Jérémie 38.22
Vulgate

Jérémie dans une citerne

¹ audivit autem Saphatias filius Matthan et Gedelias filius Phassur et Iuchal filius Selemiae et Phassur filius Melchiae sermones quos Hieremias loquebatur ad omnem populum dicens
1 Chroniques 9.12 Jérémie 21.1-21.10 Néhémie 11.12 Jérémie 37.3-37.4 Actes 4.1-4.2
² haec dicit Dominus quicumque manserit in civitate hac morietur gladio et fame et peste qui autem profugerit ad Chaldeos vivet et erit anima eius sospes et vivens
Jérémie 34.17 Jérémie 39.18 Jérémie 45.5 Jérémie 42.17 Ezéchiel 7.15
³ haec dicit Dominus tradenda tradetur civitas haec in manu exercitus regis Babylonis et capiet eam
Jérémie 21.10 Jérémie 32.3-32.5
⁴ et dixerunt principes regi rogamus ut occidatur homo iste de industria enim dissolvit manus virorum bellantium qui remanserunt in civitate hac et manus universi populi loquens ad eos iuxta verba haec siquidem homo hic non quaerit pacem populi huius sed malum
Jérémie 26.11 Exode 5.4 Néhémie 6.9 Actes 16.20 Jérémie 29.7
⁵ et dixit rex Sedecias ecce ipse in manibus vestris est nec enim fas est regem vobis quicquam negare
2 Samuel 3.39 2 Samuel 19.22 1 Samuel 15.24 Jean 19.12-19.16 Proverbes 29.25
⁶ tulerunt ergo Hieremiam et proiecerunt eum in lacu Melchiae filii Ammelech qui erat in vestibulo carceris et submiserunt Hieremiam in funibus et in lacum non erat aqua sed lutum descendit itaque Hieremias in caenum
Jérémie 37.21 Jérémie 37.16 Zacharie 9.11 Psaumes 69.2 Genèse 37.24
⁷ audivit autem Abdemelech Aethiops vir eunuchus qui erat in domo regis quod misissent Hieremiam in lacum porro rex sedebat in porta Beniamin
Jérémie 37.13 Jérémie 29.2 Amos 5.10 Deutéronome 21.19 2 Rois 24.15
⁸ et egressus est Abdemelech de domo regis et locutus est ad regem dicens
⁹ domine mi rex malefecerunt viri isti omnia quaecumque perpetrarunt contra Hieremiam prophetam mittentes eum in lacum ut moriatur ibi fame non sunt enim panes ultra in civitate
Jérémie 52.6 Job 31.34 Proverbes 31.8-31.9 Esther 7.4-7.6 Proverbes 24.11-24.12
¹⁰ praecepit itaque rex Abdemelech Aethiopi dicens tolle tecum hinc triginta viros et leva Hieremiam prophetam de lacu antequam moriatur
Proverbes 21.1 Esther 5.2 Esther 8.7 Psaumes 75.10
¹¹ adsumptis ergo Abdemelech secum viris ingressus est domum regis quae erat sub cellario et tulit inde veteres pannos et antiqua quae conputruerant et submisit ea ad Hieremiam in lacum per funiculos
¹² dixitque Abdemelech Aethiops ad Hieremiam pone veteres pannos et haec scissa et putrida sub cubitu manuum tuarum et subter funes fecit ergo Hieremias sic
Romains 12.15 Ephésiens 4.32 Romains 12.10
¹³ et extraxerunt Hieremiam funibus et eduxerunt eum de lacu mansit autem Hieremias in vestibulo carceris
Jérémie 37.21 Actes 28.30 Actes 28.16 Actes 23.35 Jérémie 38.28

