Proverbes 22
Biblia Hebraica Stuttgartensia

¹ נִבְחָ֣ר שֵׁ֭ם מֵעֹ֣שֶׁר רָ֑ב מִכֶּ֥סֶף וּ֝מִזָּהָ֗ב חֵ֣ן טֹֽוב׃ Ecclésiaste 7.1 1 Rois 1.47 Philippiens 4.3 Hébreux 11.39 Luc 10.20
² עָשִׁ֣יר וָרָ֣שׁ נִפְגָּ֑שׁוּ עֹשֵׂ֖ה כֻלָּ֣ם יְהוָֽה׃ Job 31.15 Proverbes 14.31 Jacques 2.2-2.5 Job 34.19 Proverbes 29.13
³ עָר֤וּם׀ רָאָ֣ה רָעָ֣ה וְנִסְתָּ֑ר וּ֝פְתָיִ֗ים עָבְר֥וּ וְֽנֶעֱנָֽשׁוּ׃ Proverbes 14.16 Proverbes 27.12 Hébreux 11.7 Proverbes 7.7 1 Thessaloniciens 5.2-5.6
⁴ עֵ֣קֶב עֲ֭נָוָה יִרְאַ֣ת יְהוָ֑ה עֹ֖שֶׁר וְכָבֹ֣וד וְחַיִּֽים׃ Proverbes 21.21 Esaïe 57.15 Proverbes 3.16 Psaumes 112.1-112.3 Esaïe 33.6
⁵ צִנִּ֣ים פַּ֭חִים בְּדֶ֣רֶךְ עִקֵּ֑שׁ שֹׁומֵ֥ר נַ֝פְשֹׁ֗ו יִרְחַ֥ק מֵהֶֽם׃ Proverbes 15.19 1 Jean 5.18 Jude 1.20-1.21 Psaumes 11.6 Job 18.8
⁶ חֲנֹ֣ךְ לַ֭נַּעַר עַל־פִּ֣י דַרְכֹּ֑ו גַּ֥ם כִּֽי־יַ֝זְקִ֗ין לֹֽא־יָס֥וּר מִמֶּֽנָּה׃ Ephésiens 6.4 2 Timothée 3.15 Genèse 18.19 Psaumes 78.3-78.6 Deutéronome 6.7
⁷ עָ֭שִׁיר בְּרָשִׁ֣ים יִמְשֹׁ֑ול וְעֶ֥בֶד לֹ֝וֶ֗ה לְאִ֣ישׁ מַלְוֶֽה׃ Jacques 2.6 Proverbes 18.23 Amos 5.11-5.12 Jacques 5.4 Esaïe 24.2
⁸ זֹורֵ֣עַ עַ֭וְלָה יִקְצָר־אָ֑וֶן וְשֵׁ֖בֶט עֶבְרָתֹ֣ו יִכְלֶֽה׃ Job 4.8 Psaumes 125.3 Osée 10.13 Esaïe 30.31 Proverbes 14.3
⁹ טֹֽוב־עַ֭יִן ה֣וּא יְבֹרָ֑ךְ כִּֽי־נָתַ֖ן מִלַּחְמֹ֣ו לַדָּֽל׃ Proverbes 19.17 Hébreux 13.16 Luc 14.13 Matthieu 25.34-25.40 Psaumes 112.9
¹⁰ גָּ֣רֵֽשׁ לֵ֭ץ וְיֵצֵ֣א מָדֹ֑ון וְ֝יִשְׁבֹּ֗ת דִּ֣ין וְקָלֹֽון׃ Genèse 21.9-21.10 Néhémie 4.1-4.3 1 Corinthiens 5.13 Néhémie 13.28 Proverbes 21.24
¹¹ אֹהֵ֥ב טְהָר־לֵ֑ב חֵ֥ן שְׂ֝פָתָ֗יו רֵעֵ֥הוּ מֶֽלֶךְ׃ Proverbes 16.13 Matthieu 5.8 Psaumes 101.6 Daniel 6.20-6.23 Proverbes 14.35
¹² עֵינֵ֣י יְ֭הוָה נָ֣צְרוּ דָ֑עַת וַ֝יְסַלֵּ֗ף דִּבְרֵ֥י בֹגֵֽד׃ Actes 5.39 Actes 8.9-8.12 Matthieu 16.16-16.18 Apocalypse 11.3-11.11 Esaïe 59.19-59.21
¹³ אָמַ֣ר עָ֭צֵל אֲרִ֣י בַח֑וּץ בְּתֹ֥וךְ רְ֝חֹבֹ֗ות אֵֽרָצֵֽחַ׃ Proverbes 26.13-26.16 Proverbes 15.19 Nombres 13.32-13.33
¹⁴ שׁוּחָ֣ה עֲ֭מֻקָּה פִּ֣י זָרֹ֑ות זְע֥וּם יְ֝הוָ֗ה יִפָּל־שָֽׁם׃ Ecclésiaste 7.26 Proverbes 23.27 Proverbes 6.24-6.29 Juges 16.20-16.21 Néhémie 13.26
