Genèse 47.1
Vulgate

La famille de Jacob dans la région de Gosen

¹ ingressus ergo Ioseph nuntiavit Pharaoni dicens pater meus et fratres oves eorum et armenta et cuncta quae possident venerunt de terra Chanaan et ecce consistunt in terra Gessen
Genèse 46.31 Genèse 45.10 Genèse 46.28 Genèse 46.34 Genèse 45.16
² extremos quoque fratrum suorum quinque viros statuit coram rege
Actes 7.13 Colossiens 1.28 Jude 1.24 2 Corinthiens 4.14
³ quos ille interrogavit quid habetis operis responderunt pastores ovium sumus servi tui et nos et patres nostri
Genèse 46.33-46.34 Amos 7.14-7.15 Genèse 4.2 2 Thessaloniciens 3.10 Jonas 1.8
⁴ ad peregrinandum in terra tua venimus quoniam non est herba gregibus servorum tuorum ingravescente fame in regione Chanaan petimusque ut esse nos iubeas servos tuos in terra Gessen
Genèse 46.34 Genèse 15.13 Deutéronome 26.5 Genèse 43.1 Actes 7.11
⁵ dixit itaque rex ad Ioseph pater tuus et fratres tui venerunt ad te
⁶ terra Aegypti in conspectu tuo est in optimo loco fac habitare eos et trade eis terram Gessen quod si nosti esse in eis viros industrios constitue illos magistros pecorum meorum
Genèse 47.11 Exode 18.21 Genèse 47.4 Exode 18.25 Proverbes 22.29
⁷ post haec introduxit Ioseph patrem suum ad regem et statuit eum coram eo qui benedicens illi
Genèse 47.10 1 Samuel 2.20 Exode 12.32 2 Samuel 8.10 2 Rois 4.29
⁸ et interrogatus ab eo quot sunt dies annorum vitae tuae
⁹ respondit dies peregrinationis vitae meae centum triginta annorum sunt parvi et mali et non pervenerunt usque ad dies patrum meorum quibus peregrinati sunt
Psaumes 119.19 Genèse 35.28 Psaumes 119.54 Job 14.1 Jacques 4.14
¹⁰ et benedicto rege egressus est foras
Genèse 47.7 Hébreux 7.7 Nombres 6.23-6.27 2 Samuel 8.10 Psaumes 129.8
¹¹ Ioseph vero patri et fratribus suis dedit possessionem in Aegypto in optimo loco terrae solo Ramesses ut praeceperat Pharao
Exode 12.37 Exode 1.11 Genèse 47.6 Jean 10.10 Jean 10.28
¹² et alebat eos omnemque domum patris sui praebens cibaria singulis
Genèse 45.11 1 Timothée 5.4 Matthieu 15.4-15.6 Exode 20.12 Genèse 47.21
¹³ in toto enim orbe panis deerat et oppresserat fames terram maxime Aegypti et Chanaan
Actes 7.11 Joël 1.10-1.12 1 Rois 18.5 Genèse 41.30-41.31 Lamentations 2.19-2.20
¹⁴ e quibus omnem pecuniam congregavit pro venditione frumenti et intulit eam in aerarium regis
Genèse 41.56 Luc 16.1-16.2 1 Corinthiens 4.2 1 Pierre 4.10 Luc 16.10-16.12
¹⁵ cumque defecisset emptoris pretium venit cuncta Aegyptus ad Ioseph dicens da nobis panes quare morimur coram te deficiente pecunia
1 Samuel 25.8 Genèse 47.24 Juges 8.5 1 Samuel 21.3 Esaïe 33.16
¹⁶ quibus ille respondit adducite pecora vestra et dabo vobis pro eis cibos si pretium non habetis
Proverbes 12.17 Daniel 6.5-6.7 Philippiens 4.8 1 Corinthiens 10.32 Colossiens 4.5
¹⁷ quae cum adduxissent dedit eis alimenta pro equis et ovibus et bubus et asinis sustentavitque eos illo anno pro commutatione pecorum
