Psaumes 35
Biblia Hebraica Stuttgartensia

Prière de David contre ses ennemis

1 לְדָוִ֨ד׀ רִיבָ֣ה יְ֭הוָה אֶת־יְרִיבַ֑י לְ֝חַ֗ם אֶת־לֹֽחֲמָֽי׃
Psaumes 43.1 Exode 14.25 Actes 5.39 Néhémie 4.20 Proverbes 23.11
2 הַחֲזֵ֣ק מָגֵ֣ן וְצִנָּ֑ה וְ֝ק֗וּמָה בְּעֶזְרָתִֽי׃
Esaïe 42.13 Exode 15.3 Psaumes 91.4 Psaumes 7.12-7.13 Esaïe 13.5
3 וְהָ֘רֵ֤ק חֲנִ֣ית וּ֭סְגֹר לִקְרַ֣את רֹדְפָ֑י אֱמֹ֥ר לְ֝נַפְשִׁ֗י יְֽשֻׁעָתֵ֥ךְ אָֽנִי׃
Genèse 49.18 Psaumes 62.7 1 Samuel 23.26-23.27 Esaïe 10.12 Job 1.10
4 יֵבֹ֣שׁוּ וְיִכָּלְמוּ֮ מְבַקְשֵׁ֪י נַ֫פְשִׁ֥י יִסֹּ֣גוּ אָחֹ֣ור וְיַחְפְּר֑וּ חֹ֝שְׁבֵ֗י רָעָתִֽי׃
Psaumes 129.5 Matthieu 27.1 1 Rois 19.10 Psaumes 70.2-70.3 Psaumes 31.17-31.18
5 יִֽהְי֗וּ כְּמֹ֥ץ לִפְנֵי־ר֑וּחַ וּמַלְאַ֖ךְ יְהוָ֣ה דֹּוחֶֽה׃
Job 21.18 Esaïe 29.5 Psaumes 1.4 Osée 13.3 Actes 12.23
6 יְֽהִי־דַרְכָּ֗ם חֹ֥שֶׁךְ וַחֲלַקְלַקֹּ֑ות וּמַלְאַ֥ךְ יְ֝הוָ֗ה רֹדְפָֽם׃
Jérémie 23.12 Psaumes 73.18 Proverbes 4.19 Jérémie 13.16
7 כִּֽי־חִנָּ֣ם טָֽמְנוּ־לִ֭י שַׁ֣חַת רִשְׁתָּ֑ם חִ֝נָּ֗ם חָפְר֥וּ לְנַפְשִֽׁי׃
Psaumes 140.5 Psaumes 9.15 Job 18.8 Psaumes 119.85 Psaumes 69.4
8 תְּבֹואֵ֣הוּ שֹׁואָה֮ לֹֽא־יֵ֫דָ֥ע וְרִשְׁתֹּ֣ו אֲשֶׁר־טָמַ֣ן תִּלְכְּדֹ֑ו בְּ֝שֹׁואָ֗ה יִפָּל־בָּֽהּ׃
1 Thessaloniciens 5.3 Esaïe 47.11 Esther 7.10 Psaumes 9.15 Psaumes 73.18-73.20
9 וְ֭נַפְשִׁי תָּגִ֣יל בַּיהוָ֑ה תָּ֝שִׂישׂ בִּישׁוּעָתֹֽו׃
Esaïe 61.10 Psaumes 13.5 Luc 1.46-1.47 Psaumes 21.1 Psaumes 68.1-68.3
10 כָּ֥ל עַצְמֹותַ֨י׀ תֹּאמַרְנָה֮ יְהוָ֗ה מִ֥י כָ֫מֹ֥וךָ מַצִּ֣יל עָ֭נִי מֵחָזָ֣ק מִמֶּ֑נּוּ וְעָנִ֥י וְ֝אֶבְיֹ֗ון מִגֹּזְלֹֽו׃
Exode 15.11 Psaumes 51.8 Psaumes 18.17 Psaumes 86.8 Psaumes 71.19
11 יְ֭קוּמוּן עֵדֵ֣י חָמָ֑ס אֲשֶׁ֥ר לֹא־יָ֝דַ֗עְתִּי יִשְׁאָלֽוּנִי׃
Psaumes 27.12 1 Samuel 24.9 Actes 24.12-24.13 Actes 6.13 Matthieu 26.59-26.60
12 יְשַׁלְּמ֣וּנִי רָ֭עָה תַּ֥חַת טֹובָ֗ה שְׁכֹ֣ול לְנַפְשִֽׁי׃
Jean 10.32 Jérémie 18.20 Psaumes 38.20 Luc 23.21-23.23 1 Samuel 19.15
13 וַאֲנִ֤י׀ בַּחֲלֹותָ֡ם לְב֬וּשִׁי שָׂ֗ק עִנֵּ֣יתִי בַצֹּ֣ום נַפְשִׁ֑י וּ֝תְפִלָּתִ֗י עַל־חֵיקִ֥י תָשֽׁוּב׃
Job 30.25 Matthieu 10.13 Psaumes 69.10-69.11 Luc 10.6 Romains 12.14-12.15
14 כְּרֵֽעַ־כְּאָ֣ח לִ֭י הִתְהַלָּ֑כְתִּי כַּאֲבֶל־אֵ֝֗ם קֹדֵ֥ר שַׁחֹֽותִי׃
Genèse 24.67 Luc 19.41-19.42 2 Samuel 1.11-1.12 2 Samuel 1.17-1.27 Psaumes 38.6
