Psaumes 104
Biblia Hebraica Stuttgartensia

Louange au Dieu de la création

1 בָּרֲכִ֥י נַפְשִׁ֗י אֶת־יְה֫וָ֥ה יְהוָ֣ה אֱ֭לֹהַי גָּדַ֣לְתָּ מְּאֹ֑ד הֹ֭וד וְהָדָ֣ר לָבָֽשְׁתָּ׃
Psaumes 103.22 Psaumes 93.1 Psaumes 103.1-103.2 Psaumes 96.6 Psaumes 145.3
2 עֹֽטֶה־אֹ֭ור כַּשַּׂלְמָ֑ה נֹוטֶ֥ה שָׁ֝מַ֗יִם כַּיְרִיעָֽה׃
Esaïe 40.22 Daniel 7.9 Hébreux 1.10-1.12 Zacharie 12.1 1 Timothée 6.16
3 הַ֥מְקָרֶֽה בַמַּ֗יִם עֲֽלִיֹּ֫ותָ֥יו הַשָּׂם־עָבִ֥ים רְכוּבֹ֑ו הַֽ֝מְהַלֵּ֗ךְ עַל־כַּנְפֵי־רֽוּחַ׃
Amos 9.6 Esaïe 19.1 2 Samuel 22.11 Apocalypse 1.7 Nahum 1.3
4 עֹשֶׂ֣ה מַלְאָכָ֣יו רוּחֹ֑ות מְ֝שָׁרְתָ֗יו אֵ֣שׁ לֹהֵֽט׃
Hébreux 1.7 2 Rois 2.11 2 Rois 6.17 Psaumes 148.8 Ezéchiel 1.13
5 יָֽסַד־אֶ֭רֶץ עַל־מְכֹונֶ֑יהָ בַּל־תִּ֝מֹּ֗וט עֹולָ֥ם וָעֶֽד׃
Psaumes 24.2 Psaumes 96.10 Job 26.7 Ecclésiaste 1.4 Psaumes 136.6
6 תְּ֭הֹום כַּלְּב֣וּשׁ כִּסִּיתֹ֑ו עַל־הָ֝רִ֗ים יַֽעַמְדוּ־מָֽיִם׃
Genèse 7.19 2 Pierre 3.5 Genèse 1.2-1.10
7 מִן־גַּעֲרָ֣תְךָ֣ יְנוּס֑וּן מִן־קֹ֥ול רַֽ֝עַמְךָ֗ יֵחָפֵזֽוּן׃
Genèse 8.1 Psaumes 18.15 Psaumes 114.3-114.7 Marc 4.39 Proverbes 8.28
8 יַעֲל֣וּ הָ֭רִים יֵרְד֣וּ בְקָעֹ֑ות אֶל־מְ֝קֹ֗ום זֶ֤ה׀ יָסַ֬דְתָּ לָהֶֽם׃
Psaumes 33.7 Genèse 8.5
9 גְּֽבוּל־שַׂ֭מְתָּ בַּל־יַֽעֲבֹר֑וּן בַּל־יְ֝שׁוּב֗וּן לְכַסֹּ֥ות הָאָֽרֶץ׃
Jérémie 5.22 Job 26.10 Job 38.10-38.11 Genèse 9.11-9.15 Esaïe 54.9
10 הַֽמְשַׁלֵּ֣חַ מַ֭עְיָנִים בַּנְּחָלִ֑ים בֵּ֥ין הָ֝רִ֗ים יְהַלֵּכֽוּן׃
Esaïe 41.18 Psaumes 107.35 Esaïe 35.7 Deutéronome 8.7
11 יַ֭שְׁקוּ כָּל־חַיְתֹ֣ו שָׂדָ֑י יִשְׁבְּר֖וּ פְרָאִ֣ים צְמָאָֽם׃
Psaumes 145.16 Job 39.5-39.8 Psaumes 104.13
12 עֲ֭לֵיהֶם עֹוף־הַשָּׁמַ֣יִם יִשְׁכֹּ֑ון מִבֵּ֥ין עֳ֝פָאיִ֗ם יִתְּנוּ־קֹֽול׃
Psaumes 148.10 Matthieu 8.20 Psaumes 104.16-104.17 Psaumes 50.11 Matthieu 6.26
