2 Rois 6
Vulgate

1 dixerunt autem filii prophetarum ad Heliseum ecce locus in quo habitamus coram te angustus est nobis
2 Rois 2.3 2 Rois 4.38 Josué 19.47 2 Rois 4.1 1 Rois 20.35
2 eamus usque ad Iordanem et tollant singuli de silva materias singulas ut aedificemus nobis ibi locum ad habitandum qui dixit ite
1 Corinthiens 9.6 Actes 18.3 1 Timothée 6.6 Jean 21.3 Actes 20.34-20.35
3 et ait unus ex illis veni ergo et tu cum servis tuis respondit ego veniam
Juges 4.8 Juges 19.6 2 Rois 5.23 Job 6.28
4 et abiit cum eis cumque venissent ad Iordanem caedebant ligna
Deutéronome 29.11 Deutéronome 19.5
5 accidit autem ut cum unus materiem succidisset caderet ferrum securis in aquam exclamavitque ille et ait eheu eheu eheu domine mi et hoc ipsum mutuo acceperam
Apocalypse 18.10 Ecclésiaste 10.10 Esaïe 10.34 Apocalypse 18.16 2 Rois 6.15
6 dixit autem homo Dei ubi cecidit at ille monstravit ei locum praecidit ergo lignum et misit illuc natavitque ferrum
2 Rois 2.21 Exode 15.25 2 Rois 4.41 Marc 7.33-7.34 Marc 8.23-8.25
7 et ait tolle qui extendit manum et tulit illud
Luc 7.15 Exode 4.4 2 Rois 4.7 2 Rois 4.36 Actes 9.41
8 rex autem Syriae pugnabat contra Israhel consiliumque iniit cum servis suis dicens in loco illo et illo ponamus insidias
Job 5.12-5.13 2 Rois 6.24 Esaïe 8.10 1 Rois 20.1 1 Rois 22.31
9 misit itaque vir Dei ad regem Israhel dicens cave ne transeas in loco illo quia ibi Syri in insidiis sunt
2 Rois 6.12 2 Rois 4.27 Apocalypse 1.1 1 Rois 20.13 2 Rois 3.17-3.19
10 misit rex Israhel ad locum quem dixerat ei vir Dei et praeoccupavit eum et observavit se ibi non semel neque bis
Matthieu 3.7 2 Chroniques 20.20 2 Rois 13.14 Matthieu 2.12 1 Rois 20.15
11 conturbatumque est cor regis Syriae pro hac re et convocatis servis suis ait quare non indicastis mihi quis proditor mei sit apud regem Israhel
1 Samuel 22.8 Psaumes 48.4-48.5 Matthieu 2.3-2.12 Job 18.7-18.11 Esaïe 57.20-57.21
12 dixitque unus servorum eius nequaquam domine mi rex sed Heliseus propheta qui est in Israhel indicat regi Israhel omnia verba quaecumque locutus fueris in conclavi tuo
Daniel 2.28-2.30 Ecclésiaste 10.20 Daniel 4.9-4.18 2 Rois 5.8 2 Rois 5.3
13 dixit eis ite et videte ubi sit ut mittam et capiam eum adnuntiaveruntque ei dicentes ecce in Dothan
Genèse 37.17 Psaumes 10.8-10.10 Jérémie 36.26 Psaumes 37.32-37.33 Actes 23.12-23.27
14 misit ergo illuc equos et currus et robur exercitus qui cum venissent nocte circumdederunt civitatem
2 Rois 18.17 Matthieu 26.47 2 Rois 1.9-1.13 Jean 18.3-18.6 Matthieu 26.55
15 consurgens autem diluculo minister viri Dei egressus est viditque exercitum in circuitu civitatis et equos et currus nuntiavitque ei dicens eheu eheu domine mi quid faciemus
Matthieu 8.26 Exode 24.13 2 Chroniques 20.12 2 Rois 3.11 2 Rois 5.20
16 at ille respondit noli timere plures enim nobiscum sunt quam cum illis
Esaïe 41.10-41.14 Romains 8.31 Psaumes 55.18 1 Jean 4.4 2 Chroniques 32.7-32.8
17 cumque orasset Heliseus ait Domine aperi oculos huius ut videat et aperuit Dominus oculos pueri et vidit et ecce mons plenus equorum et curruum igneorum in circuitu Helisei
2 Rois 2.11 Psaumes 68.17 Zacharie 6.1-6.7 Psaumes 34.7 Hébreux 1.14
18 hostes vero descenderunt ad eum porro Heliseus oravit Dominum dicens percute obsecro gentem hanc caecitate percussitque eos Dominus ne viderent iuxta verbum Helisei
Actes 13.11 Genèse 19.11 Job 5.14 Jean 12.40 Deutéronome 28.28
19 dixit autem ad eos Heliseus non est haec via nec ista est civitas sequimini me et ostendam vobis virum quem quaeritis duxit ergo eos in Samariam
2 Samuel 16.18-16.19 Marc 8.34 Luc 24.16 Luc 9.23 Matthieu 16.24
20 cumque ingressi fuissent in Samaria dixit Heliseus Domine aperi oculos istorum ut videant aperuitque Dominus oculos eorum et viderunt esse se in medio Samariae
2 Rois 6.17 Luc 16.23 Juges 20.40-20.42 Luc 24.31
21 dixitque rex Israhel ad Heliseum cum vidisset eos numquid percutiam eos pater mi
2 Rois 5.13 2 Rois 8.9 2 Rois 2.12 Luc 22.49 Luc 9.54-9.56
22 at ille ait non percuties neque enim cepisti eos gladio et arcu tuo ut percutias pone panem et aquam coram eis ut comedant et bibant et vadant ad dominum suum
Genèse 48.22 Osée 2.18 Romains 12.20-12.21 2 Chroniques 28.8-28.15 Josué 24.12
23 adpositaque est eis ciborum magna praeparatio et comederunt et biberunt et dimisit eos abieruntque ad dominum suum et ultra non venerunt latrones Syriae in terram Israhel
2 Rois 5.2 2 Rois 24.2 2 Rois 6.8-6.9 1 Samuel 24.17-24.18 Matthieu 5.47

