Genèse 49.2
Septante

Bénédiction et mort de Jacob

¹ ἐκάλεσεν δὲ Ιακωβ τοὺς υἱοὺς αὐτοῦ καὶ εἶπεν συνάχθητε ἵνα ἀναγγείλω ὑμῖν τί ἀπαντήσει ὑμῖν ἐπ’ ἐσχάτων τῶν ἡμερῶν.
Nombres 24.14 Daniel 10.14 Jérémie 23.20 Deutéronome 4.30 Apocalypse 4.1
² ἀθροίσθητε καὶ ἀκούσατε υἱοὶ Ιακωβ ἀκούσατε Ισραηλ τοῦ πατρὸς ὑμῶν.
Psaumes 34.11 Proverbes 7.24 Proverbes 6.20 Proverbes 23.22 Proverbes 23.26
³ Ρουβην πρωτότοκός μου σύ ἰσχύς μου καὶ ἀρχὴ τέκνων μου σκληρὸς φέρεσθαι καὶ σκληρὸς αὐθάδης.
Deutéronome 21.17 Psaumes 78.51 Genèse 29.32 Psaumes 105.36 Nombres 26.5
⁴ ἐξύβρισας ὡς ὕδωρ μὴ ἐκζέσῃς ἀνέβης γὰρ ἐπὶ τὴν κοίτην τοῦ πατρός σου τότε ἐμίανας τὴν στρωμνήν οὗ ἀνέβης.
Genèse 35.22 1 Chroniques 5.1 Deutéronome 27.20 Jacques 1.6-1.8 2 Pierre 2.14
⁵ Συμεων καὶ Λευι ἀδελφοί συνετέλεσαν ἀδικίαν ἐξ αἱρέσεως αὐτῶν.
Genèse 34.25-34.31 Genèse 29.33-29.34 Proverbes 18.9 Genèse 46.10-46.11
⁶ εἰς βουλὴν αὐτῶν μὴ ἔλθοι ἡ ψυχή μου καὶ ἐπὶ τῇ συστάσει αὐτῶν μὴ ἐρείσαι τὰ ἥπατά μου ὅτι ἐν τῷ θυμῷ αὐτῶν ἀπέκτειναν ἀνθρώπους καὶ ἐν τῇ ἐπιθυμίᾳ αὐτῶν ἐνευροκόπησαν ταῦρον.
Psaumes 26.9 Genèse 34.30 Psaumes 64.2 Psaumes 57.8 Psaumes 16.9
⁷ ἐπικατάρατος ὁ θυμὸς αὐτῶν ὅτι αὐθάδης καὶ ἡ μῆνις αὐτῶν ὅτι ἐσκληρύνθη διαμεριῶ αὐτοὺς ἐν Ιακωβ καὶ διασπερῶ αὐτοὺς ἐν Ισραηλ.
Josué 19.1-19.9 1 Chroniques 4.24-4.31 Proverbes 26.24-26.25 2 Samuel 13.22-13.28 1 Chroniques 6.65
⁸ Ιουδα σὲ αἰνέσαισαν οἱ ἀδελφοί σου αἱ χεῖρές σου ἐπὶ νώτου τῶν ἐχθρῶν σου προσκυνήσουσίν σοι οἱ υἱοὶ τοῦ πατρός σου.
1 Chroniques 5.2 Genèse 27.29 Hébreux 7.14 Deutéronome 33.7 Genèse 29.35
⁹ σκύμνος λέοντος Ιουδα ἐκ βλαστοῦ υἱέ μου ἀνέβης ἀναπεσὼν ἐκοιμήθης ὡς λέων καὶ ὡς σκύμνος τίς ἐγερεῖ αὐτόν.
Nombres 24.9 Nombres 23.24 Michée 5.8 Apocalypse 5.5 Osée 5.14
¹⁰ οὐκ ἐκλείψει ἄρχων ἐξ Ιουδα καὶ ἡγούμενος ἐκ τῶν μηρῶν αὐτοῦ ἕως ἂν ἔλθῃ τὰ ἀποκείμενα αὐτῷ καὶ αὐτὸς προσδοκία ἐθνῶν.
