Romains 16.18 Psaumes 1.1
11 ἐλθὲ μεθ’ ἡμῶν κοινώνησον αἵματος κρύψωμεν δὲ εἰς γῆν ἄνδρα δίκαιον ἀδίκως.
Proverbes 1.18 Jérémie 5.26 Proverbes 12.6 Actes 25.3 Proverbes 30.14
12 καταπίωμεν δὲ αὐτὸν ὥσπερ ᾅδης ζῶντα καὶ ἄρωμεν αὐτοῦ τὴν μνήμην ἐκ γῆς.
Psaumes 28.1 Psaumes 124.3 Nombres 26.10 Psaumes 57.3 Lamentations 2.5
13 τὴν κτῆσιν αὐτοῦ τὴν πολυτελῆ καταλαβώμεθα πλήσωμεν δὲ οἴκους ἡμετέρους σκύλων.
Jérémie 22.16-22.17 Aggée 2.9 Esaïe 10.13-10.14 Proverbes 1.19 Luc 12.15
14 τὸν δὲ σὸν κλῆρον βάλε ἐν ἡμῖν κοινὸν δὲ βαλλάντιον κτησώμεθα πάντες καὶ μαρσίππιον ἓν γενηθήτω ἡμῖν.
15 μὴ πορευθῇς ἐν ὁδῷ μετ’ αὐτῶν ἔκκλινον δὲ τὸν πόδα σου ἐκ τῶν τρίβων αὐτῶν.
Psaumes 119.101 Psaumes 1.1 2 Corinthiens 6.17 Proverbes 4.27 Proverbes 4.14-4.15
16 οἱ γὰρ πόδες αὐτῶν εἰς κακίαν τρέχουσιν καὶ ταχινοὶ τοῦ ἐκχέαι αἷμα.
Proverbes 6.18 Esaïe 59.7 Proverbes 4.16 Romains 3.5
17 οὐ γὰρ ἀδίκως ἐκτείνεται δίκτυα πτερωτοῖς.
Job 35.11 Esaïe 1.3 Proverbes 7.23 Jérémie 8.7
18 αὐτοὶ γὰρ οἱ φόνου μετέχοντες θησαυρίζουσιν ἑαυτοῖς κακά ἡ δὲ καταστροφὴ ἀνδρῶν παρανόμων κακή.
Matthieu 27.4-27.5 Psaumes 9.16 Proverbes 28.17 Proverbes 9.17-9.18 Psaumes 55.23
19 αὗται αἱ ὁδοί εἰσιν πάντων τῶν συντελούντων τὰ ἄνομα τῇ γὰρ ἀσεβείᾳ τὴν ἑαυτῶν ψυχὴν ἀφαιροῦνται.
Proverbes 15.27 Ecclésiaste 5.13 Job 31.39 Jacques 5.1-5.4 2 Rois 5.20-5.27

L’appel de la sagesse

20 σοφία ἐν ἐξόδοις ὑμνεῖται ἐν δὲ πλατείαις παρρησίαν ἄγει.
Proverbes 9.3 1 Corinthiens 1.24 Colossiens 2.3 1 Corinthiens 1.30 Jean 7.37
21 ἐπ’ ἄκρων δὲ τειχέων κηρύσσεται ἐπὶ δὲ πύλαις δυναστῶν παρεδρεύει ἐπὶ δὲ πύλαις πόλεως θαρροῦσα λέγει.
Actes 5.20 Matthieu 10.27 Jean 18.20 Proverbes 9.3 Matthieu 13.2
22 ὅσον ἂν χρόνον ἄκακοι ἔχωνται τῆς δικαιοσύνης οὐκ αἰσχυνθήσονται οἱ δὲ ἄφρονες τῆς ὕβρεως ὄντες ἐπιθυμηταί ἀσεβεῖς γενόμενοι ἐμίσησαν αἴσθησιν.
