Jérémie 5.16
Vulgate

Raisons du jugement

¹ circuite vias Hierusalem et aspicite et considerate et quaerite in plateis eius an inveniatis virum facientem iudicium et quaerentem fidem et propitius ero eius
2 Chroniques 16.9 Ezéchiel 22.30 Genèse 18.23-18.32 Daniel 12.4 Michée 7.1-7.2
² quod si etiam vivit Dominus dixerint et hoc falso iurabunt
Tite 1.16 Jérémie 7.9 Jérémie 4.2 Esaïe 48.1 Osée 4.15
³ Domine oculi tui respiciunt fidem percussisti eos et non doluerunt adtrivisti eos et rennuerunt accipere disciplinam induraverunt facies suas super petram noluerunt reverti
2 Chroniques 16.9 Jérémie 2.30 Jérémie 7.28 Esaïe 9.13 Psaumes 11.4-11.7
⁴ ego autem dixi forsitan pauperes sunt et stulti ignorantes viam Domini iudicium Dei sui
Osée 4.6 Jérémie 8.7 Esaïe 27.11 Matthieu 11.5 Jérémie 4.22
⁵ ibo igitur ad optimates et loquar eis ipsi enim cognoverunt viam Domini iudicium Dei sui et ecce magis hii simul confregerunt iugum ruperunt vincula
Jacques 2.5-2.7 Jérémie 2.20 Ezéchiel 22.6-22.8 Actes 4.26-4.27 Michée 3.1-3.4
⁶ idcirco percussit eos leo de silva lupus ad vesperam vastavit eos pardus vigilans super civitates eorum omnis qui egressus fuerit ex eis capietur quia multiplicatae sunt praevaricationes eorum confortatae sunt aversiones eorum
Sophonie 3.3 Jérémie 4.7 Habakuk 1.8 Ezéchiel 22.27 Osée 13.7-13.8
⁷ super quo propitius tibi esse potero filii tui dereliquerunt me et iurant in his qui non sunt dii saturavi eos et moechati sunt et in domo meretricis luxuriabantur
Josué 23.7 Deutéronome 32.21 Galates 4.8 Jérémie 2.11 Sophonie 1.5
⁸ equi amatores et admissarii facti sunt unusquisque ad uxorem proximi sui hinniebat
Jérémie 13.27 Ezéchiel 22.11 Deutéronome 5.18 Exode 20.14 Job 31.9
⁹ numquid super his non visitabo dicit Dominus et in gente tali non ulciscetur anima mea
Jérémie 9.9 Jérémie 5.29 Jérémie 44.22 Deutéronome 32.43 Lévitique 26.25
¹⁰ ascendite muros eius et dissipate consummationem autem nolite facere auferte propagines eius quia non sunt Domini
Jérémie 4.27 Psaumes 78.61-78.62 Jérémie 39.8 Ezéchiel 12.16 Ezéchiel 9.5-9.7
¹¹ praevaricatione enim praevaricata est in me domus Israhel et domus Iuda ait Dominus
Jérémie 3.20 Jérémie 3.6-3.11 Esaïe 48.8 Osée 5.7 Osée 6.7
¹² negaverunt Dominum et dixerunt non est ipse neque veniet super nos malum gladium et famem non videbimus
2 Chroniques 36.16 Jérémie 5.31 Ezéchiel 13.6 Jérémie 23.14-23.17 Jérémie 4.10
¹³ prophetae fuerunt in ventum et responsum non fuit in eis haec ergo evenient illis
Jérémie 14.15 Job 8.2 Jérémie 14.13 Job 6.26 Osée 9.7
¹⁴ haec dicit Dominus Deus exercituum quia locuti estis verbum istud ecce ego do verba mea in ore tuo in ignem et populum istum ligna et vorabit eos
Jérémie 1.9 Jérémie 23.29 Osée 6.5 Zacharie 1.6 Apocalypse 11.5-11.6
¹⁵ ecce ego adducam super vos gentem de longinquo domus Israhel ait Dominus gentem robustam gentem antiquam gentem cuius ignorabis linguam nec intelleges quid loquatur
