Ezéchiel 37.4
Vulgate

Réunion d’Israël et de Juda

¹ facta est super me manus Domini et eduxit me in spiritu Domini et dimisit me in medio campi qui erat plenus ossibus
Ezéchiel 1.3 Ezéchiel 3.22 Jérémie 8.2 Ezéchiel 33.22 Ezéchiel 40.1
² et circumduxit me per ea in gyro erant autem multa valde super faciem campi siccaque vehementer
Psaumes 141.7 Ezéchiel 37.11 Deutéronome 11.30
³ et dixit ad me fili hominis putasne vivent ossa ista et dixi Domine Deus tu nosti
Jean 5.21 Jean 11.25-11.26 Deutéronome 32.39 1 Samuel 2.6 Actes 26.8
⁴ et dixit ad me vaticinare de ossibus istis et dices eis ossa arida audite verbum Domini
Jean 5.28-5.29 Ezéchiel 36.1 Jean 5.25 Jérémie 22.29 Jean 2.5
⁵ haec dicit Dominus Deus ossibus his ecce ego intromittam in vos spiritum et vivetis
Genèse 2.7 Psaumes 104.29-104.30 Jean 20.22 Ezéchiel 37.9-37.10 Ezéchiel 37.14
⁶ et dabo super vos nervos et succrescere faciam super vos carnes et superextendam in vobis cutem et dabo vobis spiritum et vivetis et scietis quia ego Dominus
Joël 2.27 Joël 3.17 Ezéchiel 34.27 Ezéchiel 39.6 Ezéchiel 38.23
⁷ et prophetavi sicut praeceperat mihi factus est autem sonitus prophetante me et ecce commotio et accesserunt ossa ad ossa unumquodque ad iuncturam suam
Actes 5.20-5.29 Actes 4.19 1 Rois 19.11-19.13 Actes 16.26-16.29 Jérémie 26.8
⁸ et vidi et ecce super ea nervi et carnes ascenderunt et extenta est in eis cutis desuper et spiritum non habebant
⁹ et dixit ad me vaticinare ad spiritum vaticinare fili hominis et dices ad spiritum haec dicit Dominus Deus a quattuor ventis veni spiritus et insufla super interfectos istos et revivescant
Jean 3.8 Psaumes 104.30 Ezéchiel 37.14 Ezéchiel 37.5 Cantique 4.16
¹⁰ et prophetavi sicut praeceperat mihi et ingressus est in ea spiritus et vixerunt steteruntque super pedes suos exercitus grandis nimis valde
Apocalypse 11.11 Psaumes 104.30 Apocalypse 20.4-20.5
¹¹ et dixit ad me fili hominis ossa haec universa domus Israhel est ipsi dicunt aruerunt ossa nostra et periit spes nostra et abscisi sumus
Ezéchiel 36.10 Ezéchiel 39.25 Psaumes 77.7-77.9 Ephésiens 2.1 Esaïe 49.14
¹² propterea vaticinare et dices ad eos haec dicit Dominus Deus ecce ego aperiam tumulos vestros et educam vos de sepulchris vestris populus meus et inducam vos in terram Israhel
Esaïe 26.19 Osée 13.14 Esaïe 66.14 Ezéchiel 37.21 Ezéchiel 36.24
¹³ et scietis quia ego Dominus cum aperuero sepulchra vestra et eduxero vos de tumulis vestris populus meus
Psaumes 126.2-126.3 Ezéchiel 16.62 Ezéchiel 37.6
¹⁴ et dedero spiritum meum in vobis et vixeritis et requiescere vos faciam super humum vestram et scietis quia ego Dominus locutus sum et feci ait Dominus Deus
Ezéchiel 36.27 Ezéchiel 39.29 Ezéchiel 17.24 Joël 2.28-2.29 Ezéchiel 11.19
¹⁵ et factus est sermo Domini ad me dicens
