2 Rois 8.5
Vulgate

Famine annoncée par Élisée

¹ Heliseus autem locutus est ad mulierem cuius vivere fecerat filium dicens surge vade tu et domus tua et peregrinare ubicumque reppereris vocavit enim Dominus famem et veniet super terram septem annis
Psaumes 105.16 Aggée 1.11 2 Rois 4.31-4.35 2 Rois 4.18 Genèse 12.10
² quae surrexit et fecit iuxta verbum hominis Dei et vadens cum domo sua peregrinata est in terra Philisthim diebus multis
1 Timothée 5.8 Juges 3.3 1 Samuel 27.1-27.3
³ cumque finiti essent anni septem reversa est mulier de terra Philisthim et egressa est ut interpellaret regem pro domo sua et agris suis
Psaumes 82.3-82.4 Jérémie 22.16 2 Rois 4.13 2 Rois 8.6 Luc 18.3-18.5
⁴ rex autem loquebatur cum Giezi puero viri Dei dicens narra mihi omnia magnalia quae fecit Heliseus
2 Rois 5.20-5.27 Actes 24.24 2 Rois 6.6 2 Rois 3.14-3.16 2 Rois 2.24
⁵ cumque ille narraret regi quomodo mortuum suscitasset apparuit mulier cuius vivificaverat filium clamans ad regem pro domo sua et pro agris suis dixitque Giezi domine mi rex haec est mulier et hic filius eius quem suscitavit Heliseus
2 Rois 4.35 Esther 6.11-6.12 2 Rois 6.26 Ecclésiaste 9.11 Matthieu 10.29-10.30
⁶ et interrogavit rex mulierem quae narravit ei deditque ei rex eunuchum unum dicens restitue ei omnia quae sua sunt et universos reditus agrorum a die qua reliquit terram usque ad praesens
Proverbes 16.7 2 Rois 9.32 Juges 11.13 Deutéronome 22.2 1 Chroniques 28.1

Annonce du règne d’Hazaël sur la Syrie

⁷ venit quoque Heliseus Damascum et Benadad rex Syriae aegrotabat nuntiaveruntque ei dicentes venit vir Dei huc
1 Rois 11.24 2 Rois 6.24 1 Rois 20.1 Juges 16.2 1 Rois 20.34
⁸ et ait rex ad Azahel tolle tecum munera et vade in occursum viri Dei et consule Dominum per eum dicens si evadere potero de infirmitate mea hac
2 Rois 1.2 1 Rois 19.15 1 Samuel 9.7 Actes 16.30 2 Rois 5.5
⁹ ivit igitur Azahel in occursum eius habens secum munera et omnia bona Damasci onera quadraginta camelorum cumque stetisset coram eo ait filius tuus Benadad rex Syriae misit me ad te dicens si sanari potero de infirmitate mea hac
2 Rois 13.14 2 Rois 5.5 2 Rois 6.21 1 Samuel 25.8 Philémon 1.14
¹⁰ dixitque ei Heliseus vade dic ei sanaberis porro ostendit mihi Dominus quia morte morietur
2 Rois 1.4 Zacharie 1.20 Ezéchiel 11.25 Amos 7.7 2 Rois 8.13-8.15
¹¹ stetitque cum eo et conturbatus est usque ad suffusionem vultus flevitque vir Dei
Luc 19.41 Philippiens 3.18 Jérémie 13.17 Jérémie 4.19 Jean 11.35
¹² cui Azahel ait quare dominus meus flet at ille respondit quia scio quae facturus sis filiis Israhel mala civitates eorum munitas igne succendes et iuvenes eorum interficies gladio et parvulos eorum elides et praegnantes divides
Osée 13.16 Nahum 3.10 2 Rois 15.16 2 Rois 12.17 2 Rois 13.3
¹³ dixitque Azahel quid enim sum servus tuus canis ut faciam rem istam magnam et ait Heliseus ostendit mihi Dominus te regem Syriae fore
1 Rois 19.15 1 Samuel 17.43 2 Samuel 9.8 Psaumes 22.20 Philippiens 3.2
¹⁴ qui cum recessisset ab Heliseo venit ad dominum suum qui ait ei quid tibi dixit Heliseus at ille respondit dixit mihi recipiet sanitatem
2 Rois 8.10 Matthieu 26.16 2 Rois 5.25
¹⁵ cumque venisset dies altera tulit sagulum et infudit aqua et expandit super faciem eius quo mortuo regnavit Azahel pro eo
2 Rois 8.13 1 Rois 16.18 Esaïe 33.1 1 Samuel 24.4-24.7 2 Rois 15.10-15.14

