1 Τοιγαροῦν καὶ ἡμεῖς, τοσοῦτον ἔχοντες περικείμενον ἡμῖν νέφος μαρτύρων, ὄγκον ἀποθέμενοι πάντα καὶ τὴν εὐπερίστατον ἁμαρτίαν, δι’ ὑπομονῆς τρέχωμεν τὸν προκείμενον ἡμῖν ἀγῶνα,
1 Corinthiens 9.24-9.27 2 Timothée 4.7 Luc 21.34 Philippiens 2.16 Philippiens 3.10-3.14
2 ἀφορῶντες εἰς τὸν τῆς πίστεως ἀρχηγὸν καὶ τελειωτὴν Ἰησοῦν, ὃς ἀντὶ τῆς προκειμένης αὐτῷ χαρᾶς ὑπέμεινεν σταυρὸν αἰσχύνης καταφρονήσας, ἐν δεξιᾷ τε τοῦ θρόνου τοῦ θεοῦ κεκάθικεν.
Hébreux 1.3 Michée 7.7 Tite 2.13-2.14 Ephésiens 5.2 1 Pierre 3.18
3 Ἀναλογίσασθε γὰρ τὸν τοιαύτην ὑπομεμενηκότα ὑπὸ τῶν ἁμαρτωλῶν εἰς ⸀ἑαυτοὺς ἀντιλογίαν, ἵνα μὴ κάμητε ταῖς ψυχαῖς ὑμῶν ἐκλυόμενοι.2 Corinthiens 4.16 Galates 6.9 Jean 15.18-15.24 Apocalypse 2.3 1 Corinthiens 15.58
4 οὔπω μέχρις αἵματος ἀντικατέστητε πρὸς τὴν ἁμαρτίαν ἀνταγωνιζόμενοι,
Hébreux 10.32-10.34 Apocalypse 12.11 Hébreux 12.2 Matthieu 24.9 Apocalypse 6.9-6.11
5 καὶ ἐκλέλησθε τῆς παρακλήσεως, ἥτις ὑμῖν ὡς υἱοῖς διαλέγεται, Υἱέ μου, μὴ ὀλιγώρει παιδείας κυρίου, μηδὲ ἐκλύου ὑπ’ αὐτοῦ ἐλεγχόμενος·
Proverbes 3.11-3.12 Job 5.17-5.18 1 Corinthiens 11.32 Deutéronome 4.9-4.10 Apocalypse 3.19
6 ὃν γὰρ ἀγαπᾷ κύριος παιδεύει, μαστιγοῖ δὲ πάντα υἱὸν ὃν παραδέχεται.
Apocalypse 3.19 Psaumes 119.75 Proverbes 3.12 Psaumes 32.1-32.5 2 Samuel 7.14
7 εἰς παιδείαν ὑπομένετε· ὡς υἱοῖς ὑμῖν προσφέρεται ὁ θεός· τίς ⸀γὰρ υἱὸς ὃν οὐ παιδεύει πατήρ;
Proverbes 19.18 Proverbes 29.15 Proverbes 13.24 Deutéronome 8.5 Proverbes 23.13-23.14
8 εἰ δὲ χωρίς ἐστε παιδείας ἧς μέτοχοι γεγόνασι πάντες, ἄρα νόθοι ⸂καὶ οὐχ υἱοί ἐστε⸃.
Hébreux 12.6 1 Pierre 5.9-5.10 Psaumes 73.14-73.15 Psaumes 73.1
9 εἶτα τοὺς μὲν τῆς σαρκὸς ἡμῶν πατέρας εἴχομεν παιδευτὰς καὶ ἐνετρεπόμεθα· οὐ ⸀πολὺ μᾶλλον ὑποταγησόμεθα τῷ πατρὶ τῶν πνευμάτων καὶ ζήσομεν;
Nombres 16.22 Zacharie 12.1 Lévitique 19.3 Exode 20.12 Deutéronome 21.18-21.21
10 οἱ μὲν γὰρ πρὸς ὀλίγας ἡμέρας κατὰ τὸ δοκοῦν αὐτοῖς ἐπαίδευον, ὁ δὲ ἐπὶ τὸ συμφέρον εἰς τὸ μεταλαβεῖν τῆς ἁγιότητος αὐτοῦ.
