Job 20.26
Vulgate

Intervention n° 2 de Tsophar

¹ respondens autem Sophar Naamathites dixit
Job 2.11 Job 11.1 Job 42.9
² idcirco cogitationes meae variae succedunt sibi et mens in diversa rapitur
Psaumes 31.22 Ecclésiaste 7.9 Proverbes 29.20 Romains 10.2 Psaumes 39.2-39.3
³ doctrinam qua me arguis audiam et spiritus intellegentiae meae respondebit mihi
Psaumes 49.3 Job 33.3 Job 27.11 Job 20.2 Psaumes 78.2-78.5
⁴ hoc scio a principio ex quo positus est homo super terram
Job 32.7 Psaumes 115.16 Job 15.10 Job 8.8-8.9 Genèse 1.28
⁵ quod laus impiorum brevis sit et gaudium hypocritae ad instar puncti
Psaumes 37.35-37.36 Job 8.12-8.13 Jacques 4.16 Psaumes 73.18-73.20 Exode 15.9-15.10
⁶ si ascenderit usque ad caelum superbia eius et caput eius nubes tetigerit
Esaïe 14.13-14.14 Abdias 1.3-1.4 Genèse 11.4 Amos 9.2 Daniel 4.22
⁷ quasi sterquilinium in fine perdetur et qui eum viderant dicent ubi est
Psaumes 83.10 2 Rois 9.37 Job 14.10 1 Rois 14.10 Job 4.20
⁸ velut somnium avolans non invenietur transiet sicut visio nocturna
Psaumes 73.20 Psaumes 90.5 Esaïe 29.7-29.8 Psaumes 18.10 Job 18.18
⁹ oculus qui eum viderat non videbit neque ultra intuebitur eum locus suus
Job 7.8 Job 7.10 Psaumes 37.10 Job 8.18 Psaumes 37.36
¹⁰ filii eius adterentur egestate et manus illius reddent ei dolorem suum
Job 20.18 Job 27.16-27.17 Exode 9.2 Exode 22.1 Job 5.4
¹¹ ossa eius implebuntur vitiis adulescentiae eius et cum eo in pulverem dormient
Job 21.26 Job 13.26 Psaumes 25.7 Jean 8.24 Ezéchiel 32.27
¹² cum enim dulce fuerit in ore eius malum abscondet illud sub lingua sua
Psaumes 10.7 Job 15.16 Proverbes 20.17 Psaumes 109.17-109.18 Genèse 3.6
¹³ parcet illi et non derelinquet illud et celabit in gutture suo
Marc 9.43-9.49 Matthieu 5.29-5.30 Nombres 11.18-11.20 Romains 8.13
¹⁴ panis eius in utero illius vertetur in fel aspidum intrinsecus
Psaumes 51.8-51.9 Malachie 2.2 Job 20.16 Proverbes 23.20-23.21 Proverbes 23.29-23.35
¹⁵ divitias quas devoravit evomet et de ventre illius extrahet eas Deus
Proverbes 23.8 Matthieu 27.3-27.4
¹⁶ caput aspidum suget occidet eum lingua viperae
Romains 3.13 Actes 28.3-28.6 Matthieu 3.7 Deutéronome 32.24 Esaïe 30.6
¹⁷ non videat rivulos fluminis torrentes mellis et butyri
Deutéronome 32.13-32.14 Job 29.6 2 Rois 7.2 2 Samuel 17.29 Nombres 14.23
¹⁸ luet quae fecit omnia nec tamen consumetur iuxta multitudinem adinventionum suarum sic et sustinebit
Job 20.15 Job 20.10 Jérémie 51.34 Osée 9.1 Matthieu 23.13
¹⁹ quoniam confringens nudavit pauperes domum rapuit et non aedificavit eam
Job 35.9 Proverbes 14.31 Proverbes 22.22-22.23 Michée 2.2 Job 31.38-31.39
²⁰ nec est satiatus venter eius et cum habuerit quae cupierat possidere non poterit
Ecclésiaste 5.13-5.14 Esaïe 57.20-57.21
²¹ non remansit de cibo eius et propterea nihil permanebit de bonis eius
Job 18.19 Luc 16.24-16.25 Job 15.29 Jérémie 17.11
²² cum satiatus fuerit artabitur aestuabit et omnis dolor inruet in eum
Job 3.17 Ecclésiaste 2.18-2.20 Esaïe 10.6 Apocalypse 18.7 Job 18.7
²³ utinam impleatur venter eius ut emittat in eum iram furoris sui et pluat super illum bellum suum
Psaumes 78.30-78.31 Nombres 11.33 Esaïe 21.4 Exode 9.23 Genèse 19.24
²⁴ fugiet arma ferrea et inruet in arcum aereum
Amos 5.19 Esaïe 24.18 2 Samuel 22.35 Proverbes 7.23 Jérémie 48.43-48.44
²⁵ eductus et egrediens de vagina sua et fulgurans in amaritudine sua vadent et venient super eum horribiles
Job 16.13 Job 18.11 Deutéronome 32.41 Job 6.4 Psaumes 7.12
²⁶ omnes tenebrae absconditae sunt in occultis eius devorabit eum ignis qui non succenditur adfligetur relictus in tabernaculo suo
Psaumes 21.9 Matthieu 8.12 Esaïe 8.22 Matthieu 3.12 Psaumes 120.4
²⁷ revelabunt caeli iniquitatem eius et terra consurget adversus eum
Job 16.18 Esaïe 26.21 Job 18.18 1 Corinthiens 4.5 Psaumes 44.20-44.21
²⁸ apertum erit germen domus illius detrahetur in die furoris Dei
Deutéronome 28.31 Jacques 5.1-5.3 Job 20.18-20.22 Job 21.30 Proverbes 11.4
²⁹ haec est pars hominis impii a Deo et hereditas verborum eius a Domino
Job 27.13 Job 31.2-31.3 Job 18.21 Lamentations 3.38 Deutéronome 29.20-29.28