1 Samuel 30
Vulgate

Victoire de David sur les Amalécites

1 cumque venissent David et viri eius in Siceleg die tertia Amalechitae impetum fecerant ex parte australi in Siceleg et percusserant Siceleg et succenderant eam igni
1 Samuel 15.7 1 Samuel 29.11 1 Samuel 27.8-27.10 1 Samuel 29.4 2 Samuel 1.2
2 et captivas duxerant mulieres ex ea et a minimo usque ad magnum et non interfecerant quemquam sed secum duxerant et pergebant in itinere suo
1 Samuel 27.11 Job 38.11 Esaïe 27.8-27.9 Psaumes 76.10 1 Samuel 30.19
3 cum ergo venisset David et viri eius ad civitatem et invenissent eam succensam igni et uxores suas et filios suos et filias ductas esse captivas
1 Pierre 1.6-1.7 Apocalypse 3.9 Hébreux 12.6 Psaumes 34.19
4 levaverunt David et populus qui erat cum eo voces suas et planxerunt donec deficerent in eis lacrimae
Nombres 14.1 1 Samuel 4.13 Esdras 10.1 Juges 21.2 Genèse 37.33-37.35
5 siquidem et duae uxores David captivae ductae fuerant Ahinoem Iezrahelites et Abigail uxor Nabal Carmeli
2 Samuel 2.2 1 Samuel 25.42-25.43 1 Samuel 27.3 2 Samuel 3.2-3.3 1 Samuel 1.2
6 et contristatus est David valde volebat enim eum populus lapidare quia amara erat anima uniuscuiusque viri super filiis suis et filiabus confortatus est autem David in Domino Deo suo
Psaumes 56.3-56.4 Psaumes 25.17 Psaumes 56.11 Psaumes 18.6 Psaumes 116.3-116.4
7 et ait ad Abiathar sacerdotem filium Ahimelech adplica ad me ephod et adplicuit Abiathar ephod ad David
1 Samuel 22.20-22.21 1 Rois 2.26 Marc 2.26 1 Samuel 23.2-23.9
8 et consuluit David Dominum dicens persequar an non latrunculos hos et conprehendam eos dixitque ei persequere absque dubio enim conprehendes eos et excuties praedam
1 Samuel 30.18 1 Samuel 23.2 2 Samuel 5.19 2 Samuel 5.23 1 Samuel 23.10-23.12
9 abiit ergo David ipse et sescenti viri qui erant cum eo et venerunt usque ad torrentem Besor et lassi quidam substiterunt
1 Samuel 27.2
10 persecutus est autem David ipse et quadringenti viri substiterant enim ducenti qui lassi transire non poterant torrentem Besor
1 Samuel 30.21 1 Samuel 30.9 1 Samuel 14.31 Juges 8.4-8.5 1 Samuel 14.20
11 et invenerunt virum aegyptium in agro et adduxerunt eum ad David dederuntque ei panem ut comederet et ut biberet aquam
Romains 12.20-12.21 Luc 10.36-10.37 Deutéronome 15.7-15.11 Deutéronome 23.7 Proverbes 25.21
12 sed et fragmen massae caricarum et duas ligaturas uvae passae quae cum comedisset reversus est spiritus eius et refocilatus est non enim comederat panem neque biberat aquam tribus diebus et tribus noctibus
Juges 15.19 1 Samuel 14.27 Matthieu 27.63 Jonas 1.17 Esaïe 40.29-40.31
13 dixit itaque ei David cuius es tu vel unde quo pergis qui ait ei puer aegyptius ego sum servus viri amalechitae dereliquit autem me dominus meus quia aegrotare coepi nudius tertius
Proverbes 12.10 Job 31.13-31.15 Jacques 2.13
14 siquidem nos erupimus ad australem partem Cerethi et contra Iudam et ad meridiem Chaleb et Siceleg succendimus igni
Sophonie 2.5 2 Samuel 8.18 Ezéchiel 25.16 1 Rois 1.44 1 Rois 1.38
15 dixitque ei David potes me ducere ad istum cuneum qui ait iura mihi per Deum quod non occidas me et non tradas me in manu domini mei et ducam te ad cuneum istum
