Proverbes 22.11
Bible en Swahili de l’est

¹ Heri kuchagua jina jema kuliko mali nyingi; Na neema kuliko fedha na dhahabu.
² Tajiri na maskini hukutana pamoja; Bwana ndiye aliyewaumba wote wawili.
³ Mwenye busara huyaona mabaya na kujificha; Bali wajinga huendelea mbele wakaumia.
⁴ Thawabu ya unyenyekevu ambao ni kumcha Bwana Ni utajiri, na heshima, nayo ni uzima.
⁵ Miiba na mitego huwa katika njia ya mshupavu; Yeye aitunzaye nafsi yake atakuwa mbali nayo.
⁶ Mlee mtoto katika njia impasayo, Naye hataiacha, hata atakapokuwa mzee.
⁷ Tajiri humtawala maskini, Naye akopaye ni mtumwa wake akopeshaye.
⁸ Yeye apandaye uovu atavuna msiba, Na fimbo ya ghadhabu yake itakoma.
⁹ Mwenye jicho la ukarimu atabarikiwa; Maana huwapa maskini chakula chake.
¹⁰ Mtupe nje mwenye dharau, na ugomvi utatoka; Naam, fitina na fedheha zitakoma.
¹¹ Apendaye usafi wa moyo, na neema ya midomo; Mfalme atakuwa rafiki yake.
¹² Macho ya Bwana humhifadhi mwenye maarifa; Bali huyapindua maneno ya mtu haini.
¹³ Mtu mvivu husema, Simba yuko nje; Nitauawa katika njia kuu.
¹⁴ Kinywa cha malaya ni shimo refu; Anayechukiwa na Bwana atatumbukia ndani yake.
¹⁵ Ujinga umefungwa ndani ya moyo wa mtoto; Lakini fimbo ya adhabu itaufukuzia mbali.
¹⁶ Yeye awaoneaye maskini ili kuongeza mapato, Naye ampaye tajiri, hupata hasara.

Paroles des sages

Attention aux relations

¹⁷ Tega sikio lako uyasikie maneno ya wenye hekima, na kuuelekeza moyo wako kwa maarifa yangu;
¹⁸ maana ni vizuri kuyahifadhi ndani yako, hali yakithibitika pamoja midomoni mwako.
¹⁹ Ili matumaini yako uyaweke kwa Bwana, leo nimekujulisha wewe haya, naam, wewe.
²⁰ Je! Sikukuandikia mambo makuu juu ya mashauri na juu ya maarifa;
²¹ ili kukujulisha hakika ya maneno ya kweli, uwarudishie wakutumao maneno ya kweli?
²² Usimnyang’anye maskini, kwa kuwa ni maskini; Wala usimdhulumu mtu mnyonge langoni;
²³ Kwa sababu Bwana atawatetea; Naye atawateka uhai wao waliowateka.
²⁴ Usifanye urafiki na mtu mwenye hasira nyingi; Wala usiende na mtu wa ghadhabu nyingi;
²⁵ Usije ukajifunza njia zake; Na kujipatia nafsi yako mtego.
²⁶ Usiwe mmoja wao wawekao rehani; Au walio wadhamini kwa deni za watu;
²⁷ Kama huna kitu cha kulipa; Kwani ukaondolee kitanda chako chini yako?
²⁸ Usiiondoe alama ya mpaka wa zamani, Uliowekwa na baba zako.
²⁹ Je! Wamwona mtu mwenye bidii katika kazi zake? Huyo atasimama mbele ya wafalme; Hatasimama mbele ya watu wasio na cheo.