Jérémie 46
Vulgate

Prophéties sur les nations

Prophétie sur l’Égypte

1 quod factum est verbum Domini ad Hieremiam prophetam contra gentes
Jérémie 1.10 Nombres 23.9 Jérémie 4.7 Zacharie 2.8 Romains 3.29
2 ad Aegyptum adversum exercitum Pharaonis Nechao regis Aegypti qui erat iuxta flumen Eufraten in Charchamis quem percussit Nabuchodonosor rex Babylonis in quarto anno Ioachim filii Iosiae regis Iuda
2 Rois 23.29 Jérémie 45.1 Jérémie 46.14 Jérémie 25.1 Ezéchiel 29.1-29.21
3 praeparate scutum et clypeum et procedite ad bellum
Esaïe 21.5 Nahum 3.14 Joël 3.9 Nahum 2.1 Jérémie 51.11-51.12
4 iungite equos et ascendite equites state in galeis polite lanceas induite vos loricis
Ezéchiel 21.9-21.11 Jérémie 51.3 Ezéchiel 21.28 1 Samuel 17.38 Néhémie 4.16
5 quid igitur vidi ipsos pavidos et terga vertentes fortes eorum caesos fugerunt conciti nec respexerunt terror undique ait Dominus
Jérémie 6.25 Jérémie 49.29 Jérémie 46.21 Jérémie 20.3-20.4 Apocalypse 6.15-6.17
6 non fugiat velox nec salvari se putet fortis ad aquilonem iuxta flumen Eufraten victi sunt et ruerunt
Daniel 11.19 Jérémie 46.12 Psaumes 33.16-33.17 Jérémie 46.10 Jérémie 4.6
7 quis est iste qui quasi flumen ascendit et veluti fluviorum intumescunt gurgites eius
Jérémie 47.2 Daniel 11.22 Esaïe 8.7-8.8 Cantique 3.6 Apocalypse 12.15
8 Aegyptus fluminis instar ascendet et velut flumina movebuntur fluctus eius et dicet ascendens operiam terram perdam civitatem et habitatores eius
Esaïe 10.13-10.16 Ezéchiel 32.2 Esaïe 37.24-37.26 Ezéchiel 29.3 Exode 15.9-15.10
9 ascendite equos et exultate in curribus et procedant fortes Aethiopia et Lybies tenentes scutum et Lydii arripientes et iacientes sagittas
Esaïe 66.19 Ezéchiel 27.10 Nahum 3.9 Genèse 10.13 1 Chroniques 1.11
10 dies autem ille Domini Dei exercituum dies ultionis ut sumat vindictam de inimicis suis devorabit gladius et saturabitur et inebriabitur sanguine eorum victima enim Domini exercituum in terra aquilonis iuxta flumen Eufraten
Joël 1.15 Deutéronome 32.42 Jérémie 46.2 Jérémie 46.6 Apocalypse 19.17-19.21
11 ascende in Galaad et tolle resinam virgo filia Aegypti frustra multiplicas medicamina sanitas non erit tibi
Jérémie 8.22 Esaïe 47.1 Michée 1.9 Nahum 3.19 Ezéchiel 27.17
12 audierunt gentes ignominiam tuam et ululatus tuus replevit terram quia fortis inpegit in fortem ambo pariter conciderunt
Nahum 3.8-3.10 Jérémie 46.6 Esaïe 19.2 Jérémie 14.2 Jérémie 49.21
13 verbum quod locutus est Dominus ad Hieremiam prophetam super eo quod venturus esset Nabuchodonosor rex Babylonis et percussurus terram Aegypti
Jérémie 44.30 Jérémie 43.10-43.13 Esaïe 19.1-19.25 Esaïe 29.1-29.24
14 adnuntiate Aegypto et auditum facite Magdolo et resonet in Memphis et in Tafnis dicite sta et praepara te quia devoravit gladius ea quae per circuitum tuum sunt
Jérémie 44.1 Jérémie 46.10 Jérémie 43.8-43.9 Jérémie 2.30 Esaïe 1.20
