1 Rois 22
Vulgate

Mort d’Achab

1 transierunt igitur tres anni absque bello inter Syriam et Israhel
1 Rois 20.34
2 in anno autem tertio descendit Iosaphat rex Iuda ad regem Israhel
1 Rois 15.24 1 Rois 22.1 1 Rois 22.41 2 Rois 8.18 Matthieu 16.21
3 dixitque rex Israhel ad servos suos ignoratis quod nostra sit Ramoth Galaad et neglegimus tollere eam de manu regis Syriae
Deutéronome 4.43 1 Rois 4.13 Josué 21.38 2 Samuel 19.10 Josué 20.8
4 et ait ad Iosaphat veniesne mecum ad proeliandum in Ramoth Galaad
2 Rois 3.7 2 Corinthiens 6.16-6.17 2 Chroniques 18.3 2 Chroniques 19.2 1 Corinthiens 15.33
5 dixitque Iosaphat ad regem Israhel sicut ego sum ita et tu populus meus et populus tuus unum sunt et equites mei et equites tui dixitque Iosaphat ad regem Israhel quaere oro te hodie sermonem Domini
2 Rois 3.11 Jérémie 42.2-42.6 2 Chroniques 18.4-18.5 Josué 9.14 Ezéchiel 14.3
6 congregavit ergo rex Israhel prophetas quadringentos circiter viros et ait ad eos ire debeo in Ramoth Galaad ad bellandum an quiescere qui responderunt ascende et dabit Dominus in manu regis
1 Rois 18.19 Ezéchiel 13.22 Jérémie 23.14-23.17 Jérémie 5.31 2 Chroniques 18.14
7 dixit autem Iosaphat non est hic propheta Domini quispiam ut interrogemus per eum
2 Chroniques 18.6-18.7 2 Rois 3.11-3.13
8 et ait rex Israhel ad Iosaphat remansit vir unus per quem possimus interrogare Dominum sed ego odi eum quia non prophetat mihi bonum sed malum Micheas filius Hiemla cui Iosaphat ait ne loquaris ita rex
Jean 17.14 Jérémie 38.4 Michée 2.7 Amos 5.10 Jean 3.19-3.21
9 vocavit ergo rex Israhel eunuchum quendam et dixit ei festina adducere Micheam filium Hiemla
Daniel 1.18 Esaïe 39.7 2 Rois 9.32 2 Chroniques 18.8 1 Rois 22.26-22.27
10 rex autem Israhel et Iosaphat rex Iuda sedebat unusquisque in solio suo vestiti cultu regio in area iuxta ostium portae Samariae et universi prophetae prophetabant in conspectu eorum
Matthieu 11.8 Ezéchiel 13.1-13.9 Actes 12.21 Jérémie 27.14-27.16 1 Rois 22.6
11 fecit quoque sibi Sedecias filius Chanaan cornua ferrea et ait haec dicit Dominus his ventilabis Syriam donec deleas eam
Zacharie 1.18-1.21 Deutéronome 33.17 2 Timothée 3.8 Jérémie 23.17 Ezéchiel 22.27-22.28
12 omnesque prophetae similiter prophetabant dicentes ascende in Ramoth Galaad et vade prospere et tradet Dominus in manu regis
1 Rois 22.32-22.36 1 Rois 22.6-22.15 2 Chroniques 35.22
13 nuntius vero qui ierat ut vocaret Micheam locutus est ad eum dicens ecce sermones prophetarum ore uno bona regi praedicant sit ergo et sermo tuus similis eorum et loquere bona
Psaumes 10.11 Esaïe 30.10-30.11 Osée 7.3 Psaumes 14.1 Michée 2.6-2.7
14 cui Micheas ait vivit Dominus quia quodcumque dixerit mihi Dominus hoc loquar
Nombres 24.13 Nombres 22.18 Ezéchiel 3.17-3.19 2 Chroniques 18.12-18.13 Galates 1.10
15 venit itaque ad regem et ait illi rex Michea ire debemus in Ramoth Galaad ad proeliandum an cessare cui ille respondit ascende et vade prospere et tradet Dominus in manu regis
1 Rois 18.27 Matthieu 26.45 2 Rois 3.13 Juges 10.14 2 Chroniques 18.14
16 dixit autem rex ad eum iterum atque iterum adiuro te ut non loquaris mihi nisi quod verum est in nomine Domini
1 Samuel 14.24 Actes 19.13 Matthieu 26.63 Matthieu 22.16-22.17 Jérémie 42.3-42.6
17 et ille ait vidi cunctum Israhel dispersum in montibus quasi oves non habentes pastorem et ait Dominus non habent dominum isti revertatur unusquisque in domum suam in pace
Matthieu 9.36 Nombres 27.17 1 Rois 22.34-22.36 Jérémie 23.1-23.2 2 Chroniques 18.16-18.17
18 dixit ergo rex Israhel ad Iosaphat numquid non dixi tibi quia non prophetat mihi bonum sed semper malum
1 Rois 22.8 Proverbes 10.24 Luc 11.45 Proverbes 27.22 Proverbes 29.1
19 ille vero addens ait propterea audi sermonem Domini vidi Dominum sedentem super solium suum et omnem exercitum caeli adsistentem ei a dextris et a sinistris
Job 1.6 Daniel 7.9-7.10 Job 2.1 Hébreux 1.7 Esaïe 6.1-6.3
