Esaïe 14.12
Septante

¹ καὶ ἐλεήσει κύριος τὸν Ιακωβ καὶ ἐκλέξεται ἔτι τὸν Ισραηλ καὶ ἀναπαύσονται ἐπὶ τῆς γῆς αὐτῶν καὶ ὁ γιώρας προστεθήσεται πρὸς αὐτοὺς καὶ προστεθήσεται πρὸς τὸν οἶκον Ιακωβ.
Zacharie 1.17 Psaumes 102.13 Esaïe 54.7-54.8 Ephésiens 2.12-2.19 Zacharie 8.22-8.23
² καὶ λήμψονται αὐτοὺς ἔθνη καὶ εἰσάξουσιν εἰς τὸν τόπον αὐτῶν καὶ κατακληρονομήσουσιν καὶ πληθυνθήσονται ἐπὶ τῆς γῆς τοῦ θεοῦ εἰς δούλους καὶ δούλας καὶ ἔσονται αἰχμάλωτοι οἱ αἰχμαλωτεύσαντες αὐτούς καὶ κυριευθήσονται οἱ κυριεύσαντες αὐτῶν.
Esaïe 60.14 Esaïe 61.5 Daniel 7.18 Esaïe 18.7 Zacharie 14.2-14.3
³ καὶ ἔσται ἐν τῇ ἡμέρᾳ ἐκείνῃ ἀναπαύσει σε ὁ θεὸς ἐκ τῆς ὀδύνης καὶ τοῦ θυμοῦ σου καὶ τῆς δουλείας σου τῆς σκληρᾶς ἧς ἐδούλευσας αὐτοῖς.
Esdras 9.8-9.9 Jérémie 30.10 Zacharie 8.2 Apocalypse 18.20 Ezéchiel 28.24
⁴ καὶ λήμψῃ τὸν θρῆνον τοῦτον ἐπὶ τὸν βασιλέα Βαβυλῶνος καὶ ἐρεῖς ἐν τῇ ἡμέρᾳ ἐκείνῃ πῶς ἀναπέπαυται ὁ ἀπαιτῶν καὶ ἀναπέπαυται ὁ ἐπισπουδαστής.
Esaïe 49.26 Apocalypse 18.16 Jérémie 27.6-27.7 Apocalypse 18.5-18.8 Jérémie 24.9
⁵ συνέτριψεν ὁ θεὸς τὸν ζυγὸν τῶν ἁμαρτωλῶν τὸν ζυγὸν τῶν ἀρχόντων.
Psaumes 125.3 Esaïe 9.4 Esaïe 14.29 Esaïe 10.5 Jérémie 48.15-48.17
⁶ πατάξας ἔθνος θυμῷ πληγῇ ἀνιάτῳ παίων ἔθνος πληγὴν θυμοῦ ἣ οὐκ ἐφείσατο.
Daniel 4.35 2 Chroniques 36.17 Esaïe 33.1 Apocalypse 17.16-17.17 Daniel 7.19-7.21
⁷ ἀνεπαύσατο πεποιθώς πᾶσα ἡ γῆ βοᾷ μετ’ εὐφροσύνης.
Psaumes 126.1-126.3 Esaïe 49.13 Psaumes 98.7-98.9 Proverbes 11.10 Jérémie 51.48
⁸ καὶ τὰ ξύλα τοῦ Λιβάνου εὐφράνθησαν ἐπὶ σοὶ καὶ ἡ κέδρος τοῦ Λιβάνου ἀφ’ οὗ σὺ κεκοίμησαι οὐκ ἀνέβη ὁ κόπτων ἡμᾶς.
Ezéchiel 31.16 Zacharie 11.2 Esaïe 55.12-55.13
⁹ ὁ ᾅδης κάτωθεν ἐπικράνθη συναντήσας σοι συνηγέρθησάν σοι πάντες οἱ γίγαντες οἱ ἄρξαντες τῆς γῆς οἱ ἐγείραντες ἐκ τῶν θρόνων αὐτῶν πάντας βασιλεῖς ἐθνῶν.
Jérémie 50.8 Proverbes 15.24 Ezéchiel 32.21-32.32
¹⁰ πάντες ἀποκριθήσονται καὶ ἐροῦσίν σοι καὶ σὺ ἑάλως ὥσπερ καὶ ἡμεῖς ἐν ἡμῖν δὲ κατελογίσθης.
Ecclésiaste 2.16 Ezéchiel 32.21 Psaumes 82.6-82.7 Psaumes 49.20 Psaumes 49.6-49.14
¹¹ κατέβη δὲ εἰς ᾅδου ἡ δόξα σου ἡ πολλή σου εὐφροσύνη ὑποκάτω σου στρώσουσιν σῆψιν καὶ τὸ κατακάλυμμά σου σκώληξ.
Esaïe 21.4-21.5 Ezéchiel 26.13 Daniel 5.1-5.4 Marc 9.43-9.48 Ezéchiel 32.19-32.20
