Job 39.4
Vulgate

¹ numquid nosti tempus partus hibicum in petris vel parturientes cervas observasti
1 Samuel 24.2 Psaumes 104.18 Psaumes 29.9 Jérémie 14.5 Deutéronome 14.5
² dinumerasti menses conceptus earum et scisti tempus partus earum
Jérémie 2.24
³ incurvantur ad fetum et pariunt et rugitus emittunt
⁴ separantur filii earum pergunt ad pastum egrediuntur et non revertuntur ad eas
⁵ quis dimisit onagrum liberum et vincula eius quis solvit
Job 24.5 Job 6.5 Job 11.12 Psaumes 104.11 Osée 8.9
⁶ cui dedi in solitudine domum et tabernacula eius in terra salsuginis
Psaumes 107.34 Jérémie 2.24 Deutéronome 29.23 Jérémie 17.6 Job 24.5
⁷ contemnit multitudinem civitatis clamorem exactoris non audit
Job 3.18 Esaïe 31.4 Exode 5.13-5.16 Esaïe 58.3 Job 39.18
⁸ circumspicit montes pascuae suae et virentia quaeque perquirit
Genèse 1.29-1.30 Psaumes 145.15-145.16 Job 40.20-40.22 Job 40.15 Psaumes 104.27-104.28
⁹ numquid volet rinoceros servire tibi aut morabitur ad praesepe tuum
Nombres 23.22 Deutéronome 33.17 Psaumes 92.10 Psaumes 22.21 Esaïe 1.3
¹⁰ numquid alligabis rinocerota ad arandum loro tuo aut confringet glebas vallium post te
Job 41.5 Job 39.7 Osée 10.10-10.11 Job 39.5 Michée 1.13
¹¹ numquid fiduciam habebis in magna fortitudine eius et derelinques ei labores tuos
Esaïe 31.1-31.3 Psaumes 33.16-33.17 Proverbes 14.4 Genèse 9.2 Psaumes 144.14
¹² numquid credes ei quoniam reddat sementem tibi et aream tuam congreget
Amos 2.13 Matthieu 3.2 Proverbes 3.16 Matthieu 13.30 Néhémie 13.15
¹³ pinna strutionum similis est pinnis herodii et accipitris
Zacharie 5.9 Jérémie 8.7 1 Rois 10.22 Lévitique 11.19 Job 30.29
¹⁴ quando derelinquit in terra ova sua tu forsitan in pulvere calefacis ea
¹⁵ obliviscitur quod pes conculcet ea aut bestiae agri conterant
¹⁶ duratur ad filios suos quasi non sint sui frustra laboravit nullo timore cogente
Lamentations 4.3 Ecclésiaste 10.15 1 Rois 3.26-3.27 Romains 1.31 2 Rois 6.28-6.29
¹⁷ privavit enim eam Deus sapientia nec dedit illi intellegentiam
Job 35.11 Job 17.4 Esaïe 19.11-19.14 2 Chroniques 32.31 Deutéronome 2.30
¹⁸ cum tempus fuerit in altum alas erigit deridet equitem et ascensorem eius
Job 39.7 Job 5.22 Job 39.22 2 Rois 19.21 Job 41.29
¹⁹ numquid praebebis equo fortitudinem aut circumdabis collo eius hinnitum
Psaumes 147.10 Job 39.25 Marc 3.17 Psaumes 93.1 Psaumes 104.1
²⁰ numquid suscitabis eum quasi lucustas gloria narium eius terror
Jérémie 8.16 Job 41.20-41.21 Joël 2.5
²¹ terram ungula fodit exultat audacter in occursum pergit armatis
Jérémie 8.6 Jérémie 9.23 Juges 5.22 Psaumes 19.5 1 Samuel 17.42
²² contemnit pavorem nec cedit gladio
Job 39.18 Job 41.33 Job 39.16
²³ super ipsum sonabit faretra vibrabit hasta et clypeus
Job 41.26-41.29
²⁴ fervens et fremens sorbet terram nec reputat tubae sonare clangorem
Habakuk 1.8-1.9 Luc 24.41 Job 9.16 Job 37.20 Jérémie 4.19
²⁵ ubi audierit bucinam dicet va procul odoratur bellum exhortationem ducum et ululatum exercitus
Ezéchiel 26.2 Psaumes 70.3 Ezéchiel 36.2
²⁶ numquid per sapientiam tuam plumescit accipiter expandens alas suas ad austrum
Lévitique 16.11 Jérémie 8.7 Cantique 2.12 Deutéronome 14.15
²⁷ aut ad praeceptum tuum elevabitur aquila et in arduis ponet nidum suum
Abdias 1.4 Jérémie 49.16 Psaumes 103.5 Exode 19.4 Lévitique 11.13
²⁸ in petris manet et in praeruptis silicibus commoratur atque inaccessis rupibus
1 Samuel 14.4
²⁹ inde contemplatur escam et de longe oculi eius prospiciunt
Job 9.26
³⁰ pulli eius lambent sanguinem et ubicumque cadaver fuerit statim adest
Matthieu 24.28 Luc 17.37 Ezéchiel 39.17-39.19