Ezéchiel 39.13
Vulgate

Jugement de Gog

¹ tu autem fili hominis vaticinare adversum Gog et dices haec dicit Dominus Deus ecce ego super te Gog principem capitis Mosoch et Thubal
Ezéchiel 38.2-38.3 Ezéchiel 35.3 Nahum 2.13 Nahum 3.5
² et circumagam te et seducam te et ascendere faciam de lateribus aquilonis et adducam te super montes Israhel
Ezéchiel 38.15 Esaïe 37.29 Psaumes 68.2 Daniel 11.40 Psaumes 40.14
³ et percutiam arcum tuum in manu sinistra tua et sagittas tuas de manu dextera tua deiciam
Psaumes 76.3 Osée 1.5 Jérémie 21.4-21.5 Ezéchiel 20.21-20.24 Psaumes 46.9
⁴ super montes Israhel cades tu et omnia agmina tua et populi qui sunt tecum feris avibus omnique volatili et bestiis terrae dedi te devorandum
Ezéchiel 33.27 Ezéchiel 39.17-39.20 Ezéchiel 32.4-32.5 Ezéchiel 38.21 Jérémie 15.3
⁵ super faciem agri cades quia ego locutus sum ait Dominus Deus
Ezéchiel 32.4 Jérémie 8.2 Ezéchiel 29.5 Jérémie 22.19
⁶ et emittam ignem in Magog et in his qui habitant in insulis confidenter et scient quia ego Dominus
Ezéchiel 30.8 Amos 1.4 Ezéchiel 30.16 Jérémie 25.22 Psaumes 72.10
⁷ et nomen sanctum meum notum faciam in medio populi mei Israhel et non polluam nomen sanctum meum amplius et scient gentes quia ego Dominus Sanctus Israhel
Ezéchiel 38.16 Ezéchiel 38.23 Esaïe 12.6 Exode 20.7 Ezéchiel 20.39
⁸ ecce venit et factum est ait Dominus Deus haec est dies de qua locutus sum
Ezéchiel 38.17 Esaïe 33.10-33.12 Apocalypse 21.6 2 Pierre 3.8 Apocalypse 16.17
⁹ et egredientur habitatores de civitatibus Israhel et succendent et conburent arma clypeum et hastas arcum et sagittas et baculos manus et contos et succendent ea igne septem annis
Psaumes 46.9 Esaïe 66.24 Josué 11.6 Malachie 1.5 Zacharie 9.10
¹⁰ et non portabunt ligna de regionibus neque succident de saltibus quoniam arma succendent igne et depraedabuntur eos quibus praedae fuerant et diripient vastatores suos ait Dominus Deus
Esaïe 33.1 Esaïe 14.2 Michée 5.8 Exode 12.36 Exode 3.22
¹¹ et erit in die illa dabo Gog locum nominatum sepulchrum in Israhel vallem Viatorum ad orientem maris quae obstupescere facit praetereuntes et sepelient ibi Gog et omnem multitudinem eius et vocabitur vallis Multitudinis Gog
Nombres 11.34 Nombres 34.11 Ezéchiel 38.2 Jean 6.1 Luc 5.1
¹² et sepelient eos domus Israhel ut mundent terram septem mensibus
Deutéronome 21.23 Ezéchiel 39.14 Ezéchiel 39.16 Nombres 19.16
¹³ sepeliet autem omnis populus terrae et erit eis nominata dies in qua glorificatus sum ait Dominus Deus
Ezéchiel 28.22 Sophonie 3.19-3.20 Jérémie 33.9 Ezéchiel 39.21-39.22 Deutéronome 26.19
¹⁴ et viros iugiter constituent lustrantes terram qui sepeliant et requirant eos qui remanserant super faciem terrae ut emundent eam post menses autem septem quaerere incipient
Ezéchiel 39.12 Nombres 19.11-19.19
