Luc 14.32
Vulgate

L’invitation au festin

¹ et factum est cum intraret in domum cuiusdam principis Pharisaeorum sabbato manducare panem et ipsi observabant eum
Luc 11.37 Marc 3.2 Luc 20.20 Luc 7.34-7.36 Esaïe 29.20-29.21
² et ecce homo quidam hydropicus erat ante illum
³ et respondens Iesus dixit ad legis peritos et Pharisaeos dicens si licet sabbato curare
Matthieu 12.10 Matthieu 12.2 Luc 13.14-13.16 Jean 7.23 Luc 11.44-11.45
⁴ at illi tacuerunt ipse vero adprehensum sanavit eum ac dimisit
Matthieu 22.46 Matthieu 21.25-21.27
⁵ et respondens ad illos dixit cuius vestrum asinus aut bos in puteum cadet et non continuo extrahet illum die sabbati
Luc 13.15 Exode 23.4-23.5 Daniel 4.24 Matthieu 12.11-12.12
⁶ et non poterant ad haec respondere illi
Luc 20.40 Luc 21.15 Matthieu 22.46 Luc 13.17 Luc 20.26
⁷ dicebat autem et ad invitatos parabolam intendens quomodo primos accubitus eligerent dicens ad illos
Luc 11.43 Matthieu 23.6 3 Jean 1.9 Luc 20.46 Ezéchiel 17.2
⁸ cum invitatus fueris ad nuptias non discumbas in primo loco ne forte honoratior te sit invitatus ab eo
Proverbes 25.6-25.7
⁹ et veniens is qui te et illum vocavit dicat tibi da huic locum et tunc incipias cum rubore novissimum locum tenere
Proverbes 11.2 Ezéchiel 28.2-28.10 Proverbes 3.35 Esther 6.6-6.12 Proverbes 16.18
¹⁰ sed cum vocatus fueris vade recumbe in novissimo loco ut cum venerit qui te invitavit dicat tibi amice ascende superius tunc erit tibi gloria coram simul discumbentibus
Proverbes 25.6-25.7 Proverbes 15.33 Esaïe 60.14 Apocalypse 3.9 1 Samuel 15.17
¹¹ quia omnis qui se exaltat humiliabitur et qui se humiliat exaltabitur
Luc 18.14 Proverbes 29.23 Matthieu 23.12 Jacques 4.6 1 Pierre 5.5
¹² dicebat autem et ei qui se invitaverat cum facis prandium aut cenam noli vocare amicos tuos neque fratres tuos neque cognatos neque vicinos divites ne forte et ipsi te reinvitent et fiat tibi retributio
Jacques 2.1-2.6 Matthieu 5.46 Luc 6.32-6.36 Matthieu 6.1-6.4 Proverbes 22.16
¹³ sed cum facis convivium voca pauperes debiles claudos caecos
Luc 14.21 Néhémie 8.12 Néhémie 8.10 Proverbes 3.9-3.10 Romains 12.13-12.16
¹⁴ et beatus eris quia non habent retribuere tibi retribuetur enim tibi in resurrectione iustorum
Actes 24.15 Proverbes 19.17 Matthieu 6.4 Matthieu 25.34-25.40 Jean 5.29
¹⁵ haec cum audisset quidam de simul discumbentibus dixit illi beatus qui manducabit panem in regno Dei
Apocalypse 19.9 Luc 13.29 Luc 22.30 Jean 6.27-6.59 Luc 12.37
¹⁶ at ipse dixit ei homo quidam fecit cenam magnam et vocavit multos
Matthieu 22.2-22.14 Apocalypse 22.17 Esaïe 55.1-55.7 Proverbes 9.1-9.2 Marc 16.15-16.16
¹⁷ et misit servum suum hora cenae dicere invitatis ut venirent quia iam parata sunt omnia
Matthieu 10.1-10.4 Jean 7.37 Luc 3.4-3.6 2 Corinthiens 5.18-6.1 Matthieu 22.3-22.4
¹⁸ et coeperunt simul omnes excusare primus dixit ei villam emi et necesse habeo exire et videre illam rogo te habe me excusatum
1 Timothée 6.9-6.10 Luc 17.26-17.31 Esaïe 28.12-28.13 1 Jean 2.15-2.16 2 Timothée 4.10
¹⁹ et alter dixit iuga boum emi quinque et eo probare illa rogo te habe me excusatum
²⁰ et alius dixit uxorem duxi et ideo non possum venire
1 Corinthiens 7.33 Luc 18.29-18.30 1 Corinthiens 7.29-7.31 Deutéronome 24.5 Luc 14.26-14.28
²¹ et reversus servus nuntiavit haec domino suo tunc iratus pater familias dixit servo suo exi cito in plateas et vicos civitatis et pauperes ac debiles et caecos et claudos introduc huc
Luc 14.13 Jean 9.39 Apocalypse 19.15 Apocalypse 15.1-15.8 Actes 8.4-8.7
²² et ait servus domine factum est ut imperasti et adhuc locus est
Psaumes 103.6 1 Timothée 2.5-2.6 Ephésiens 3.8 Apocalypse 7.4-7.9 1 Jean 2.2
²³ et ait dominus servo exi in vias et sepes et conpelle intrare ut impleatur domus mea
Actes 13.47-13.48 Actes 9.15 Matthieu 28.19-28.20 Actes 26.18-26.20 Romains 11.13-11.14
²⁴ dico autem vobis quod nemo virorum illorum qui vocati sunt gustabit cenam meam
Matthieu 21.43 Actes 13.46 Jean 8.24 Jean 3.36 Hébreux 12.25-12.26