Ezéchiel 17.16 Ezéchiel 17.19 Josué 9.15 Josué 9.19-9.20 1 Samuel 29.6
16 qui cum duxisset eum ecce illi discumbebant super faciem universae terrae comedentes et bibentes et quasi festum celebrantes diem pro cuncta praeda et spoliis quae ceperant de terra Philisthim et de terra Iuda
Exode 32.27-32.28 Juges 1.24-1.25 Job 20.5 Juges 16.23-16.30 Exode 32.17-32.19
17 et percussit eos David a vespere usque ad vesperam alterius diei et non evasit ex eis quisquam nisi quadringenti viri adulescentes qui ascenderant camelos et fugerant
1 Samuel 11.11 Psaumes 18.42 Juges 4.16 1 Samuel 15.3 1 Rois 20.29-20.30
18 eruit ergo David omnia quae tulerant Amalechitae et duas uxores suas eruit
Genèse 14.16
19 nec defuit quicquam a parvo usque ad magnum tam de filiis quam de filiabus et de spoliis et quaecumque rapuerant omnia reduxit David
Genèse 14.14-14.16 Psaumes 34.9-34.10 Psaumes 91.9-91.10 1 Samuel 30.8 Matthieu 6.33
20 et tulit universos greges et armenta et minavit ante faciem suam dixeruntque haec est praeda David
1 Samuel 30.26 Nombres 31.9-31.12 Romains 8.37 Esaïe 53.12 2 Chroniques 20.25
21 venit autem David ad ducentos viros qui lassi substiterant nec sequi potuerant David et residere eos iusserat in torrente Besor qui egressi sunt obviam David et populo qui erat cum eo accedens autem David ad populum salutavit eos pacifice
Hébreux 13.1 1 Samuel 30.10 Juges 8.15 1 Pierre 3.8
22 respondensque omnis vir pessimus et iniquus de viris qui ierant cum David dixit quia non venerunt nobiscum non dabimus eis quicquam de praeda quam eruimus sed sufficiat unicuique uxor sua et filii quos cum acceperint recedant
Matthieu 7.12 Deutéronome 13.13 1 Samuel 25.17 1 Samuel 25.25 1 Rois 21.10
23 dixit autem David non sic facietis fratres mei de his quae tradidit Dominus nobis et custodivit nos et dedit latrunculos qui eruperant adversum nos in manu nostra
Actes 22.1 1 Chroniques 29.12-29.14 Juges 19.23 Actes 7.2 Genèse 19.7
24 nec audiet vos quisquam super sermone hoc aequa enim pars erit descendentis ad proelium et remanentis ad sarcinas et similiter divident
Nombres 31.27 Josué 22.8 1 Samuel 25.13 Psaumes 68.12
25 et factum est hoc ex die illa et deinceps constitutum et praefinitum et quasi lex in Israhel usque ad diem hanc
1 Samuel 16.13
26 venit ergo David in Siceleg et misit dona de praeda senioribus Iuda proximis suis dicens accipite benedictionem de praeda hostium Domini
1 Samuel 25.27 2 Corinthiens 9.5 Psaumes 35.27 Psaumes 68.18 2 Rois 5.15
27 his qui erant in Bethel et qui in Ramoth ad meridiem et qui in Iether
Josué 15.48 Josué 19.8 Josué 21.14 Juges 1.22-1.23 Genèse 28.19
28 et qui in Aroer et qui in Sefamoth et qui in Esthama
Josué 13.16 Josué 15.50 Josué 21.14
29 et qui in Rachal et qui in urbibus Ierameli et qui in urbibus Ceni
1 Samuel 27.10 Juges 1.16 1 Samuel 23.19 1 Samuel 15.6
30 et qui in Arama et qui in lacu Asan et qui in Athac
Juges 1.17 Josué 19.4 Nombres 14.45 Josué 15.42
31 et qui in Hebron et reliquis qui erant in his locis in quibus commoratus fuerat David ipse et viri eius
2 Samuel 2.1 2 Samuel 2.4 Josué 14.13-14.15 2 Samuel 15.10 2 Samuel 4.1