2 Pierre 1.4 Ezéchiel 36.25-36.27 Lévitique 19.2 Ephésiens 5.26-5.27 Lévitique 11.44-11.45
11 πᾶσα ⸀δὲ παιδεία πρὸς μὲν τὸ παρὸν οὐ δοκεῖ χαρᾶς εἶναι ἀλλὰ λύπης, ὕστερον δὲ καρπὸν εἰρηνικὸν τοῖς δι’ αὐτῆς γεγυμνασμένοις ἀποδίδωσιν δικαιοσύνης.
Jacques 3.17-3.18 Esaïe 32.17 Psaumes 119.165 Psaumes 118.18 Proverbes 19.18
12 Διὸ τὰς παρειμένας χεῖρας καὶ τὰ παραλελυμένα γόνατα ἀνορθώσατε,
Esaïe 35.3 Hébreux 12.3 Job 4.3-4.4 1 Thessaloniciens 5.14 Hébreux 12.5
13 καὶ τροχιὰς ὀρθὰς ⸀ποιεῖτε τοῖς ποσὶν ὑμῶν, ἵνα μὴ τὸ χωλὸν ἐκτραπῇ, ἰαθῇ δὲ μᾶλλον.
Galates 6.1 Proverbes 4.26-4.27 Esaïe 35.8-35.10 Esaïe 35.6 Luc 3.5
14 Εἰρήνην διώκετε μετὰ πάντων, καὶ τὸν ἁγιασμόν, οὗ χωρὶς οὐδεὶς ὄψεται τὸν κύριον,
2 Corinthiens 7.1 1 Pierre 1.15-1.16 1 Thessaloniciens 4.7 3 Jean 1.11 Romains 14.19
15 ἐπισκοποῦντες μή τις ὑστερῶν ἀπὸ τῆς χάριτος τοῦ θεοῦ, μή τις ῥίζα πικρίας ἄνω φύουσα ἐνοχλῇ καὶ ⸂δι’ αὐτῆς⸃ μιανθῶσιν ⸀πολλοί,
Galates 5.4 Hébreux 3.12 Deutéronome 29.18 2 Corinthiens 6.1 1 Corinthiens 15.33
16 μή τις πόρνος ἢ βέβηλος ὡς Ἠσαῦ, ὃς ἀντὶ βρώσεως μιᾶς ἀπέδετο τὰ πρωτοτόκια ⸀ἑαυτοῦ.
Hébreux 13.4 Genèse 25.31-25.34 Actes 15.29 Ephésiens 5.5 Genèse 27.36
17 ἴστε γὰρ ὅτι καὶ μετέπειτα θέλων κληρονομῆσαι τὴν εὐλογίαν ἀπεδοκιμάσθη, μετανοίας γὰρ τόπον οὐχ εὗρεν, καίπερ μετὰ δακρύων ἐκζητήσας αὐτήν.
Proverbes 1.24-1.31 Luc 13.24-13.27 Matthieu 7.23 Jérémie 6.30 Hébreux 6.4-6.6
18 Οὐ γὰρ προσεληλύθατε ⸀ψηλαφωμένῳ καὶ κεκαυμένῳ πυρὶ καὶ γνόφῳ καὶ ⸀ζόφῳ καὶ θυέλλῃ
Deutéronome 4.11 Exode 20.18 2 Corinthiens 3.9 Exode 19.12-19.22 Exode 24.17
19 καὶ σάλπιγγος ἤχῳ καὶ φωνῇ ῥημάτων, ἧς οἱ ἀκούσαντες παρῃτήσαντο ⸀μὴ προστεθῆναι αὐτοῖς λόγον·
Deutéronome 18.16 Deutéronome 4.12 Deutéronome 5.24-5.27 Exode 20.22 1 Corinthiens 15.52
20 οὐκ ἔφερον γὰρ τὸ διαστελλόμενον· Κἂν θηρίον θίγῃ τοῦ ὄρους, λιθοβοληθήσεται·
Exode 19.12-19.13 Deutéronome 33.2 Galates 3.10 Romains 3.19-3.20 Galates 2.19
21 καί, οὕτω φοβερὸν ἦν τὸ φανταζόμενον, Μωϋσῆς εἶπεν· Ἔκφοβός εἰμι καὶ ἔντρομος.
