Proverbes 6.12
Bible en Swahili de l’est

Le danger de se porter garant

¹ Mwanangu, kama umekuwa mdhamini wa rafiki yako, Ikiwa wewe na mgeni mmepana mikono,
² Basi umetegwa kwa maneno ya kinywa chako, Umekamatwa kwa maneno ya kinywa chako,
³ Sasa, mwanangu, fanya hivi ukajiokoe, Kwa kuwa umejitia mkononi mwa jirani yako; Nenda ukanyenyekee, na kumsihi jirani yako.
⁴ Usiache macho yako kupata usingizi, Wala kope za macho yako kusinzia.
⁵ Ujiponye kama paa na mkono wa mwindaji, Na kama ndege katika mkono wa mtega mitego.

La paresse

⁶ Ewe mvivu, mwendee chungu, Zitafakari njia zake ukapate hekima.
⁷ Kwa maana yeye hana akida, Wala msimamizi, wala mkuu,
⁸ Lakini hujiwekea akiba ya chakula wakati wa jua; Hukusanya chakula chake wakati wa mavuno.
⁹ Ewe mvivu, utalala hata lini? Utaondoka lini katika usingizi wako?
¹⁰ Bado kulala kidogo, kusinzia kidogo, Bado kukunja mikono upate usingizi!
¹¹ Hivyo umaskini wako huja kama mnyang’anyi, Na uhitaji wako kama mtu mwenye silaha.

L’homme double

¹² Mtu asiyefaa kitu, mtu wa uovu; Huenda njiani mwenye kinywa cha upotofu.
¹³ Hukonyeza kwa macho, hunena kwa miguu, Huwaashiria watu kwa vidole vyake.
¹⁴ Mna upotofu moyoni mwake, hutunga uovu daima, Hupanda mbegu za magomvi.
¹⁵ Basi msiba utampata kwa ghafula; Ghafula atavunjika, bila njia ya kupona.
¹⁶ Kuna vitu sita anavyovichukia Bwana; Naam, viko saba vilivyo chukizo kwake.
¹⁷ Macho ya kiburi, ulimi wa uongo, Na mikono imwagayo damu isiyo na hatia;
¹⁸ Moyo uwazao mawazo mabaya; Miguu iliyo myepesi kukimbilia maovu;
¹⁹ Shahidi wa uongo asemaye uongo; Naye apandaye mbegu za fitina kati ya ndugu.

Les conséquences de l’adultère

²⁰ Mwanangu, shika maagizo ya baba yako, Wala usiiache sheria ya mama yako.
²¹ Yafunge hayo katika moyo wako daima; Jivike hayo shingoni mwako.
²² Uendapo yatakuongoza, ulalapo yatakulinda, Na uamkapo yatazungumza nawe.
²³ Maana maagizo hayo ni taa, na sheria hiyo ni nuru, Na maonyo ya kumwadilisha mtu ni njia ya uzima.
²⁴ Yakulinde na mwanamke mwovu, asikupate, Na kukuponya na ubembelezi wa mgeni.
²⁵ Usiutamani uzuri wake moyoni mwako; Wala usikubali akunase kwa kope za macho yake.
²⁶ Maana kwa malaya mtu hutiwa katika hali ya kuhitaji kipande cha mkate; Na kahaba humwinda mtu anase nafsi yake iliyo ya thamani
²⁷ Je! Mtu aweza kuua moto kifuani pake, Na nguo zake zisiteketezwe?
²⁸ Je! Mtu aweza kukanyaga makaa ya moto, Na nyayo zake zisiungue?
²⁹ Ndivyo alivyo aingiaye kwa mke wa jirani yake; Kila mtu amgusaye huyo atakuwa na hatia.
³⁰ Watu hawamdharau mwivi, Akiiba ili kujishibisha, iwapo aona njaa;
³¹ Lakini akipatikana, atalipa mara saba; Atatoa mali yote ya nyumba yake.
³² Mtu aziniye na mwanamke hana akili kabisa; Afanya jambo litakalomwangamiza nafsi yake.
³³ Atapata jeraha na kuvunjiwa heshima; Wala fedheha yake haitafutika.
³⁴ Maana wivu ni ghadhabu ya mtu; Wala hatahurumia siku ya kujilipiza kisasi.
³⁵ Hatakubali ukombozi uwao wote; Wala hatakuwa radhi, ujapomlipa vitu vingi.