Genèse 26.23
Vulgate

Isaac à Guérar

¹ orta autem fame super terram post eam sterilitatem quae acciderat in diebus Abraham abiit Isaac ad Abimelech regem Palestinorum in Gerara
Genèse 12.10 Genèse 25.11 Genèse 21.22-21.32 Genèse 20.1-20.2
² apparuitque ei Dominus et ait ne descendas in Aegyptum sed quiesce in terra quam dixero tibi
Genèse 12.7 Genèse 12.1 Genèse 18.1 Genèse 17.1 Psaumes 37.3
³ et peregrinare in ea eroque tecum et benedicam tibi tibi enim et semini tuo dabo universas regiones has conplens iuramentum quod spopondi Abraham patri tuo
Genèse 28.15 Genèse 13.15 Genèse 20.1 Genèse 15.18 Genèse 12.7
⁴ et multiplicabo semen tuum sicut stellas caeli daboque posteris tuis universas regiones has et benedicentur in semine tuo omnes gentes terrae
Genèse 15.5 Genèse 22.17-22.18 Galates 3.8 Actes 3.25 Exode 32.13
⁵ eo quod oboedierit Abraham voci meae et custodierit praecepta et mandata mea et caerimonias legesque servaverit
Genèse 22.16 Genèse 22.18 Galates 5.6 Hébreux 11.8 Matthieu 5.19
⁶ mansit itaque Isaac in Geraris
Genèse 20.1
⁷ qui cum interrogaretur a viris loci illius super uxore sua respondit soror mea est timuerat enim confiteri quod sibi esset sociata coniugio reputans ne forte interficerent eum propter illius pulchritudinem
Genèse 12.13 Genèse 20.2 Proverbes 29.25 Genèse 24.16 Genèse 20.12-20.13
⁸ cumque pertransissent dies plurimi et ibi demoraretur prospiciens Abimelech Palestinorum rex per fenestram vidit eum iocantem cum Rebecca uxore sua
Juges 5.28 Proverbes 5.18-5.19 Proverbes 7.6 Ecclésiaste 9.9 Cantique 2.9
⁹ et accersito ait perspicuum est quod uxor tua sit cur mentitus es sororem tuam esse respondit timui ne morerer propter eam
¹⁰ dixitque Abimelech quare inposuisti nobis potuit coire quispiam de populo cum uxore tua et induxeras super nos grande peccatum praecepitque omni populo dicens
Genèse 12.18-12.19 Genèse 20.9-20.10
¹¹ qui tetigerit hominis huius uxorem morte morietur
Psaumes 105.15 Genèse 20.6 Proverbes 6.29 Zacharie 2.8
¹² seruit autem Isaac in terra illa et invenit in ipso anno centuplum benedixitque ei Dominus
Genèse 24.1 Genèse 26.3 Job 42.12 Genèse 24.35 1 Corinthiens 3.6
¹³ et locupletatus est homo et ibat proficiens atque succrescens donec magnus vehementer effectus est
Proverbes 10.22 Psaumes 112.3 Genèse 24.35
¹⁴ habuit quoque possessionem ovium et armentorum et familiae plurimum ob haec invidentes ei Palestini
Genèse 37.11 Ecclésiaste 4.4 Genèse 12.16 Job 1.3 Psaumes 112.10
¹⁵ omnes puteos quos foderant servi patris illius Abraham illo tempore obstruxerunt implentes humo
Genèse 21.30 Genèse 21.25
¹⁶ in tantum ut ipse Abimelech diceret ad Isaac recede a nobis quoniam potentior nostri factus es valde
Exode 1.9
¹⁷ et ille discedens veniret ad torrentem Gerarae habitaretque ibi
¹⁸ rursum fodit alios puteos quos foderant servi patris sui Abraham et quos illo mortuo olim obstruxerant Philisthim appellavitque eos hisdem nominibus quibus ante pater vocaverat
Genèse 21.31 Zacharie 13.2 Osée 2.17 Nombres 32.38 Psaumes 16.4
¹⁹ foderunt in torrente et reppererunt aquam vivam
Jean 4.10-4.11 Jean 7.38 Cantique 4.15
²⁰ sed et ibi iurgium fuit pastorum Gerarae adversum pastores Isaac dicentium nostra est aqua quam ob rem nomen putei ex eo quod acciderat vocavit Calumniam
Genèse 21.25
²¹ foderunt et alium et pro illo quoque rixati sunt appellavitque eum Inimicitias
Esdras 4.6
²² profectus inde fodit alium puteum pro quo non contenderunt itaque vocavit nomen illius Latitudo dicens nunc dilatavit nos Dominus et fecit crescere super terram
Genèse 17.6 Exode 1.7 Psaumes 4.1 Genèse 28.3 Psaumes 18.19
²³ ascendit autem ex illo loco in Bersabee
Genèse 21.31 Juges 20.1 Genèse 46.1
²⁴ ubi apparuit ei Dominus in ipsa nocte dicens ego sum Deus Abraham patris tui noli metuere quia tecum sum benedicam tibi et multiplicabo semen tuum propter servum meum Abraham
Genèse 24.12 Exode 3.6 Genèse 17.7 Genèse 15.1 Apocalypse 1.17
²⁵ itaque aedificavit ibi altare et invocato nomine Domini extendit tabernaculum praecepitque servis suis ut foderent puteum
Genèse 13.18 Psaumes 116.17 Genèse 12.7-12.8 Genèse 13.4 Genèse 8.20
²⁶ ad quem locum cum venissent de Geraris Abimelech et Ochozath amicus illius et Fichol dux militum
Genèse 20.3 Genèse 21.22-21.32
²⁷ locutus est eis Isaac quid venistis ad me hominem quem odistis et expulistis a vobis
Genèse 26.16 Juges 11.7 Genèse 26.14 Actes 7.9 Actes 7.27
²⁸ qui responderunt vidimus tecum esse Dominum et idcirco nunc diximus sit iuramentum inter nos et ineamus foedus
Genèse 21.22-21.23 2 Chroniques 1.1 Genèse 39.5 Esaïe 61.9 Genèse 21.31-21.32
²⁹ ut non facias nobis quicquam mali sicut et nos nihil tuorum adtigimus nec fecimus quod te laederet sed cum pace dimisimus auctum benedictione Domini
Genèse 24.31 Psaumes 115.15 Genèse 12.2 Genèse 26.11-26.12 Genèse 21.22
³⁰ fecit ergo eis convivium et post cibum et potum
Genèse 19.3 1 Pierre 4.9 Romains 12.18 Genèse 21.8 Genèse 31.54
³¹ surgentes mane iuraverunt sibi mutuo dimisitque eos Isaac pacifice in locum suum
1 Samuel 14.24 Genèse 25.33 1 Samuel 20.3 Genèse 21.31-21.32 Genèse 22.3
³² ecce autem venerunt in ipso die servi Isaac adnuntiantes ei de puteo quem foderant atque dicentes invenimus aquam
Proverbes 2.4-2.5 Proverbes 10.4 Proverbes 13.4 Genèse 26.25 Matthieu 7.7
³³ unde appellavit eum Abundantiam et nomen urbi inpositum est Bersabee usque in praesentem diem
Genèse 21.31 Genèse 26.28
³⁴ Esau vero quadragenarius duxit uxores Iudith filiam Beeri Hetthei et Basemath filiam Helon eiusdem loci
Genèse 36.2 Genèse 24.3 Genèse 28.9 1 Corinthiens 7.2 Hébreux 12.16
³⁵ quae ambae offenderant animum Isaac et Rebeccae
Genèse 27.46-28.2 Genèse 28.8 Genèse 6.2