¹² πῶς ἐξέπεσεν ἐκ τοῦ οὐρανοῦ ὁ ἑωσφόρος ὁ πρωὶ ἀνατέλλων συνετρίβη εἰς τὴν γῆν ὁ ἀποστέλλων πρὸς πάντα τὰ ἔθνη.
Luc 10.18 Apocalypse 22.16 Apocalypse 2.28 2 Pierre 1.19 Esaïe 34.4
¹³ σὺ δὲ εἶπας ἐν τῇ διανοίᾳ σου εἰς τὸν οὐρανὸν ἀναβήσομαι ἐπάνω τῶν ἄστρων τοῦ οὐρανοῦ θήσω τὸν θρόνον μου καθιῶ ἐν ὄρει ὑψηλῷ ἐπὶ τὰ ὄρη τὰ ὑψηλὰ τὰ πρὸς βορρᾶν.
Ezéchiel 28.2 Ezéchiel 28.12-28.16 Sophonie 2.15 Ezéchiel 29.3 Matthieu 11.23
¹⁴ ἀναβήσομαι ἐπάνω τῶν νεφελῶν ἔσομαι ὅμοιος τῷ ὑψίστῳ.
Esaïe 47.8 2 Thessaloniciens 2.4 Genèse 3.5 Esaïe 37.23-37.24
¹⁵ νῦν δὲ εἰς ᾅδου καταβήσῃ καὶ εἰς τὰ θεμέλια τῆς γῆς.
Matthieu 11.23 Luc 10.15 Ezéchiel 32.23 Apocalypse 19.20 Esaïe 14.3-14.11
¹⁶ οἱ ἰδόντες σε θαυμάσουσιν ἐπὶ σοὶ καὶ ἐροῦσιν οὗτος ὁ ἄνθρωπος ὁ παροξύνων τὴν γῆν σείων βασιλεῖς.
Jérémie 50.23 Psaumes 58.10-58.11 Psaumes 52.7 Esaïe 14.4-14.5 Psaumes 64.9
¹⁷ ὁ θεὶς τὴν οἰκουμένην ὅλην ἔρημον καὶ τὰς πόλεις καθεῖλεν τοὺς ἐν ἐπαγωγῇ οὐκ ἔλυσεν.
Esaïe 45.13 Joël 2.3 Esaïe 13.19-13.22 Esaïe 64.10 Esdras 1.2-1.4
¹⁸ πάντες οἱ βασιλεῖς τῶν ἐθνῶν ἐκοιμήθησαν ἐν τιμῇ ἄνθρωπος ἐν τῷ οἴκῳ αὐτοῦ.
Ezéchiel 32.18-32.32 Ecclésiaste 6.3 Esaïe 22.16 Job 30.23 2 Chroniques 24.16
¹⁹ σὺ δὲ ῥιφήσῃ ἐν τοῖς ὄρεσιν ὡς νεκρὸς ἐβδελυγμένος μετὰ πολλῶν τεθνηκότων ἐκκεκεντημένων μαχαίραις καταβαινόντων εἰς ᾅδου ὃν τρόπον ἱμάτιον ἐν αἵματι πεφυρμένον οὐκ ἔσται καθαρόν.
Jérémie 41.9 Jérémie 41.7 1 Rois 21.19 Ezéchiel 32.23 Jérémie 16.6
²⁰ οὕτως οὐδὲ σὺ ἔσῃ καθαρός διότι τὴν γῆν μου ἀπώλεσας καὶ τὸν λαόν μου ἀπέκτεινας οὐ μὴ μείνῃς εἰς τὸν αἰῶνα χρόνον σπέρμα πονηρόν.
Psaumes 21.10 Job 18.19 Psaumes 37.28 Job 18.16 Psaumes 109.13
²¹ ἑτοίμασον τὰ τέκνα σου σφαγῆναι ταῖς ἁμαρτίαις τοῦ πατρός σου ἵνα μὴ ἀναστῶσιν καὶ τὴν γῆν κληρονομήσωσιν καὶ ἐμπλήσωσι τὴν γῆν πόλεων.
Exode 20.5 Lévitique 26.39 Matthieu 23.35 Esaïe 27.6 Habakuk 2.8-2.12
²² καὶ ἐπαναστήσομαι αὐτοῖς λέγει κύριος σαβαωθ καὶ ἀπολῶ αὐτῶν ὄνομα καὶ κατάλειμμα καὶ σπέρμα τάδε λέγει κύριος.
Proverbes 10.7 1 Rois 14.10 Esaïe 13.5 Jérémie 51.56-51.57 Job 18.16-18.19
²³ καὶ θήσω τὴν Βαβυλωνίαν ἔρημον ὥστε κατοικεῖν ἐχίνους καὶ ἔσται εἰς οὐδέν καὶ θήσω αὐτὴν πηλοῦ βάραθρον εἰς ἀπώλειαν.
Sophonie 2.14 1 Rois 14.10 Esaïe 34.11-34.15 Jérémie 50.39-50.40 Apocalypse 18.2

