Deutéronome 12
Vulgate

Répétition des prescriptions et règles

Ordre de servir l’Éternel à l’endroit choisi par lui

1 haec sunt praecepta atque iudicia quae facere debetis in terra quam Dominus Deus patrum tuorum daturus est tibi ut possideas eam cunctis diebus quibus super humum gradieris
1 Rois 8.40 Job 7.1 Deutéronome 4.9-4.10 Deutéronome 4.5 Psaumes 104.33
2 subvertite omnia loca in quibus coluerunt gentes quas possessuri estis deos suos super montes excelsos et colles et subter omne lignum frondosum
2 Rois 16.4 Deutéronome 7.25-7.26 Deutéronome 7.5 2 Rois 17.10-17.11 Jérémie 3.6
3 dissipate aras earum et confringite statuas lucos igne conburite et idola comminuite disperdite nomina eorum de locis illis
Juges 2.2 Nombres 33.52 Zacharie 13.2 Psaumes 16.4 Exode 23.13
4 non facietis ita Domino Deo vestro
Deutéronome 16.21-16.22 Deutéronome 12.30-12.31 Lévitique 20.23 Deutéronome 20.18
5 sed ad locum quem elegerit Dominus Deus vester de cunctis tribubus vestris ut ponat nomen suum ibi et habitet in eo venietis
2 Chroniques 7.12 Deutéronome 12.11 1 Rois 8.29 Deutéronome 26.2 Deutéronome 16.2
6 et offeretis in illo loco holocausta et victimas vestras decimas et primitias manuum vestrarum et vota atque donaria primogenita boum et ovium
Deutéronome 15.19-15.20 Luc 18.12 Malachie 3.8 Malachie 3.10 Deutéronome 26.2
7 et comedetis ibi in conspectu Domini Dei vestri ac laetabimini in cunctis ad quae miseritis manum vos et domus vestrae in quibus benedixerit vobis Dominus Deus vester
Deutéronome 12.18 Deutéronome 14.26 Lévitique 23.40 Deutéronome 12.12 Deutéronome 27.7
8 non facietis ibi quae nos hic facimus hodie singuli quod sibi rectum videtur
Juges 21.25 Juges 17.6 Proverbes 21.2 Actes 7.42 Amos 5.25
9 neque enim usque in praesens tempus venistis ad requiem et possessionem quam Dominus Deus daturus est vobis
1 Rois 8.56 Deutéronome 25.19 Hébreux 4.8-4.9 Michée 2.10 Psaumes 95.11
10 transibitis Iordanem et habitabitis in terram quam Dominus Deus vester daturus est vobis ut requiescatis a cunctis hostibus per circuitum et absque ullo timore habitetis
Deutéronome 11.31 1 Rois 4.25 Psaumes 4.8 Deutéronome 9.1 Jérémie 33.11
11 in loco quem elegerit Dominus Deus vester ut sit nomen eius in eo illuc omnia quae praecipio conferetis holocausta et hostias ac decimas et primitias manuum vestrarum et quicquid praecipuum est in muneribus quae vovistis Domino
Deutéronome 12.5 Deutéronome 15.20 Deutéronome 17.8 Deutéronome 18.6 1 Rois 8.13
12 ibi epulabimini coram Domino Deo vestro vos filii ac filiae vestrae famuli et famulae atque Levites qui in vestris urbibus commorantur neque enim habet aliam partem et possessionem inter vos
Deutéronome 12.7 Deutéronome 10.9 Deutéronome 26.12 Nombres 18.20 Deutéronome 12.19
13 cave ne offeras holocausta tua in omni loco quem videris
Lévitique 17.2-17.5 Deutéronome 12.6 1 Rois 15.34 1 Rois 12.28-12.32 2 Chroniques 15.17
14 sed in eo quem elegerit Dominus in una tribuum tuarum offeres hostias et facies quaecumque praecipio tibi
Deutéronome 12.11 Deutéronome 12.5 Psaumes 9.11 Psaumes 5.7 Hébreux 10.19-10.22
15 sin autem comedere volueris et te esus carnium delectarit occide et comede iuxta benedictionem Domini Dei tui quam dedit tibi in urbibus tuis sive inmundum fuerit hoc est maculatum et debile sive mundum hoc est integrum et sine macula quod offerri licet sicut capream et cervum comedes
