Jérémie 32.14
Vulgate

Achat d’un champ par Jérémie

¹ verbum quod factum est ad Hieremiam a Domino in anno decimo Sedeciae regis Iuda ipse est annus octavusdecimus Nabuchodonosor
Jérémie 39.1-39.2 2 Rois 25.1-25.2 Jérémie 25.1 Jérémie 52.4-52.5 2 Chroniques 36.11
² tunc exercitus regis Babylonis obsidebat Hierusalem et Hieremias propheta erat clausus in atrio carceris qui erat in domo regis Iuda
Jérémie 37.21 Néhémie 3.25 Jérémie 33.1 Jérémie 38.6 Jérémie 32.8
³ clauserat enim eum Sedecias rex Iuda dicens quare vaticinaris dicens haec dicit Dominus ecce ego dabo civitatem istam in manu regis Babylonis et capiet eam
Jérémie 34.2-34.3 Jérémie 21.4-21.7 Jérémie 26.8-26.9 Jérémie 32.28-32.29 Actes 6.12-6.14
⁴ et Sedecias rex Iuda non effugiet de manu Chaldeorum sed tradetur in manu regis Babylonis et loquetur os eius cum ore illius et oculi eius oculos illius videbunt
Jérémie 38.18 Jérémie 38.23 Jérémie 39.4-39.7 2 Rois 25.4-25.7 Jérémie 37.17
⁵ et in Babylonem ducet Sedeciam et ibi erit donec visitem eum ait Dominus si autem dimicaveritis adversum Chaldeos nihil prosperum habebitis
Jérémie 33.5 Jérémie 27.22 Ezéchiel 17.15 Jérémie 39.7 Ezéchiel 17.9-17.10
⁶ et dixit Hieremias factum est verbum Domini ad me dicens
⁷ ecce Anamehel filius Sellum patruelis tuus veniet ad te dicens eme tibi agrum meum qui est in Anathoth tibi enim conpetit ex propinquitate ut emas
Jérémie 1.1 Jérémie 11.21 Lévitique 25.25 Marc 11.2-11.6 Lévitique 25.23
⁸ et venit ad me Anamehel filius patrui mei secundum verbum Domini ad vestibulum carceris et ait ad me posside agrum meum qui est in Anathoth in terra Beniamin quia tibi conpetit hereditas et tu propinquus ut possideas intellexi autem quod verbum Domini esset
Jérémie 32.7 Jérémie 32.2 Jérémie 33.1 1 Rois 22.25 1 Samuel 10.3-10.7
⁹ et emi agrum ab Anamehel filio patrui mei qui est in Anathoth et adpendi ei argentum septem stateres et decem argenteos
Esther 3.9 Genèse 37.28 1 Rois 20.39 Genèse 23.15-23.16 Zacharie 11.12-11.13
¹⁰ et scripsi in libro et signavi et adhibui testes et adpendi argentum in statera
Jérémie 32.44 Jérémie 32.12 Job 14.17 Deutéronome 32.34 Esaïe 44.5
¹¹ et accepi librum possessionis signatum stipulationes et rata et signa forinsecus
Luc 2.27 Actes 26.3 1 Corinthiens 11.16
¹² et dedi librum possessionis Baruch filio Neri filii Maasiae in oculis Anamehel patruelis mei et in oculis testium qui scripti erant in libro emptionis in oculis omnium Iudaeorum qui sedebant in atrio carceris
Jérémie 32.16 Jérémie 51.59 Jérémie 36.26 Jérémie 36.4-36.5 Jérémie 36.16-36.19
¹³ et praecepi Baruch coram eis dicens
¹⁴ haec dicit Dominus exercituum Deus Israhel sume libros istos librum emptionis hunc signatum et librum hunc qui apertus est et pones illos in vase fictili ut permanere possint diebus multis
¹⁵ haec enim dicit Dominus exercituum Deus Israhel adhuc possidebuntur domus et agri et vineae in terra ista
Jérémie 32.43-32.44 Amos 9.14-9.15 Jérémie 30.18 Jérémie 31.5 Jérémie 31.12
¹⁶ et oravi ad Dominum postquam tradidi librum possessionis Baruch filio Neri dicens