Entretien de Jérémie avec Sédécias

¹⁴ et misit rex Sedecias et tulit ad se Hieremiam prophetam ad ostium tertium quod erat in domo Domini et dixit rex ad Hieremiam interrogo ego te sermonem ne abscondas a me aliquid
Jérémie 42.20 Jérémie 42.2-42.5 1 Rois 22.16 Jérémie 21.1-21.2 Jérémie 37.17
¹⁵ dixit autem Hieremias ad Sedeciam si adnuntiavero tibi numquid non interficies me et si consilium tibi dedero non me audies
Luc 22.67-22.68
¹⁶ iuravit ergo rex Sedecias Hieremiae clam dicens vivit Dominus qui fecit nobis animam hanc si occidero te et si tradidero te in manu virorum istorum qui quaerunt animam tuam
Esaïe 57.16 Jérémie 37.17 Jérémie 34.20 Jean 3.2 Jérémie 38.1-38.6
¹⁷ et dixit Hieremias ad Sedeciam haec dicit Dominus exercituum Deus Israhel si profectus exieris ad principes regis Babylonis vivet anima tua et civitas haec non succendetur igni et salvus eris tu et domus tua
Jérémie 39.3 Jérémie 38.2 Jérémie 27.12 2 Rois 24.12 Jérémie 21.8-21.10
¹⁸ si autem non exieris ad principes regis Babylonis tradetur civitas haec in manu Chaldeorum et succendent eam igni et tu non effugies de manu eorum
Jérémie 38.3 Jérémie 24.8-24.10 Jérémie 32.3-32.5 2 Rois 25.4-25.10 Jérémie 39.5-39.7
¹⁹ et dixit rex Sedecias ad Hieremiam sollicitus sum propter Iudaeos qui transfugerunt ad Chaldeos ne forte tradar in manus eorum et inludant mihi
Jean 12.42 Esaïe 51.12-51.13 Esaïe 57.11 Jean 19.12-19.13 Jérémie 38.22
²⁰ respondit autem Hieremias non te tradent audi quaeso vocem Domini quam ego loquor ad te et bene tibi erit et vivet anima tua
Esaïe 55.3 Jérémie 26.13 Actes 26.29 2 Chroniques 20.20 Daniel 4.27
²¹ quod si nolueris egredi iste est sermo quem ostendit mihi Dominus
Ezéchiel 2.4-2.5 Jérémie 5.3 Hébreux 12.25 Ezéchiel 2.7 Exode 16.28
²² ecce omnes mulieres quae remanserunt in domo regis Iuda educentur ad principes regis Babylonis et ipsae dicent seduxerunt te et praevaluerunt adversum te viri pacifici tui demerserunt in caeno et lubrico pedes tuos et recesserunt a te
Jérémie 43.6 Jérémie 20.10 Jérémie 46.5 Jérémie 41.10 Esaïe 42.17
²³ et omnes uxores tuae et filii tui educentur ad Chaldeos et non effugies manus eorum sed in manu regis Babylonis capieris et civitatem hanc conburet igni
Jérémie 41.10 Jérémie 39.6 Jérémie 38.18 2 Rois 25.7 Jérémie 27.12-27.13
²⁴ dixit ergo Sedecias ad Hieremiam nullus sciat verba haec et non morieris
²⁵ si autem audierint principes quia locutus sum tecum et venerint ad te et dixerint tibi indica nobis quid locutus sis cum rege ne celes nos et non te interficiemus et quid locutus est tecum rex
Jérémie 38.27 Jérémie 38.4-38.6
²⁶ dices ad eos prostravi ego preces meas coram rege ne me reduci iuberet in domum Ionathan et ibi morerer
Jérémie 37.20 Jérémie 37.15 Esther 4.8 Jérémie 42.2
²⁷ venerunt ergo omnes principes ad Hieremiam et interrogaverunt eum et locutus est eis iuxta omnia verba quae praeceperat ei rex et cessaverunt ab eo nihil enim fuerat auditum
1 Samuel 10.15-10.16 1 Samuel 16.2-16.5 2 Rois 6.19 Actes 23.6
²⁸ mansit vero Hieremias in vestibulo carceris usque ad diem quo capta est Hierusalem et factum est ut caperetur Hierusalem
Jérémie 37.21 Jérémie 39.14 Jérémie 15.20-15.21 Jérémie 38.13 Psaumes 23.4