15 quare conputruit fortis tuus non stetit quoniam Dominus subvertit eum
Esaïe 66.15-66.16 Psaumes 18.14 Jérémie 46.5 Psaumes 18.39 Psaumes 68.2
16 multiplicavit ruentes ceciditque vir ad proximum suum et dicent surge et revertamur ad populum nostrum et ad terram nativitatis nostrae a facie gladii columbae
Jérémie 51.9 Lévitique 26.36-26.37 Jérémie 50.16 Jérémie 46.21 Jérémie 46.6
17 vocate nomen Pharao regis Aegypti Tumultum adduxit tempus
Esaïe 19.11-19.16 1 Rois 20.10 Exode 15.9 1 Rois 20.18 Ezéchiel 31.18
18 vivo ego inquit Rex Dominus exercituum nomen eius quoniam sicut Thabor in montibus et sicut Carmelus in mari veniet
Jérémie 48.15 Josué 19.22 Juges 4.6 Esaïe 48.2 Malachie 1.14
19 vasa transmigrationis fac tibi habitatrix filia Aegypti quia Memphis in solitudinem erit et deseretur inhabitabilis
Esaïe 20.4 Jérémie 48.18 Ezéchiel 30.13 Jérémie 44.1 Jérémie 26.9
20 vitula eligans atque formonsa Aegyptus stimulator ab aquilone veniet ei
Jérémie 47.2 Osée 10.11 Jérémie 46.6 Jérémie 46.10 Jérémie 1.14
21 mercennarii quoque eius qui versabantur in medio eius quasi vituli saginati versi sunt et fugerunt simul nec stare potuerunt quia dies interfectionis eorum venit super eos tempus visitationis eorum
Jérémie 46.5 2 Rois 7.6 Abdias 1.13 Esaïe 34.7 Psaumes 37.13
22 vox eius quasi aeris sonabit quoniam cum exercitu properabunt et cum securibus venient ei quasi ligna caedentes
Esaïe 29.4 Esaïe 14.8 Michée 1.8 Esaïe 37.24 Zacharie 11.2
23 succiderunt saltum eius ait Dominus qui supputari non potest multiplicati sunt super lucustas et non est eis numerus
Juges 7.12 Juges 6.5 Joël 2.25 Esaïe 10.18 Ezéchiel 20.46
24 confusa est filia Aegypti et tradita in manu populi aquilonis
Jérémie 1.15 Jérémie 46.11 Psaumes 137.8 Jérémie 46.19-46.20 Ezéchiel 29.1-29.21
25 dixit Dominus exercituum Deus Israhel ecce ego visitabo super tumultum Alexandriae et super Pharao et super Aegyptum et super deos eius et super reges eius et super Pharao et super eos qui confidunt in eo
Esaïe 20.5-20.6 Exode 12.12 Sophonie 2.11 Jérémie 43.12-43.13 Ezéchiel 32.9-32.12
26 et dabo eos in manu quaerentium animam eorum et in manu Nabuchodonosor regis Babylonis et in manu servorum eius et post haec habitabitur sicut diebus pristinis ait Dominus
Ezéchiel 32.11 Jérémie 44.30 Ezéchiel 29.8-29.14 Jérémie 48.47 Jérémie 49.39
27 et tu ne timeas serve meus Iacob et ne paveas Israhel quia ecce ego salvum te faciam de longinquo et semen tuum de terra captivitatis suae et revertetur Iacob et quiescet et prosperabitur et non erit qui exterreat eum
Jérémie 30.10-30.11 Jérémie 50.19 Esaïe 43.5 Esaïe 41.13-41.14 Jérémie 23.3-23.4
28 et tu noli timere serve meus Iacob ait Dominus quia tecum ego sum quia consumam ego cunctas gentes ad quas eieci te te vero non consumam sed castigabo te in iudicio nec quasi innocenti parcam tibi
Jérémie 4.27 Jérémie 10.24 Jérémie 30.11 Hébreux 12.5-12.10 1 Corinthiens 11.32