13 מַשְׁקֶ֣ה הָ֭רִים מֵעֲלִיֹּותָ֑יו מִפְּרִ֥י מַ֝עֲשֶׂ֗יךָ תִּשְׂבַּ֥ע הָאָֽרֶץ׃
Psaumes 147.8 Jérémie 10.13 Deutéronome 11.11 Jérémie 14.22 Psaumes 104.3
14 מַצְמִ֤יחַ חָצִ֨יר׀ לַבְּהֵמָ֗ה וְ֭עֵשֶׂב לַעֲבֹדַ֣ת הָאָדָ֑ם לְהֹ֥וצִיא לֶ֝֗חֶם מִן־הָאָֽרֶץ׃
Job 28.5 Psaumes 147.8-147.9 Genèse 9.3 Psaumes 136.25 Genèse 3.18
15 וְיַ֤יִן׀ יְשַׂמַּ֬ח לְֽבַב־אֱנֹ֗ושׁ לְהַצְהִ֣יל פָּנִ֣ים מִשָּׁ֑מֶן וְ֝לֶ֗חֶם לְֽבַב־אֱנֹ֥ושׁ יִסְעָֽד׃
Juges 9.13 Psaumes 23.5 Psaumes 92.10 Proverbes 31.6 Ecclésiaste 10.19
16 יִ֭שְׂבְּעוּ עֲצֵ֣י יְהוָ֑ה אַֽרְזֵ֥י לְ֝בָנֹ֗ון אֲשֶׁ֣ר נָטָֽע׃
Nombres 24.6 Psaumes 92.2 Psaumes 29.5 Ezéchiel 17.23
17 אֲשֶׁר־שָׁ֭ם צִפֳּרִ֣ים יְקַנֵּ֑נוּ חֲ֝סִידָ֗ה בְּרֹושִׁ֥ים בֵּיתָֽהּ׃
Psaumes 104.12 Lévitique 11.19 Jérémie 8.7 Matthieu 13.32 Daniel 4.21
18 הָרִ֣ים הַ֭גְּבֹהִים לַיְּעֵלִ֑ים סְ֝לָעִ֗ים מַחְסֶ֥ה לַֽשְׁפַנִּֽים׃
Proverbes 30.26 Job 39.1 Lévitique 11.5 1 Samuel 24.2 Deutéronome 14.7
19 עָשָׂ֣ה יָ֭רֵחַ לְמֹועֲדִ֑ים שֶׁ֝֗מֶשׁ יָדַ֥ע מְבֹואֹֽו׃
Job 31.26-31.28 Jérémie 31.35 Psaumes 19.6 Psaumes 8.3 Genèse 1.14-1.18
20 תָּֽשֶׁת־חֹ֭שֶׁךְ וִ֣יהִי לָ֑יְלָה בֹּֽו־תִ֝רְמֹ֗שׂ כָּל־חַיְתֹו־יָֽעַר׃
Esaïe 45.7 Psaumes 74.16 Amos 1.13 Genèse 8.22 Psaumes 50.10
21 הַ֭כְּפִירִים שֹׁאֲגִ֣ים לַטָּ֑רֶף וּלְבַקֵּ֖שׁ מֵאֵ֣ל אָכְלָֽם׃
Job 38.39 Joël 1.20 Joël 2.22 Amos 3.4 Ezéchiel 19.2-19.14
22 תִּזְרַ֣ח הַ֭שֶּׁמֶשׁ יֵאָסֵפ֑וּן וְאֶל־מְ֝עֹונֹתָ֗ם יִרְבָּצֽוּן׃
Job 37.8 Job 24.13-24.17 Jean 3.20 Nahum 3.17
23 יֵצֵ֣א אָדָ֣ם לְפָעֳלֹ֑ו וְֽלַעֲבֹ֖דָתֹ֣ו עֲדֵי־עָֽרֶב׃
Genèse 3.19 Juges 19.16 2 Thessaloniciens 3.8-3.12 Ephésiens 4.28 Ecclésiaste 5.12
24 מָֽה־רַבּ֬וּ מַעֲשֶׂ֨יךָ׀ יְֽהוָ֗ה כֻּ֭לָּם בְּחָכְמָ֣ה עָשִׂ֑יתָ מָלְאָ֥ה הָ֝אָ֗רֶץ קִנְיָנֶֽךָ׃
