Proverbes 28.20
Vulgate

¹ fugit impius nemine persequente iustus autem quasi leo confidens absque terrore erit
Deutéronome 28.7 Psaumes 53.5 Lévitique 26.17 1 Thessaloniciens 2.2 Actes 14.3
² propter peccata terrae multi principes eius et propter hominis sapientiam et horum scientiam quae dicuntur vita ducis longior erit
Genèse 45.5-45.8 Ecclésiaste 9.15 2 Chroniques 32.20-32.26 1 Rois 15.28 1 Rois 15.25
³ vir pauper calumnians pauperes similis imbri vehementi in quo paratur fames
Matthieu 18.28-18.30
⁴ qui derelinquunt legem laudant impium qui custodiunt succenduntur contra eum
Ephésiens 5.11 Matthieu 14.4 Matthieu 3.7 Romains 1.32 1 Rois 18.18
⁵ viri mali non cogitant iudicium qui autem requirunt Dominum animadvertunt omnia
Jean 7.17 1 Jean 2.27 1 Jean 2.20 Psaumes 92.6 Jacques 1.5
⁶ melior est pauper ambulans in simplicitate sua quam dives pravis itineribus
Proverbes 19.1 Luc 16.19-16.23 Proverbes 19.22 Proverbes 28.18 Actes 24.24-24.27
⁷ qui custodit legem filius sapiens est qui pascit comesatores confundit patrem suum
Proverbes 2.1-2.6 Proverbes 29.3 1 Pierre 4.3-4.4 Proverbes 23.19-23.22 Proverbes 3.1-3.35
⁸ qui coacervat divitias usuris et fenore liberali in pauperes congregat eas
Proverbes 13.22 Lévitique 25.36 Proverbes 14.31 Exode 22.25 Proverbes 19.7
⁹ qui declinat aurem suam ne audiat legem oratio eius erit execrabilis
Psaumes 109.7 Psaumes 66.18 Zacharie 7.11-7.13 Esaïe 1.15-1.16 Proverbes 15.8
¹⁰ qui decipit iustos in via mala in interitu suo corruet et simplices possidebunt bona
Matthieu 6.33 Proverbes 26.27 Psaumes 37.25-37.26 Proverbes 15.6 Deutéronome 7.12-7.14
¹¹ sapiens sibi videtur vir dives pauper autem prudens scrutabitur eum
Romains 12.16 Proverbes 26.16 Ecclésiaste 9.15-9.17 Proverbes 19.1 Ezéchiel 28.3-28.5
¹² in exultatione iustorum multa gloria regnantibus impiis ruinae hominum
Proverbes 29.2 Proverbes 11.10 Proverbes 28.28 Ecclésiaste 10.16 2 Chroniques 30.22-30.27
¹³ qui abscondit scelera sua non dirigetur qui confessus fuerit et reliquerit ea misericordiam consequetur
Job 31.33 Psaumes 32.3-32.5 1 Jean 1.8-1.10 Jérémie 2.22-2.23 Daniel 9.20-9.23
¹⁴ beatus homo qui semper est pavidus qui vero mentis est durae corruet in malum
Proverbes 23.17 Esaïe 66.2 Jérémie 32.40 Job 9.4 Exode 14.23
¹⁵ leo rugiens et ursus esuriens princeps impius super populum pauperem
Matthieu 2.16 1 Pierre 5.8 Exode 1.22 2 Rois 21.16 2 Rois 15.16
¹⁶ dux indigens prudentia multos opprimet per calumniam qui autem odit avaritiam longi fient dies eius
Esaïe 3.12 Amos 4.1 Néhémie 5.15 Esaïe 33.15-33.16 Jérémie 22.15-22.17
¹⁷ hominem qui calumniatur animae sanguinem si usque ad lacum fugerit nemo sustentet
Genèse 9.6 Exode 21.14 1 Rois 21.19 Actes 28.4 2 Rois 9.26
¹⁸ qui ambulat simpliciter salvus erit qui perversis ingreditur viis concidet semel
Proverbes 10.9 Proverbes 28.6 Proverbes 10.25 Nombres 22.32 Psaumes 84.11
¹⁹ qui operatur terram suam saturabitur panibus qui sectatur otium replebitur egestate
Proverbes 12.11 Proverbes 27.23-27.27 Proverbes 13.20 Luc 15.12-15.17 Juges 9.4
²⁰ vir fidelis multum laudabitur qui autem festinat ditari non erit innocens
Proverbes 20.21 Proverbes 13.11 Luc 16.10-16.12 Proverbes 28.22 1 Corinthiens 4.2-4.5
²¹ qui cognoscit in iudicio faciem non facit bene iste et pro buccella panis deserit veritatem
Ezéchiel 13.19 Proverbes 24.23 Proverbes 18.5 Michée 7.3 Michée 3.5
²² vir qui festinat ditari et aliis invidet ignorat quod egestas superveniat ei
Proverbes 23.6 Proverbes 28.20 1 Timothée 6.9 Marc 7.22 Job 27.16-27.17
²³ qui corripit hominem gratiam postea inveniet apud eum magis quam ille qui per linguae blandimenta decipit
Proverbes 27.5-27.6 Matthieu 18.15 1 Rois 1.23 Psaumes 141.5 2 Pierre 3.15-3.16
²⁴ qui subtrahit aliquid a patre suo et matre et dicit hoc non est peccatum particeps homicidae est
Proverbes 18.9 Proverbes 19.26 Matthieu 15.4-15.6 Juges 17.2 Proverbes 28.7
²⁵ qui se iactat et dilatat iurgia concitat qui sperat in Domino saginabitur
Proverbes 15.18 Proverbes 11.25 1 Timothée 6.6 Proverbes 13.4 Jérémie 17.7-17.8
²⁶ qui confidit in corde suo stultus est qui autem graditur sapienter iste salvabitur
Proverbes 3.5 Job 28.28 Jacques 3.13-3.18 Marc 14.27-14.31 Jacques 1.5
²⁷ qui dat pauperi non indigebit qui despicit deprecantem sustinebit penuriam
Proverbes 19.17 Deutéronome 15.7 Proverbes 22.9 Proverbes 11.26 Psaumes 41.1-41.3
²⁸ cum surrexerint impii abscondentur homines cum illi perierint multiplicabuntur iusti
Proverbes 28.12 Proverbes 29.2 Actes 12.23-12.24 Job 24.4 Esther 8.17