Ezéchiel 41.15
Vulgate

Vision de l’intérieur du temple

¹ et introduxit me in templum et mensus est frontes sex cubitos latitudinis hinc et sex cubitos latitudinis inde latitudinem tabernaculi
Ezéchiel 40.17 Ezéchiel 41.23 Ezéchiel 40.2-40.3 1 Pierre 2.5 Apocalypse 21.3
² et latitudo portae decem cubitorum erat et latera portae quinque cubitis hinc et quinque cubitis inde et mensus est longitudinem eius quadraginta cubitorum et latitudinem viginti cubitorum
2 Chroniques 3.3 1 Rois 6.17 1 Rois 6.2 Exode 36.37 Jean 10.9
³ et introgressus intrinsecus mensus est in fronte portae duos cubitos et portam sex cubitorum et latitudinem portae septem cubitorum
Ezéchiel 40.16
⁴ et mensus est longitudinem eius viginti cubitorum et latitudinem viginti cubitorum ante faciem templi et dixit ad me hoc est sanctum sanctorum
1 Rois 6.20 Hébreux 9.3-9.8 2 Chroniques 3.8 Exode 26.33-26.34 1 Rois 6.16
⁵ et mensus est parietem domus sex cubitorum et latitudinem lateris quattuor cubitorum undique per circuitum domus
1 Rois 6.5-6.6 Ezéchiel 42.3-42.14 Ezéchiel 41.6-41.9
⁶ latera autem latus ad latus bis triginta tria et erant eminentia quae ingrederentur per parietem domus in lateribus per circuitum ut continerent et non adtingerent parietem templi
1 Rois 6.10 1 Rois 6.5-6.6 1 Pierre 1.5 Ezéchiel 40.17
⁷ et platea erat in rotundum ascendens sursum per cocleam et in cenaculum templi deferebat per gyrum idcirco latius erat templum in superioribus et sic de inferioribus ascendebatur ad superiora in medium
1 Rois 6.8 Hébreux 6.1 Matthieu 13.32
⁸ et vidi in domo altitudinem per circuitum fundata latera ad mensuram calami sex cubitorum spatio
Ezéchiel 40.5 Apocalypse 21.16
⁹ et latitudinem per parietem lateris forinsecus quinque cubitorum et interior domus in lateribus domus
Ezéchiel 41.11 Ezéchiel 42.1 Ezéchiel 42.4
¹⁰ et inter gazofilacia latitudinem viginti cubitorum in circuitu domus undique
Ezéchiel 40.17
¹¹ et ostium lateris ad orationem ostium unum ad viam aquilonis et ostium unum ad viam australem et latitudinem loci ad orationem quinque cubitorum in circuitu
Ezéchiel 41.9 Ezéchiel 42.4
¹² et aedificium quod erat separatum versumque ad viam respicientem ad mare latitudinis septuaginta cubitorum paries autem aedificii quinque cubitorum latitudinis per circuitum et longitudo eius nonaginta cubitorum
Ezéchiel 41.13-41.15 Ezéchiel 42.13 Ezéchiel 42.10 Ezéchiel 42.1 Apocalypse 22.14-22.15
¹³ et mensus est domus longitudinem centum cubitorum et quod separatum erat aedificium et parietes eius longitudinis centum cubitorum
Ezéchiel 40.47
¹⁴ latitudo autem ante faciem domus et eius quod erat separatum contra orientem centum cubitorum
¹⁵ et mensus est longitudinem aedificii contra faciem eius quod erat separatum ad dorsum ekthetas ex utraque parte centum cubitorum et templum interius et vestibula atrii
Ezéchiel 42.3 Ezéchiel 42.1 Cantique 7.5 Ezéchiel 41.17 Ezéchiel 41.12
¹⁶ limina et fenestras obliquas et ekthetas in circuitu per tres partes contra uniuscuiusque limen stratumque ligno per gyrum in circuitu terra autem usque ad fenestras et fenestrae clausae super ostia
1 Rois 6.4 1 Rois 6.15 Ezéchiel 40.25 Ezéchiel 40.16 Esaïe 6.4
¹⁷ et usque ad domum interiorem et forinsecus per omnem parietem in circuitu intrinsecus et forinsecus ad mensuram
Ezéchiel 42.15
¹⁸ et fabrefacta cherubin et palmae et palma inter cherub et cherub duasque facies habebat cherub
1 Rois 7.36 Ezéchiel 40.16 Ezéchiel 40.22 Ezéchiel 10.21 2 Chroniques 3.7
¹⁹ faciem hominis iuxta palmam ex hac parte et faciem leonis iuxta palmam ex alia parte expressam per omnem domum in circuitu
Ezéchiel 10.14 Ezéchiel 1.10
²⁰ de terra usque ad superiora portae cherubin et palmae celatae erant in pariete templi
Ezéchiel 41.18
²¹ limen quadrangulum et facies sanctuarii aspectus contra aspectum
Ezéchiel 41.1 Ezéchiel 40.14 1 Rois 6.33
²² altaris lignei trium cubitorum altitudo et longitudo eius duo cubitorum et anguli eius et longitudo eius et parietes eius lignei et locutus est ad me haec est mensa coram Domino
Ezéchiel 44.16 Malachie 1.7 Malachie 1.12 Ezéchiel 23.41 Exode 30.1-30.3
²³ et duo ostia erant in templo et in sanctuario
1 Rois 6.31-6.35 Ezéchiel 41.1 2 Chroniques 4.22
²⁴ et in duobus ostiis ex utraque parte bina erant ostiola quae in se invicem plicabantur bina enim ostia erant ex utraque parte ostiorum
1 Rois 6.34 Ezéchiel 40.48
²⁵ et celata erant in ipsis ostiis templi cherubin et scalptura palmarum sicut in parietibus quoque expressa erat quam ob rem erant et grossiora ligna in vestibuli fronte forinsecus
Ezéchiel 41.18
²⁶ super quae fenestrae obliquae et similitudo palmarum hinc atque inde in umerulis vestibuli secundum latera domus latitudinemque parietum
Ezéchiel 41.16 Ezéchiel 40.16 Ezéchiel 41.5