Exode 14
Vulgate

1 locutus est autem Dominus ad Mosen dicens
Exode 13.1 Exode 12.1
2 loquere filiis Israhel reversi castrametentur e regione Phiahiroth quae est inter Magdolum et mare contra Beelsephon in conspectu eius castra ponetis super mare
Jérémie 44.1 Nombres 33.7-33.8 Jérémie 46.14 Exode 13.17-13.18 Exode 14.9
3 dicturusque est Pharao super filiis Israhel coartati sunt in terra conclusit eos desertum
Psaumes 71.11 Actes 4.28 1 Samuel 23.23 Psaumes 139.2 Jérémie 20.10-20.11
4 et indurabo cor eius ac persequetur vos et glorificabor in Pharao et in omni exercitu eius scientque Aegyptii quia ego sum Dominus feceruntque ita
Romains 9.22-9.23 Exode 7.5 Romains 9.17 Exode 7.3 Exode 9.16
5 et nuntiatum est regi Aegyptiorum quod fugisset populus inmutatumque est cor Pharaonis et servorum eius super populo et dixerunt quid voluimus facere ut dimitteremus Israhel ne serviret nobis
Psaumes 105.25 Exode 12.33 Luc 11.24-11.26 Jérémie 34.10-34.17 2 Pierre 2.20-2.22
6 iunxit ergo currum et omnem populum suum adsumpsit secum
7 tulitque sescentos currus electos quicquid in Aegypto curruum fuit et duces totius exercitus
Exode 15.4 Juges 4.15 Esaïe 37.24 Psaumes 68.17 Juges 4.3
8 induravitque Dominus cor Pharaonis regis Aegypti et persecutus est filios Israhel at illi egressi erant in manu excelsa
Actes 13.17 Nombres 33.3 Exode 6.1 Exode 14.4 Exode 13.16
9 cumque persequerentur Aegyptii vestigia praecedentium reppererunt eos in castris super mare omnis equitatus et currus Pharaonis et universus exercitus erant in Ahiroth contra Beelsephon
Exode 15.9 Josué 24.6 Exode 14.2
10 cumque adpropinquasset Pharao levantes filii Israhel oculos viderunt Aegyptios post se et timuerunt valde clamaveruntque ad Dominum
Néhémie 9.9 Josué 24.7 Psaumes 34.17 Psaumes 107.6 1 Jean 4.18
11 et dixerunt ad Mosen forsitan non erant sepulchra in Aegypto ideo tulisti nos ut moreremur in solitudine quid hoc facere voluisti ut educeres nos ex Aegypto
Psaumes 106.7-106.8 Nombres 14.1-14.4 Genèse 43.6 Exode 16.2-16.3 Exode 15.23-15.24
12 nonne iste est sermo quem loquebamur ad te in Aegypto dicentes recede a nobis ut serviamus Aegyptiis multo enim melius est servire eis quam mori in solitudine
Exode 5.21 Marc 5.7 Jonas 4.3 Osée 4.17 Jonas 4.8
13 et ait Moses ad populum nolite timere state et videte magnalia Domini quae facturus est hodie Aegyptios enim quos nunc videtis nequaquam ultra videbitis usque in sempiternum
Exode 14.30 2 Chroniques 20.17 Genèse 49.18 2 Chroniques 20.15 Lamentations 3.26
14 Dominus pugnabit pro vobis et vos tacebitis
Deutéronome 3.22 Deutéronome 20.4 Josué 23.3 Deutéronome 1.30 Esaïe 30.15
15 dixitque Dominus ad Mosen quid clamas ad me loquere filiis Israhel ut proficiscantur
Esdras 10.4-10.5 Josué 7.10 Exode 17.4 Néhémie 9.9
16 tu autem eleva virgam tuam et extende manum super mare et divide illud ut gradiantur filii Israhel in medio mari per siccum
Exode 4.17 Exode 7.19 Exode 14.26 Exode 4.20 Exode 4.2