20 et ait Dominus quis decipiet Ahab regem Israhel ut ascendat et cadat in Ramoth Galaad et dixit unus verba huiuscemodi et alius aliter
Ezéchiel 14.9 Job 12.16 Jérémie 4.10
21 egressus est autem spiritus et stetit coram Domino et ait ego decipiam illum cui locutus est Dominus in quo
Job 2.1 Job 1.6-1.7 1 Rois 22.23
22 et ille ait egrediar et ero spiritus mendax in ore omnium prophetarum eius et dixit Dominus decipies et praevalebis egredere et fac ita
Juges 9.23 Ezéchiel 14.9 Job 12.16 Apocalypse 13.14 Apocalypse 17.17
23 nunc igitur ecce dedit Dominus spiritum mendacii in ore omnium prophetarum tuorum qui hic sunt et Dominus locutus est contra te malum
Ezéchiel 14.9 Exode 4.21 Nombres 24.13 2 Chroniques 25.16 Matthieu 13.13-13.15
24 accessit autem Sedecias filius Chanaan et percussit Micheam in maxillam et dixit mene ergo dimisit spiritus Domini et locutus est tibi
Actes 23.2 Michée 5.1 Lamentations 3.30 Jean 15.18 Matthieu 5.39
25 et ait Micheas visurus es in die illa quando ingredieris cubiculum intra cubiculum ut abscondaris
1 Rois 20.30 2 Pierre 2.1 Jérémie 23.15 Jérémie 28.16-28.17 Amos 7.17
26 et ait rex Israhel tollite Micheam et maneat apud Amon principem civitatis et apud Ioas filium Ammelech
27 et dicite eis haec dicit rex mittite virum istum in carcerem et sustentate eum pane tribulationis et aqua angustiae donec revertar in pace
2 Chroniques 16.10 2 Chroniques 18.25-18.27 Apocalypse 2.10 Actes 24.25-24.27 Deutéronome 16.3
28 dixitque Micheas si reversus fueris in pace non est locutus Dominus in me et ait audite populi omnes
Michée 1.2 Nombres 16.29 Jérémie 28.8-28.9 2 Rois 1.10 1 Rois 18.21-18.24
29 ascendit itaque rex Israhel et Iosaphat rex Iuda in Ramoth Galaad
2 Chroniques 18.28 1 Rois 22.2-22.9
30 dixitque rex Israhel ad Iosaphat sume arma et ingredere proelium et induere vestibus tuis porro rex Israhel mutavit habitum et ingressus est bellum
2 Chroniques 35.22 Jérémie 23.24 1 Rois 20.38 1 Samuel 28.8 2 Samuel 14.2
31 rex autem Syriae praeceperat principibus curruum triginta duobus dicens non pugnabitis contra minorem et maiorem quempiam nisi contra regem Israhel solum
1 Rois 20.24 2 Chroniques 18.30 1 Rois 20.1 Genèse 19.11 1 Rois 20.33-20.42
32 cum ergo vidissent principes curruum Iosaphat suspicati sunt quod ipse esset rex Israhel et impetu facto pugnabant contra eum et exclamavit Iosaphat
Proverbes 13.20 Jonas 2.1-2.2 Psaumes 91.15 Psaumes 130.1-130.4 Psaumes 50.15
33 intellexeruntque principes curruum quod non esset rex Israhel et cessaverunt ab eo
1 Rois 22.31 Psaumes 76.10
34 unus autem quidam tetendit arcum in incertum sagittam dirigens et casu percussit regem Israhel inter pulmonem et stomachum at ille dixit aurigae suo verte manum tuam et eice me de exercitu quia graviter vulneratus sum
2 Chroniques 35.23 Apocalypse 9.9 Michée 6.13 2 Rois 9.24 2 Samuel 15.11
35 commissum est ergo proelium in die illa et rex Israhel stabat in curru suo contra Syros et mortuus est vesperi fluebat autem sanguis plagae in sinum currus
1 Rois 20.42 1 Rois 22.28
36 et praeco personuit in universo exercitu antequam sol occumberet dicens unusquisque revertatur in civitatem et in terram suam
2 Rois 14.12 Juges 7.7-7.8 1 Rois 12.24 Juges 21.24 1 Rois 12.16
37 mortuus est autem rex et perlatus est Samariam sepelieruntque regem in Samaria
38 et laverunt currum in piscina Samariae et linxerunt canes sanguinem eius et habenas laverunt iuxta verbum Domini quod locutus fuerat
1 Rois 21.19 Matthieu 24.35 Jérémie 44.21-44.23 Josué 23.14-23.15 Zacharie 1.4-1.6
39 reliqua vero sermonum Ahab et universa quae fecit et domus eburneae quam aedificavit cunctarumque urbium quas extruxit nonne scripta sunt haec in libro verborum dierum regum Israhel
Amos 3.15 1 Rois 16.20 1 Rois 16.27 1 Rois 10.18 1 Rois 15.23
40 dormivit ergo Ahab cum patribus suis et regnavit Ohozias filius eius pro eo
1 Rois 2.10 2 Samuel 7.12 1 Rois 14.31 1 Rois 22.51 2 Rois 1.2

