Jérémie 5.7
Septante

Raisons du jugement

¹ περιδράμετε ἐν ταῖς ὁδοῖς Ιερουσαλημ καὶ ἴδετε καὶ γνῶτε καὶ ζητήσατε ἐν ταῖς πλατείαις αὐτῆς ἐὰν εὕρητε ἄνδρα εἰ ἔστιν ποιῶν κρίμα καὶ ζητῶν πίστιν καὶ ἵλεως ἔσομαι αὐτοῖς λέγει κύριος.
Ezéchiel 22.30 2 Chroniques 16.9 Genèse 18.23-18.32 Psaumes 53.2-53.4 Psaumes 12.1
² ζῇ κύριος λέγουσιν διὰ τοῦτο οὐκ ἐπὶ ψεύδεσιν ὀμνύουσιν.
Tite 1.16 Jérémie 7.9 Jérémie 4.2 Esaïe 48.1 Osée 10.4
³ κύριε οἱ ὀφθαλμοί σου εἰς πίστιν ἐμαστίγωσας αὐτούς καὶ οὐκ ἐπόνεσαν συνετέλεσας αὐτούς καὶ οὐκ ἠθέλησαν δέξασθαι παιδείαν ἐστερέωσαν τὰ πρόσωπα αὐτῶν ὑπὲρ πέτραν καὶ οὐκ ἠθέλησαν ἐπιστραφῆναι.
2 Chroniques 16.9 Jérémie 2.30 Jérémie 7.28 Esaïe 9.13 Sophonie 3.7
⁴ καὶ ἐγὼ εἶπα ἴσως πτωχοί εἰσιν διότι οὐκ ἐδυνάσθησαν ὅτι οὐκ ἔγνωσαν ὁδὸν κυρίου καὶ κρίσιν θεοῦ.
Osée 4.6 Jérémie 8.7 Esaïe 27.11 Matthieu 11.5 Jean 7.48-7.49
⁵ πορεύσομαι πρὸς τοὺς ἁδροὺς καὶ λαλήσω αὐτοῖς ὅτι αὐτοὶ ἐπέγνωσαν ὁδὸν κυρίου καὶ κρίσιν θεοῦ καὶ ἰδοὺ ὁμοθυμαδὸν συνέτριψαν ζυγόν διέρρηξαν δεσμούς.
Jérémie 2.20 Jacques 2.5-2.7 Luc 18.24 Luc 19.14 Michée 7.3-7.4
⁶ διὰ τοῦτο ἔπαισεν αὐτοὺς λέων ἐκ τοῦ δρυμοῦ καὶ λύκος ἕως τῶν οἰκιῶν ὠλέθρευσεν αὐτούς καὶ πάρδαλις ἐγρηγόρησεν ἐπὶ τὰς πόλεις αὐτῶν πάντες οἱ ἐκπορευόμενοι ἀπ’ αὐτῶν θηρευθήσονται ὅτι ἐπλήθυναν ἀσεβείας αὐτῶν ἴσχυσαν ἐν ταῖς ἀποστροφαῖς αὐτῶν.
Habakuk 1.8 Sophonie 3.3 Jérémie 4.7 Ezéchiel 22.27 Jérémie 30.24
⁷ ποίᾳ τούτων ἵλεως γένωμαί σοι οἱ υἱοί σου ἐγκατέλιπόν με καὶ ὤμνυον ἐν τοῖς οὐκ οὖσιν θεοῖς καὶ ἐχόρτασα αὐτούς καὶ ἐμοιχῶντο καὶ ἐν οἴκοις πορνῶν κατέλυον.
Josué 23.7 Deutéronome 32.21 Galates 4.8 Jérémie 2.11 Sophonie 1.5
⁸ ἵπποι θηλυμανεῖς ἐγενήθησαν ἕκαστος ἐπὶ τὴν γυναῖκα τοῦ πλησίον αὐτοῦ ἐχρεμέτιζον.
Jérémie 13.27 Ezéchiel 22.11 Matthieu 5.27-5.28 Jérémie 29.23 Genèse 39.9
⁹ μὴ ἐπὶ τούτοις οὐκ ἐπισκέψομαι λέγει κύριος ἢ ἐν ἔθνει τοιούτῳ οὐκ ἐκδικήσει ἡ ψυχή μου.
Jérémie 9.9 Jérémie 5.29 Nahum 1.2 Deutéronome 32.35 Osée 2.13
¹⁰ ἀνάβητε ἐπὶ τοὺς προμαχῶνας αὐτῆς καὶ κατασκάψατε συντέλειαν δὲ μὴ ποιήσητε ὑπολίπεσθε τὰ ὑποστηρίγματα αὐτῆς ὅτι τοῦ κυρίου εἰσίν.