17 ego autem indurabo cor Aegyptiorum ut persequantur vos et glorificabor in Pharaone et in omni exercitu eius in curribus et in equitibus illius
Exode 14.4 Exode 14.8 Exode 7.3 Exode 4.23 Ezéchiel 34.20
18 et scient Aegyptii quia ego sum Dominus cum glorificatus fuero in Pharaone et in curribus atque in equitibus eius
Exode 7.5 Exode 7.17 Exode 14.4
19 tollensque se angelus Dei qui praecedebat castra Israhel abiit post eos et cum eo pariter columna nubis priora dimittens post tergum
Exode 13.21-13.22 Esaïe 63.9 Exode 32.34 Nombres 20.16 Exode 14.24
20 stetit inter castra Aegyptiorum et castra Israhel et erat nubes tenebrosa et inluminans noctem ut ad se invicem toto noctis tempore accedere non valerent
Proverbes 4.18-4.19 2 Corinthiens 2.15-2.16 Psaumes 18.11 Esaïe 8.14
21 cumque extendisset Moses manum super mare abstulit illud Dominus flante vento vehementi et urente tota nocte et vertit in siccum divisaque est aqua
Esaïe 63.12 Exode 15.8 Psaumes 78.13 Josué 4.23 Psaumes 74.13
22 et ingressi sunt filii Israhel per medium maris sicci erat enim aqua quasi murus a dextra eorum et leva
Psaumes 66.6 Hébreux 11.29 Exode 15.19 Psaumes 78.13 Exode 14.29
23 persequentesque Aegyptii ingressi sunt post eos omnis equitatus Pharaonis currus eius et equites per medium maris
Exode 14.17 Ecclésiaste 9.3 Exode 15.9 Esaïe 14.24-14.27 Exode 15.19
24 iamque advenerat vigilia matutina et ecce respiciens Dominus super castra Aegyptiorum per columnam ignis et nubis interfecit exercitum eorum
Exode 13.21 Job 40.12 Job 34.20 Job 23.15-23.16 Psaumes 18.13-18.14
25 et subvertit rotas curruum ferebanturque in profundum dixerunt ergo Aegyptii fugiamus Israhelem Dominus enim pugnat pro eis contra nos
Exode 14.14 Job 11.20 Jérémie 51.21 Deutéronome 3.22 Job 27.22
26 et ait Dominus ad Mosen extende manum tuam super mare ut revertantur aquae ad Aegyptios super currus et equites eorum
Exode 14.16 Apocalypse 16.6 Jacques 2.13 Juges 1.6-1.7 Exode 7.19
27 cumque extendisset Moses manum contra mare reversum est primo diluculo ad priorem locum fugientibusque Aegyptiis occurrerunt aquae et involvit eos Dominus in mediis fluctibus
Josué 4.18 Psaumes 78.53 Deutéronome 11.4 Exode 14.21-14.22 Hébreux 11.29
28 reversaeque sunt aquae et operuerunt currus et equites cuncti exercitus Pharaonis qui sequentes ingressi fuerant mare ne unus quidem superfuit ex eis
Habakuk 3.13 Habakuk 3.8-3.10 Psaumes 78.53 Psaumes 136.15 Hébreux 11.29
29 filii autem Israhel perrexerunt per medium sicci maris et aquae eis erant quasi pro muro a dextris et a sinistris
Exode 14.22 Psaumes 66.6-66.7 Esaïe 63.12-63.13 Esaïe 51.10 Esaïe 51.13
30 liberavitque Dominus in die illo Israhel de manu Aegyptiorum
Psaumes 106.10 Psaumes 106.8 Psaumes 59.10 Psaumes 58.10 Exode 14.13
31 et viderunt Aegyptios mortuos super litus maris et manum magnam quam exercuerat Dominus contra eos timuitque populus Dominum et crediderunt Domino et Mosi servo eius
Jean 2.11 Jean 11.45 Exode 19.9 Exode 4.31 2 Chroniques 20.20