Philippiens 4.6-4.7 Jérémie 12.1 Genèse 32.9-32.12 2 Samuel 7.18-7.25 Ezéchiel 36.35-36.37
¹⁷ heu heu heu Domine Deus ecce tu fecisti caelum et terram in fortitudine tua magna et in brachio tuo extento non erit tibi difficile omne verbum
Jérémie 27.5 Genèse 18.14 Luc 1.37 2 Rois 19.15 Jérémie 32.27
¹⁸ qui facis misericordiam in milibus et reddes iniquitatem patrum in sinu filiorum eorum post eos fortissime magne potens Dominus exercituum nomen tibi
Jérémie 10.16 Deutéronome 5.9-5.10 Exode 34.7 Jérémie 31.35 Matthieu 23.32-23.36
¹⁹ magnus consilio et inconprehensibilis cogitatu cuius oculi aperti sunt super omnes vias filiorum Adam ut reddas unicuique secundum vias suas et secundum fructum adinventionum eius
Jérémie 17.10 Esaïe 28.29 Matthieu 16.27 Jérémie 16.17 Esaïe 9.6
²⁰ qui posuisti signa et portenta in terra Aegypti usque ad diem hanc et in Israhel et in hominibus et fecisti tibi nomen sicut est dies haec
Néhémie 9.10 Exode 9.16 Psaumes 135.9 Esaïe 63.12 2 Samuel 7.23
²¹ et eduxisti populum tuum Israhel de terra Aegypti in signis et in portentis et in manu robusta et in brachio extento et in terrore magno
Exode 6.6 Deutéronome 26.8 1 Chroniques 17.21 Psaumes 105.43 Psaumes 136.11-136.12
²² et dedisti eis terram hanc quam iurasti patribus eorum ut dares eis terram fluentem lacte et melle
Exode 13.5 Exode 3.8 Jérémie 11.5 Exode 3.17 Psaumes 105.9-105.11
²³ et ingressi sunt et possederunt eam et non oboedierunt voci tuae et in lege tua non ambulaverunt omnia quae mandasti eis ut facerent non fecerunt et evenerunt eis omnia mala haec
Esdras 9.7 Psaumes 78.54-78.55 Daniel 9.10-9.14 Lamentations 1.18 Psaumes 44.2-44.3
²⁴ ecce munitiones extructae sunt adversum civitatem ut capiatur et urbs data est in manu Chaldeorum qui proeliantur adversum eam a facie gladii et famis et pestilentiae et quaecumque locutus es acciderunt ut ipse tu cernis
Josué 23.15-23.16 Deutéronome 4.26 Jérémie 32.36 Jérémie 33.4 Ezéchiel 21.22
²⁵ et tu dicis mihi Domine Deus eme agrum argento et adhibe testes cum urbs data sit in manu Chaldeorum
Jérémie 32.24 Romains 11.33-11.34 Psaumes 97.2 Psaumes 77.19 Jean 13.7
²⁶ et factum est verbum Domini ad Hieremiam dicens
²⁷ ecce ego Dominus Deus universae carnis numquid mihi difficile erit omne verbum
Jérémie 32.17 Matthieu 19.26 Nombres 16.22 Esaïe 64.8 Nombres 27.16
²⁸ propterea haec dicit Dominus ecce ego tradam civitatem istam in manu Chaldeorum et in manu regis Babylonis et capiet eam
Jérémie 32.3 Jérémie 32.24 Jérémie 32.36 Jérémie 19.7-19.12 2 Chroniques 36.17
²⁹ et venient Chaldei proeliantes adversum urbem hanc et succendent eam igni et conburent eam et domos in quarum domatibus sacrificabant Baal et libabant diis alienis libamina ad inritandum me
Jérémie 19.13 Jérémie 21.10 Jérémie 52.13 2 Chroniques 36.19 Jérémie 39.8
³⁰ erant enim filii Israhel et filii Iuda iugiter facientes malum in oculis meis ab adulescentia sua filii Israhel qui usque nunc exacerbant me in opere manuum suarum dicit Dominus
Jérémie 7.22-7.26 Deutéronome 9.7-9.12 Jérémie 25.7 Jérémie 2.7 Esaïe 63.10
