Job 20.4
Septante

¹ ὑπολαβὼν δὲ Σωφαρ ὁ Μιναῖος λέγει.Job 2.11 Job 11.1 Job 42.9
² οὐχ οὕτως ὑπελάμβανον ἀντερεῖν σε ταῦτα καὶ οὐχὶ συνίετε μᾶλλον ἢ καὶ ἐγώ.Job 32.13-32.20 Psaumes 31.22 Ecclésiaste 7.9 Proverbes 29.20 Romains 10.2
³ παιδείαν ἐντροπῆς μου ἀκούσομαι καὶ πνεῦμα ἐκ τῆς συνέσεως ἀποκρίνεταί μοι.Job 19.29 Psaumes 49.3 Job 33.3 Job 27.11 Job 20.2
⁴ μὴ ταῦτα ἔγνως ἀπὸ τοῦ ἔτι ἀφ’ οὗ ἐτέθη ἄνθρωπος ἐπὶ τῆς γῆς.Genèse 9.1-9.3 Job 32.7 Psaumes 115.16 Job 15.10 Job 8.8-8.9
⁵ εὐφροσύνη γὰρ ἀσεβῶν πτῶμα ἐξαίσιον χαρμονὴ δὲ παρανόμων ἀπώλεια.Psaumes 37.35-37.36 Matthieu 7.21 Job 8.12-8.13 Jacques 4.16 Psaumes 73.18-73.20
⁶ ἐὰν ἀναβῇ εἰς οὐρανὸν αὐτοῦ τὰ δῶρα ἡ δὲ θυσία αὐτοῦ νεφῶν ἅψηται.Esaïe 14.13-14.14 Abdias 1.3-1.4 Genèse 11.4 Daniel 4.11 Amos 9.2
⁷ ὅταν γὰρ δοκῇ ἤδη κατεστηρίχθαι τότε εἰς τέλος ἀπολεῖται οἱ δὲ ἰδόντες αὐτὸν ἐροῦσιν ποῦ ἐστιν.1 Rois 14.10 Psaumes 83.10 2 Rois 9.37 Job 14.10 Job 4.20
⁸ ὥσπερ ἐνύπνιον ἐκπετασθὲν οὐ μὴ εὑρεθῇ ἔπτη δὲ ὥσπερ φάσμα νυκτερινόν.Psaumes 73.20 Psaumes 90.5 Esaïe 29.7-29.8 Psaumes 18.10 Job 18.18
⁹ ὀφθαλμὸς παρέβλεψεν καὶ οὐ προσθήσει καὶ οὐκέτι προσνοήσει αὐτὸν ὁ τόπος αὐτοῦ.Job 7.8 Job 7.10 Psaumes 37.10 Job 8.18 Psaumes 37.36
¹⁰ τοὺς υἱοὺς αὐτοῦ ὀλέσαισαν ἥττονες αἱ δὲ χεῖρες αὐτοῦ πυρσεύσαισαν ὀδύνας.Job 20.18 Job 27.16-27.17 Exode 22.3 Exode 9.2 Exode 22.1
¹¹ ὀστᾶ αὐτοῦ ἐνεπλήσθησαν νεότητος αὐτοῦ καὶ μετ’ αὐτοῦ ἐπὶ χώματος κοιμηθήσεται.Job 21.26 Job 13.26 Psaumes 25.7 Jean 8.24 Ezéchiel 32.27
¹² ἐὰν γλυκανθῇ ἐν στόματι αὐτοῦ κακία κρύψει αὐτὴν ὑπὸ τὴν γλῶσσαν αὐτοῦ.Psaumes 10.7 Job 15.16 Proverbes 9.17-9.18 Proverbes 20.17 Psaumes 109.17-109.18
¹³ οὐ φείσεται αὐτῆς καὶ οὐκ ἐγκαταλείψει αὐτὴν καὶ συνέξει αὐτὴν ἐν μέσῳ τοῦ λάρυγγος αὐτοῦ.Marc 9.43-9.49 Matthieu 5.29-5.30 Nombres 11.18-11.20 Romains 8.13
¹⁴ καὶ οὐ μὴ δυνηθῇ βοηθῆσαι ἑαυτῷ χολὴ ἀσπίδος ἐν γαστρὶ αὐτοῦ.Jérémie 2.19 Psaumes 51.8-51.9 Malachie 2.2 Job 20.16 Proverbes 23.20-23.21
¹⁵ πλοῦτος ἀδίκως συναγόμενος ἐξεμεσθήσεται ἐξ οἰκίας αὐτοῦ ἐξελκύσει αὐτὸν ἄγγελος.Proverbes 23.8 Matthieu 27.3-27.4