Psaumes 60.7 Nombres 24.17 Luc 1.32-1.33 Esaïe 42.1 Jérémie 23.5-23.6
¹¹ δεσμεύων πρὸς ἄμπελον τὸν πῶλον αὐτοῦ καὶ τῇ ἕλικι τὸν πῶλον τῆς ὄνου αὐτοῦ πλυνεῖ ἐν οἴνῳ τὴν στολὴν αὐτοῦ καὶ ἐν αἵματι σταφυλῆς τὴν περιβολὴν αὐτοῦ.
2 Rois 18.32 Michée 4.4 1 Rois 4.20 Apocalypse 7.14 Apocalypse 19.18
¹² χαροποὶ οἱ ὀφθαλμοὶ αὐτοῦ ἀπὸ οἴνου καὶ λευκοὶ οἱ ὀδόντες αὐτοῦ ἢ γάλα.
¹³ Ζαβουλων παράλιος κατοικήσει καὶ αὐτὸς παρ’ ὅρμον πλοίων καὶ παρατενεῖ ἕως Σιδῶνος.
Deutéronome 33.18-33.19 Genèse 30.20 Josué 19.10-19.16
¹⁴ Ισσαχαρ τὸ καλὸν ἐπεθύμησεν ἀναπαυόμενος ἀνὰ μέσον τῶν κλήρων.
1 Chroniques 12.32 Genèse 30.18 Josué 19.17-19.23 Juges 5.15-5.16 Deutéronome 33.18
¹⁵ καὶ ἰδὼν τὴν ἀνάπαυσιν ὅτι καλή καὶ τὴν γῆν ὅτι πίων ὑπέθηκεν τὸν ὦμον αὐτοῦ εἰς τὸ πονεῖν καὶ ἐγενήθη ἀνὴρ γεωργός.
Psaumes 81.6 Josué 14.15 Matthieu 23.4 Ezéchiel 29.18 2 Samuel 7.1
¹⁶ Δαν κρινεῖ τὸν ἑαυτοῦ λαὸν ὡσεὶ καὶ μία φυλὴ ἐν Ισραηλ.
Deutéronome 33.22 Genèse 30.6 Juges 13.2 Juges 18.1-18.2 Juges 13.24-13.25
¹⁷ καὶ γενηθήτω Δαν ὄφις ἐφ’ ὁδοῦ ἐγκαθήμενος ἐπὶ τρίβου δάκνων πτέρναν ἵππου καὶ πεσεῖται ὁ ἱππεὺς εἰς τὰ ὀπίσω.
1 Chroniques 12.35 Juges 14.1-14.15 Juges 18.22-18.31 Juges 16.22-16.30
¹⁸ τὴν σωτηρίαν περιμένω κυρίου.
Psaumes 119.166 Psaumes 119.174 Esaïe 25.9 Michée 7.7 Luc 2.25
¹⁹ Γαδ πειρατήριον πειρατεύσει αὐτόν αὐτὸς δὲ πειρατεύσει αὐτῶν κατὰ πόδας.
Genèse 30.11 Juges 10.1-10.11 Josué 13.8 Genèse 46.16 Deutéronome 33.20-33.21
²⁰ Ασηρ πίων αὐτοῦ ὁ ἄρτος καὶ αὐτὸς δώσει τρυφὴν ἄρχουσιν.
Deutéronome 33.24-33.25 Genèse 30.13 Genèse 46.17 Josué 19.24-19.31
²¹ Νεφθαλι στέλεχος ἀνειμένον ἐπιδιδοὺς ἐν τῷ γενήματι κάλλος.
Deutéronome 33.23 Genèse 30.8 Juges 4.10 Psaumes 18.33-18.34 Juges 4.6
²² υἱὸς ηὐξημένος Ιωσηφ υἱὸς ηὐξημένος ζηλωτός υἱός μου νεώτατος πρός με ἀνάστρεψον.
Genèse 41.52 Genèse 48.19-48.20 Psaumes 1.1-1.3 Genèse 48.5 Josué 17.14-17.17
²³ εἰς ὃν διαβουλευόμενοι ἐλοιδόρουν καὶ ἐνεῖχον αὐτῷ κύριοι τοξευμάτων.
Genèse 37.24 Genèse 37.28 Psaumes 64.3 Jean 16.33 Genèse 42.21
²⁴ καὶ συνετρίβη μετὰ κράτους τὰ τόξα αὐτῶν καὶ ἐξελύθη τὰ νεῦρα βραχιόνων χειρῶν αὐτῶν διὰ χεῖρα δυνάστου Ιακωβ ἐκεῖθεν ὁ κατισχύσας Ισραηλ.
