Exode 14
Vulgate

¹ locutus est autem Dominus ad Mosen dicens Exode 12.1 Exode 13.1
² loquere filiis Israhel reversi castrametentur e regione Phiahiroth quae est inter Magdolum et mare contra Beelsephon in conspectu eius castra ponetis super mare Jérémie 44.1 Nombres 33.7-33.8 Exode 13.17-13.18 Exode 14.9 Ezéchiel 29.10
³ dicturusque est Pharao super filiis Israhel coartati sunt in terra conclusit eos desertum Actes 4.28 1 Samuel 23.23 Psaumes 139.2 Jérémie 20.10-20.11 Psaumes 3.2
⁴ et indurabo cor eius ac persequetur vos et glorificabor in Pharao et in omni exercitu eius scientque Aegyptii quia ego sum Dominus feceruntque ita Romains 9.22-9.23 Exode 7.5 Romains 9.17 Exode 7.3 Exode 9.16
⁵ et nuntiatum est regi Aegyptiorum quod fugisset populus inmutatumque est cor Pharaonis et servorum eius super populo et dixerunt quid voluimus facere ut dimitteremus Israhel ne serviret nobis Psaumes 105.25 Luc 11.24-11.26 Jérémie 34.10-34.17 2 Pierre 2.20-2.22 Exode 12.33
⁶ iunxit ergo currum et omnem populum suum adsumpsit secum ⁷ tulitque sescentos currus electos quicquid in Aegypto curruum fuit et duces totius exercitus Exode 15.4 Esaïe 37.24 Psaumes 68.17 Juges 4.3 Exode 14.23
⁸ induravitque Dominus cor Pharaonis regis Aegypti et persecutus est filios Israhel at illi egressi erant in manu excelsa Nombres 33.3 Actes 13.17 Exode 6.1 Exode 14.4 Exode 13.16
⁹ cumque persequerentur Aegyptii vestigia praecedentium reppererunt eos in castris super mare omnis equitatus et currus Pharaonis et universus exercitus erant in Ahiroth contra Beelsephon Exode 15.9 Josué 24.6 Exode 14.2
¹⁰ cumque adpropinquasset Pharao levantes filii Israhel oculos viderunt Aegyptios post se et timuerunt valde clamaveruntque ad Dominum Néhémie 9.9 Josué 24.7 Psaumes 34.17 Psaumes 107.6 Esaïe 8.12-8.13
¹¹ et dixerunt ad Mosen forsitan non erant sepulchra in Aegypto ideo tulisti nos ut moreremur in solitudine quid hoc facere voluisti ut educeres nos ex Aegypto Psaumes 106.7-106.8 Genèse 43.6 Exode 16.2-16.3 Exode 15.23-15.24 Nombres 11.1
¹² nonne iste est sermo quem loquebamur ad te in Aegypto dicentes recede a nobis ut serviamus Aegyptiis multo enim melius est servire eis quam mori in solitudine Exode 5.21 Jonas 4.3 Osée 4.17 Jonas 4.8 Exode 6.9
¹³ et ait Moses ad populum nolite timere state et videte magnalia Domini quae facturus est hodie Aegyptios enim quos nunc videtis nequaquam ultra videbitis usque in sempiternum Exode 14.30 2 Chroniques 20.17 Genèse 49.18 2 Chroniques 20.15 Lamentations 3.26
¹⁴ Dominus pugnabit pro vobis et vos tacebitis Deutéronome 3.22 Deutéronome 20.4 Deutéronome 1.30 Josué 23.3 Esaïe 30.15
¹⁵ dixitque Dominus ad Mosen quid clamas ad me loquere filiis Israhel ut proficiscantur Esdras 10.4-10.5 Josué 7.10 Néhémie 9.9 Exode 17.4
¹⁶ tu autem eleva virgam tuam et extende manum super mare et divide illud ut gradiantur filii Israhel in medio mari per siccum Exode 7.19 Exode 4.17 Exode 14.26 Exode 4.20 Exode 4.2
