Esaïe 5.19
Vulgate

Israël, vigne de l’Éternel

¹ cantabo dilecto meo canticum patruelis mei vineae suae vinea facta est dilecto meo in cornu filio olei
Psaumes 80.8 Marc 12.1 Luc 20.9 Matthieu 21.33 Jean 15.1
² et sepivit eam et lapides elegit ex illa et plantavit eam electam et aedificavit turrem in medio eius et torcular extruxit in ea et expectavit ut faceret uvas et fecit labruscas
Jérémie 2.21 Marc 11.13 Exode 33.16 Matthieu 21.19 Luc 20.10-20.18
³ nunc ergo habitator Hierusalem et vir Iuda iudicate inter me et inter vineam meam
Luc 20.15-20.16 Psaumes 50.4-50.6 Romains 2.5 Michée 6.2-6.3 Matthieu 21.40-21.41
⁴ quid est quod debui ultra facere vineae meae et non feci ei an quod expectavi ut faceret uvas et fecit labruscas
Matthieu 23.37 Actes 7.51-7.60 Jérémie 6.29-6.30 Ezéchiel 24.13 2 Chroniques 36.14-36.16
⁵ et nunc ostendam vobis quid ego faciam vineae meae auferam sepem eius et erit in direptionem diruam maceriam eius et erit in conculcationem
Esaïe 28.18 Lamentations 1.15 Luc 21.24 Esaïe 28.3 Esaïe 10.6
⁶ et ponam eam desertam non putabitur et non fodietur et ascendent vepres et spinae et nubibus mandabo ne pluant super eam imbrem
Esaïe 7.23-7.25 Esaïe 24.1-24.3 Jérémie 25.11 2 Chroniques 36.19-36.21 Deutéronome 29.23
⁷ vinea enim Domini exercituum domus Israhel et vir Iuda germen delectabile eius et expectavi ut faceret iudicium et ecce iniquitas et iustitiam et ecce clamor
Psaumes 80.8-80.11 Néhémie 5.1-5.5 Genèse 4.10 Esaïe 5.2 Sophonie 3.17
⁸ vae qui coniungitis domum ad domum et agrum agro copulatis usque ad terminum loci numquid habitabitis soli vos in medio terrae
Michée 2.2 Habakuk 2.9-2.12 Jérémie 22.13-22.17 1 Rois 21.16-21.20 Ezéchiel 11.15
⁹ in auribus meis sunt haec Domini exercituum nisi domus multae desertae fuerint grandes et pulchrae absque habitatore
Matthieu 23.38 Esaïe 22.14 2 Chroniques 36.21 Esaïe 27.10 Amos 6.11
¹⁰ decem enim iuga vinearum facient lagunculam unam et triginta modii sementis facient modios tres
Lévitique 26.26 Lévitique 27.16 Aggée 2.16 Joël 1.17 Aggée 1.6
¹¹ vae qui consurgitis mane ad ebrietatem sectandam et potandum usque ad vesperam ut vino aestuetis
Esaïe 5.22 Proverbes 23.29-23.30 Ecclésiaste 10.16-10.17 Esaïe 28.1 Esaïe 28.7-28.8
¹² cithara et lyra et tympanum et tibia et vinum in conviviis vestris et opus Domini non respicitis nec opera manuum eius consideratis
Psaumes 28.5 Job 34.27 Job 21.11-21.14 Jude 1.12 Luc 16.19
¹³ propterea captivus ductus est populus meus quia non habuit scientiam et nobiles eius interierunt fame et multitudo eius siti exaruit
Osée 4.6 Esaïe 1.3 Esaïe 27.11 Jérémie 14.3 Esaïe 1.7
¹⁴ propterea dilatavit infernus animam suam et aperuit os suum absque ullo termino et descendent fortes eius et populus eius et sublimes gloriosique eius ad eum
Habakuk 2.5 Apocalypse 20.13-20.15 Luc 21.34 Actes 12.21-12.23 Luc 16.20-16.23
¹⁵ et incurvabitur homo et humiliabitur vir et oculi sublimium deprimentur