Psaumes 132.2 Esaïe 28.16 Psaumes 132.5 Psaumes 18.30 Job 29.20
²⁵ παρὰ θεοῦ τοῦ πατρός σου καὶ ἐβοήθησέν σοι ὁ θεὸς ὁ ἐμὸς καὶ εὐλόγησέν σε εὐλογίαν οὐρανοῦ ἄνωθεν καὶ εὐλογίαν γῆς ἐχούσης πάντα ἕνεκεν εὐλογίας μαστῶν καὶ μήτρας.
Genèse 28.13 Genèse 35.11 Genèse 35.3 Philippiens 4.19 Genèse 17.1
²⁶ εὐλογίας πατρός σου καὶ μητρός σου ὑπερίσχυσεν ἐπ’ εὐλογίαις ὀρέων μονίμων καὶ ἐπ’ εὐλογίαις θινῶν ἀενάων ἔσονται ἐπὶ κεφαλὴν Ιωσηφ καὶ ἐπὶ κορυφῆς ὧν ἡγήσατο ἀδελφῶν.
Deutéronome 33.15-33.16 Habakuk 3.6 Genèse 37.28 Psaumes 105.17-105.22 Psaumes 132.18
²⁷ Βενιαμιν λύκος ἅρπαξ τὸ πρωινὸν ἔδεται ἔτι καὶ εἰς τὸ ἑσπέρας διαδώσει τροφήν.
Juges 20.21 Genèse 35.18 Ezéchiel 22.27 Juges 20.25 Jérémie 5.6
²⁸ πάντες οὗτοι υἱοὶ Ιακωβ δώδεκα καὶ ταῦτα ἐλάλησεν αὐτοῖς ὁ πατὴρ αὐτῶν καὶ εὐλόγησεν αὐτούς ἕκαστον κατὰ τὴν εὐλογίαν αὐτοῦ εὐλόγησεν αὐτούς.
Ezéchiel 39.8-39.10 Esther 8.11 Esther 9.1-9.10 Apocalypse 7.4 Genèse 35.22
²⁹ καὶ εἶπεν αὐτοῖς ἐγὼ προστίθεμαι πρὸς τὸν ἐμὸν λαόν θάψατέ με μετὰ τῶν πατέρων μου ἐν τῷ σπηλαίῳ ὅ ἐστιν ἐν τῷ ἀγρῷ Εφρων τοῦ Χετταίου.
Genèse 50.13 Genèse 47.30 Genèse 15.15 Genèse 35.29 Romains 12.6-12.21
³⁰ ἐν τῷ σπηλαίῳ τῷ διπλῷ τῷ ἀπέναντι Μαμβρη ἐν τῇ γῇ Χανααν ὃ ἐκτήσατο Αβρααμ τὸ σπήλαιον παρὰ Εφρων τοῦ Χετταίου ἐν κτήσει μνημείου.
Genèse 23.8-23.9 Genèse 23.16-23.18 Genèse 23.20
³¹ ἐκεῖ ἔθαψαν Αβρααμ καὶ Σαρραν τὴν γυναῖκα αὐτοῦ ἐκεῖ ἔθαψαν Ισαακ καὶ Ρεβεκκαν τὴν γυναῖκα αὐτοῦ καὶ ἐκεῖ ἔθαψα Λειαν.
Genèse 35.29 Genèse 25.9 Genèse 23.3 Genèse 23.16-23.20 Genèse 50.13
³² ἐν κτήσει τοῦ ἀγροῦ καὶ τοῦ σπηλαίου τοῦ ὄντος ἐν αὐτῷ παρὰ τῶν υἱῶν Χετ.
Genèse 23.17-23.20
³³ καὶ κατέπαυσεν Ιακωβ ἐπιτάσσων τοῖς υἱοῖς αὐτοῦ καὶ ἐξάρας τοὺς πόδας αὐτοῦ ἐπὶ τὴν κλίνην ἐξέλιπεν καὶ προσετέθη πρὸς τὸν λαὸν αὐτοῦ.
Genèse 49.29 Genèse 25.8 Josué 24.27-24.29 Esaïe 57.1-57.2 Genèse 35.29