Job 21
Biblia Hebraica Stuttgartensia

¹ וַיַּ֥עַן אִיֹּ֗וב וַיֹּאמַֽר׃ ² שִׁמְע֣וּ שָׁ֭מֹועַ מִלָּתִ֑י וּתְהִי־זֹ֝֗את תַּנְח֥וּמֹֽתֵיכֶֽם׃ Job 34.2 Job 33.31-33.33 Job 18.2 Hébreux 2.1 Esaïe 55.2
³ שָׂ֭אוּנִי וְאָנֹכִ֣י אֲדַבֵּ֑ר וְאַחַ֖ר דַּבְּרִ֣י תַלְעִֽיג׃ Job 16.10 Job 17.2 Job 16.20 Job 12.4-12.5 Job 13.9
⁴ הֶ֭אָנֹכִי לְאָדָ֣ם שִׂיחִ֑י וְאִם־מַ֝דּ֗וּעַ לֹא־תִקְצַ֥ר רוּחִֽי׃ 1 Samuel 1.16 Psaumes 42.11 Psaumes 102.1 Matthieu 26.38 Psaumes 77.3-77.9
⁵ פְּנוּ־אֵלַ֥י וְהָשַׁ֑מּוּ וְשִׂ֖ימוּ יָ֣ד עַל־פֶּֽה׃ Job 40.4 Juges 18.19 Job 29.9 Proverbes 30.32 Psaumes 39.9
⁶ וְאִם־זָכַ֥רְתִּי וְנִבְהָ֑לְתִּי וְאָחַ֥ז בְּ֝שָׂרִ֗י פַּלָּצֽוּת׃ Lamentations 3.19-3.20 Psaumes 119.120 Psaumes 88.15 Psaumes 77.3 Habakuk 3.16
⁷ מַדּ֣וּעַ רְשָׁעִ֣ים יִחְי֑וּ עָ֝תְק֗וּ גַּם־גָּ֥בְרוּ חָֽיִל׃ Job 12.6 Habakuk 1.13 Psaumes 73.3-73.12 Jérémie 12.1-12.3 Psaumes 37.35
⁸ זַרְעָ֤ם נָכֹ֣ון לִפְנֵיהֶ֣ם עִמָּ֑ם וְ֝צֶאֱצָאֵיהֶ֗ם לְעֵינֵיהֶֽם׃ Psaumes 17.14 Job 5.3-5.4 Job 20.10 Job 20.28 Job 18.19
⁹ בָּתֵּיהֶ֣ם שָׁלֹ֣ום מִפָּ֑חַד וְלֹ֤א שֵׁ֖בֶט אֱלֹ֣והַּ עֲלֵיהֶֽם׃ Psaumes 73.5 Job 9.34 Psaumes 73.19 Esaïe 57.19-57.21 Job 15.21
¹⁰ שֹׁורֹ֣ו עִ֭בַּר וְלֹ֣א יַגְעִ֑ל תְּפַלֵּ֥ט פָּ֝רָתֹ֗ו וְלֹ֣א תְשַׁכֵּֽל׃ Exode 23.26 Deutéronome 7.13-7.14 Psaumes 144.13-144.14 Deutéronome 28.11 Luc 16.19
¹¹ יְשַׁלְּח֣וּ כַ֭צֹּאן עֲוִילֵיהֶ֑ם וְ֝יַלְדֵיהֶ֗ם יְרַקֵּדֽוּן׃ Psaumes 127.3-127.5 Psaumes 107.41
¹² יִ֭שְׂאוּ כְּתֹ֣ף וְכִנֹּ֑ור וְ֝יִשְׂמְח֗וּ לְקֹ֣ול עוּגָֽב׃ Amos 6.4-6.6 Esaïe 5.12 Genèse 4.21 Esaïe 22.13 Genèse 31.27
¹³ יְכַלּ֣וּ בַטֹּ֣וב יְמֵיהֶ֑ם וּ֝בְרֶ֗גַע שְׁאֹ֣ול יֵחָֽתּוּ׃ Job 36.11 Luc 17.28-17.29 Luc 12.19-12.20 Matthieu 24.38-24.39 Psaumes 73.4
¹⁴ וַיֹּאמְר֣וּ לָ֭אֵל ס֣וּר מִמֶּ֑נּוּ וְדַ֥עַת דְּ֝רָכֶ֗יךָ לֹ֣א חָפָֽצְנוּ׃ Job 22.17 Proverbes 1.29 Romains 1.28 2 Thessaloniciens 2.10-2.12 Luc 8.28
¹⁵ מַה־שַׁדַּ֥י כִּֽי־נַֽעַבְדֶ֑נּוּ וּמַה־נֹּ֝ועִ֗יל כִּ֣י נִפְגַּע־בֹּֽו׃ Exode 5.2 Job 34.9 Malachie 1.13-1.14 Esaïe 45.19 Job 35.3
¹⁶ הֵ֤ן לֹ֣א בְיָדָ֣ם טוּבָ֑ם עֲצַ֥ת רְ֝שָׁעִ֗ים רָ֣חֲקָה מֶֽנִּי׃ Job 22.18 Psaumes 1.1 Job 12.9-12.10 Luc 16.2 Psaumes 49.6-49.7
¹⁷ כַּמָּ֤ה׀ נֵר־רְשָׁ֘עִ֤ים יִדְעָ֗ךְ וְיָבֹ֣א עָלֵ֣ימֹו אֵידָ֑ם חֲ֝בָלִ֗ים יְחַלֵּ֥ק בְּאַפֹּֽו׃ Job 18.5-18.6 Proverbes 13.9 Job 18.18 Proverbes 20.20 Psaumes 90.7-90.9