Règne de Josaphat sur Juda

41 Iosaphat filius Asa regnare coeperat super Iudam anno quarto Ahab regis Israhel
2 Chroniques 20.31 1 Chroniques 3.10 2 Chroniques 17.1 1 Rois 22.2
42 triginta quinque annorum erat cum regnare coepisset et viginti et quinque annos regnavit in Hierusalem nomen matris eius Azuba filia Salai
2 Rois 8.16 1 Rois 15.10 1 Rois 14.21 2 Rois 1.17 1 Rois 15.2
43 et ambulavit in omni via Asa patris sui et non declinavit ex ea fecitque quod rectum est in conspectu Domini
1 Rois 15.14 2 Rois 12.3 2 Chroniques 14.11 2 Chroniques 14.2-14.5 2 Rois 14.3-14.4
44 verumtamen excelsa non abstulit adhuc enim populus sacrificabat et adolebat incensum in excelsis
2 Chroniques 19.2 1 Rois 22.2 2 Rois 8.18 2 Corinthiens 6.14 2 Chroniques 21.6
45 pacemque habuit Iosaphat cum rege Israhel
1 Rois 11.41 1 Rois 14.29 2 Chroniques 20.34
46 reliqua autem verborum Iosaphat et opera eius quae gessit et proelia nonne haec scripta sunt in libro verborum dierum regum Iuda
1 Rois 14.24 1 Rois 15.12 Deutéronome 23.17 Jude 1.7 Genèse 19.5
47 sed et reliquias effeminatorum qui remanserant in diebus Asa patris eius abstulit de terra
2 Rois 3.9 2 Samuel 8.14 2 Rois 8.20 Genèse 25.23 Genèse 36.31-36.43
48 nec erat tunc rex constitutus in Edom
1 Rois 10.22 1 Rois 9.26 1 Rois 9.28 Psaumes 45.9 Psaumes 48.7
49 rex vero Iosaphat fecerat classes in mari quae navigarent in Ophir propter aurum et ire non potuerunt quia confractae sunt in Asiongaber
50 tunc ait Ohozias filius Ahab ad Iosaphat vadant servi mei cum servis tuis in navibus et noluit Iosaphat
2 Chroniques 21.1 1 Rois 11.43 1 Rois 22.40 2 Rois 8.16-8.18 1 Rois 2.10
51 dormivitque cum patribus suis et sepultus est cum eis in civitate David patris sui regnavitque Ioram filius eius pro eo
2 Rois 1.17 1 Rois 15.25 1 Rois 22.40

Règne d’Achazia sur Israël

52 Ohozias autem filius Ahab regnare coeperat super Israhel in Samaria anno septimodecimo Iosaphat regis Iuda regnavitque super Israhel duobus annis
1 Rois 15.26 1 Rois 21.25 2 Chroniques 22.3 Marc 6.24 1 Rois 14.9-14.16
53 et fecit malum in conspectu Domini et ambulavit in via patris sui et matris suae et in via Hieroboam filii Nabath qui peccare fecit Israhel
1 Rois 16.30-16.32 Esaïe 65.3 1 Rois 16.7 1 Rois 21.29 2 Rois 3.2
54 servivit quoque Baal et adoravit eum et inritavit Dominum Deum Israhel iuxta omnia quae fecerat pater eius