Proverbes 1.29 Proverbes 5.12 Psaumes 1.1 Proverbes 1.7 Matthieu 9.13
23 καὶ ὑπεύθυνοι ἐγένοντο ἐλέγχοις ἰδοὺ προήσομαι ὑμῖν ἐμῆς πνοῆς ῥῆσιν διδάξω δὲ ὑμᾶς τὸν ἐμὸν λόγον.
Esaïe 32.15 Joël 2.28 Ezéchiel 33.11 Zacharie 12.10 Ezéchiel 18.27-18.30
24 ἐπειδὴ ἐκάλουν καὶ οὐχ ὑπηκούσατε καὶ ἐξέτεινον λόγους καὶ οὐ προσείχετε.
Jérémie 7.13 Esaïe 66.4 Esaïe 65.12 Romains 10.21 Ezéchiel 8.18
25 ἀλλὰ ἀκύρους ἐποιεῖτε ἐμὰς βουλάς τοῖς δὲ ἐμοῖς ἐλέγχοις ἠπειθήσατε.
Proverbes 1.30 Luc 7.30 Psaumes 81.11 Proverbes 12.1 Psaumes 107.11
26 τοιγαροῦν κἀγὼ τῇ ὑμετέρᾳ ἀπωλείᾳ ἐπιγελάσομαι καταχαροῦμαι δέ ἡνίκα ἂν ἔρχηται ὑμῖν ὄλεθρος.
Psaumes 2.4 Proverbes 10.24 Psaumes 37.13 Luc 14.24 Juges 10.14
27 καὶ ὡς ἂν ἀφίκηται ὑμῖν ἄφνω θόρυβος ἡ δὲ καταστροφὴ ὁμοίως καταιγίδι παρῇ καὶ ὅταν ἔρχηται ὑμῖν θλῖψις καὶ πολιορκία ἢ ὅταν ἔρχηται ὑμῖν ὄλεθρος.
Proverbes 3.25-3.26 1 Thessaloniciens 5.3 Psaumes 69.22-69.28 Romains 2.9 Luc 21.34-21.35
28 ἔσται γὰρ ὅταν ἐπικαλέσησθέ με ἐγὼ δὲ οὐκ εἰσακούσομαι ὑμῶν ζητήσουσίν με κακοὶ καὶ οὐχ εὑρήσουσιν.
Jérémie 11.11 Job 27.9 Jacques 4.3 Michée 3.4 Zacharie 7.13
29 ἐμίσησαν γὰρ σοφίαν τὸν δὲ φόβον τοῦ κυρίου οὐ προείλαντο.
Proverbes 1.22 Esaïe 27.11 Proverbes 6.23 Proverbes 5.12 Job 21.14-21.15
30 οὐδὲ ἤθελον ἐμαῖς προσέχειν βουλαῖς ἐμυκτήριζον δὲ ἐμοὺς ἐλέγχους.
Proverbes 1.25 Psaumes 81.11 Psaumes 119.173 Luc 14.18-14.20 Jérémie 8.9
31 τοιγαροῦν ἔδονται τῆς ἑαυτῶν ὁδοῦ τοὺς καρποὺς καὶ τῆς ἑαυτῶν ἀσεβείας πλησθήσονται.
Job 4.8 Proverbes 14.14 Jérémie 6.19 Proverbes 22.8 Galates 6.7-6.8
32 ἀνθ’ ὧν γὰρ ἠδίκουν νηπίους φονευθήσονται καὶ ἐξετασμὸς ἀσεβεῖς ὀλεῖ.
Jérémie 2.19 Jean 3.36 Proverbes 8.36 Psaumes 92.6-92.7 Psaumes 69.22
33 ὁ δὲ ἐμοῦ ἀκούων κατασκηνώσει ἐπ’ ἐλπίδι καὶ ἡσυχάσει ἀφόβως ἀπὸ παντὸς κακοῦ.
Psaumes 25.12-25.13 Psaumes 112.7-112.8 Proverbes 14.26 Esaïe 26.3 Proverbes 9.11