¹⁸ יִהְי֗וּ כְּתֶ֥בֶן לִפְנֵי־ר֑וּחַ וּ֝כְמֹ֗ץ גְּנָבַ֥תּוּ סוּפָֽה׃ Psaumes 1.4 Job 13.25 Psaumes 83.13 Psaumes 35.5 Esaïe 17.13
¹⁹ אֱלֹ֗והַּ יִצְפֹּן־לְבָנָ֥יו אֹונֹ֑ו יְשַׁלֵּ֖ם אֵלָ֣יו וְיֵדָֽע׃ Exode 20.5 Jérémie 31.29 Psaumes 54.5 Genèse 4.7 Deutéronome 32.41
²⁰ יִרְא֣וּ עֵינָ֣יו כִּידֹ֑ו וּמֵחֲמַ֖ת שַׁדַּ֣י יִשְׁתֶּֽה׃ Esaïe 51.17 Apocalypse 14.10 Psaumes 75.8 Apocalypse 19.15 Jérémie 51.7
²¹ כִּ֤י מַה־חֶפְצֹ֣ו בְּבֵיתֹ֣ו אַחֲרָ֑יו וּמִסְפַּ֖ר חֳדָשָׁ֣יו חֻצָּֽצוּ׃ Job 14.5 Psaumes 102.24 Job 14.21 Luc 16.27-16.28 Ecclésiaste 2.18-2.19
²² הַלְאֵ֥ל יְלַמֶּד־דָּ֑עַת וְ֝ה֗וּא רָמִ֥ים יִשְׁפֹּֽוט׃ Romains 11.34 1 Corinthiens 2.16 Esaïe 40.13-40.14 1 Corinthiens 6.3 Ecclésiaste 5.8
²³ זֶ֗ה יָ֭מוּת בְּעֶ֣צֶם תֻּמֹּ֑ו כֻּ֝לֹּ֗ו שַׁלְאֲנַ֥ן וְשָׁלֵֽיו׃ Psaumes 49.17 Job 20.22-20.23 Psaumes 73.4-73.5 Luc 12.19-12.21
²⁴ עֲ֭טִינָיו מָלְא֣וּ חָלָ֑ב וּמֹ֖חַ עַצְמֹותָ֣יו יְשֻׁקֶּֽה׃ Proverbes 3.8 Psaumes 17.10 Job 15.27
²⁵ וְזֶ֗ה יָ֭מוּת בְּנֶ֣פֶשׁ מָרָ֑ה וְלֹֽא־אָ֝כַ֗ל בַּטֹּובָֽה׃ Job 7.11 Ecclésiaste 6.2 Proverbes 14.10 Ezéchiel 4.16-4.17 Job 3.20
²⁶ יַ֭חַד עַל־עָפָ֣ר יִשְׁכָּ֑בוּ וְ֝רִמָּ֗ה תְּכַסֶּ֥ה עֲלֵיהֶֽם׃ Esaïe 14.11 Ecclésiaste 9.2 Job 20.11 Job 3.18-3.19 Job 17.14
²⁷ הֵ֣ן יָ֭דַעְתִּי מַחְשְׁבֹֽותֵיכֶ֑ם וּ֝מְזִמֹּ֗ות עָלַ֥י תַּחְמֹֽסוּ׃ Job 4.8-4.11 Psaumes 119.86 1 Pierre 2.19 Job 32.3 Luc 5.22
²⁸ כִּ֤י תֹֽאמְר֗וּ אַיֵּ֥ה בֵית־נָדִ֑יב וְ֝אַיֵּ֗ה אֹ֤הֶל׀ מִשְׁכְּנֹ֬ות רְשָׁעִֽים׃ Job 8.22 Job 20.7 Job 31.37 Zacharie 5.4 Psaumes 52.5-52.6
²⁹ הֲלֹ֣א שְׁ֭אֶלְתֶּם עֹ֣ובְרֵי דָ֑רֶךְ וְ֝אֹתֹתָ֗ם לֹ֣א תְנַכֵּֽרוּ׃ Psaumes 129.8
³⁰ כִּ֤י לְיֹ֣ום אֵ֭יד יֵחָ֣שֶׂךְ רָ֑ע לְיֹ֖ום עֲבָרֹ֣ות יוּבָֽלוּ׃ Proverbes 16.4 Job 20.28 2 Pierre 3.7 Psaumes 110.5 Nahum 1.2
³¹ מִֽי־יַגִּ֣יד עַל־פָּנָ֣יו דַּרְכֹּ֑ו וְהֽוּא־עָ֝שָׂ֗ה מִ֣י יְשַׁלֶּם־לֹֽו׃ Deutéronome 7.10 Galates 2.11 2 Samuel 12.7-12.12 1 Rois 21.19-21.24 Job 41.11
³² וְ֭הוּא לִקְבָרֹ֣ות יוּבָ֑ל וְֽעַל־גָּדִ֥ישׁ יִשְׁקֹֽוד׃ Luc 16.22 Ezéchiel 32.21-32.32 Psaumes 49.14
³³ מָֽתְקוּ־לֹ֗ו רִגְבֵ֫י נָ֥חַל וְ֭אַחֲרָיו כָּל־אָדָ֣ם יִמְשֹׁ֑וךְ וּ֝לְפָנָ֗יו אֵ֣ין מִסְפָּֽר׃ Hébreux 9.27 Job 30.23 Job 24.24 Ecclésiaste 1.4 Ecclésiaste 8.8
³⁴ וְ֭אֵיךְ תְּנַחֲמ֣וּנִי הָ֑בֶל וּ֝תְשֽׁוּבֹתֵיכֶ֗ם נִשְׁאַר־מָֽעַל׃ ס Job 16.2 Job 32.3 Job 42.7 Job 13.4