2 Chroniques 20.19
Vulgate

Victoires de Josaphat

¹ post haec congregati sunt filii Moab et filii Ammon et cum eis de Ammanitis ad Iosaphat ut pugnarent contra eum
2 Chroniques 19.11 Esaïe 8.9-8.10 Jérémie 10.24 Esaïe 16.6 Apocalypse 3.19
² veneruntque nuntii et indicaverunt Iosaphat dicentes venit contra te multitudo magna de his locis quae trans mare sunt et de Syria et ecce consistunt in Asasonthamar quae est Engaddi
Genèse 14.7 1 Samuel 23.29 Cantique 1.14 Genèse 14.3 Nombres 34.12
³ Iosaphat autem timore perterritus totum se contulit ad rogandum Dominum et praedicavit ieiunium universo Iuda
2 Chroniques 19.3 1 Samuel 7.6 Jérémie 36.9 Joël 1.14 Psaumes 56.3-56.4
⁴ congregatusque Iudas ad precandum Dominum sed et omnes de urbibus suis venerunt ad obsecrandum eum
Psaumes 34.5-34.6 2 Chroniques 19.5 Psaumes 69.35 Psaumes 60.10-60.12 Psaumes 50.15
⁵ cumque stetisset Iosaphat in medio coetu Iudae et Hierusalem in domo Domini ante atrium novum
2 Rois 19.15-19.19 2 Chroniques 6.12-6.13 2 Chroniques 34.31
⁶ ait Domine Deus patrum nostrorum tu es Deus in caelo et dominaris cunctis regnis gentium in manu tua est fortitudo et potentia nec quisquam tibi potest resistere
1 Chroniques 29.11-29.12 Deutéronome 4.39 Daniel 4.17 Matthieu 6.9 Daniel 4.25
⁷ nonne tu Deus noster interfecisti omnes habitatores terrae huius coram populo tuo Israhel et dedisti eam semini Abraham amici tui in sempiternum
Jacques 2.23 Esaïe 41.8 Psaumes 44.2 Exode 6.7 2 Chroniques 14.11
⁸ habitaveruntque in ea et extruxerunt in illa sanctuarium nomini tuo dicentes
2 Chroniques 2.4 2 Chroniques 6.10
⁹ si inruerint super nos mala gladius iudicii pestilentia et fames stabimus coram domo hac in conspectu tuo in qua invocatum est nomen tuum et clamabimus ad te in tribulationibus nostris et exaudies salvosque facies
2 Chroniques 6.20 2 Chroniques 6.28-6.30 1 Rois 8.33 1 Rois 8.37 Matthieu 18.20
¹⁰ nunc igitur ecce filii Ammon et Moab et mons Seir per quos non concessisti Israheli ut transirent quando egrediebantur de Aegypto sed declinaverunt ab eis et non interfecerunt illos
Deutéronome 2.9 Deutéronome 2.4-2.5 Deutéronome 2.19 Nombres 20.17-20.21 Juges 11.15-11.18
¹¹ e contrario agunt et nituntur eicere nos de possessione quam tradidisti nobis
Psaumes 83.3-83.12 Juges 11.23-11.24 Psaumes 35.12 Jérémie 18.20 Genèse 44.4
¹² Deus noster ergo non iudicabis eos in nobis quidem non tanta est fortitudo ut possimus huic multitudini resistere quae inruit super nos sed cum ignoremus quid agere debeamus hoc solum habemus residui ut oculos nostros dirigamus ad te
Psaumes 25.15 Psaumes 121.1-121.2 Psaumes 123.1-123.2 Juges 11.27 1 Samuel 3.13
¹³ omnis vero Iuda stabat coram Domino cum parvulis et uxoribus et liberis suis
Esdras 10.1 Jonas 3.5 Deutéronome 29.10 Actes 21.5
¹⁴ erat autem Hiazihel filius Zacchariae filii Banaiae filii Hiehihel filii Mathaniae Levites de filiis Asaph super quem factus est spiritus Domini in medio turbae
2 Chroniques 15.1 2 Chroniques 24.20 Esaïe 65.24 Actes 10.4 Nombres 24.2
¹⁵ et ait adtendite omnis Iuda et qui habitatis Hierusalem et tu rex Iosaphat haec dicit Dominus vobis nolite timere nec paveatis hanc multitudinem non est enim vestra pugna sed Dei
2 Chroniques 32.7-32.8 1 Samuel 17.47 Deutéronome 20.1 Esaïe 43.1-43.2 Exode 14.13-14.14
¹⁶ cras descendetis contra eos ascensuri enim sunt per clivum nomine Sis et invenietis illos in summitate torrentis qui est contra solitudinem Hieruhel
¹⁷ non eritis vos qui dimicabitis sed tantummodo confidenter state et videbitis auxilium Domini super vos o Iuda et Hierusalem nolite timere nec paveatis cras egredimini contra eos et Dominus erit vobiscum
Exode 14.13-14.14 2 Chroniques 15.2 Matthieu 28.20 Esaïe 41.10 Nombres 14.9
¹⁸ Iosaphat ergo et Iuda et omnes habitatores Hierusalem ceciderunt proni in terram coram Domino et adoraverunt eum
Exode 4.31 Psaumes 95.6 Job 1.20 Genèse 24.26 2 Chroniques 7.3
¹⁹ porro Levitae de filiis Caath et de filiis Core laudabant Dominum Deum Israhel voce magna in excelsum
Néhémie 12.42-12.43 Psaumes 49.1 Esdras 3.12-3.13 1 Chroniques 25.1-25.7 1 Chroniques 16.5
²⁰ cumque mane surrexissent egressi sunt per desertum Thecuae profectisque eis stans Iosaphat in medio eorum dixit audite me Iuda et omnes habitatores Hierusalem credite in Domino Deo vestro et securi eritis credite prophetis eius et cuncta evenient prospera
Jean 11.40 Esaïe 7.9 Hébreux 11.6 Romains 8.31 Jean 5.46-5.47
²¹ deditque consilium populo et statuit cantores Domini ut laudarent eum in turmis suis et antecederent exercitum ac voce consona dicerent confitemini Domino quoniam in aeternum misericordia eius
1 Chroniques 16.34 2 Chroniques 5.13 Psaumes 107.1 Psaumes 29.2 1 Chroniques 16.29
²² cumque coepissent laudes canere vertit Dominus insidias eorum in semet ipsos filiorum scilicet Ammon et Moab et montis Seir qui egressi fuerant ut pugnarent contra Iudam et percussi sunt
Juges 7.22 2 Chroniques 13.13 2 Chroniques 20.10 2 Rois 6.17 1 Samuel 14.20
²³ namque filii Ammon et Moab consurrexerunt adversum habitatores montis Seir ut interficerent et delerent eos cumque hoc opere perpetrassent etiam in semet ipsos versi mutuis concidere vulneribus
1 Samuel 14.20 Juges 7.22 Josué 24.4 Deutéronome 2.5 Genèse 36.8-36.9
²⁴ porro Iudas cum venisset ad speculam quae respicit solitudinem vidit procul omnem late regionem plenam cadaveribus nec superesse quemquam qui necem potuisset evadere
Jérémie 33.5 1 Chroniques 5.22 Psaumes 110.6 Esaïe 37.36 Esdras 9.14
²⁵ venit ergo Iosaphat et omnis populus cum eo ad detrahenda spolia mortuorum inveneruntque inter cadavera variam supellectilem vestes quoque et vasa pretiosissima et diripuerunt ita ut omnia portare non possent nec per tres dies spolia auferre pro praedae magnitudine
2 Rois 7.9-7.16 Nombres 31.15 Proverbes 3.15 1 Samuel 30.19-30.20 Juges 8.24-8.26
²⁶ die autem quarto congregati sunt in valle Benedictionis etenim quoniam ibi benedixerant Domino vocaverunt locum illum vallis Benedictionis usque in praesentem diem
Psaumes 107.21-107.22 Esaïe 62.4 2 Chroniques 5.9 Psaumes 103.1-103.2 Luc 1.68
²⁷ reversusque est omnis vir Iuda et habitatores Hierusalem et Iosaphat ante eos in Hierusalem cum laetitia magna eo quod dedisset eis Dominus gaudium de inimicis suis
Néhémie 12.43 Hébreux 6.20 Michée 2.13 Psaumes 30.1 Esaïe 51.11
²⁸ ingressique sunt Hierusalem cum psalteriis et citharis et tubis in domum Domini
Apocalypse 14.2-14.3 Psaumes 92.3 2 Samuel 6.5 Psaumes 57.8 1 Chroniques 13.8
²⁹ inruit autem pavor Domini super universa regna terrarum cum audissent quod pugnasset Dominus contra inimicos Israhel
2 Chroniques 17.10 Genèse 35.5 2 Chroniques 14.14 2 Rois 7.6 Josué 5.1
³⁰ quievitque regnum Iosaphat et praebuit ei Deus pacem per circuitum
2 Chroniques 15.15 2 Chroniques 14.6-14.7 Job 34.29 Jean 14.27 Proverbes 16.7