¹⁵ אִ֭וֶּלֶת קְשׁוּרָ֣ה בְלֶב־נָ֑עַר שֵׁ֥בֶט מ֝וּסָ֗ר יַרְחִיקֶ֥נָּה מִמֶּֽנּוּ׃ Proverbes 13.24 Proverbes 23.13-23.14 Proverbes 29.15 Proverbes 19.18 Jean 3.6
¹⁶ עֹ֣שֵֽׁק דָּ֭ל לְהַרְבֹּ֣ות לֹ֑ו נֹתֵ֥ן לְ֝עָשִׁ֗יר אַךְ־לְמַחְסֹֽור׃ Jacques 2.13 Psaumes 12.5 Luc 6.33-6.35 Proverbes 28.22 Luc 14.12-14.14
¹⁷ הַ֥ט אָזְנְךָ֗ וּ֭שְׁמַע דִּבְרֵ֣י חֲכָמִ֑ים וְ֝לִבְּךָ֗ תָּשִׁ֥ית לְדַעְתִּֽי׃ Proverbes 23.12 Matthieu 17.5 Psaumes 90.12 Ecclésiaste 7.25 Proverbes 3.1
¹⁸ כִּֽי־נָ֭עִים כִּֽי־תִשְׁמְרֵ֣ם בְּבִטְנֶ֑ךָ יִכֹּ֥נוּ יַ֝חְדָּ֗ו עַל־שְׂפָתֶֽיךָ׃ Proverbes 2.10 Proverbes 24.13-24.14 Psaumes 119.103 Jean 7.38 Psaumes 119.162
¹⁹ לִהְיֹ֣ות בַּ֭יהוָה מִבְטַחֶ֑ךָ הֹודַעְתִּ֖יךָ הַיֹּ֣ום אַף־אָֽתָּה׃ Proverbes 3.5 Psaumes 62.8 Jérémie 17.7 1 Pierre 1.21 Esaïe 26.4
²⁰ הֲלֹ֤א כָתַ֣בְתִּי לְ֭ךָ שָׁלִישִׁ֑ים בְּמֹ֖ועֵצֹ֣ת וָדָֽעַת׃ Proverbes 8.6 Osée 8.12 2 Pierre 1.19-1.21 2 Timothée 3.15-3.17 Psaumes 12.6
²¹ לְהֹודִֽיעֲךָ֗ קֹ֖שְׁטְ אִמְרֵ֣י אֱמֶ֑ת לְהָשִׁ֥יב אֲמָרִ֥ים אֱ֝מֶ֗ת לְשֹׁלְחֶֽיךָ׃ פ Luc 1.3-1.4 1 Pierre 3.15 Jean 20.31 1 Jean 5.13
²² אַֽל־תִּגְזָל־דָּ֭ל כִּ֣י דַל־ה֑וּא וְאַל־תְּדַכֵּ֖א עָנִ֣י בַשָּֽׁעַר׃ Zacharie 7.10 Malachie 3.5 Exode 23.6 Proverbes 22.16 Job 31.21
²³ כִּֽי־יְ֭הוָה יָרִ֣יב רִיבָ֑ם וְקָבַ֖ע אֶת־קֹבְעֵיהֶ֣ם נָֽפֶשׁ׃ 1 Samuel 25.39 Psaumes 12.5 Proverbes 23.11 Psaumes 140.12 Jérémie 51.36
²⁴ אַל־תִּ֭תְרַע אֶת־בַּ֣עַל אָ֑ף וְאֶת־אִ֥ישׁ חֵ֝מֹות לֹ֣א תָבֹֽוא׃ Proverbes 29.22 Proverbes 21.24 2 Corinthiens 6.14-6.17
²⁵ פֶּן־תֶּאֱלַ֥ף אֹֽרְחֹתָ֑יו וְלָקַחְתָּ֖ מֹוקֵ֣שׁ לְנַפְשֶֽׁךָ׃ 1 Corinthiens 15.33 Proverbes 13.20 Psaumes 106.35
²⁶ אַל־תְּהִ֥י בְתֹֽקְעֵי־כָ֑ף בַּ֝עֹרְבִ֗ים מַשָּׁאֹֽות׃ Proverbes 11.15 Proverbes 17.18 Proverbes 6.1-6.5 Proverbes 27.13
²⁷ אִם־אֵֽין־לְךָ֥ לְשַׁלֵּ֑ם לָ֥מָּה יִקַּ֥ח מִ֝שְׁכָּבְךָ֗ מִתַּחְתֶּֽיךָ׃ Proverbes 20.16 2 Rois 4.1 Exode 22.26-22.27
²⁸ אַל־תַּ֭סֵּג גְּב֣וּל עֹולָ֑ם אֲשֶׁ֖ר עָשׂ֣וּ אֲבֹותֶֽיךָ׃ Proverbes 23.10 Deutéronome 19.14 Deutéronome 27.17 Job 24.2
²⁹ חָזִ֡יתָ אִ֤ישׁ׀ מָ֘הִ֤יר בִּמְלַאכְתֹּ֗ו לִֽפְנֵֽי־מְלָכִ֥ים יִתְיַצָּ֑ב בַּל־יִ֝תְיַצֵּב לִפְנֵ֥י חֲשֻׁכִּֽים׃ פ Proverbes 10.4 Genèse 41.46 Matthieu 25.21 2 Timothée 4.2 1 Rois 10.8