Siège et délivrance de Samarie

24 factum est autem post haec congregavit Benadad rex Syriae universum exercitum suum et ascendit et obsidebat Samariam
1 Rois 20.1 Deutéronome 28.52 2 Rois 18.9 1 Rois 22.31 Ecclésiaste 9.14
25 factaque est fames magna in Samaria et tamdiu obsessa est donec venundaretur caput asini octoginta argenteis et quarta pars cabi stercoris columbarum quinque argenteis
2 Rois 6.28-6.29 2 Rois 7.4 Jérémie 14.13-14.15 Lévitique 26.26 2 Rois 25.3
26 cumque rex Israhel transiret per murum mulier exclamavit ad eum dicens salva me domine mi rex
2 Samuel 14.4 Esaïe 10.3 Luc 18.3 Actes 21.28
27 qui ait non te salvet Dominus unde salvare te possum de area an de torculari dixitque ad eam rex quid tibi vis quae respondit
Psaumes 127.1 Psaumes 118.8-118.9 Esaïe 2.2 Psaumes 124.1-124.3 Psaumes 146.3
28 mulier ista dixit mihi da filium tuum ut comedamus eum hodie et filium meum comedemus cras
Juges 18.23 2 Samuel 14.5 Lamentations 4.10 Esaïe 49.15 1 Samuel 1.8
29 coximus ergo filium meum et comedimus dixique ei die altera da filium tuum ut comedamus eum quae abscondit filium suum
Lévitique 26.29 Deutéronome 28.53 Deutéronome 28.57 Esaïe 66.13 Esaïe 49.15
30 quod cum audisset rex scidit vestimenta sua et transiebat super murum viditque omnis populus cilicium quo vestitus erat ad carnem intrinsecus
1 Rois 21.27 Esaïe 58.5-58.7 2 Rois 5.7 2 Rois 19.1
31 et ait haec mihi faciat Deus et haec addat si steterit caput Helisei filii Saphat super eum hodie
1 Rois 19.2 Ruth 1.17 1 Rois 18.17 2 Samuel 19.13 Actes 23.12-23.13
32 Heliseus autem sedebat in domo sua et senes sedebant cum eo praemisit itaque virum et antequam veniret nuntius ille dixit ad senes numquid scitis quod miserit filius homicidae hic ut praecidatur caput meum videte ergo cum venerit nuntius cludite ostium et non sinatis eum introire ecce enim sonitus pedum domini eius post eum est
Ezéchiel 20.1 1 Rois 18.4 Ezéchiel 8.1 Ezéchiel 14.1 1 Rois 21.10
33 et adhuc illo loquente eis apparuit nuntius qui veniebat ad eum et ait ecce tantum malum a Domino est quid amplius expectabo a Domino
Job 2.9 Esaïe 8.21 Esaïe 26.3 Psaumes 27.14 Luc 18.1