Esaïe 2.9 Esaïe 2.11 Esaïe 37.23 Apocalypse 6.15-6.16 Daniel 4.37
¹⁶ et exaltabitur Dominus exercituum in iudicio et Deus sanctus sanctificabitur in iustitia
Psaumes 46.10 1 Pierre 2.15 Esaïe 29.23 Esaïe 8.13 1 Chroniques 29.11
¹⁷ et pascentur agni iuxta ordinem suum et deserta in ubertatem versa advenae comedent
Sophonie 2.6 Esaïe 7.25 Sophonie 2.14 Psaumes 119.70 Jérémie 5.28
¹⁸ vae qui trahitis iniquitatem in funiculis vanitatis et quasi vinculum plaustri peccatum
Jérémie 23.14 Jérémie 23.10 Ezéchiel 13.22 Psaumes 14.1 Esaïe 59.4-59.8
¹⁹ qui dicitis festinet et cito veniat opus eius ut videamus et adpropiet et veniat consilium Sancti Israhel et sciemus illud
Ezéchiel 12.22 Jérémie 23.36 Jérémie 17.15 2 Pierre 3.3-3.4 Jérémie 5.12-5.13
²⁰ vae qui dicitis malum bonum et bonum malum ponentes tenebras lucem et lucem tenebras ponentes amarum in dulce et dulce in amarum
Proverbes 17.15 Matthieu 6.22-6.23 Job 17.12 Luc 11.34-11.35 2 Timothée 3.1-3.5
²¹ vae qui sapientes estis in oculis vestris et coram vobismet ipsis prudentes
Proverbes 3.7 1 Corinthiens 3.18-3.20 Romains 12.16 Romains 11.25 Job 11.12
²² vae qui potentes estis ad bibendum vinum et viri fortes ad miscendam ebrietatem
Esaïe 5.11 Esaïe 28.7 Habakuk 2.15 Esaïe 56.12 Proverbes 23.19-23.20
²³ qui iustificatis impium pro muneribus et iustitiam iusti aufertis ab eo
Jacques 5.6 Psaumes 94.21 Esaïe 10.2 Michée 3.11 Michée 7.3
²⁴ propter hoc sicut devorat stipulam lingua ignis et calor flammae exurit sic radix eorum quasi favilla erit et germen eorum ut pulvis ascendet abiecerunt enim legem Domini exercituum et eloquium Sancti Israhel blasphemaverunt
Job 18.16 Joël 2.5 Esaïe 30.12 Exode 15.7 Esaïe 30.9
²⁵ ideo iratus est furor Domini in populo suo et extendit manum suam super eum et percussit eum et conturbati sunt montes et facta sunt morticina eorum quasi stercus in medio platearum in omnibus his non est aversus furor eius sed adhuc manus eius extenta
2 Rois 9.37 Esaïe 9.21 Esaïe 9.17 Esaïe 10.4 Jérémie 4.24
²⁶ et levabit signum nationibus procul et sibilabit ad eum de finibus terrae et ecce festinus velociter veniet
Zacharie 10.8 Esaïe 7.18 Deutéronome 28.49 Esaïe 18.3 Esaïe 11.12
²⁷ non est deficiens neque laborans in eo non dormitabit neque dormiet neque solvetur cingulum renum eius nec rumpetur corrigia calciamenti eius
Joël 2.7-2.8 Job 12.18 Psaumes 93.1 Psaumes 18.32 Esaïe 45.1
²⁸ sagittae eius acutae et omnes arcus eius extenti ungulae equorum eius ut silex et rotae eius quasi impetus tempestatis
Psaumes 45.5 Psaumes 7.12-7.13 Jérémie 47.3 Jérémie 5.16 Ezéchiel 21.9-21.11
²⁹ rugitus eius ut leonis rugiet ut catuli leonum et frendet et tenebit praedam et amplexabitur et non erit qui eruat
Esaïe 42.22 Esaïe 49.24-49.25 Michée 5.8 Zacharie 11.3 Genèse 49.9
³⁰ et sonabit super eum in die illa sicut sonitus maris aspiciemus in terram et ecce tenebrae tribulationis et lux obtenebrata est in caligine eius
Esaïe 8.22 Joël 2.10 Jérémie 4.23-4.28 Jérémie 6.23 Luc 21.25-21.26