¹⁶ et tu fili hominis sume tibi lignum unum et scribe super illud Iudae et filiorum Israhel sociis eius et tolle lignum alterum et scribe super eum Ioseph lignum Ephraim et cunctae domui Israhel sociorumque eius
2 Chroniques 15.9 Nombres 17.2-17.3 2 Chroniques 10.17 2 Chroniques 10.19 2 Chroniques 11.11-11.17
¹⁷ et adiunge illa unum ad alterum tibi in lignum unum et erunt in unionem in manu tua
Esaïe 11.13 Jérémie 50.4 Osée 1.11 Ezéchiel 37.22-37.24 Sophonie 3.9
¹⁸ cum autem dixerint ad te filii populi tui loquentes nonne indicas nobis quid in his tibi velis
Ezéchiel 12.9 Ezéchiel 24.19 Ezéchiel 20.49 Ezéchiel 17.12
¹⁹ loqueris ad eos haec dicit Dominus Deus ecce ego adsumam lignum Ioseph quod est in manu Ephraim et tribus Israhel quae iunctae sunt ei et dabo eas pariter cum ligno Iuda et faciam eas in lignum unum et erunt unum in manu eius
Zacharie 10.6 Ezéchiel 37.16-37.17 1 Chroniques 9.1-9.3 Colossiens 3.11 Ephésiens 2.13-2.14
²⁰ erunt autem ligna super quae scripseris in manu tua in oculis eorum
Ezéchiel 12.3 Nombres 17.6-17.9 Osée 12.10
²¹ et dices ad eos haec dicit Dominus Deus ecce ego adsumam filios Israhel de medio nationum ad quas abierunt et congregabo eos undique et adducam eos ad humum suam
Ezéchiel 36.24 Abdias 1.17-1.21 Jérémie 29.14 Amos 9.14-9.15 Esaïe 43.5-43.6
²² et faciam eos gentem unam in terra in montibus Israhel et rex unus erit omnibus imperans et non erunt ultra duae gentes nec dividentur amplius in duo regna
Ezéchiel 37.24 Jérémie 3.18 Jérémie 50.4 Ezéchiel 34.23-34.24 Osée 1.11
²³ neque polluentur ultra in idolis suis et abominationibus suis et in cunctis iniquitatibus suis et salvos eos faciam de universis sedibus suis in quibus peccaverunt et mundabo eos et erunt mihi populus et ego ero eis Deus
Ezéchiel 36.28-36.29 Ezéchiel 36.24-36.25 Apocalypse 21.7 Ezéchiel 20.43 Ezéchiel 39.22
²⁴ et servus meus David rex super eos et pastor unus erit omnium eorum in iudiciis meis ambulabunt et mandata mea custodient et facient ea
Osée 3.5 Esaïe 40.11 Ezéchiel 36.27 Ezéchiel 34.23-34.24 Jérémie 30.9
²⁵ et habitabunt super terram quam dedi servo meo Iacob in qua habitaverunt patres vestri et habitabunt super eam ipsi et filii eorum et filii filiorum eorum usque in sempiternum et David servus meus princeps eorum in perpetuum
Amos 9.15 Ezéchiel 28.25 Ezéchiel 37.24 Ezéchiel 37.26 Esaïe 60.21
²⁶ et percutiam illis foedus pacis pactum sempiternum erit eis et fundabo eos et multiplicabo et dabo sanctificationem meam in medio eorum in perpetuum
Esaïe 55.3 Ezéchiel 36.10 Ezéchiel 43.7 Jérémie 30.19 Ezéchiel 34.25
²⁷ et erit tabernaculum meum in eis et ero eis Deus et ipsi erunt mihi populus
Apocalypse 21.3 Jean 1.14 Ezéchiel 37.23 Ezéchiel 36.28 Lévitique 26.11-26.12
²⁸ et scient gentes quia ego Dominus sanctificator Israhel cum fuerit sanctificatio mea in medio eorum in perpetuum
Ezéchiel 20.12 Exode 31.13 Ezéchiel 36.23 Lévitique 21.8 Psaumes 102.15