³¹ quia in furore et in indignatione mea facta est mihi civitas haec a die qua aedificaverunt eam usque ad diem istam qua aufertur de conspectu meo
2 Rois 23.27 2 Rois 21.4-21.7 2 Rois 21.16 Jérémie 6.6-6.7 Jérémie 27.10
³² propter malitiam filiorum Israhel et filiorum Iuda quam fecerunt ad iracundiam me provocantes ipsi et reges eorum principes eorum et sacerdotes et prophetae eorum vir Iuda et habitatores Hierusalem
Esaïe 1.4-1.6 Daniel 9.8 Jérémie 2.26 Esaïe 1.23 Esdras 9.7
³³ et verterunt ad me terga et non facies cum docerem eos diluculo et erudirem et nollent audire ut acciperent disciplinam
Ezéchiel 8.16 Jérémie 2.27 Jérémie 7.13 2 Chroniques 36.15-36.16 Jérémie 7.24
³⁴ et posuerunt idola sua in domo in qua invocatum est nomen meum ut polluerent eam
Jérémie 7.30 Jérémie 23.11 2 Rois 21.4-21.7 2 Rois 23.6 2 Chroniques 33.4-33.7
³⁵ et aedificaverunt excelsa Baal quae sunt in valle filii Ennom ut initiarent filios suos et filias suas Moloch quod non mandavi eis nec ascendit in cor meum ut facerent abominationem hanc et in peccatum deducerent Iudam
Jérémie 7.31 Lévitique 18.21 2 Chroniques 33.6 Lévitique 20.2-20.5 2 Rois 23.10
³⁶ et nunc propter ista haec dicit Dominus Deus Israhel ad civitatem hanc de qua vos dicitis quod tradatur in manu regis Babylonis in gladio et in fame et in peste
Jérémie 32.24 Jérémie 32.3 Ephésiens 2.3-2.5 Jérémie 16.12-16.15 Osée 2.14
³⁷ ecce ego congregabo eos de universis terris ad quas eieci eos in furore meo et in ira mea et in indignatione grandi et reducam eos ad locum istum et habitare eos faciam confidenter
Jérémie 23.3 Jérémie 23.6 Jérémie 23.8 Ezéchiel 11.17 Zacharie 14.11
³⁸ et erunt mihi in populum et ego ero eis in Deum
Jérémie 24.7 Ezéchiel 39.28 Ezéchiel 37.27 Jérémie 30.22 Hébreux 8.10
³⁹ et dabo eis cor unum et viam unam ut timeant me universis diebus et bene sit eis et filiis eorum post eos
Ezéchiel 11.19-11.20 Jean 17.21 Actes 4.32 2 Chroniques 30.12 Deutéronome 11.18-11.21
⁴⁰ et feriam eis pactum sempiternum et non desinam eis benefacere et timorem meum dabo in corde eorum ut non recedant a me
Esaïe 55.3 1 Pierre 1.5 Jacques 1.17 Ezéchiel 39.29 Hébreux 6.13-6.18
⁴¹ et laetabor super eis cum bene eis fecero et plantabo eos in terra ista in veritate in toto corde meo et in tota anima mea
Jérémie 24.6 Osée 2.19-2.20 Deutéronome 30.9 Sophonie 3.17 Esaïe 62.5
⁴² quia haec dicit Dominus sicut adduxi super populum istum omne malum hoc grande sic adducam super eos omne bonum quod ego loquor ad eos
Jérémie 31.28 Zacharie 8.14-8.15 Josué 23.14-23.15 Jérémie 33.10-33.11 Matthieu 24.35
⁴³ et possidebuntur agri in terra ista de qua vos dicitis quod deserta sit eo quod non remanserit homo et iumentum et data sit in manu Chaldeorum
Ezéchiel 37.11-37.14 Jérémie 32.15 Jérémie 33.10 Jérémie 32.36
⁴⁴ agri pecunia ementur et scribentur in libro et inprimetur signum et testis adhibebitur in terra Beniamin et in circuitu Hierusalem in civitatibus Iuda et in civitatibus montanis et in civitatibus campestribus et in civitatibus quae ad austrum sunt quia convertam captivitatem eorum ait Dominus
Jérémie 17.26 Jérémie 33.11 Jérémie 33.7 Jérémie 33.26 Jérémie 32.10