¹⁷ ego autem indurabo cor Aegyptiorum ut persequantur vos et glorificabor in Pharaone et in omni exercitu eius in curribus et in equitibus illius Exode 14.4 Exode 14.8 Ezéchiel 34.20 Jérémie 23.39 Ezéchiel 5.8
¹⁸ et scient Aegyptii quia ego sum Dominus cum glorificatus fuero in Pharaone et in curribus atque in equitibus eius Exode 7.5 Exode 7.17 Exode 14.4
¹⁹ tollensque se angelus Dei qui praecedebat castra Israhel abiit post eos et cum eo pariter columna nubis priora dimittens post tergum Esaïe 63.9 Exode 32.34 Nombres 20.16 Exode 13.21-13.22 Exode 14.24
²⁰ stetit inter castra Aegyptiorum et castra Israhel et erat nubes tenebrosa et inluminans noctem ut ad se invicem toto noctis tempore accedere non valerent 2 Corinthiens 2.15-2.16 Psaumes 18.11 Esaïe 8.14 Proverbes 4.18-4.19
²¹ cumque extendisset Moses manum super mare abstulit illud Dominus flante vento vehementi et urente tota nocte et vertit in siccum divisaque est aqua Exode 15.8 Esaïe 63.12 Psaumes 78.13 Josué 4.23 Psaumes 74.13
²² et ingressi sunt filii Israhel per medium maris sicci erat enim aqua quasi murus a dextra eorum et leva Psaumes 66.6 Hébreux 11.29 Psaumes 78.13 Exode 14.29 Exode 15.19
²³ persequentesque Aegyptii ingressi sunt post eos omnis equitatus Pharaonis currus eius et equites per medium maris Exode 14.17 Exode 15.9 Esaïe 14.24-14.27 Exode 15.19 1 Rois 22.20
²⁴ iamque advenerat vigilia matutina et ecce respiciens Dominus super castra Aegyptiorum per columnam ignis et nubis interfecit exercitum eorum Exode 13.21 Job 34.20 Job 23.15-23.16 Psaumes 18.13-18.14 Psaumes 104.32
²⁵ et subvertit rotas curruum ferebanturque in profundum dixerunt ergo Aegyptii fugiamus Israhelem Dominus enim pugnat pro eis contra nos Exode 14.14 Jérémie 51.21 Deutéronome 3.22 Job 27.22 Amos 1.14
²⁶ et ait Dominus ad Mosen extende manum tuam super mare ut revertantur aquae ad Aegyptios super currus et equites eorum Exode 14.16 Jacques 2.13 Juges 1.6-1.7 Exode 7.19 Exode 1.22
²⁷ cumque extendisset Moses manum contra mare reversum est primo diluculo ad priorem locum fugientibusque Aegyptiis occurrerunt aquae et involvit eos Dominus in mediis fluctibus Josué 4.18 Psaumes 78.53 Exode 14.21-14.22 Hébreux 11.29 Exode 15.1-15.21
²⁸ reversaeque sunt aquae et operuerunt currus et equites cuncti exercitus Pharaonis qui sequentes ingressi fuerant mare ne unus quidem superfuit ex eis Habakuk 3.13 Habakuk 3.8-3.10 Psaumes 78.53 Psaumes 136.15 Hébreux 11.29
²⁹ filii autem Israhel perrexerunt per medium sicci maris et aquae eis erant quasi pro muro a dextris et a sinistris Exode 14.22 Esaïe 63.12-63.13 Esaïe 51.10 Esaïe 51.13 Psaumes 77.19-77.20
³⁰ liberavitque Dominus in die illo Israhel de manu Aegyptiorum Psaumes 106.8 Psaumes 106.10 Psaumes 59.10 Psaumes 58.10 Exode 14.13
³¹ et viderunt Aegyptios mortuos super litus maris et manum magnam quam exercuerat Dominus contra eos timuitque populus Dominum et crediderunt Domino et Mosi servo eius Jean 2.11 Jean 11.45 Exode 19.9 Exode 4.31 1 Samuel 12.18