15 וּבְצַלְעִי֮ שָׂמְח֪וּ וְֽנֶאֱ֫סָ֥פוּ נֶאֶסְפ֬וּ עָלַ֣י נֵ֭כִים וְלֹ֣א יָדַ֑עְתִּי קָֽרְע֥וּ וְלֹא־דָֽמּוּ׃
Psaumes 7.2 Psaumes 41.8 Psaumes 71.10-71.11 Marc 14.65 Psaumes 69.12
16 בְּ֭חַנְפֵי לַעֲגֵ֣י מָעֹ֑וג חָרֹ֖ק עָלַ֣י שִׁנֵּֽימֹו׃
Job 16.9 Lamentations 2.16 Psaumes 37.12 Actes 7.54 1 Corinthiens 5.8
17 אֲדֹנָי֮ כַּמָּ֪ה תִּ֫רְאֶ֥ה הָשִׁ֣יבָה נַ֭פְשִׁי מִשֹּׁאֵיהֶ֑ם מִ֝כְּפִירִ֗ים יְחִידָתִֽי׃
Habakuk 1.13 Psaumes 22.20-22.21 Psaumes 142.6-142.7 Psaumes 10.14 Psaumes 74.9-74.10
18 אֹ֭ודְךָ בְּקָהָ֣ל רָ֑ב בְּעַ֖ם עָצ֣וּם אֲהַֽלְלֶֽךָּ׃
Psaumes 67.1-67.4 Psaumes 69.30-69.34 Psaumes 116.18 Romains 15.9 Psaumes 138.4-138.5
19 אַֽל־יִשְׂמְחוּ־לִ֣י אֹיְבַ֣י שֶׁ֑קֶר שֹׂנְאַ֥י חִ֝נָּ֗ם יִקְרְצוּ־עָֽיִן׃
Psaumes 69.4 Proverbes 6.13 Psaumes 38.19 Jean 15.25 Psaumes 13.4
20 כִּ֤י לֹ֥א שָׁלֹ֗ום יְדַ֫בֵּ֥רוּ וְעַ֥ל רִגְעֵי־אֶ֑רֶץ דִּבְרֵ֥י מִ֝רְמֹות יַחֲשֹׁבֽוּן׃
Matthieu 12.24 Psaumes 64.4-64.6 Actes 23.15 Matthieu 12.19 Psaumes 52.2
21 וַיַּרְחִ֥יבוּ עָלַ֗י פִּ֫יהֶ֥ם אָ֭מְרוּ הֶאָ֣ח׀ הֶאָ֑ח רָאֲתָ֥ה עֵינֵֽינוּ׃
Psaumes 22.13 Psaumes 40.15 Psaumes 70.3 Esaïe 9.12 Psaumes 54.7
22 רָאִ֣יתָה יְ֭הוָה אַֽל־תֶּחֱרַ֑שׁ אֲ֝דֹנָ֗י אֲל־תִּרְחַ֥ק מִמֶּֽנִּי׃
Psaumes 28.1 Psaumes 10.1 Exode 3.7 Psaumes 38.21 Psaumes 71.12
23 הָעִ֣ירָה וְ֭הָקִיצָה לְמִשְׁפָּטִ֑י אֱלֹהַ֖י וַֽאדֹנָ֣י לְרִיבִֽי׃
Psaumes 44.23 Psaumes 7.6 Psaumes 80.2 Jean 20.28 Psaumes 59.4
24 שָׁפְטֵ֣נִי כְ֭צִדְקְךָ יְהוָ֥ה אֱלֹהָ֗י וְאַל־יִשְׂמְחוּ־לִֽי׃
Psaumes 26.1 Psaumes 7.8 Psaumes 43.1 Psaumes 35.19 Psaumes 18.20-18.24
25 אַל־יֹאמְר֣וּ בְ֭לִבָּם הֶאָ֣ח נַפְשֵׁ֑נוּ אַל־יֹ֝אמְר֗וּ בִּֽלַּעֲנֽוּהוּ׃
Lamentations 2.16 Psaumes 124.3 Psaumes 57.3 Exode 15.9 Matthieu 27.43
26 יֵ֘בֹ֤שׁוּ וְיַחְפְּר֨וּ׀ יַחְדָּו֮ שְׂמֵחֵ֪י רָעָ֫תִ֥י יִֽלְבְּשׁוּ־בֹ֥שֶׁת וּכְלִמָּ֑ה הַֽמַּגְדִּילִ֥ים עָלָֽי׃
Psaumes 38.16 Psaumes 132.18 Job 19.5 Job 8.22 Esaïe 41.11
27 יָרֹ֣נּוּ וְיִשְׂמְחוּ֮ חֲפֵצֵ֪י צִ֫דְקִ֥י וְיֹאמְר֣וּ תָ֭מִיד יִגְדַּ֣ל יְהוָ֑ה הֶ֝חָפֵ֗ץ שְׁלֹ֣ום עַבְדֹּֽו׃
Psaumes 149.4 Psaumes 40.16 Psaumes 70.4 Jérémie 32.40-32.41 Sophonie 3.17
28 וּ֭לְשֹׁונִי תֶּהְגֶּ֣ה צִדְקֶ֑ךָ כָּל־הַ֝יֹּום תְּהִלָּתֶֽךָ׃
Psaumes 71.24 Psaumes 145.21 Psaumes 145.5 Psaumes 34.1 Psaumes 51.14-51.15