¹⁶ θυμὸν δὲ δρακόντων θηλάσειεν ἀνέλοι δὲ αὐτὸν γλῶσσα ὄφεως.Esaïe 30.6 Romains 3.13 Actes 28.3-28.6 Matthieu 3.7 Deutéronome 32.24
¹⁷ μὴ ἴδοι ἄμελξιν νομάδων μηδὲ νομὰς μέλιτος καὶ βουτύρου.Deutéronome 32.13-32.14 Job 29.6 Jérémie 17.6-17.8 2 Rois 7.2 2 Samuel 17.29
¹⁸ εἰς κενὰ καὶ μάταια ἐκοπίασεν πλοῦτον ἐξ οὗ οὐ γεύσεται ὥσπερ στρίφνος ἀμάσητος ἀκατάποτος.Job 20.15 Job 20.10 Amos 8.4 Jérémie 51.34 Osée 9.1
¹⁹ πολλῶν γὰρ ἀδυνάτων οἴκους ἔθλασεν δίαιταν δὲ ἥρπασεν καὶ οὐκ ἔστησεν.Job 35.9 Proverbes 14.31 Job 22.6 Ecclésiaste 4.1 Proverbes 22.22-22.23
²⁰ οὐκ ἔστιν αὐτοῦ σωτηρία τοῖς ὑπάρχουσιν ἐν ἐπιθυμίᾳ αὐτοῦ οὐ σωθήσεται.Ecclésiaste 5.13-5.14 Esaïe 57.20-57.21
²¹ οὐκ ἔστιν ὑπόλειμμα τοῖς βρώμασιν αὐτοῦ διὰ τοῦτο οὐκ ἀνθήσει αὐτοῦ τὰ ἀγαθά.Job 18.19 Luc 16.24-16.25 Job 15.29 Jérémie 17.11
²² ὅταν δὲ δοκῇ ἤδη πεπληρῶσθαι θλιβήσεται πᾶσα δὲ ἀνάγκη ἐπ’ αὐτὸν ἐπελεύσεται.Job 1.15 Job 3.17 Ecclésiaste 2.18-2.20 Esaïe 10.6 Apocalypse 18.7
²³ εἴ πως πληρώσαι γαστέρα αὐτοῦ ἐπαποστείλαι ἐπ’ αὐτὸν θυμὸν ὀργῆς νίψαι ἐπ’ αὐτὸν ὀδύνας.Psaumes 78.30-78.31 Nombres 11.33 Esaïe 21.4 Exode 9.23 Genèse 19.24
²⁴ καὶ οὐ μὴ σωθῇ ἐκ χειρὸς σιδήρου τρώσαι αὐτὸν τόξον χάλκειον.Amos 5.19 Esaïe 24.18 2 Samuel 22.35 Amos 9.1-9.3 Proverbes 7.23
²⁵ διεξέλθοι δὲ διὰ σώματος αὐτοῦ βέλος ἀστραπαὶ δὲ ἐν διαίταις αὐτοῦ περιπατήσαισαν ἐπ’ αὐτῷ φόβοι.Job 16.13 Job 18.11 Deutéronome 32.41 Job 15.21 Job 6.4
²⁶ πᾶν δὲ σκότος αὐτῷ ὑπομείναι κατέδεται αὐτὸν πῦρ ἄκαυστον κακώσαι δὲ αὐτοῦ ἐπήλυτος τὸν οἶκον.Psaumes 21.9 Job 18.18-18.19 Matthieu 8.12 Esaïe 8.22 Matthieu 3.12
²⁷ ἀνακαλύψαι δὲ αὐτοῦ ὁ οὐρανὸς τὰς ἀνομίας γῆ δὲ ἐπανασταίη αὐτῷ.Job 16.18 Esaïe 26.21 Luc 12.2-12.3 Job 18.18 1 Corinthiens 4.5
²⁸ ἑλκύσαι τὸν οἶκον αὐτοῦ ἀπώλεια εἰς τέλος ἡμέρα ὀργῆς ἐπέλθοι αὐτῷ.Job 20.10 Deutéronome 28.31 Jacques 5.1-5.3 Job 20.18-20.22 Job 21.30
²⁹ αὕτη ἡ μερὶς ἀνθρώπου ἀσεβοῦς παρὰ κυρίου καὶ κτῆμα ὑπαρχόντων αὐτῷ παρὰ τοῦ ἐπισκόπου.Job 27.13 Job 31.2-31.3 Job 18.21 Psaumes 11.5-11.6 Lamentations 3.38