Résumé du règne de Josaphat

³¹ regnavit igitur Iosaphat super Iudam et erat triginta quinque annorum cum regnare coepisset viginti autem et quinque annis regnavit in Hierusalem nomen matris eius Azuba filia Selachi
1 Rois 22.41-22.44
³² et ambulavit in via patris sui Asa nec declinavit ab ea faciens quae placita erant coram Domino
2 Chroniques 17.3-17.6 1 Rois 15.11 2 Chroniques 14.11-14.13 2 Chroniques 16.7-16.12 Psaumes 18.21
³³ verumtamen excelsa non abstulit et adhuc populus non direxerat cor suum ad Dominum Deum patrum suorum
2 Chroniques 17.6 2 Chroniques 19.3 2 Chroniques 12.14 Deutéronome 29.4 2 Chroniques 14.3
³⁴ reliqua autem gestorum Iosaphat priorum et novissimorum scripta sunt in verbis Hieu filii Anani quae digessit in libro regum Israhel
2 Chroniques 19.2 1 Rois 16.1 1 Rois 16.7 2 Chroniques 13.22 2 Chroniques 16.11
³⁵ post haec iniit amicitias Iosaphat rex Iuda cum Ochozia rege Israhel cuius opera fuerunt impiissima
1 Rois 22.48-22.49 2 Rois 1.2-1.16
³⁶ et particeps fuit ut facerent naves quae irent in Tharsis feceruntque classem in Asiongaber
1 Rois 10.22 2 Chroniques 9.21 1 Rois 9.26
³⁷ prophetavit autem Eliezer filius Dodoau de Maresa ad Iosaphat dicens quia habuisti foedus cum Ochozia percussit Dominus opera tua contritaeque sunt naves nec potuerunt ire in Tharsis
Proverbes 13.20 2 Chroniques 9.21 2 Chroniques 19.2 1 Rois 22.48 Apocalypse 3.19