1 Kisha Bwana akanena na Musa katika nchi tambarare za Moabu, karibu na mto wa Yordani, hapo Yeriko, akamwambia,
Nombres 22.1 Nombres 26.63 Nombres 33.50 Nombres 36.13 Nombres 31.12
2 Uwaagize wana wa Israeli wawape Walawi miji wapate mahali pa kukaa, katika milki yao; pamoja na malisho yaliyoizunguka hiyo miji kotekote mtawapa Walawi.
Josué 14.3-14.4 Ezéchiel 48.8 1 Corinthiens 9.10-9.14 Ezéchiel 45.1-45.8 Lévitique 25.32-25.34
3 Hiyo miji watakuwa nayo ili wakae humo, na malisho watakuwa nayo kwa wanyama wao wa mifugo, na kwa mali zao, na kwa wanyama wao wote.
Ezéchiel 45.2 2 Chroniques 11.14 Josué 21.11
4 Na yale malisho ya miji mtakayowapa Walawi, ukubwa wake utakuwa tangu ukuta wa mji kupima kiasi cha dhiraa elfu pande zote.
5 Nanyi mtapima hapo nje ya mji upande wa mashariki dhiraa elfu mbili, na upande wa kusini dhiraa elfu mbili, na upande wa magharibi dhiraa elfu mbili, na upande wa kaskazini dhiraa elfu mbili, huo mji ulio katikati. Hayo ndiyo yatakayokuwa kwao malisho ya miji.
6 Na hiyo miji mtakayowapa Walawi, itakuwa miji sita ya makimbilio, mtakayoweka kwa ajili ya mwenye kumwua mtu, ili akimbilie huko; pamoja na hiyo mtawapa miji arobaini na miwili zaidi.
Josué 21.13 Josué 21.3 Josué 21.36 Josué 21.32 Josué 21.21
7 Miji yote mtakayowapa hao Walawi jumla yake itakuwa miji arobaini na minane; mtawapa miji hiyo pamoja na malisho yake.
Josué 21.3-21.42 1 Chroniques 6.54-6.81
8 Tena katika miji mtakayotoa ya hiyo milki ya wana wa Israeli, katika hao walio wengi mtatwaa miji mingi; na katika hao walio wachache mtatwaa miji michache; kila mtu kama ulivyo urithi wake atakaourithi, atawapa Walawi katika miji yake.
Nombres 33.54 Nombres 26.54 Josué 21.1-21.42 2 Corinthiens 8.13-8.14 Exode 16.18
9 Kisha Bwana akanena na Musa, na kumwambia,
10 Nena na wana wa Israeli, uwaambie, Mtakapovuka mto wa Yordani na kuingia nchi ya Kanaani,
Lévitique 14.34 Josué 20.2-20.6 Deutéronome 12.9 Lévitique 25.2 Nombres 34.2
11 Ndipo mtajiwekea miji iwe miji ya makimbilio kwa ajili yenu; ili kwamba mwenye kumwua mtu, pasipo kukusudia kumwua, apate kukimbilia huko.
Exode 21.13 Josué 20.2 Deutéronome 4.42 Nombres 35.22-35.25 Nombres 35.6
12 Na hiyo miji itakuwa kwenu kuwa makimbilio, kumkimbia mwenye kutwaa kisasi, ili asiuawe mwenye kumwua mtu, hata atakaposimama mbele ya mkutano ahukumiwe.
Josué 20.3-20.6 Deutéronome 19.6 Deutéronome 19.11-19.12 2 Samuel 14.7 Nombres 35.19
13 Na hiyo miji mtakayowapa itakuwa kwenu ni miji sita ya makimbilio.
14 Mtawapa miji mitatu ng’ambo ya pili ya Yordani, na miji mitatu mtawapa katika nchi ya Kanaani; miji hiyo itakuwa ni miji ya makimbilio.
Deutéronome 19.8-19.10 Josué 20.7-20.9 Deutéronome 4.41-4.43
15 Miji hiyo sita itakuwa miji ya makimbilio kwa ajili ya wana wa Israeli, na kwa ajili ya mgeni, na kwa ajili ya huyo aketiye kati yao hali ya ugeni; ili kila amwuaye mtu, naye hakukusudia kumwua, apate kukimbilia huko.
Nombres 15.16 Lévitique 24.22 Exode 12.49 Galates 3.28 Romains 3.29
16 Lakini kama alimpiga kwa chombo cha chuma, akafa, ni mwuaji huyo; mwuaji hakika yake atauawa.
Lévitique 24.17 Nombres 35.22-35.24 Genèse 9.5-9.6 Nombres 35.30-35.33 Exode 21.12-21.14
17 Na kama alimpiga kwa jiwe lililokuwa mkononi mwake, ambalo kwa hilo humkini mtu kufa, naye akafa, yeye ni mwuaji; huyo mwuaji lazima atauawa.
