Josué 24
Vulgate

Discours de Josué au peuple d’Israël

1 congregavitque Iosue omnes tribus Israhel in Sychem et vocavit maiores natu ac principes et iudices et magistros steteruntque in conspectu Domini
Josué 23.2 1 Samuel 10.19 Genèse 12.6 Juges 9.1-9.3 Actes 10.33
2 et ad populum sic locutus est haec dicit Dominus Deus Israhel trans fluvium habitaverunt patres vestri ab initio Thare pater Abraham et Nahor servieruntque diis alienis
Genèse 31.53 Genèse 31.30 Genèse 35.4 Esaïe 51.2 Josué 24.15
3 tuli ergo patrem vestrum Abraham de Mesopotamiae finibus et adduxi eum in terram Chanaan multiplicavique semen eius
Genèse 12.1-12.4 Genèse 21.2-21.3 Actes 7.2-7.3 Genèse 15.5 Psaumes 127.3
4 et dedi ei Isaac illique rursum dedi Iacob et Esau e quibus Esau dedi montem Seir ad possidendum Iacob vero et filii eius descenderunt in Aegyptum
Deutéronome 2.5 Genèse 36.8 Actes 7.15 Genèse 25.24-25.26 Genèse 32.3
5 misique Mosen et Aaron et percussi Aegyptum multis signis atque portentis
Exode 3.10 Exode 7.1-7.12 Psaumes 105.26-105.36 Exode 12.51 Exode 12.37
6 eduxique vos et patres vestros de Aegypto et venistis ad mare persecutique sunt Aegyptii patres vestros cum curribus et equitatu usque ad mare Rubrum
Esaïe 63.12-63.13 Psaumes 77.15-77.20 Hébreux 11.29 Exode 12.37 Néhémie 9.11
7 clamaverunt autem ad Dominum filii Israhel qui posuit tenebras inter vos et Aegyptios et adduxit super eos mare et operuit illos viderunt oculi vestri cuncta quae in Aegypto fecerim et habitastis in solitudine multo tempore
Exode 14.20 Exode 14.10 Deutéronome 4.34 Exode 14.27-14.28 Josué 5.6
8 et introduxi vos ad terram Amorrei qui habitabat trans Iordanem cumque pugnarent contra vos tradidi eos in manus vestras et possedistis terram eorum atque interfecistis illos
Nombres 21.21-21.35 Deutéronome 2.32-3.7 Psaumes 135.10-135.11 Psaumes 136.17-136.22 Josué 13.10
9 surrexit autem Balac filius Sepphor rex Moab et pugnavit contra Israhelem misitque et vocavit Balaam filium Beor ut malediceret vobis
Juges 11.25 Nombres 22.2 Michée 6.5 Deutéronome 23.4-23.5 Nombres 22.5-22.21
10 et ego nolui audire eum sed e contrario per illum benedixi vobis et liberavi vos de manu eius
Nombres 24.5-24.10 Nombres 22.11-22.12 Nombres 22.18-22.20 Esaïe 54.17 Deutéronome 23.5
11 transistisque Iordanem et venistis ad Hiericho pugnaveruntque contra vos viri civitatis eius Amorreus et Ferezeus et Chananeus et Hettheus et Gergeseus et Eveus et Iebuseus et tradidi illos in manus vestras
Josué 3.14-3.17 Josué 4.10-4.12 Exode 23.23 Psaumes 114.5 Psaumes 105.44
12 misique ante vos crabrones et eieci eos de locis suis duos reges Amorreorum non in gladio et arcu tuo
Deutéronome 7.20 Exode 23.28 Psaumes 44.3-44.6
13 dedique vobis terram in qua non laborastis et urbes quas non aedificastis ut habitaretis in eis vineas et oliveta quae non plantastis
Josué 11.13 Deutéronome 8.7 Deutéronome 6.10-6.12 Josué 21.45 Proverbes 13.22
14 nunc ergo timete Dominum et servite ei perfecto corde atque verissimo et auferte deos quibus servierunt patres vestri in Mesopotamia et in Aegypto ac servite Domino
Josué 24.23 Deutéronome 10.12 1 Samuel 12.24 Deutéronome 18.13 Josué 24.2
15 sin autem malum vobis videtur ut Domino serviatis optio vobis datur eligite hodie quod placet cui potissimum servire debeatis utrum diis quibus servierunt patres vestri in Mesopotamia an diis Amorreorum in quorum terra habitatis ego autem et domus mea serviemus Domino
1 Rois 18.21 Juges 6.10 Exode 23.24 Ruth 1.15-1.16 Exode 23.32-23.33
16 responditque populus et ait absit a nobis ut relinquamus Dominum et serviamus diis alienis
Hébreux 10.38-10.39 Romains 3.6 1 Samuel 12.23 Romains 6.2
17 Dominus Deus noster ipse eduxit nos et patres nostros de terra Aegypti de domo servitutis fecitque videntibus nobis signa ingentia et custodivit nos in omni via per quam ambulavimus et in cunctis populis per quos transivimus
Esaïe 46.4 Esaïe 63.7-63.14 Amos 2.9-2.10 Exode 19.4 Deutéronome 32.11-32.12
18 et eiecit universas gentes Amorreum habitatorem terrae quam nos intravimus serviemus igitur Domino quia ipse est Deus noster
Zacharie 8.23 Exode 10.2 Psaumes 116.16 Luc 1.73-1.75 Exode 15.2
19 dixitque Iosue ad populum non poteritis servire Domino Deus enim sanctus et fortis aemulator est nec ignoscet sceleribus vestris atque peccatis
Exode 23.21 Lévitique 19.2 Exode 20.5 Psaumes 99.5 Psaumes 99.9
20 si dimiseritis Dominum et servieritis diis alienis convertet se et adfliget vos atque subvertet postquam vobis praestiterit bona
Actes 7.42 1 Chroniques 28.9 Esaïe 1.28 Esdras 8.22 Esaïe 63.10
21 dixitque populus ad Iosue nequaquam ita ut loqueris erit sed Domino serviemus
Esaïe 44.5 Exode 20.19 Exode 24.7 Exode 19.8 Deutéronome 5.27-5.28
22 et Iosue ad populum testes inquit vos estis quia ipsi elegeritis vobis Dominum ut serviatis ei responderuntque testes
Psaumes 119.173 Luc 10.42 Psaumes 119.11 Deutéronome 26.17 Luc 19.22
23 nunc ergo ait auferte deos alienos de medio vestrum et inclinate corda vestra ad Dominum Deum Israhel
Josué 24.14 Proverbes 2.2 Psaumes 141.4 1 Samuel 7.3-7.4 1 Corinthiens 10.19-10.21
24 dixitque populus ad Iosue Domino Deo nostro serviemus oboedientes praeceptis eius
Exode 24.3 Deutéronome 5.27-5.29 Exode 19.8 Exode 24.7
25 percussit igitur Iosue in die illo foedus et proposuit populo praecepta atque iudicia in Sychem
Exode 15.25 2 Rois 11.17 Néhémie 9.38 2 Chroniques 23.16 Exode 24.3
26 scripsitque omnia verba haec in volumine legis Dei et tulit lapidem pergrandem posuitque eum subter quercum quae erat in sanctuario Domini
Juges 9.6 Exode 24.4 Genèse 35.4 Genèse 28.18-28.22 Genèse 35.8
27 et dixit ad omnem populum en lapis iste erit vobis in testimonium quod audierit omnia verba Domini quae locutus est vobis ne forte postea negare velitis et mentiri Domino Deo vestro
Luc 19.40 Josué 22.34 Josué 22.27-22.28 2 Timothée 2.12-2.13 Deutéronome 31.26
28 dimisitque populum singulos in possessionem suam
Juges 2.6