Conditions pour être disciple

²⁵ ibant autem turbae multae cum eo et conversus dixit ad illos
Jean 6.24-6.27 Luc 12.1
²⁶ si quis venit ad me et non odit patrem suum et matrem et uxorem et filios et fratres et sorores adhuc autem et animam suam non potest esse meus discipulus
Matthieu 10.37 Jean 12.25 Philippiens 3.8 Apocalypse 12.11 Actes 20.24
²⁷ et qui non baiulat crucem suam et venit post me non potest esse meus discipulus
Matthieu 10.38 Luc 9.23-9.25 Marc 8.34-8.37 2 Timothée 1.12 2 Timothée 3.12
²⁸ quis enim ex vobis volens turrem aedificare non prius sedens conputat sumptus qui necessarii sunt si habet ad perficiendum
Proverbes 24.27 Matthieu 8.20 1 Thessaloniciens 3.4-3.5 Luc 14.33 2 Pierre 1.13-1.14
²⁹ ne posteaquam posuerit fundamentum et non potuerit perficere omnes qui vident incipiant inludere ei
³⁰ dicentes quia hic homo coepit aedificare et non potuit consummare
Hébreux 10.38 Matthieu 7.27 Hébreux 6.11 2 Pierre 2.19-2.22 Matthieu 27.3-27.8
³¹ aut qui rex iturus committere bellum adversus alium regem non sedens prius cogitat si possit cum decem milibus occurrere ei qui cum viginti milibus venit ad se
Proverbes 20.18 Proverbes 25.8 1 Rois 20.11 2 Rois 18.20-18.22
³² alioquin adhuc illo longe agente legationem mittens rogat ea quae pacis sunt
Luc 12.58 Job 40.9 1 Rois 20.31-20.34 2 Rois 10.4-10.5 Matthieu 5.25
³³ sic ergo omnis ex vobis qui non renuntiat omnibus quae possidet non potest meus esse discipulus
Philippiens 3.7-3.8 Luc 5.28 Luc 5.11 1 Jean 2.15-2.16 Luc 18.22-18.23
³⁴ bonum est sal si autem sal quoque evanuerit in quo condietur
Matthieu 5.13 Colossiens 4.6 Marc 9.49-9.50 Hébreux 2.4-2.8
³⁵ neque in terram neque in sterquilinium utile est sed foras mittetur qui habet aures audiendi audiat
Matthieu 11.15 Apocalypse 2.11 Luc 8.8 Luc 9.44 Apocalypse 2.17