Deutéronome 22
Vulgate

1 non videbis bovem fratris tui aut ovem errantem et praeteribis sed reduces fratri tuo
Exode 23.4-23.5 Deutéronome 22.3-22.4 1 Pierre 2.25 Ezéchiel 34.4 Ezéchiel 34.16
2 etiam si non est propinquus tuus frater nec nosti eum duces in domum tuam et erunt apud te quamdiu quaerat ea frater tuus et recipiat
1 Thessaloniciens 4.6 Matthieu 7.12
3 similiter facies de asino et de vestimento et de omni re fratris tui quae perierit si inveneris eam ne neglegas quasi alienam
4 si videris asinum fratris tui aut bovem cecidisse in via non despicies sed sublevabis cum eo
Luc 10.29-10.37 1 Thessaloniciens 5.14 Exode 23.4-23.5 Hébreux 12.12-12.13 2 Corinthiens 12.15
5 non induetur mulier veste virili nec vir utetur veste feminea abominabilis enim apud Deum est qui facit haec
1 Corinthiens 11.4-11.15 Deutéronome 18.12
6 si ambulans per viam in arbore vel in terra nidum avis inveneris et matrem pullis vel ovis desuper incubantem non tenebis eam cum filiis
Lévitique 22.28 Proverbes 12.10 Genèse 8.17 Osée 10.14 Genèse 32.11
7 sed abire patieris captos tenens filios ut bene sit tibi et longo vivas tempore
Deutéronome 4.40 Proverbes 22.4
8 cum aedificaveris domum novam facies murum tecti per circuitum ne effundatur sanguis in domo tua et sis reus labente alio et in praeceps ruente
Matthieu 10.27 Marc 2.4 Esaïe 22.1 Actes 10.9 Jérémie 19.13
9 non seres vineam tuam altero semine ne et sementis quam sevisti et quae nascuntur ex vinea pariter sanctificentur
Lévitique 19.19 Jacques 3.10 Matthieu 6.24 Jacques 1.6-1.8 Matthieu 9.16
10 non arabis in bove simul et asino
2 Corinthiens 6.14-6.16
11 non indueris vestimento quod ex lana linoque contextum est
Lévitique 19.19
12 funiculos in fimbriis facies per quattuor angulos pallii tui quo operieris
Matthieu 23.5 Nombres 15.37-15.41
13 si duxerit vir uxorem et postea eam odio habuerit
Genèse 29.21 Deutéronome 24.1 Genèse 29.23 Genèse 29.31 Juges 15.1-15.2
14 quaesieritque occasiones quibus dimittat eam obiciens ei nomen pessimum et dixerit uxorem hanc accepi et ingressus ad eam non inveni virginem
Deutéronome 22.19 Exode 20.16 Proverbes 18.21 Exode 23.1 Proverbes 18.8
15 tollent eam pater et mater eius et ferent secum signa virginitatis eius ad seniores urbis qui in porta sunt
16 et dicet pater filiam meam dedi huic uxorem quam quia odit
17 inponet ei nomen pessimum ut dicat non inveni filiam tuam virginem et ecce haec sunt signa virginitatis filiae meae expandent vestimentum coram senibus civitatis
18 adprehendentque senes urbis illius virum et verberabunt illum
Exode 18.21
19 condemnantes insuper centum siclis argenti quos dabit patri puellae quoniam diffamavit nomen pessimum super virginem Israhel habebitque eam uxorem et non poterit dimittere omni tempore vitae suae
Matthieu 19.8-19.9 Deutéronome 22.29 Deutéronome 24.1-24.4
20 quod si verum est quod obicit et non est in puella inventa virginitas
21 eicient eam extra fores domus patris sui et lapidibus obruent viri civitatis eius et morietur quoniam fecit nefas in Israhel ut fornicaretur in domo patris sui et auferes malum de medio tui
Deutéronome 13.5 Genèse 34.7 Juges 20.6 Lévitique 21.9 Deutéronome 17.7
22 si dormierit vir cum uxore alterius uterque morientur id est adulter et adultera et auferes malum de Israhel
Lévitique 20.10 Hébreux 13.4 Ezéchiel 23.45-23.47 Jean 8.4-8.5 Nombres 5.22-5.27
23 si puellam virginem desponderit vir et invenerit eam aliquis in civitate et concubuerit cum illa
Matthieu 1.18-1.19 Deutéronome 20.7
24 educes utrumque ad portam civitatis illius et lapidibus obruentur puella quia non clamavit cum esset in civitate vir quia humiliavit uxorem proximi sui et auferes malum de medio tui
Deutéronome 21.14 Deutéronome 22.21-22.22 1 Corinthiens 5.13 Matthieu 1.20 1 Corinthiens 5.2
25 sin autem in agro reppererit vir puellam quae desponsata est et adprehendens concubuerit cum illa ipse morietur solus
2 Samuel 13.14
26 puella nihil patietur nec est rea mortis quoniam sicut latro consurgit contra fratrem suum et occidit animam eius ita et puella perpessa est
Deutéronome 21.22
27 sola erat in agro clamavit et nullus adfuit qui liberaret eam
1 Corinthiens 13.7
28 si invenerit vir puellam virginem quae non habet sponsum et adprehendens concubuerit cum ea et res ad iudicium venerit
Exode 22.16-22.17
29 dabit qui dormivit cum ea patri puellae quinquaginta siclos argenti et habebit eam uxorem quia humiliavit illam non poterit dimittere cunctis diebus vitae suae
Deutéronome 21.14 Deutéronome 22.19 Deutéronome 22.24