Exode 21.18
18 Au kama alimpiga kwa chombo cha mti kilichokuwa mkononi mwake ambacho kwa hicho humkini mtu kufa, naye akafa, ni mwuaji huyo, mwuaji lazima atauawa.
19 Mwenye kutwaa kisasi cha damu ndiye atakayemwua mwuaji; hapo atakapokutana naye, atamwua.
Josué 20.3 Deutéronome 19.6 Nombres 35.21 Josué 20.5 Deutéronome 19.12
20 Tena kwamba alimsukuma kwa kumchukia, au kwamba alimtupia kitu kwa kumvizia, hata akafa;
Exode 21.14 Deutéronome 19.11 Genèse 4.8 2 Samuel 20.10 2 Samuel 3.27
21 au akampiga kwa mkono wake kwa kuwa ni adui, naye akafa; yeye aliyempiga lazima atauawa; yeye ni mwuaji; mwenye kutwaa kisasi cha damu atamwua mwuaji, hapo atakapokutana naye.
22 Lakini ikiwa alimsukuma ghafula pasipo kumchukia; au akamtupia kitu cho chote pasipo kumvizia,
Exode 21.13 Nombres 35.11 Josué 20.5 Deutéronome 19.5 Josué 20.3
23 au kwa jiwe liwalo lote, ambalo kwa kupigwa kwalo humkini mtu kufa, asipomwona, akamtupia hata akafa, naye hakuwa adui yake, wala hakumtakia madhara;
24 ndipo mkutano utaamua kati ya huyo aliyempiga mtu na huyo atakayetwaa kisasi cha damu, kama hukumu hizi zilivyo;
Josué 20.6 Nombres 35.12
25 nao mkutano utamwokoa yule aliyemwua mtu na mkono wa mwenye kutwaa kisasi cha damu; tena mkutano utamrejeza katika mji wake wa makimbilio, aliokuwa anaukimbilia; naye atakaa humo hata kifo chake kuhani mkuu, aliyepakwa mafuta kwa mafuta matakatifu.
Exode 29.7 Lévitique 21.10 Josué 20.6 Lévitique 4.3 Hébreux 7.25-7.28
26 Lakini kama mwenye kumwua mtu akienda wakati wo wote kupita mpaka wa huo mji wa makimbilio, alioukimbilia;
27 na mwenye kutwaa kisasi cha damu akamwona, naye yu nje ya mpaka wa mji wake wa makimbilio, na mwenye kutwaa kisasi cha damu akamwua huyo mwuaji, hatakuwa na hatia ya damu;
Deutéronome 19.10 Exode 22.2 Deutéronome 19.6
28 kwa sababu ilimpasa kukaa ndani ya mji wake wa makimbilio hata kifo chake kuhani mkuu lakini kuhani mkuu atakapokwisha kufa huyo mwuaji atarudi aende nchi ya urithi wake.
Hébreux 10.26-10.30 Hébreux 6.4-6.8 Hébreux 9.11-9.12 Hébreux 10.39 Actes 27.31
29 Mambo haya yatakuwa ni amri ya hukumu kwenu, katika vizazi vyenu vyote, katika makazi yenu yote.
Nombres 27.11 Nombres 27.1
30 Mtu awaye yote atakayemwua mtu, huyo mwuaji atauawa kwa vinywa vya mashahidi; lakini shahidi mmoja hatashuhudia juu ya mtu hata akafa.
Matthieu 18.16 Deutéronome 19.15 Hébreux 10.28 2 Corinthiens 13.1 Jean 8.17-8.18
31 Tena, msipokee fidia kwa ajili ya uhai wa mwuaji, ambaye amekuwa na hatia ya mauti; Lakini lazima atauawa.
2 Samuel 12.13 Exode 21.14 Deutéronome 19.11-19.13 Genèse 9.5-9.6 1 Rois 2.28-2.34
32 Tena hamtapokea fidia kwa ajili ya huyo aliyeukimbilia mji wake wa makimbilio, apate kwenda tena kuketi katika nchi, hata kifo cha kuhani mkuu.
Apocalypse 5.9 Actes 4.12 Galates 2.21 Galates 3.10-3.13 Galates 3.22
33 Hivi hamtaitia unajisi nchi ambayo mwakaa; kwa kuwa damu huitia nchi unajisi; wala hapana sadaka itoshayo kwa ajili ya nchi, kwa ajili ya damu iliyomwagwa ndani yake, isipokuwa ni damu ya huyo aliyeimwaga.
Michée 4.11 Genèse 9.6 Psaumes 106.38 2 Rois 24.4 Deutéronome 21.1-21.8
34 Kwa hiyo msiitie unajisi nchi muiketiyo, ambayo naketi nami kati yake; kwa kuwa mimi Bwana nakaa kati ya wana wa Israeli.
Nombres 5.3 2 Corinthiens 6.16-6.17 Osée 9.3 1 Rois 6.13 Esaïe 8.12