Exode 19.16 Apocalypse 1.17 Psaumes 119.120 Esaïe 6.3-6.5 Daniel 10.17
22 ἀλλὰ προσεληλύθατε Σιὼν ὄρει καὶ πόλει θεοῦ ζῶντος, Ἰερουσαλὴμ ἐπουρανίῳ, καὶ μυριάσιν ἀγγέλων, πανηγύρει
Galates 4.26 Philippiens 3.20 Psaumes 48.2 Apocalypse 14.1 Apocalypse 21.2
23 καὶ ἐκκλησίᾳ πρωτοτόκων ⸂ἀπογεγραμμένων ἐν οὐρανοῖς⸃, καὶ κριτῇ θεῷ πάντων, καὶ πνεύμασι δικαίων τετελειωμένων,
Luc 10.20 Exode 4.22 Genèse 18.25 Psaumes 94.2 Hébreux 11.40
24 καὶ διαθήκης νέας μεσίτῃ Ἰησοῦ, καὶ αἵματι ῥαντισμοῦ κρεῖττον λαλοῦντι παρὰ τὸν Ἅβελ.
Genèse 4.10 Hébreux 11.4 Hébreux 10.22 Hébreux 9.15 Hébreux 8.6
25 Βλέπετε μὴ παραιτήσησθε τὸν λαλοῦντα· εἰ γὰρ ἐκεῖνοι οὐκ ⸀ἐξέφυγον ⸂ἐπὶ γῆς παραιτησάμενοι τὸν⸃ χρηματίζοντα, ⸀πολὺ μᾶλλον ἡμεῖς οἱ τὸν ἀπ’ οὐρανῶν ἀποστρεφόμενοι·
Hébreux 8.5 Hébreux 11.7 Zacharie 7.11 Ezéchiel 5.6 2 Timothée 4.4
26 οὗ ἡ φωνὴ τὴν γῆν ἐσάλευσεν τότε, νῦν δὲ ἐπήγγελται λέγων· Ἔτι ἅπαξ ἐγὼ ⸀σείσω οὐ μόνον τὴν γῆν ἀλλὰ καὶ τὸν οὐρανόν.
Exode 19.18 Hébreux 12.27 Aggée 2.22 Habakuk 3.10 Esaïe 13.13
27 τὸ δὲ Ἔτι ἅπαξ δηλοῖ ⸂τῶν σαλευομένων⸃ μετάθεσιν ὡς πεποιημένων, ἵνα μείνῃ τὰ μὴ σαλευόμενα.
1 Corinthiens 7.31 Apocalypse 11.15 Ezéchiel 21.27 Apocalypse 21.1 2 Pierre 3.10-3.11
28 διὸ βασιλείαν ἀσάλευτον παραλαμβάνοντες ἔχωμεν χάριν, δι’ ἧς ⸀λατρεύωμεν εὐαρέστως τῷ θεῷ μετὰ ⸂εὐλαβείας καὶ δέους⸃,
Daniel 2.44 Esaïe 56.7 Hébreux 5.7 Hébreux 13.15 1 Pierre 1.4-1.5
29 καὶ γὰρ ὁ θεὸς ἡμῶν πῦρ καταναλίσκον.
Deutéronome 4.24 Deutéronome 9.3 Hébreux 10.27 Esaïe 66.15 Daniel 7.9