Jérémie 4.27 Jérémie 39.8 Psaumes 78.61-78.62 Jérémie 25.9 Jérémie 5.18
¹¹ ὅτι ἀθετῶν ἠθέτησεν εἰς ἐμέ λέγει κύριος οἶκος Ισραηλ καὶ οἶκος Ιουδα.
Jérémie 3.20 Osée 5.7 Osée 6.7 Jérémie 3.6-3.11 Esaïe 48.8
¹² ἐψεύσαντο τῷ κυρίῳ ἑαυτῶν καὶ εἶπαν οὐκ ἔστιν ταῦτα οὐχ ἥξει ἐφ’ ἡμᾶς κακά καὶ μάχαιραν καὶ λιμὸν οὐκ ὀψόμεθα.
2 Chroniques 36.16 Jérémie 28.4 Michée 3.11 Jérémie 28.15-28.17 Jérémie 43.2-43.3
¹³ οἱ προφῆται ἡμῶν ἦσαν εἰς ἄνεμον καὶ λόγος κυρίου οὐχ ὑπῆρχεν ἐν αὐτοῖς οὕτως ἔσται αὐτοῖς.
Jérémie 14.15 Job 8.2 Jérémie 14.13 Job 6.26 Osée 9.7
¹⁴ διὰ τοῦτο τάδε λέγει κύριος παντοκράτωρ ἀνθ’ ὧν ἐλαλήσατε τὸ ῥῆμα τοῦτο ἰδοὺ ἐγὼ δέδωκα τοὺς λόγους μου εἰς τὸ στόμα σου πῦρ καὶ τὸν λαὸν τοῦτον ξύλα καὶ καταφάγεται αὐτούς.
Jérémie 1.9 Osée 6.5 Jérémie 23.29 2 Rois 1.10-1.14 Zacharie 1.6
¹⁵ ἰδοὺ ἐγὼ ἐπάγω ἐφ’ ὑμᾶς ἔθνος πόρρωθεν οἶκος Ισραηλ λέγει κύριος ἔθνος οὗ οὐκ ἀκούσῃ τῆς φωνῆς τῆς γλώσσης αὐτοῦ.
Deutéronome 28.49 Jérémie 4.16 Esaïe 28.11 Esaïe 5.26 Esaïe 33.19
¹⁶ πάντες ἰσχυροὶ.
Esaïe 5.28 Psaumes 5.9 Romains 3.13
¹⁷ καὶ κατέδονται τὸν θερισμὸν ὑμῶν καὶ τοὺς ἄρτους ὑμῶν καὶ κατέδονται τοὺς υἱοὺς ὑμῶν καὶ τὰς θυγατέρας ὑμῶν καὶ κατέδονται τὰ πρόβατα ὑμῶν καὶ τοὺς μόσχους ὑμῶν καὶ κατέδονται τοὺς ἀμπελῶνας ὑμῶν καὶ τοὺς συκῶνας ὑμῶν καὶ τοὺς ἐλαιῶνας ὑμῶν καὶ ἀλοήσουσιν τὰς πόλεις τὰς ὀχυρὰς ὑμῶν ἐφ’ αἷς ὑμεῖς πεποίθατε ἐπ’ αὐταῖς ἐν ῥομφαίᾳ.
Lévitique 26.16 Deutéronome 28.33 Habakuk 3.17-3.18 Jérémie 4.26 Jérémie 50.17
¹⁸ καὶ ἔσται ἐν ταῖς ἡμέραις ἐκείναις λέγει κύριος ὁ θεός σου οὐ μὴ ποιήσω ὑμᾶς εἰς συντέλειαν.
Jérémie 4.27 Jérémie 5.10 Ezéchiel 9.8 Romains 11.1-11.5 Ezéchiel 11.13
¹⁹ καὶ ἔσται ὅταν εἴπητε τίνος ἕνεκεν ἐποίησεν κύριος ὁ θεὸς ἡμῶν ἡμῖν ἅπαντα ταῦτα καὶ ἐρεῖς αὐτοῖς ἀνθ’ ὧν ἐδουλεύσατε θεοῖς ἀλλοτρίοις ἐν τῇ γῇ ὑμῶν οὕτως δουλεύσετε ἀλλοτρίοις ἐν γῇ οὐχ ὑμῶν.
1 Rois 9.8-9.9 Jérémie 13.22 Jérémie 22.8-22.9 Deutéronome 28.47-28.48 Deutéronome 29.24-29.28
²⁰ ἀναγγείλατε ταῦτα εἰς τὸν οἶκον Ιακωβ καὶ ἀκουσθήτω ἐν τῷ Ιουδα.
