Job 19
Biblia Hebraica Stuttgartensia

¹ וַיַּ֥עַן אִיֹּ֗וב וַיֹּאמַֽר׃ ² עַד־אָ֭נָה תֹּוגְי֣וּן נַפְשִׁ֑י וּֽתְדַכְּאוּנַ֥נִי בְמִלִּֽים׃ Psaumes 64.3 Psaumes 59.7 2 Pierre 2.7-2.8 Psaumes 6.2-6.3 Psaumes 13.1
³ זֶ֤ה עֶ֣שֶׂר פְּ֭עָמִים תַּכְלִימ֑וּנִי לֹֽא־תֵ֝בֹ֗שׁוּ תַּהְכְּרוּ־לִֽי׃ Genèse 31.7 Psaumes 69.8 Job 15.11-15.12 Daniel 1.20 Job 19.17
⁴ וְאַף־אָמְנָ֥ם שָׁגִ֑יתִי אִ֝תִּ֗י תָּלִ֥ין מְשׁוּגָתִֽי׃ Proverbes 9.12 Galates 6.5 2 Samuel 24.17 Job 11.3-11.6 2 Corinthiens 5.10
⁵ אִם־אָ֭מְנָם עָלַ֣י תַּגְדִּ֑ילוּ וְתֹוכִ֥יחוּ עָ֝לַ֗י חֶרְפָּתִּֽי׃ Psaumes 55.12 Psaumes 35.26 Psaumes 38.16 Esaïe 4.1 Michée 7.8
⁶ דְּֽעוּ־אֵ֭פֹו כִּי־אֱלֹ֣והַּ עִוְּתָ֑נִי וּ֝מְצוּדֹ֗ו עָלַ֥י הִקִּֽיף׃ Job 18.8-18.10 Lamentations 1.12-1.13 Job 27.2 Osée 7.12 Ezéchiel 12.13
⁷ הֵ֤ן אֶצְעַ֣ק חָ֭מָס וְלֹ֣א אֵעָנֶ֑ה אֲ֝שַׁוַּ֗ע וְאֵ֣ין מִשְׁפָּֽט׃ Habakuk 1.2-1.3 Lamentations 3.8 Job 30.20 Job 31.35-31.36 Job 34.5
⁸ אָרְחִ֣י גָ֭דַר וְלֹ֣א אֶעֱבֹ֑ור וְעַ֥ל נְ֝תִיבֹותַ֗י חֹ֣שֶׁךְ יָשִֽׂים׃ Lamentations 3.7 Job 3.23 Lamentations 3.9 Osée 2.6 Jean 8.12
⁹ כְּ֭בֹודִי מֵעָלַ֣י הִפְשִׁ֑יט וַ֝יָּ֗סַר עֲטֶ֣רֶת רֹאשִֽׁי׃ Psaumes 89.44 Job 29.7-29.14 Lamentations 5.16 Psaumes 89.39 Osée 9.11
¹⁰ יִתְּצֵ֣נִי סָ֭בִיב וָאֵלַ֑ךְ וַיַּסַּ֥ע כָּ֝עֵ֗ץ תִּקְוָתִֽי׃ Job 24.20 Psaumes 37.35-37.36 Job 12.14 Job 17.11 Job 2.7
¹¹ וַיַּ֣חַר עָלַ֣י אַפֹּ֑ו וַיַּחְשְׁבֵ֖נִי לֹ֣ו כְצָרָֽיו׃ Job 13.24 Job 33.10 Job 16.9 Deutéronome 32.22 Psaumes 89.46
¹² יַ֤חַד׀ יָ֘בֹ֤אוּ גְדוּדָ֗יו וַיָּסֹ֣לּוּ עָלַ֣י דַּרְכָּ֑ם וַיַּחֲנ֖וּ סָבִ֣יב לְאָהֳלִֽי׃ Job 30.12 Esaïe 10.5-10.6 Job 16.11 Esaïe 51.23 Job 16.13
¹³ אַ֭חַי מֵעָלַ֣י הִרְחִ֑יק וְ֝יֹדְעַ֗י אַךְ־זָ֥רוּ מִמֶּֽנִּי׃ Psaumes 88.8 Psaumes 69.8 Psaumes 88.18 Psaumes 31.11 Matthieu 26.56
¹⁴ חָדְל֥וּ קְרֹובָ֑י וּֽמְיֻדָּעַ֥י שְׁכֵחֽוּנִי׃ Psaumes 38.11 Proverbes 18.24 Matthieu 10.21 2 Samuel 16.23 Jérémie 20.10