Mort de Josué

29 et post haec mortuus est Iosue filius Nun servus Domini centum decem annorum
Juges 2.8 2 Timothée 4.7-4.8 Apocalypse 14.13 Genèse 50.22 Genèse 50.26
30 sepelieruntque eum in finibus possessionis suae in Thamnathsare quae sita est in monte Ephraim a septentrionali parte montis Gaas
Josué 19.50 2 Samuel 23.30 Juges 2.9
31 servivitque Israhel Domino cunctis diebus Iosue et seniorum qui longo vixerunt tempore post Iosue et qui noverant omnia opera Domini quae fecerat in Israhel
Juges 2.7 Deutéronome 11.2 Deutéronome 31.13 Deutéronome 31.29 2 Chroniques 24.2
32 ossa quoque Ioseph quae tulerant filii Israhel de Aegypto sepelierunt in Sychem in parte agri quem emerat Iacob a filiis Emmor patris Sychem centum novellis ovibus et fuit in possessione filiorum Ioseph
Genèse 50.25 Exode 13.19 Genèse 33.19 Actes 7.16 Jean 4.5
33 Eleazar quoque filius Aaron mortuus est et sepelierunt eum in Gaab Finees filii eius quae data est ei in monte Ephraim
Exode 6.25 Josué 22.13 Hébreux 7.24 Nombres 3.32 Josué 14.1