Règne de Joram sur Juda

¹⁶ anno quinto Ioram filii Ahab regis Israhel et Iosaphat regis Iuda regnavit Ioram filius Iosaphat rex Iuda
2 Rois 1.17 2 Rois 3.1 1 Rois 22.50 2 Chroniques 21.1-21.20
¹⁷ triginta duorum erat annorum cum regnare coepisset et octo annis regnavit in Hierusalem
2 Chroniques 21.5-21.10
¹⁸ ambulavitque in viis regum Israhel sicut ambulaverat domus Ahab filia enim Ahab erat uxor eius et fecit quod malum est coram Domino
2 Rois 8.26 2 Rois 21.3 1 Rois 11.1-11.5 2 Chroniques 22.1-22.4 2 Rois 3.2-3.3
¹⁹ noluit autem Dominus disperdere Iudam propter David servum suum sicut promiserat ei ut daret illi lucernam et filiis eius cunctis diebus
1 Rois 11.36 2 Samuel 7.12-7.13 2 Samuel 7.15 Esaïe 37.35 Jérémie 33.25-33.26
²⁰ in diebus eius recessit Edom ne esset sub Iuda et constituit sibi regem
1 Rois 22.47 2 Rois 3.9 2 Rois 3.27 2 Rois 8.22 2 Samuel 8.14
²¹ venitque Ioram Seira et omnis currus cum eo et surrexit nocte percussitque Idumeos qui eum circumdederant et principes curruum populus autem fugit in tabernacula sua
2 Samuel 18.17
²² recessit ergo Edom ne esset sub Iuda usque ad diem hanc tunc recessit et Lobna in tempore illo
Josué 21.13 2 Rois 19.8 Genèse 27.40 2 Chroniques 21.10
²³ reliqua autem sermonum Ioram et universa quae fecit nonne haec scripta sunt in libro verborum dierum regum Iuda
1 Rois 14.29 1 Rois 11.41 2 Rois 15.6 2 Chroniques 21.11-21.20 1 Rois 15.23
²⁴ et dormivit Ioram cum patribus suis sepultusque est cum eis in civitate David et regnavit Ahazias filius eius pro eo
2 Chroniques 22.6 2 Chroniques 25.23 2 Chroniques 21.1 2 Chroniques 21.17 1 Rois 14.31

Règne d’Achazia sur Juda

²⁵ anno duodecimo Ioram filii Ahab regis Israhel regnavit Ahazias filius Ioram regis Iudae
2 Rois 9.29 2 Rois 8.16-8.17 2 Chroniques 21.20-22.6
²⁶ viginti duorum annorum erat Ahazias cum regnare coepisset et uno anno regnavit in Hierusalem nomen matris eius Athalia filia Amri regis Israhel
2 Chroniques 22.2 2 Chroniques 22.5-22.8 2 Rois 9.21-9.27 2 Rois 11.13-11.16 2 Rois 11.1
²⁷ et ambulavit in viis domus Ahab et fecit quod malum est coram Domino sicut domus Ahab gener enim domus Ahab fuit
2 Rois 8.18 2 Corinthiens 6.14-6.17 Ecclésiaste 7.26 2 Chroniques 22.3-22.4
²⁸ abiit quoque cum Ioram filio Ahab ad proeliandum contra Azahel regem Syriae in Ramoth Galaad et vulneraverunt Syri Ioram
2 Chroniques 22.5 2 Rois 3.7 1 Rois 19.17 2 Chroniques 19.2 1 Rois 22.29
²⁹ qui reversus est ut curaretur in Hiezrahel quia vulneraverant eum Syri in Rama proeliantem contra Azahel regem Syriae porro Ahazias filius Ioram rex Iuda descendit invisere Ioram filium Ahab in Hiezrahel quia aegrotabat
2 Rois 9.15-9.16 1 Rois 22.34 2 Rois 8.28 2 Chroniques 22.5-22.7