¹⁵ גָּ֘רֵ֤י בֵיתִ֣י וְ֭אַמְהֹתַי לְזָ֣ר תַּחְשְׁבֻ֑נִי נָ֝כְרִ֗י הָיִ֥יתִי בְעֵינֵיהֶֽם׃ Psaumes 123.3 Job 31.31-31.32
¹⁶ לְעַבְדִּ֣י קָ֭רָאתִי וְלֹ֣א יַעֲנֶ֑ה בְּמֹו־פִ֝֗י אֶתְחַנֶּן־לֹֽו׃ Job 1.15-1.17 Job 1.19
¹⁷ ר֭וּחִֽי זָ֣רָה לְאִשְׁתִּ֑י וְ֝חַנֹּתִ֗י לִבְנֵ֥י בִטְנִֽי׃ Job 2.9-2.10 Job 17.1
¹⁸ גַּם־עֲ֭וִילִים מָ֣אֲסוּ בִ֑י אָ֝ק֗וּמָה וַיְדַבְּרוּ־בִֽי׃ 2 Rois 2.23 Job 30.1 Job 30.12 Esaïe 3.5
¹⁹ תִּֽ֭עֲבוּנִי כָּל־מְתֵ֣י סֹודִ֑י וְזֶֽה־אָ֝הַ֗בְתִּי נֶהְפְּכוּ־בִֽי׃ Psaumes 41.9 Luc 22.48 Psaumes 55.12-55.14 Psaumes 109.4-109.5 Psaumes 38.11
²⁰ בְּעֹורִ֣י וּ֭בִבְשָׂרִי דָּבְקָ֣ה עַצְמִ֑י וָ֝אֶתְמַלְּטָ֗ה בְּעֹ֣ור שִׁנָּֽי׃ Psaumes 102.5 Lamentations 4.8 Job 33.19-33.22 Job 7.5 Lamentations 3.4
²¹ חָנֻּ֬נִי חָנֻּ֣נִי אַתֶּ֣ם רֵעָ֑י כִּ֥י יַד־אֱ֝לֹ֗והַּ נָ֣גְעָה בִּֽי׃ Job 1.11 Psaumes 38.2 1 Corinthiens 12.26 Romains 12.15 Job 2.10
²² לָ֭מָּה תִּרְדְּפֻ֣נִי כְמֹו־אֵ֑ל וּ֝מִבְּשָׂרִ֗י לֹ֣א תִשְׂבָּֽעוּ׃ Psaumes 69.26 Job 13.25 Job 16.13-16.14 Esaïe 51.23 Job 16.11
²³ מִֽי־יִתֵּ֣ן אֵ֭פֹו וְיִכָּתְב֣וּן מִלָּ֑י מִֽי־יִתֵּ֖ן בַּסֵּ֣פֶר וְיֻחָֽקוּ׃ Esaïe 30.8 Job 31.35 Esaïe 8.1
²⁴ בְּעֵט־בַּרְזֶ֥ל וְעֹפָ֑רֶת לָ֝עַ֗ד בַּצּ֥וּר יֵחָצְבֽוּן׃ Jérémie 17.1 Deutéronome 27.2-27.3 Deutéronome 27.8 Exode 28.11-28.12 Exode 32.16
²⁵ וַאֲנִ֣י יָ֭דַעְתִּי גֹּ֣אֲלִי חָ֑י וְ֝אַחֲרֹ֗ון עַל־עָפָ֥ר יָקֽוּם׃ Esaïe 43.14 Psaumes 78.35 Esaïe 54.5 Proverbes 23.11 Psaumes 19.14
²⁶ וְאַחַ֣ר עֹ֖ורִֽי נִקְּפוּ־זֹ֑את וּ֝מִבְּשָׂרִ֗י אֶֽחֱזֶ֥ה אֱלֹֽוהַּ׃ Psaumes 17.15 1 Jean 3.2 1 Corinthiens 13.12 Matthieu 5.8 Psaumes 16.9
²⁷ אֲשֶׁ֤ר אֲנִ֨י׀ אֶֽחֱזֶה־לִּ֗י וְעֵינַ֣י רָא֣וּ וְלֹא־זָ֑ר כָּל֖וּ כִלְיֹתַ֣י בְּחֵקִֽי׃ Psaumes 73.26 Nombres 24.17 Esaïe 26.19
²⁸ כִּ֣י תֹ֖אמְרוּ מַה־נִּרְדָּף־לֹ֑ו וְשֹׁ֥רֶשׁ דָּ֝בָ֗ר נִמְצָא־בִֽי׃ Job 19.22 Psaumes 69.26 1 Rois 14.13
²⁹ גּ֤וּרוּ לָכֶ֨ם׀ מִפְּנֵי־חֶ֗רֶב כִּֽי־חֵ֭מָה עֲוֹנֹ֣ות חָ֑רֶב לְמַ֖עַן תֵּדְע֣וּן שַׁדּֽוּן׃ Psaumes 9.7 Job 15.22 Psaumes 1.5 Job 22.4 Romains 13.1-13.4