Matthieu 11
Vulgate

1 et factum est cum consummasset Iesus praecipiens duodecim discipulis suis transiit inde ut doceret et praedicaret in civitatibus eorum
Matthieu 7.28 Luc 8.1 Matthieu 28.20 Actes 10.38 Actes 1.2

Jean-Baptiste vu par Jésus

2 Iohannes autem cum audisset in vinculis opera Christi mittens duos de discipulis suis
Matthieu 14.3 Matthieu 9.14 Marc 6.17 Matthieu 4.12 Actes 19.1-19.3
3 ait illi tu es qui venturus es an alium expectamus
Hébreux 10.37 Jean 11.27 Malachie 3.1 Genèse 3.15 Jean 7.31
4 et respondens Iesus ait illis euntes renuntiate Iohanni quae auditis et videtis
5 caeci vident claudi ambulant leprosi mundantur surdi audiunt mortui resurgunt pauperes evangelizantur
Esaïe 35.4-35.6 Luc 4.18 Esaïe 61.1-61.3 Jacques 2.5 Luc 7.21-7.22
6 et beatus est qui non fuerit scandalizatus in me
Esaïe 8.14-8.15 1 Corinthiens 2.14 Luc 4.23-4.29 Matthieu 26.31 Matthieu 24.10
7 illis autem abeuntibus coepit Iesus dicere ad turbas de Iohanne quid existis in desertum videre harundinem vento agitatam
Jacques 1.6 Ephésiens 4.14 Luc 3.3-3.7 Luc 8.18 Luc 7.24-7.30
8 sed quid existis videre hominem mollibus vestitum ecce qui mollibus vestiuntur in domibus regum sunt
Esaïe 20.2 2 Corinthiens 11.27 Matthieu 3.4 1 Corinthiens 4.11 Zacharie 13.4
9 sed quid existis videre prophetam etiam dico vobis et plus quam prophetam
Luc 1.76 Matthieu 14.5 Matthieu 11.13-11.14 Luc 1.15-1.17 Marc 9.11-9.13
10 hic enim est de quo scriptum est ecce ego mitto angelum meum ante faciem tuam qui praeparabit viam tuam ante te
Malachie 3.1 Esaïe 40.3 Marc 1.2 Jean 1.23 Malachie 4.5
11 amen dico vobis non surrexit inter natos mulierum maior Iohanne Baptista qui autem minor est in regno caelorum maior est illo
Romains 16.25-16.26 1 Corinthiens 15.9 Ephésiens 3.8 Hébreux 11.40 1 Samuel 2.30
12 a diebus autem Iohannis Baptistae usque nunc regnum caelorum vim patitur et violenti rapiunt illud
Luc 16.16 Luc 13.24 Philippiens 2.12 Jean 6.27 Ephésiens 6.11-6.13
13 omnes enim prophetae et lex usque ad Iohannem prophetaverunt
Actes 13.27 Romains 3.21 Luc 24.27 Luc 24.44 Matthieu 5.17-5.18
14 et si vultis recipere ipse est Helias qui venturus est
Malachie 4.5 Marc 9.11-9.13 Matthieu 17.10-17.13 Luc 1.17 Ezéchiel 3.10-3.11
15 qui habet aures audiendi audiat
Marc 4.23 Matthieu 13.9 Matthieu 13.43 Luc 8.8 Apocalypse 2.7
16 cui autem similem aestimabo generationem istam similis est pueris sedentibus in foro qui clamantes coaequalibus
Luc 7.31-7.35 Lamentations 2.13 Matthieu 23.36 Luc 13.18 Matthieu 24.34
17 dicunt cecinimus vobis et non saltastis lamentavimus et non planxistis
Esaïe 28.9-28.13 Esaïe 30.29 Jérémie 9.17-9.20 Jérémie 31.4 Matthieu 9.15
18 venit enim Iohannes neque manducans neque bibens et dicunt daemonium habet
Matthieu 3.4 Luc 1.15 Jean 10.20 Jean 8.48 Jean 7.20
19 venit Filius hominis manducans et bibens et dicunt ecce homo vorax et potator vini publicanorum et peccatorum amicus et iustificata est sapientia a filiis suis
Luc 19.7 Luc 14.1 Matthieu 9.10-9.11 Luc 5.29-5.30 Romains 15.2
20 tunc coepit exprobrare civitatibus in quibus factae sunt plurimae virtutes eius quia non egissent paenitentiam
Psaumes 81.11-81.13 Esaïe 1.2-1.5 Luc 10.13-10.15 2 Timothée 2.25-2.26 Marc 16.14
21 vae tibi Corazain vae tibi Bethsaida quia si in Tyro et Sidone factae essent virtutes quae factae sunt in vobis olim in cilicio et cinere paenitentiam egissent
Matthieu 15.21 Luc 9.10 Jean 12.21 Marc 6.45 Jean 1.44
22 verumtamen dico vobis Tyro et Sidoni remissius erit in die iudicii quam vobis
Matthieu 10.15 Matthieu 11.24 Luc 12.47-12.48 Matthieu 12.36 2 Pierre 2.9
23 et tu Capharnaum numquid usque in caelum exaltaberis usque in infernum descendes quia si in Sodomis factae fuissent virtutes quae factae sunt in te forte mansissent usque in hunc diem
Matthieu 4.13 Esaïe 14.13-14.15 Matthieu 16.18 Luc 4.23 Ezéchiel 16.48-16.50
24 verumtamen dico vobis quia terrae Sodomorum remissius erit in die iudicii quam tibi
Matthieu 10.15 Matthieu 11.22 Lamentations 4.6 Luc 10.12 Marc 6.11
25 in illo tempore respondens Iesus dixit confiteor tibi Pater Domine caeli et terrae quia abscondisti haec a sapientibus et prudentibus et revelasti ea parvulis
Psaumes 8.2 Matthieu 16.17 Matthieu 21.16 Jean 11.41 1 Samuel 3.4-3.21
26 ita Pater quoniam sic fuit placitum ante te
Ephésiens 3.11 Job 33.13 Esaïe 46.10 2 Timothée 1.9 Romains 9.18
27 omnia mihi tradita sunt a Patre meo et nemo novit Filium nisi Pater neque Patrem quis novit nisi Filius et cui voluerit Filius revelare
Jean 14.6-14.9 Matthieu 28.18 2 Jean 1.9 Jean 10.15 Jean 17.25-17.26
28 venite ad me omnes qui laboratis et onerati estis et ego reficiam vos
Matthieu 11.29 Jean 7.37 Galates 5.1 Esaïe 55.1-55.3 Jean 6.37
29 tollite iugum meum super vos et discite a me quia mitis sum et humilis corde et invenietis requiem animabus vestris
1 Jean 2.6 Philippiens 2.7-2.8 Jérémie 6.16 Jean 13.15 Philippiens 2.5
30 iugum enim meum suave est et onus meum leve est
1 Jean 5.3 Jean 16.33 Philippiens 4.13 2 Corinthiens 12.9-12.10 Proverbes 3.17