Ezéchiel 45.19
Vulgate

Territoire réservé à l’Éternel et au prince

¹ cumque coeperitis terram dividere sortito separate primitias Domino sanctificatum de terra longitudine viginti quinque milia et latitudine decem milia sanctificatum erit in omni termino eius per circuitum
Ezéchiel 48.29 Zacharie 14.20-14.21 Nombres 34.13 Josué 14.2 Ezéchiel 45.2-45.7
² et erit ex omni parte sanctificatum quingentos per quingentos quadrifariam per circuitum et quinquaginta cubitis in suburbana eius per gyrum
Ezéchiel 42.16-42.20 Ezéchiel 27.28
³ et a mensura ista mensurabis longitudinem viginti quinque milium et latitudinem decem milium et in ipso erit templum sanctumque sanctorum
Ezéchiel 48.10
⁴ sanctificatum de terra erit sacerdotibus ministris sanctuarii qui accedunt ad ministerium Domini et erit eis locus in domos et in sanctuarium sanctitatis
Ezéchiel 43.19 Nombres 16.5 Ezéchiel 40.45 Ezéchiel 44.28 Ezéchiel 44.13-44.14
⁵ viginti quinque autem milia longitudinis et decem milia latitudinis erunt Levitis qui ministrant domui ipsi possidebunt viginti gazofilacia
Ezéchiel 48.13 Néhémie 10.38-10.39 Ezéchiel 40.17 1 Corinthiens 9.13-9.14 1 Chroniques 9.26-9.33
⁶ et possessionem civitatis dabitis quinque milia latitudinis et longitudinis viginti quinque milia secundum separationem sanctuarii omni domui Israhel
Ezéchiel 48.15-48.18 Ezéchiel 48.30-48.35
⁷ principi quoque hinc et inde in separationem sanctuarii et in possessionem civitatis contra faciem separationis sanctuarii et contra faciem possessionis urbis a latere maris usque ad mare et a latere orientis usque ad orientem longitudinem autem iuxta unamquamque partium a termino occidentali usque ad terminum orientalem
Ezéchiel 48.21 Ezéchiel 46.16-46.18 Ezéchiel 34.24 Ezéchiel 37.24 Esaïe 9.5-9.6
⁸ de terra erit ei possessio in Israhel et non depopulabuntur ultra principes populum meum sed terram dabunt domui Israhel secundum tribus eorum
Ezéchiel 46.18 Ezéchiel 22.27 Ezéchiel 19.7 Jérémie 23.5 Esaïe 11.3-11.5

Prescriptions sur les sacrifices

⁹ haec dicit Dominus Deus sufficiat vobis principes Israhel iniquitatem et rapinas intermittite et iudicium et iustitiam facite separate confinia vestra a populo meo ait Dominus Deus
Ezéchiel 44.6 Jérémie 22.3 Zacharie 8.16 1 Pierre 4.3 Michée 2.9
¹⁰ statera iusta et oephi iustum et batus iustus erit vobis
Michée 6.10-6.11 Amos 8.4-8.6 Lévitique 19.35-19.36 Proverbes 11.1 Proverbes 16.11
¹¹ oephi et batus aequalia et unius mensurae erunt ut capiat decimam partem chori batus et decimam partem chori oephi iuxta mensuram chori erit aequa libratio eorum
Esaïe 5.10
¹² siclus autem viginti obolos habeat porro viginti sicli et viginti quinque sicli et quindecim sicli minam facient
Exode 30.13 Lévitique 27.25 Nombres 3.47
¹³ et haec sunt primitiae quas tolletis sextam partem oephi de choro frumenti et sextam partem oephi de choro hordei
¹⁴ mensura quoque olei batus olei decima pars chori est et decem bati chorum faciunt quia decem bati implent chorum
¹⁵ et arietem unum de grege ducentorum de his quae nutriunt Israhel in sacrificium et in holocaustum et in pacifica ad expiandum pro eis ait Dominus Deus
Lévitique 1.4 Lévitique 6.30 Malachie 1.14 Ephésiens 2.16 Malachie 1.8
¹⁶ omnis populus terrae tenebitur primitiis his principi in Israhel
Exode 30.14-30.15 Esaïe 16.1
¹⁷ et super principem erunt holocausta et sacrificium et libamina in sollemnitatibus et in kalendis et in sabbatis in universis sollemnitatibus domus Israhel ipse faciat pro peccato sacrificium et holocaustum et pacifica ad expiandum pro domo Israhel
Ezéchiel 46.4-46.12 Esaïe 66.23 2 Chroniques 31.3 Lévitique 23.1-23.44 Nombres 28.1-28.29
¹⁸ haec dicit Dominus Deus in primo mense una mensis sumes vitulum de armento inmaculatum et expiabis sanctuarium
Lévitique 16.16 Lévitique 22.20 Exode 12.2 Hébreux 9.14 Ezéchiel 43.22
¹⁹ et tollet sacerdos de sanguine quod erit pro peccato et ponet in postibus domus et in quattuor angulis crepidinis altaris et in postibus portae atrii interioris
Ezéchiel 43.20 Lévitique 16.18-16.20 Ezéchiel 43.14 Ezéchiel 43.17
²⁰ et sic facies in septima mensis pro unoquoque qui ignoravit et errore deceptus est et expiabitis pro domo
Psaumes 19.12 Lévitique 16.20 Ezéchiel 45.18 Lévitique 4.27-4.35 Ezéchiel 45.15
²¹ in primo mense quartadecima die mensis erit vobis paschae sollemnitas septem diebus azyma comedentur
Lévitique 23.5-23.8 Nombres 9.2-9.14 Exode 12.1-12.51 Deutéronome 16.1-16.8 1 Corinthiens 5.7-5.8
²² et faciet princeps in die illa pro se et pro universo populo terrae vitulum pro peccato
Lévitique 4.14 Matthieu 26.26-26.28 Matthieu 20.28 2 Corinthiens 5.21
²³ et in septem dierum sollemnitate faciet holocaustum Domino septem vitulos et septem arietes inmaculatos cotidie septem diebus et pro peccato hircum caprarum cotidie
Lévitique 23.8 Job 42.8 Nombres 23.1-23.2 Nombres 29.5 Nombres 29.11-29.38
²⁴ et sacrificium oephi per vitulum et oephi per arietem faciet et olei hin per singula oephi
Ezéchiel 46.5-46.7 Nombres 28.12-28.15
²⁵ septimo mense quintadecima die mensis in sollemnitate faciet sicut supra dicta sunt per septem dies tam pro peccato quam pro holocausto et in sacrificio et in oleo
Nombres 29.12-29.38 Lévitique 23.33-23.43 2 Chroniques 5.3 Deutéronome 16.13-16.15 Jean 7.2