¹⁵ et circumibunt peragrantes terram cumque viderint os hominis statuent iuxta illud titulum donec sepeliant illud pollinctores in valle Multitudinis Gog
Luc 11.44
¹⁶ nomen autem civitatis Amona et mundabunt terram
¹⁷ tu ergo fili hominis haec dicit Dominus Deus dic omni volucri et universis avibus cunctisque bestiis agri convenite properate concurrite undique ad victimam meam quam ego immolo vobis victimam grandem super montes Israhel ut comedatis carnes et bibatis sanguinem
Sophonie 1.7 Ezéchiel 39.4 Jérémie 12.9 Esaïe 34.6 Apocalypse 19.17-19.18
¹⁸ carnes fortium comedetis et sanguinem principum terrae bibetis arietum agnorum et hircorum taurorumque altilium et pinguium omnium
Psaumes 22.12 Jérémie 51.40 Jérémie 50.27 Amos 4.1 Ezéchiel 29.5
¹⁹ et comedetis adipem in saturitate et bibetis sanguinem in ebrietate de victima quam ego immolabo vobis
²⁰ et saturabimini super mensam meam de equo et de equite forti et de universis viris bellatoribus ait Dominus Deus
Apocalypse 19.18 Aggée 2.22 Ezéchiel 38.4 Psaumes 76.5-76.6
²¹ et ponam gloriam meam in gentibus et videbunt omnes gentes iudicium meum quod fecerim et manum meam quam posuerim super eos
Ezéchiel 38.16 Ezéchiel 38.23 Esaïe 37.20 Ezéchiel 36.23 Exode 9.16
²² et scient domus Israhel quia ego Dominus Deus eorum a die illa et deinceps
Ezéchiel 39.28 Jérémie 24.7 Ezéchiel 34.30 Psaumes 9.16 Jérémie 31.34
²³ et scient gentes quoniam in iniquitate sua capta sit domus Israhel eo quod reliquerint me et absconderim faciem meam ab eis et tradiderim eos in manu hostium et ceciderint in gladio universi
Jérémie 22.8-22.9 Esaïe 59.2 Esaïe 1.15 Lévitique 26.25 Ezéchiel 39.29
²⁴ iuxta inmunditiam eorum et scelus feci eis et abscondi faciem meam ab illis
Jérémie 4.18 Jérémie 2.19 Ezéchiel 36.19 Jérémie 2.17 2 Rois 17.7-17.23
²⁵ propterea haec dicit Dominus Deus nunc reducam captivitatem Iacob et miserebor omnis domus Israhel et adsumam zelum pro nomine sancto meo
Ezéchiel 34.13 Esaïe 27.12-27.13 Jérémie 31.1 Ezéchiel 37.21-37.22 Osée 1.11
²⁶ et portabunt confusionem suam et omnem praevaricationem quam praevaricati sunt in me cum habitaverint in terra sua confidenter neminem formidantes
1 Rois 4.25 Michée 4.4 Ezéchiel 16.63 Ezéchiel 16.57-16.58 Esaïe 17.2
²⁷ et reduxero eos de populis et congregavero de terris inimicorum suorum et sanctificatus fuero in eis in oculis gentium plurimarum
Ezéchiel 36.23-36.24 Ezéchiel 38.16 Ezéchiel 38.23 Ezéchiel 39.25 Ezéchiel 39.13
²⁸ et scient quia ego Dominus Deus eorum eo quod transtulerim eos in nationes et congregavero eos super terram suam et non dereliquerim quemquam ex eis ibi
Ezéchiel 39.22 Romains 11.1-11.7 Amos 9.9 Néhémie 1.8-1.10 Ezéchiel 34.30
²⁹ et non abscondam ultra faciem meam ab eis eo quod effuderim spiritum meum super omnem domum Israhel ait Dominus Deus
Joël 2.28 Esaïe 32.15 Esaïe 45.17 1 Jean 3.24 Ezéchiel 36.25-36.27