Josué 24
Vulgate

¹ congregavitque Iosue omnes tribus Israhel in Sychem et vocavit maiores natu ac principes et iudices et magistros steteruntque in conspectu Domini Josué 23.2 1 Samuel 10.19 Juges 9.1-9.3 Actes 10.33 1 Rois 12.1
² et ad populum sic locutus est haec dicit Dominus Deus Israhel trans fluvium habitaverunt patres vestri ab initio Thare pater Abraham et Nahor servieruntque diis alienis Genèse 31.53 Genèse 31.30 Esaïe 51.2 Josué 24.15 Ezéchiel 16.3
³ tuli ergo patrem vestrum Abraham de Mesopotamiae finibus et adduxi eum in terram Chanaan multiplicavique semen eius Genèse 21.2-21.3 Actes 7.2-7.3 Genèse 12.1-12.4 Genèse 15.5 Psaumes 127.3
⁴ et dedi ei Isaac illique rursum dedi Iacob et Esau e quibus Esau dedi montem Seir ad possidendum Iacob vero et filii eius descenderunt in Aegyptum Deutéronome 2.5 Genèse 36.8 Actes 7.15 Genèse 25.24-25.26 Psaumes 105.23
⁵ misique Mosen et Aaron et percussi Aegyptum multis signis atque portentis Exode 3.10 Exode 7.1-7.12 Exode 12.51 Exode 12.37 Exode 4.12-4.14
⁶ eduxique vos et patres vestros de Aegypto et venistis ad mare persecutique sunt Aegyptii patres vestros cum curribus et equitatu usque ad mare Rubrum Exode 12.37 Néhémie 9.11 Psaumes 136.13-136.15 Actes 7.36 Exode 14.1-14.15
⁷ clamaverunt autem ad Dominum filii Israhel qui posuit tenebras inter vos et Aegyptios et adduxit super eos mare et operuit illos viderunt oculi vestri cuncta quae in Aegypto fecerim et habitastis in solitudine multo tempore Exode 14.20 Exode 14.27-14.28 Josué 5.6 Deutéronome 29.2 Exode 14.10
⁸ et introduxi vos ad terram Amorrei qui habitabat trans Iordanem cumque pugnarent contra vos tradidi eos in manus vestras et possedistis terram eorum atque interfecistis illos Nombres 21.21-21.35 Deutéronome 2.32-3.7 Psaumes 135.10-135.11 Psaumes 136.17-136.22 Josué 13.10
⁹ surrexit autem Balac filius Sepphor rex Moab et pugnavit contra Israhelem misitque et vocavit Balaam filium Beor ut malediceret vobis Juges 11.25 Nombres 22.2 Michée 6.5 Deutéronome 23.4-23.5 Nombres 22.5-22.21
¹⁰ et ego nolui audire eum sed e contrario per illum benedixi vobis et liberavi vos de manu eius Nombres 22.11-22.12 Nombres 22.18-22.20 Esaïe 54.17 Deutéronome 23.5 Nombres 22.35
¹¹ transistisque Iordanem et venistis ad Hiericho pugnaveruntque contra vos viri civitatis eius Amorreus et Ferezeus et Chananeus et Hettheus et Gergeseus et Eveus et Iebuseus et tradidi illos in manus vestras Josué 3.14-3.17 Josué 4.10-4.12 Néhémie 9.24-9.25 Josué 4.23 Actes 7.45
¹² misique ante vos crabrones et eieci eos de locis suis duos reges Amorreorum non in gladio et arcu tuo Exode 23.28 Deutéronome 7.20 Psaumes 44.3-44.6
¹³ dedique vobis terram in qua non laborastis et urbes quas non aedificastis ut habitaretis in eis vineas et oliveta quae non plantastis Josué 11.13 Deutéronome 8.7 Deutéronome 6.10-6.12 Proverbes 13.22 Josué 21.45
¹⁴ nunc ergo timete Dominum et servite ei perfecto corde atque verissimo et auferte deos quibus servierunt patres vestri in Mesopotamia et in Aegypto ac servite Domino Josué 24.23 1 Samuel 12.24 Deutéronome 10.12 Deutéronome 18.13 Ezéchiel 23.3
¹⁵ sin autem malum vobis videtur ut Domino serviatis optio vobis datur eligite hodie quod placet cui potissimum servire debeatis utrum diis quibus servierunt patres vestri in Mesopotamia an diis Amorreorum in quorum terra habitatis ego autem et domus mea serviemus Domino 1 Rois 18.21 Juges 6.10 Exode 23.24 Ruth 1.15-1.16 Jean 6.67-6.68
