Job 19
Vulgate

Intervention n° 6 de Job

1 respondens autem Iob dixit
2 usquequo adfligitis animam meam et adteritis me sermonibus
Psaumes 6.2-6.3 Psaumes 13.1 Proverbes 18.21 Psaumes 42.10 Job 27.2
3 en decies confunditis me et non erubescitis opprimentes me
Genèse 31.7 Daniel 1.20 Job 19.17 Job 18.4-18.21 Néhémie 4.12
4 nempe et si ignoravi mecum erit ignorantia mea
Proverbes 9.12 Job 11.3-11.6 2 Corinthiens 5.10 Ezéchiel 18.4 Galates 6.5
5 at vos contra me erigimini et arguitis me obprobriis meis
Psaumes 35.26 Psaumes 38.16 Psaumes 55.12 Psaumes 41.11 Néhémie 1.3
6 saltim nunc intellegite quia Deus non aequo iudicio adflixerit me et flagellis suis me cinxerit
Job 18.8-18.10 Ezéchiel 12.13 Job 7.20 Ezéchiel 32.3 Job 16.11-16.14
7 ecce clamabo vim patiens et nemo audiet vociferabor et non est qui iudicet
Habakuk 1.2-1.3 Lamentations 3.8 Job 30.20 Job 9.24 Job 40.8
8 semitam meam circumsepsit et transire non possum et in calle meo tenebras posuit
Job 3.23 Lamentations 3.7 Lamentations 3.9 Osée 2.6 Jérémie 13.16
9 spoliavit me gloria mea et abstulit coronam de capite meo
Psaumes 89.44 Job 29.7-29.14 Psaumes 89.39 Lamentations 5.16 Job 29.20-29.21
10 destruxit me undique et pereo et quasi evulsae arbori abstulit spem meam
Job 24.20 Psaumes 37.35-37.36 Job 12.14 2 Corinthiens 4.8-4.9 Lamentations 2.5-2.6
11 iratus est contra me furor eius et sic me habuit quasi hostem suum
Job 13.24 Job 16.9 Job 33.10 Psaumes 90.7 Lamentations 2.5
12 simul venerunt latrones eius et fecerunt sibi viam per me et obsederunt in gyro tabernaculum meum
Job 30.12 Esaïe 51.23 Job 16.13 Esaïe 10.5-10.6 Job 16.11
13 fratres meos longe fecit a me et noti mei quasi alieni recesserunt a me
Psaumes 88.8 Psaumes 69.8 Psaumes 88.18 Psaumes 31.11 Job 16.7
14 dereliquerunt me propinqui mei et qui me noverant obliti sunt mei
Psaumes 38.11 2 Samuel 16.23 Jérémie 20.10 Michée 7.5-7.6 Psaumes 55.12-55.14
15 inquilini domus meae et ancillae meae sicut alienum habuerunt me et quasi peregrinus fui in oculis eorum
Job 31.31-31.32 Psaumes 123.3
16 servum meum vocavi et non respondit ore proprio deprecabar illum
Job 1.15-1.17 Job 1.19
17 halitum meum exhorruit uxor mea et orabam filios uteri mei
Job 17.1 Job 2.9-2.10
18 stulti quoque despiciebant me et cum ab eis recessissem detrahebant mihi
2 Rois 2.23 Job 30.1 Job 30.12 Esaïe 3.5
19 abominati sunt me quondam consiliarii mei et quem maxime diligebam aversatus est me
Psaumes 41.9 Psaumes 55.12-55.14 Luc 22.48 Psaumes 38.11 Psaumes 55.20
20 pelli meae consumptis carnibus adhesit os meum et derelicta sunt tantummodo labia circa dentes meos
Psaumes 102.5 Lamentations 4.8 Job 33.19-33.22 Lamentations 3.4 Psaumes 102.3
21 miseremini mei miseremini mei saltim vos amici mei quia manus Domini tetigit me
Job 1.11 Psaumes 38.2 Romains 12.15 Job 2.10 Job 6.14
22 quare persequimini me sicut Deus et carnibus meis saturamini
Psaumes 69.26 Esaïe 51.23 Job 16.11 Job 10.16 Job 31.31
23 quis mihi tribuat ut scribantur sermones mei quis mihi det ut exarentur in libro
Esaïe 30.8 Esaïe 8.1 Job 31.35
24 stilo ferreo et plumbi lammina vel certe sculpantur in silice
Jérémie 17.1 Exode 32.16 Exode 28.21 Deutéronome 27.2-27.3 Deutéronome 27.8
25 scio enim quod redemptor meus vivat et in novissimo de terra surrecturus sim
Esaïe 43.14 Esaïe 54.5 Proverbes 23.11 Psaumes 19.14 Psaumes 78.35
26 et rursum circumdabor pelle mea et in carne mea videbo Deum
Psaumes 17.15 1 Jean 3.2 1 Corinthiens 13.12 Matthieu 5.8 Psaumes 16.9
27 quem visurus sum ego ipse et oculi mei conspecturi sunt et non alius reposita est haec spes mea in sinu meo
Psaumes 73.26 Esaïe 26.19 Nombres 24.17
28 quare ergo nunc dicitis persequamur eum et radicem verbi inveniamus contra eum
Job 19.22 Psaumes 69.26 1 Rois 14.13
29 fugite ergo a facie gladii quoniam ultor iniquitatum gladius est et scitote esse iudicium
Job 22.4 Romains 13.1-13.4 Ecclésiaste 11.9 Jacques 4.11-4.12 Ecclésiaste 12.14