Jérémie 26
Vulgate

Jérémie menacé de mort

1 in principio regis Ioachim filii Iosiae regis Iuda factum est verbum istud a Domino dicens
Jérémie 27.1 2 Chroniques 36.4-36.5 Jérémie 35.1 2 Rois 23.34-23.36 Jérémie 25.1
2 haec dicit Dominus sta in atrio domus Domini et loqueris ad omnes civitates Iuda de quibus veniunt ut adorent in domo Domini universos sermones quos ego mandavi tibi ut loquaris ad eos noli subtrahere verbum
Actes 20.27 Deutéronome 4.2 Jérémie 19.14 Matthieu 28.20 Jérémie 1.17
3 si forte audiant et convertantur unusquisque a via sua mala et paeniteat me mali quod cogito facere eis propter malitias studiorum eorum
Jérémie 36.3 Jérémie 18.7-18.10 Esaïe 1.16-1.19 Ezéchiel 18.27-18.30 Jonas 4.2
4 et dices ad eos haec dicit Dominus si non audieritis me ut ambuletis in lege mea quam dedi vobis
1 Rois 9.6 Jérémie 44.10 Esaïe 1.20 Josué 23.15-23.16 2 Chroniques 7.19-7.20
5 ut audiatis sermones servorum meorum prophetarum quos ego misi ad vos de nocte consurgens et dirigens et non audistis
Jérémie 25.3-25.4 2 Rois 9.7 Esdras 9.11 Jérémie 7.13 Jérémie 11.7
6 dabo domum istam sicut Silo et urbem hanc dabo in maledictionem cunctis gentibus terrae
2 Rois 22.19 Jérémie 24.9 Jérémie 25.18 Esaïe 65.15 Daniel 9.11
7 et audierunt sacerdotes et prophetae et omnis populus Hieremiam loquentem verba haec in domo Domini
Michée 3.11 Jérémie 5.31 Actes 5.17 Ezéchiel 22.25-22.26 Jérémie 23.11-23.15
8 cumque conplesset Hieremias loquens omnia quae praeceperat ei Dominus ut loqueretur ad universum populum adprehenderunt eum sacerdotes et prophetae et omnis populus dicens morte morietur
Lamentations 4.13-4.14 Matthieu 22.6 Matthieu 26.3-26.4 Jérémie 20.1-20.2 Jérémie 18.18
9 quare prophetavit in nomine Domini dicens sicut Silo erit domus haec et urbs ista desolabitur eo quod non sit habitator et congregatus est omnis populus adversum Hieremiam in domum Domini
Actes 6.14 2 Chroniques 25.16 Actes 5.28 Matthieu 27.20 Amos 5.10
10 et audierunt principes Iuda verba haec et ascenderunt de domo regis in domum Domini et sederunt in introitu portae Domini novae
Jérémie 36.10 Jérémie 26.16-26.17 Jérémie 36.12-36.19 Jérémie 26.24 2 Rois 15.35
11 et locuti sunt sacerdotes et prophetae ad principes et ad omnem populum dicentes iudicium mortis est viro huic quia prophetavit adversum civitatem istam sicut audistis auribus vestris
Jérémie 38.4 Deutéronome 18.20 Matthieu 26.66 Actes 6.11-6.14 Luc 23.1-23.5
12 et ait Hieremias ad omnes principes et ad universum populum dicens Dominus misit me ut prophetarem ad domum istam et ad civitatem hanc omnia verba quae audistis
Actes 4.19 Actes 5.29 Jérémie 26.15 Jérémie 26.2 Jérémie 1.17-1.18
13 nunc ergo bonas facite vias vestras et studia vestra et audite vocem Domini Dei vestri et paenitebit Dominum mali quod locutus est adversum vos
Jérémie 35.15 Jonas 3.9 Joël 2.14 Jérémie 18.8 Jérémie 26.3
14 ego autem ecce in manibus vestris sum facite mihi ut bonum et rectum est in oculis vestris
Jérémie 38.5 Josué 9.25 Daniel 3.16 2 Samuel 15.26
15 verumtamen scitote et cognoscite quod si occideritis me sanguinem innocentem traditis contra vosmet ipsos et contra civitatem istam et habitatores eius in veritate enim misit me Dominus ad vos ut loquerer in auribus vestris omnia verba haec
Proverbes 6.17 Nombres 35.33 Jérémie 7.6 1 Thessaloniciens 2.15-2.16 Deutéronome 19.10
16 et dixerunt principes et omnis populus ad sacerdotes et prophetas non est viro huic iudicium mortis quia in nomine Domini Dei nostri locutus est ad nos
Actes 23.9 Actes 23.29 Actes 5.34-5.39 Actes 25.25 Jérémie 36.19
17 surrexerunt ergo viri de senioribus terrae et dixerunt ad omnem coetum populi loquentes
Actes 5.34 Michée 1.1
18 Michas de Morasthim fuit propheta in diebus Ezechiae regis Iudae et ait ad omnem populum Iudae dicens haec dicit Dominus exercituum Sion quasi ager arabitur et Hierusalem in acervum lapidum erit et mons domus in excelsa silvarum
Néhémie 4.2 Zacharie 8.3 Michée 1.1 Jérémie 17.3 Michée 3.12-4.1
19 numquid morte condemnavit eum Ezechias rex Iuda et omnis Iuda numquid non timuerunt Dominum et deprecati sunt faciem Domini et paenituit Dominum mali quod locutus erat adversum eos itaque nos facimus malum grande contra animas nostras
Exode 32.14 2 Samuel 24.16 Esaïe 37.15-37.20 2 Chroniques 29.6-29.11 2 Chroniques 32.25-32.26
20 fuit quoque vir prophetans in nomine Domini Urias filius Semei de Cariathiarim et prophetavit adversum civitatem istam et adversum terram hanc iuxta universa verba Hieremiae
1 Samuel 7.2 Josué 9.17 1 Samuel 6.21 Josué 15.60 Josué 18.14
21 et audivit rex Ioachim et omnes potentes et principes eius verba haec et quaesivit rex interficere eum et audivit Urias et timuit fugitque et ingressus est Aegyptum
Matthieu 10.23 2 Chroniques 16.10 Jérémie 36.26 Matthieu 14.5 Proverbes 29.25
22 et misit rex Ioachim viros in Aegyptum Elnathan filium Achobor et viros cum eo in Aegyptum
2 Rois 22.14 2 Rois 22.12 Jérémie 36.12 Jérémie 36.25 Psaumes 12.8
23 et eduxerunt Uriam de Aegypto et adduxerunt eum ad regem Ioachim et percussit eum gladio et proiecit cadaver eius in sepulchris vulgi ignobilis
Jérémie 2.30 Jérémie 36.30 Matthieu 23.34-23.35 Ezéchiel 19.6 Apocalypse 11.7
24 igitur manus Ahicam filii Saphan fuit cum Hieremia ut non traderetur in manu populi et interficerent eum
1 Rois 18.4 Jérémie 39.14 Jérémie 40.5-40.7 Jérémie 1.18-1.19 2 Rois 22.12-22.14