Jérémie 10.12 Psaumes 40.5 Job 5.9 Ephésiens 1.8 Psaumes 8.3
25 זֶ֤ה׀ הַיָּ֥ם גָּדֹול֮ וּרְחַ֪ב יָ֫דָ֥יִם שָֽׁם־רֶ֭מֶשׂ וְאֵ֣ין מִסְפָּ֑ר חַיֹּ֥ות קְ֝טַנֹּ֗ות עִם־גְּדֹלֹֽות׃
Psaumes 69.34 Actes 28.5 Genèse 3.1 Genèse 1.20-1.22 Psaumes 95.4-95.5
26 שָׁ֭ם אֳנִיֹּ֣ות יְהַלֵּכ֑וּן לִ֝וְיָתָ֗ן זֶֽה־יָצַ֥רְתָּ לְשַֽׂחֶק־בֹּֽו׃
Psaumes 107.23 Psaumes 74.14 Esaïe 27.1 Genèse 49.13 Job 41.1-41.34
27 כֻּ֭לָּם אֵלֶ֣יךָ יְשַׂבֵּר֑וּן לָתֵ֖ת אָכְלָ֣ם בְּעִתֹּֽו׃
Psaumes 147.9 Psaumes 136.25 Job 36.31 Job 38.41 Psaumes 36.6
28 תִּתֵּ֣ן לָ֭הֶם יִלְקֹט֑וּן תִּפְתַּ֥ח יָֽ֝דְךָ֗ יִשְׂבְּע֥וּן טֹֽוב׃
Psaumes 145.16
29 תַּסְתִּ֥יר פָּנֶיךָ֮ יִֽבָּהֵ֫ל֥וּן תֹּסֵ֣ף ר֭וּחָם יִגְוָע֑וּן וְֽאֶל־עֲפָרָ֥ם יְשׁוּבֽוּן׃
Job 34.14-34.15 Genèse 3.19 Ecclésiaste 12.7 Psaumes 30.7 Psaumes 90.3
30 תְּשַׁלַּ֣ח ר֭וּחֲךָ יִבָּרֵא֑וּן וּ֝תְחַדֵּ֗שׁ פְּנֵ֣י אֲדָמָֽה׃
Job 33.4 Apocalypse 21.5 Job 26.13 Tite 3.5 Ezéchiel 37.9
31 יְהִ֤י כְבֹ֣וד יְהוָ֣ה לְעֹולָ֑ם יִשְׂמַ֖ח יְהוָ֣ה בְּמַעֲשָֽׂיו׃
Genèse 1.31 1 Pierre 5.11 Luc 15.5-15.6 Apocalypse 5.12-5.13 Esaïe 65.18-65.19
32 הַמַּבִּ֣יט לָ֭אָרֶץ וַתִּרְעָ֑ד יִגַּ֖ע בֶּהָרִ֣ים וְֽיֶעֱשָֽׁנוּ׃
Psaumes 144.5 Exode 19.18 Habakuk 3.10 Psaumes 114.7 Psaumes 97.4-97.5
33 אָשִׁ֣ירָה לַיהוָ֣ה בְּחַיָּ֑י אֲזַמְּרָ֖ה לֵאלֹהַ֣י בְּעֹודִֽי׃
Psaumes 63.4 Psaumes 146.2 Psaumes 145.1-145.2
34 יֶעֱרַ֣ב עָלָ֣יו שִׂיחִ֑י אָ֝נֹכִ֗י אֶשְׂמַ֥ח בַּיהוָֽה׃
Psaumes 1.2 Habakuk 3.17-3.18 Psaumes 119.127-119.128 Philippiens 4.4 Psaumes 9.2
35 יִתַּ֤מּוּ חַטָּאִ֨ים׀ מִן־הָאָ֡רֶץ וּרְשָׁעִ֤ים׀ עֹ֤וד אֵינָ֗ם בָּרֲכִ֣י נַ֭פְשִׁי אֶת־יְהוָ֗ה הַֽלְלוּ־יָֽהּ׃
Psaumes 37.38 Psaumes 59.13 Psaumes 105.45 Psaumes 106.48 Psaumes 101.8