Prophétie sur l’Assyrie

²⁴ τάδε λέγει κύριος σαβαωθ ὃν τρόπον εἴρηκα οὕτως ἔσται καὶ ὃν τρόπον βεβούλευμαι οὕτως μενεῖ.
Actes 4.28 Job 23.13 Proverbes 19.21 Jérémie 44.26 Psaumes 110.4
²⁵ τοῦ ἀπολέσαι τοὺς Ἀσσυρίους ἀπὸ τῆς γῆς τῆς ἐμῆς καὶ ἀπὸ τῶν ὀρέων μου καὶ ἔσονται εἰς καταπάτημα καὶ ἀφαιρεθήσεται ἀπ’ αὐτῶν ὁ ζυγὸς αὐτῶν καὶ τὸ κῦδος αὐτῶν ἀπὸ τῶν ὤμων ἀφαιρεθήσεται.
Esaïe 9.4 Nahum 1.13 Esaïe 10.16-10.19 Esaïe 30.30-30.33 Esaïe 37.36-37.38
²⁶ αὕτη ἡ βουλή ἣν βεβούλευται κύριος ἐπὶ τὴν οἰκουμένην ὅλην καὶ αὕτη ἡ χεὶρ ἡ ὑψηλὴ ἐπὶ πάντα τὰ ἔθνη τῆς οἰκουμένης.
Exode 15.12 Esaïe 5.25 Esaïe 23.9 Sophonie 3.6-3.8
²⁷ ἃ γὰρ ὁ θεὸς ὁ ἅγιος βεβούλευται τίς διασκεδάσει καὶ τὴν χεῖρα τὴν ὑψηλὴν τίς ἀποστρέψει.
2 Chroniques 20.6 Esaïe 43.13 Psaumes 33.11 Proverbes 21.30 Job 9.12

Prophétie contre les Philistins

²⁸ τοῦ ἔτους οὗ ἀπέθανεν Αχαζ ὁ βασιλεύς ἐγενήθη τὸ ῥῆμα τοῦτο.
2 Rois 16.20 2 Chroniques 28.27 Esaïe 13.1 Esaïe 6.1
²⁹ μὴ εὐφρανθείητε πάντες οἱ ἀλλόφυλοι συνετρίβη γὰρ ὁ ζυγὸς τοῦ παίοντος ὑμᾶς ἐκ γὰρ σπέρματος ὄφεων ἐξελεύσεται ἔκγονα ἀσπίδων καὶ τὰ ἔκγονα αὐτῶν ἐξελεύσονται ὄφεις πετόμενοι.
Esaïe 11.8 2 Chroniques 26.6 Esaïe 30.6 Sophonie 3.11 Abdias 1.12
³⁰ καὶ βοσκηθήσονται πτωχοὶ δι’ αὐτοῦ πτωχοὶ δὲ ἄνδρες ἐπ’ εἰρήνης ἀναπαύσονται ἀνελεῖ δὲ λιμῷ τὸ σπέρμα σου καὶ τὸ κατάλειμμά σου ἀνελεῖ.
Esaïe 7.21-7.22 Amos 1.6-1.8 Job 18.13 Esaïe 5.17 Esaïe 9.20
³¹ ὀλολύζετε πύλαι πόλεων κεκραγέτωσαν πόλεις τεταραγμέναι οἱ ἀλλόφυλοι πάντες ὅτι καπνὸς ἀπὸ βορρᾶ ἔρχεται καὶ οὐκ ἔστιν τοῦ εἶναι.
Jérémie 1.14 Esaïe 20.1 Esaïe 14.29 Esaïe 13.6 Esaïe 16.7
³² καὶ τί ἀποκριθήσονται βασιλεῖς ἐθνῶν ὅτι κύριος ἐθεμελίωσεν Σιων καὶ δι’ αὐτοῦ σωθήσονται οἱ ταπεινοὶ τοῦ λαοῦ.
Psaumes 87.5 Psaumes 102.16 Psaumes 87.1 Jacques 2.5 Esaïe 25.4