Deutéronome 14.5 Deutéronome 15.22-15.23 Deutéronome 14.26 Deutéronome 12.20-12.23 Lévitique 17.3-17.5
16 absque esu dumtaxat sanguinis quod super terram quasi aquam effundes
Genèse 9.4 Deutéronome 15.23 Actes 15.29 Lévitique 7.26-7.27 Deutéronome 12.23-12.24
17 non poteris comedere in oppidis tuis decimam frumenti et vini et olei tui primogenita armentorum et pecorum et omnia quae voveris et sponte offerre volueris et primitias manuum tuarum
Deutéronome 26.14 Deutéronome 12.6 Deutéronome 12.11 Deutéronome 14.22-14.29 Deutéronome 26.12
18 sed coram Domino Deo tuo comedes ea in loco quem elegerit Dominus Deus tuus tu et filius tuus ac filia servus et famula atque Levites qui manet in urbibus tuis et laetaberis et reficieris coram Domino Deo tuo in cunctis ad quae extenderis manum tuam
Deutéronome 12.7 Deutéronome 14.23 Deutéronome 12.5 Deutéronome 15.20 Deutéronome 12.19
19 cave ne derelinquas Leviten omni tempore quo versaris in terra
Néhémie 10.34-10.39 1 Corinthiens 9.10-9.14 2 Chroniques 31.4-31.21 2 Chroniques 11.13-11.14 Deutéronome 14.27-14.29
20 quando dilataverit Dominus Deus tuus terminos tuos sicut locutus est tibi et volueris vesci carnibus quas desiderat anima tua
Deutéronome 19.8 Deutéronome 11.24 Exode 34.24 Genèse 28.14 Psaumes 119.40
21 locus autem quem elegerit Dominus Deus tuus ut sit nomen eius ibi si procul fuerit occides de armentis et pecoribus quae habueris sicut praecepi tibi et comedes in oppidis tuis ut tibi placet
Deutéronome 12.5 Esdras 6.12 Deutéronome 12.15 Deutéronome 12.11 2 Chroniques 12.13
22 sicut comeditur caprea et cervus ita vesceris eis et mundus et inmundus in commune vescentur
Deutéronome 12.15-12.16
23 hoc solum cave ne sanguinem comedas sanguis enim eorum pro anima est et idcirco non debes animam comedere cum carnibus
Lévitique 17.11 Genèse 9.4 Lévitique 17.13-17.14 Deutéronome 12.16 Lévitique 3.16-3.17
24 sed super terram fundes quasi aquam
Deutéronome 12.16 Deutéronome 15.23
25 ut sit tibi bene et filiis tuis post te cum feceris quod placet in conspectu Domini
Esaïe 3.10 Deutéronome 4.40 Exode 15.26 1 Rois 11.38 Deutéronome 13.18
26 quae autem sanctificaveris et voveris Domino tolles et venies ad locum quem elegerit Dominus
Nombres 18.19 Nombres 5.9-5.10 Lévitique 22.18-22.33 Deutéronome 12.6 Deutéronome 12.21
27 et offeres oblationes tuas carnem et sanguinem super altare Domini Dei tui sanguinem hostiarum fundes in altari carnibus autem ipse vesceris
Lévitique 1.9 Lévitique 17.11 Lévitique 1.13 Lévitique 1.5 Lévitique 4.30
28 observa et audi omnia quae ego praecipio tibi ut bene sit tibi et filiis tuis post te in sempiternum cum feceris quod bonum est et placitum in conspectu Domini Dei tui
Psaumes 105.45 Exode 34.11 Jean 15.3 Deutéronome 24.8 Jean 15.14
29 quando disperderit Dominus Deus tuus ante faciem tuam gentes ad quas ingredieris possidendas et possederis eas atque habitaveris in terra earum
Josué 23.4 Deutéronome 19.1 Psaumes 78.55 Exode 23.23 Deutéronome 9.3
30 cave ne imiteris eas postquam te fuerint introeunte subversae et requiras caerimonias earum dicens sicut coluerunt gentes istae deos suos ita et ego colam
Deutéronome 7.16 Nombres 33.52 1 Pierre 4.3-4.4 Jérémie 10.2 Exode 23.31-23.33
31 non facies similiter Domino Deo tuo omnes enim abominationes quas aversatur Dominus fecerunt diis suis offerentes filios et filias et conburentes igne
Jérémie 32.35 Jérémie 7.31 Exode 23.2 Deutéronome 12.4 Lévitique 18.3