Esaïe 42.1
Vulgate

Le serviteur de l’Éternel

¹ ecce servus meus suscipiam eum electus meus conplacuit sibi in illo anima mea dedi spiritum meum super eum iudicium gentibus proferet
Philippiens 2.7 Esaïe 43.10 Esaïe 52.13 Luc 3.22 Esaïe 53.11
² non clamabit neque accipiet personam nec audietur foris vox eius
Matthieu 12.16-12.20 Zacharie 9.9 Luc 17.20 2 Timothée 2.24 Matthieu 11.29
³ calamum quassatum non conteret et linum fumigans non extinguet in veritate educet iudicium
Matthieu 11.28 Esaïe 40.11 Psaumes 96.13 Psaumes 147.3 Ezéchiel 34.16
⁴ non erit tristis neque turbulentus donec ponat in terra iudicium et legem eius insulae expectabunt
Esaïe 55.5 Genèse 49.10 Esaïe 53.2-53.12 Esaïe 60.9 Psaumes 22.27
⁵ haec dicit Dominus Deus creans caelos et extendens eos firmans terram et quae germinant ex ea dans flatum populo qui est super eam et spiritum calcantibus eam
Esaïe 45.18 Esaïe 45.12 Actes 17.25 Amos 9.6 Esaïe 40.22
⁶ ego Dominus vocavi te in iustitia et adprehendi manum tuam et servavi et dedi te in foedus populi in lucem gentium
Luc 2.32 Actes 13.47 Esaïe 49.8 Esaïe 49.6 Jérémie 23.5-23.6
⁷ ut aperires oculos caecorum et educeres de conclusione vinctum de domo carceris sedentes in tenebris
Esaïe 61.1 Esaïe 35.5 Esaïe 49.9 Hébreux 2.14-2.15 Ephésiens 1.17-1.18
⁸ ego Dominus hoc est nomen meum gloriam meam alteri non dabo et laudem meam sculptilibus
Esaïe 48.11 Exode 20.3-20.5 Psaumes 83.18 Exode 34.14 Exode 3.13-3.15
⁹ quae prima fuerant ecce venerunt nova quoque ego adnuntio antequam oriantur audita vobis faciam
Esaïe 43.19 Esaïe 46.9-46.10 1 Rois 8.15-8.20 2 Pierre 1.19-1.21 Josué 21.45
¹⁰ cantate Domino canticum novum laus eius ab extremis terrae qui descenditis in mare et plenitudo eius insulae et habitatores earum
Psaumes 33.3 Psaumes 40.3 Esaïe 42.4 Romains 15.9-15.11 Esaïe 44.23
¹¹ sublevetur desertum et civitates eius in domibus habitabit Cedar laudate habitatores Petrae de vertice montium clamabunt
Esaïe 32.16 Esaïe 60.7 Psaumes 72.8-72.10 Esaïe 21.16 Esaïe 41.18-41.19
¹² ponent Domino gloriam et laudem eius in insulis nuntiabunt
Psaumes 22.27 Apocalypse 7.9-7.12 Esaïe 66.18-66.19 Apocalypse 5.9-5.10 Esaïe 24.15-24.16
¹³ Dominus sicut fortis egredietur sicut vir proeliator suscitabit zelum vociferabitur et clamabit super inimicos suos confortabitur
Psaumes 78.65 Osée 11.10 Nahum 1.2 Amos 1.2 Sophonie 3.8
¹⁴ tacui semper silui patiens fui sicut pariens loquar dissipabo et absorbebo simul
Ecclésiaste 8.11-8.12 2 Pierre 3.9-3.10 2 Pierre 3.15 Job 32.20 Jérémie 15.6
¹⁵ desertos faciam montes et colles et omne gramen eorum exsiccabo et ponam flumina in insulas et stagna arefaciam
Esaïe 50.2 Nahum 1.4-1.6 Esaïe 2.12-2.16 Esaïe 44.27 Apocalypse 20.11
¹⁶ et ducam caecos in via quam nesciunt in semitis quas ignoraverunt ambulare eos faciam ponam tenebras coram eis in lucem et prava in recta haec verba feci eis et non dereliqui eos
Esaïe 30.21 Ephésiens 5.8 Luc 3.5 Esaïe 40.4 Esaïe 29.18
¹⁷ conversi sunt retrorsum confundantur confusione qui confidunt in sculptili qui dicunt conflatili vos dii nostri
Esaïe 1.29 Esaïe 44.11 Psaumes 97.7 Habakuk 2.18-2.20 Esaïe 44.17
¹⁸ surdi audite et caeci intuemini ad videndum
Esaïe 29.18 Marc 7.34-7.37 Esaïe 43.8 Proverbes 20.12 Luc 7.22
¹⁹ quis caecus nisi servus meus et surdus nisi ad quem nuntios meos misi quis caecus nisi qui venundatus est quis caecus nisi servus Domini
Jérémie 5.21 2 Corinthiens 4.4 Ezéchiel 12.2 Jean 12.40 Romains 11.7-11.10
²⁰ qui vides multa nonne custodies qui apertas habes aures nonne audies
Deutéronome 29.2-29.4 Jérémie 42.2-42.5 Esaïe 48.6-48.8 Psaumes 107.43 Nombres 14.22
²¹ et Dominus voluit ut sanctificaret eum et magnificaret legem et extolleret
Psaumes 40.8 Daniel 9.24-9.27 Galates 3.21 Esaïe 1.24-1.27 Romains 3.25-3.26
²² ipse autem populus direptus et vastatus laqueus iuvenum omnes et in domibus carcerum absconditi sunt facti sunt in rapinam nec est qui eruat in direptionem et non est qui dicat redde
Esaïe 14.17 Esaïe 24.18 Esaïe 36.1 Esaïe 1.7 Psaumes 102.20
²³ quis est in vobis qui audiat hoc adtendat et auscultet futura
Esaïe 48.18 Jérémie 3.4-3.7 Lévitique 26.40-26.42 Proverbes 1.22-1.23 Esaïe 1.18-1.20
²⁴ quis dedit in direptionem Iacob et Israhel vastantibus nonne Dominus ipse cui peccavimus et noluerunt in viis eius ambulare et non audierunt legem eius
Esaïe 45.7 Néhémie 9.26-9.27 Juges 2.14 Esaïe 63.10 Esaïe 47.6
²⁵ et effudit super eum indignationem furoris sui et forte bellum et conbusit eum in circuitu et non cognovit et succendit eum et non intellexit
Osée 7.9 Esaïe 57.11 2 Rois 25.9 Esaïe 57.1 Esaïe 47.7