¹⁶ responditque populus et ait absit a nobis ut relinquamus Dominum et serviamus diis alienis Romains 3.6 1 Samuel 12.23 Romains 6.2 Hébreux 10.38-10.39
¹⁷ Dominus Deus noster ipse eduxit nos et patres nostros de terra Aegypti de domo servitutis fecitque videntibus nobis signa ingentia et custodivit nos in omni via per quam ambulavimus et in cunctis populis per quos transivimus Esaïe 63.7-63.14 Amos 2.9-2.10 Exode 19.4 Deutéronome 32.11-32.12 Josué 24.5-24.14
¹⁸ et eiecit universas gentes Amorreum habitatorem terrae quam nos intravimus serviemus igitur Domino quia ipse est Deus noster Exode 10.2 Psaumes 116.16 Luc 1.73-1.75 Exode 15.2 Michée 4.2
¹⁹ dixitque Iosue ad populum non poteritis servire Domino Deus enim sanctus et fortis aemulator est nec ignoscet sceleribus vestris atque peccatis Lévitique 19.2 Exode 20.5 Exode 23.21 Psaumes 99.9 Psaumes 99.5
²⁰ si dimiseritis Dominum et servieritis diis alienis convertet se et adfliget vos atque subvertet postquam vobis praestiterit bona 1 Chroniques 28.9 Actes 7.42 Esaïe 63.10 2 Chroniques 15.2 Esaïe 65.11-65.12
²¹ dixitque populus ad Iosue nequaquam ita ut loqueris erit sed Domino serviemus Exode 20.19 Exode 24.7 Exode 19.8 Deutéronome 5.27-5.28 Deutéronome 26.17
²² et Iosue ad populum testes inquit vos estis quia ipsi elegeritis vobis Dominum ut serviatis ei responderuntque testes Psaumes 119.173 Psaumes 119.11 Deutéronome 26.17 Luc 19.22 Job 15.6
²³ nunc ergo ait auferte deos alienos de medio vestrum et inclinate corda vestra ad Dominum Deum Israhel Josué 24.14 Osée 14.8 Genèse 35.2-35.4 Hébreux 12.28-12.29 Exode 20.23
²⁴ dixitque populus ad Iosue Domino Deo nostro serviemus oboedientes praeceptis eius Deutéronome 5.27-5.29 Exode 19.8 Exode 24.7 Exode 24.3
²⁵ percussit igitur Iosue in die illo foedus et proposuit populo praecepta atque iudicia in Sychem Exode 15.25 2 Chroniques 23.16 2 Rois 11.17 Néhémie 9.38 Exode 24.7-24.8
²⁶ scripsitque omnia verba haec in volumine legis Dei et tulit lapidem pergrandem posuitque eum subter quercum quae erat in sanctuario Domini Juges 9.6 Genèse 35.4 Exode 24.4 Genèse 28.18-28.22 Genèse 35.8
²⁷ et dixit ad omnem populum en lapis iste erit vobis in testimonium quod audierit omnia verba Domini quae locutus est vobis ne forte postea negare velitis et mentiri Domino Deo vestro Josué 22.27-22.28 Luc 19.40 Josué 22.34 Deutéronome 31.21 2 Timothée 2.12-2.13
²⁸ dimisitque populum singulos in possessionem suam Juges 2.6
²⁹ et post haec mortuus est Iosue filius Nun servus Domini centum decem annorum Juges 2.8 Apocalypse 14.13 Genèse 50.22 Genèse 50.26 Psaumes 115.17
³⁰ sepelieruntque eum in finibus possessionis suae in Thamnathsare quae sita est in monte Ephraim a septentrionali parte montis Gaas Josué 19.50 Juges 2.9 2 Samuel 23.30
³¹ servivitque Israhel Domino cunctis diebus Iosue et seniorum qui longo vixerunt tempore post Iosue et qui noverant omnia opera Domini quae fecerat in Israhel Juges 2.7 Deutéronome 11.2 Deutéronome 31.13 2 Chroniques 24.2 Actes 20.29
³² ossa quoque Ioseph quae tulerant filii Israhel de Aegypto sepelierunt in Sychem in parte agri quem emerat Iacob a filiis Emmor patris Sychem centum novellis ovibus et fuit in possessione filiorum Ioseph Exode 13.19 Genèse 33.19 Genèse 50.25 Actes 7.16 Jean 4.5
³³ Eleazar quoque filius Aaron mortuus est et sepelierunt eum in Gaab Finees filii eius quae data est ei in monte Ephraim Exode 6.25 Josué 22.13 Esaïe 57.1-57.2 Nombres 20.26-20.28 Juges 20.28