²¹ ἀκούσατε δὴ ταῦτα λαὸς μωρὸς καὶ ἀκάρδιος ὀφθαλμοὶ αὐτοῖς καὶ οὐ βλέπουσιν ὦτα αὐτοῖς καὶ οὐκ ἀκούουσιν.
Ezéchiel 12.2 Actes 28.26 Esaïe 6.9-6.10 Romains 11.8 Jean 12.40
²² μὴ ἐμὲ οὐ φοβηθήσεσθε λέγει κύριος ἢ ἀπὸ προσώπου μου οὐκ εὐλαβηθήσεσθε τὸν τάξαντα ἄμμον ὅριον τῇ θαλάσσῃ πρόσταγμα αἰώνιον καὶ οὐχ ὑπερβήσεται αὐτό καὶ ταραχθήσεται καὶ οὐ δυνήσεται καὶ ἠχήσουσιν τὰ κύματα αὐτῆς καὶ οὐχ ὑπερβήσεται αὐτό.
Psaumes 119.120 Psaumes 104.9 Job 38.10-38.11 Deutéronome 28.58 Jérémie 10.7
²³ τῷ δὲ λαῷ τούτῳ ἐγενήθη καρδία ἀνήκοος καὶ ἀπειθής καὶ ἐξέκλιναν καὶ ἀπήλθοσαν.
Jérémie 6.28 Psaumes 95.10 Deutéronome 21.18 Jérémie 17.9 Osée 11.7
²⁴ καὶ οὐκ εἶπον ἐν τῇ καρδίᾳ αὐτῶν φοβηθῶμεν δὴ κύριον τὸν θεὸν ἡμῶν τὸν διδόντα ἡμῖν ὑετὸν πρόιμον καὶ ὄψιμον κατὰ καιρὸν πληρώσεως προστάγματος θερισμοῦ καὶ ἐφύλαξεν ἡμῖν.
Genèse 8.22 Psaumes 147.8 Joël 2.23 Actes 14.17 Matthieu 5.45
²⁵ αἱ ἀνομίαι ὑμῶν ἐξέκλιναν ταῦτα καὶ αἱ ἁμαρτίαι ὑμῶν ἀπέστησαν τὰ ἀγαθὰ ἀφ’ ὑμῶν.
Jérémie 3.3 Jérémie 2.17-2.19 Deutéronome 28.23-28.24 Psaumes 107.17 Psaumes 107.34
²⁶ ὅτι εὑρέθησαν ἐν τῷ λαῷ μου ἀσεβεῖς καὶ παγίδας ἔστησαν διαφθεῖραι ἄνδρας καὶ συνελαμβάνοσαν.
Proverbes 1.11 Jérémie 18.22 Ezéchiel 22.2-22.12 Luc 5.10 Jérémie 4.22
²⁷ ὡς παγὶς ἐφεσταμένη πλήρης πετεινῶν οὕτως οἱ οἶκοι αὐτῶν πλήρεις δόλου διὰ τοῦτο ἐμεγαλύνθησαν καὶ ἐπλούτησαν.
Habakuk 2.9-2.11 Proverbes 1.11-1.13 Michée 6.10-6.11 Osée 12.7-12.8 Apocalypse 18.2
²⁸ καὶ παρέβησαν κρίσιν οὐκ ἔκριναν κρίσιν ὀρφανοῦ καὶ κρίσιν χήρας οὐκ ἐκρίνοσαν.
Zacharie 7.10 Deutéronome 32.15 Esaïe 1.23 Psaumes 73.12 Jérémie 7.6
²⁹ μὴ ἐπὶ τούτοις οὐκ ἐπισκέψομαι λέγει κύριος ἢ ἐν ἔθνει τῷ τοιούτῳ οὐκ ἐκδικήσει ἡ ψυχή μου.
Jérémie 5.9 Malachie 3.5 Jacques 5.4 Jérémie 9.9
³⁰ ἔκστασις καὶ φρικτὰ ἐγενήθη ἐπὶ τῆς γῆς.
Jérémie 23.14 Osée 6.10 Jérémie 2.12 Esaïe 1.2
³¹ οἱ προφῆται προφητεύουσιν ἄδικα καὶ οἱ ἱερεῖς ἐπεκρότησαν ταῖς χερσὶν αὐτῶν καὶ ὁ λαός μου ἠγάπησεν οὕτως καὶ τί ποιήσετε εἰς τὰ μετὰ ταῦτα.
Ezéchiel 13.6 Michée 2.11 Jérémie 14.14 2 Thessaloniciens 2.9-2.11 2 Corinthiens 11.13-11.15