Job 2.4 Exode 9.3 Esaïe 31.1 Matthieu 6.24 1 Rois 10.28
¹⁸ veneruntque anno secundo et dixerunt ei non celamus dominum nostrum quod deficiente pecunia pecora simul defecerint nec clam te est quod absque corporibus et terra nihil habeamus
Jérémie 38.9 2 Rois 6.26
¹⁹ cur ergo morimur te vidente et nos et terra nostra tui erimus eme nos in servitutem regiam et praebe semina ne pereunte cultore redigatur terra in solitudinem
Néhémie 5.2-5.3 Matthieu 16.26 Job 2.4 Philippiens 3.8-3.9 Lamentations 1.11
²⁰ emit igitur Ioseph omnem terram Aegypti vendentibus singulis possessiones suas prae magnitudine famis subiecitque eam Pharaoni
²¹ et cunctos populos eius a novissimis terminis Aegypti usque ad extremos fines eius
Genèse 41.48
²² praeter terram sacerdotum quae a rege tradita fuerat eis quibus et statuta cibaria ex horreis publicis praebebantur et idcirco non sunt conpulsi vendere possessiones suas
Esdras 7.24 Genèse 14.18 1 Timothée 5.17 Néhémie 13.10 1 Corinthiens 9.13
²³ dixit ergo Ioseph ad populos en ut cernitis et vos et terram vestram Pharao possidet accipite semina et serite agros
Esaïe 28.24-28.25 Proverbes 12.11 Proverbes 13.23 Ecclésiaste 11.6 Proverbes 11.26
²⁴ ut fruges habere possitis quintam partem regi dabitis quattuor reliquas permitto vobis in sementem et in cibos famulis et liberis vestris
Genèse 41.34 Genèse 47.25 1 Samuel 8.15-8.17 Psaumes 112.5 Lévitique 27.32
²⁵ qui responderunt salus nostra in manu tua est respiciat nos tantum dominus noster et laeti serviemus regi
Genèse 33.15 Genèse 18.3 Genèse 45.6-45.8 Proverbes 11.26-11.27 Ruth 2.13
²⁶ ex eo tempore usque in praesentem diem in universa terra Aegypti regibus quinta pars solvitur et factum est quasi in legem absque terra sacerdotali quae libera ab hac condicione fuit
Genèse 47.22 Ezéchiel 7.24
²⁷ habitavit ergo Israhel in Aegypto id est in terra Gessen et possedit eam auctusque est et multiplicatus nimis
Exode 1.7 Genèse 46.3 Genèse 26.4 Actes 7.17 Deutéronome 26.5
²⁸ et vixit in ea decem et septem annis factique sunt omnes dies vitae illius centum quadraginta septem annorum
Psaumes 90.10 Genèse 37.2 Psaumes 90.12 Genèse 47.8-47.9 Psaumes 119.84
²⁹ cumque adpropinquare cerneret mortis diem vocavit filium suum Ioseph et dixit ad eum si inveni gratiam in conspectu tuo pone manum sub femore meo et facies mihi misericordiam et veritatem ut non sepelias me in Aegypto
Genèse 24.2 Deutéronome 31.14 Genèse 24.49 1 Rois 2.1 Genèse 50.24-50.25
³⁰ sed dormiam cum patribus meis et auferas me de hac terra condasque in sepulchro maiorum cui respondit Ioseph ego faciam quod iussisti
Genèse 49.29-49.32 Genèse 23.19 Genèse 25.9 Genèse 50.25 Actes 7.15-7.16
³¹ et ille iura ergo inquit mihi quo iurante adoravit Israhel Deum conversus ad lectuli caput
1 Rois 1.47 Genèse 24.3 Hébreux 11.21 Genèse 21.23 Genèse 47.29