Deutéronome 28.49 Jérémie 4.16 Esaïe 5.26 Esaïe 28.11 Jérémie 1.15
¹⁶ faretra eius quasi sepulchrum patens universi fortes
Esaïe 5.28 Psaumes 5.9 Romains 3.13
¹⁷ et comedet segetes tuas et panem tuum devorabit filios tuos et filias tuas comedet gregem tuum et armenta tua comedet vineam tuam et ficum tuam et conteret urbes munitas tuas in quibus tu habes fiduciam gladio
Deutéronome 28.33 Lévitique 26.16 Esaïe 65.22 Jérémie 50.7 Jérémie 1.15
¹⁸ verumtamen et diebus illis ait Dominus non faciam vos in consummationem
Jérémie 5.10 Jérémie 4.27 Romains 11.1-11.5 Ezéchiel 11.13 Ezéchiel 9.8
¹⁹ quod si dixeritis quare fecit Dominus Deus noster nobis haec omnia dices ad eos sicut dereliquistis me et servistis deo alieno in terra vestra sic servietis alienis in terra non vestra
1 Rois 9.8-9.9 Jérémie 13.22 Jérémie 22.8-22.9 Deutéronome 28.47-28.48 Jérémie 16.13
²⁰ adnuntiate hoc domui Iacob et auditum facite in Iuda dicentes
²¹ audi populus stulte qui non habes cor qui habentes oculos non videtis et aures et non auditis
Ezéchiel 12.2 Actes 28.26 Esaïe 6.9-6.10 Romains 11.8 Jean 12.40
²² me ergo non timebitis ait Dominus et a facie mea non dolebitis qui posui harenam terminum mari praeceptum sempiternum quod non praeteribit et commovebuntur et non poterunt et intumescent fluctus eius et non transibunt illud
Psaumes 119.120 Deutéronome 28.58 Jérémie 10.7 Psaumes 104.9 Job 38.10-38.11
²³ populo autem huic factum est cor incredulum et exasperans recesserunt et abierunt
Jérémie 6.28 Psaumes 95.10 Deutéronome 21.18 Jérémie 5.5 Hébreux 3.12
²⁴ et non dixerunt in corde suo metuamus Dominum Deum nostrum qui dat nobis pluviam temporaneam et serotinam in tempore suo plenitudinem annuae messis custodientem nobis
Genèse 8.22 Psaumes 147.8 Actes 14.17 Matthieu 5.45 Joël 2.23
²⁵ iniquitates nostrae declinaverunt haec et peccata nostra prohibuerunt bonum a nobis
Jérémie 3.3 Esaïe 59.2 Lamentations 3.39 Lamentations 4.22 Jérémie 2.17-2.19
²⁶ quia inventi sunt in populo meo impii insidiantes quasi aucupes laqueos ponentes et pedicas ad capiendos viros
Proverbes 1.11 Jérémie 18.22 Psaumes 64.5 Psaumes 10.9-10.10 Esaïe 58.1
²⁷ sicut decipula plena avibus sic domus eorum plenae dolo ideo magnificati sunt et ditati
Amos 8.4-8.6 Jérémie 9.6 Michée 1.12 Habakuk 2.9-2.11 Proverbes 1.11-1.13
²⁸ incrassati sunt et inpinguati et praeterierunt sermones meos pessime causam non iudicaverunt causam pupilli non direxerunt et iudicium pauperum non iudicaverunt
Zacharie 7.10 Deutéronome 32.15 Esaïe 1.23 Psaumes 73.12 Jérémie 7.6
²⁹ numquid super his non visitabo dicit Dominus aut super gentem huiuscemodi non ulciscetur anima mea
Jérémie 5.9 Malachie 3.5 Jérémie 9.9 Jacques 5.4
³⁰ stupor et mirabilia facta sunt in terra
Osée 6.10 Jérémie 23.14 Jérémie 2.12 Esaïe 1.2
³¹ prophetae prophetabant mendacium et sacerdotes adplaudebant manibus suis et populus meus dilexit talia quid igitur fiet in novissimo eius
Michée 2.11 Ezéchiel 13.6 Jérémie 14.14 2 Timothée 4.3-4.4 Esaïe 10.3